教育王國

標題: 我個女有學習障礙咁. 我好唔開心!! [打印本頁]

作者: 香香 時間: 09-7-28 16:30 標題: 我個女有學習障礙咁. 我好唔開心!!

提示: 作者被禁止或刪除內容自動屏蔽

作者: sumheima 時間: 09-7-28 19:24

原帖由香香於 09-7-28 16:30 發表
心情受到打擊咁. 人地唔明白. 我成日覺得自已個女有問題. 但一般人不認同.

佢做事好唔專心咁. 上堂八掛既野佢就聽到. 有時問佢今日食咩. 佢都答唔知. 去學小廚師. 問佢今日煮野食又答唔知. 但佢話可可片落5克. 佢 ...

唔駛唔開心,妳小朋友甘細,將來有許多變數!
好似我女幼稚園讀一間愉快學習既,最初升小一選了間完全學習型的小學,以為慢慢比佢進步;點知學校唔等人,小一已要求去返早放妟的補習班;由半天幼稚園剛上全日小學,真係大人都識應唔到.都有懷疑過是否讀障,check過唔係,之後轉左校,現在都算不錯,熱愛看書,尤其是英文小說.所以不要甘早定一個小朋友的能力!放鬆一些,不要常和人比較,每個人的成長進程都不一樣!!

作者: monteazul 時間: 09-7-28 22:58

如果真係擔心就掛政府ｃｈｅｃｋ下吧我都係咁

原帖由香香於 09-7-28 16:30 發表
心情受到打擊咁. 人地唔明白. 我成日覺得自已個女有問題. 但一般人不認同.

佢做事好唔專心咁. 上堂八掛既野佢就聽到. 有時問佢今日食咩. 佢都答唔知. 去學小廚師. 問佢今日煮野食又答唔知. 但佢話可可片落5克. 佢 ...

作者: 大隻father 時間: 09-7-28 23:46

Hi :

Don'gt be afraid ! God always blessing you !

I have two sons with such problem but I always happy with my wife

I think this event may be useful for you 幸福家庭努力試」分享會

最近，「天地會」欣聞陳敏兒姊妹 ( 前資深藝人 ) 創立了「家長匯集」機構，教導家長育兒良方，特誠邀敏兒姊妹參加 8 月 23 日的聚會，分享其在個人成長、照顧家庭及育兒等各方面心得。此活動是公開的，對象為育有特殊需要兒童的家長，非本會的朋友參加亦無任歡迎。

[ 本帖最後由大隻father 於 09-7-28 23:48 編輯 ]

作者: anan3388 時間: 09-7-29 10:59

原帖由香香於 09-7-28 16:30 發表
心情受到打擊咁. 人地唔明白. 我成日覺得自已個女有問題. 但一般人不認同.

佢做事好唔專心咁. 上堂八掛既野佢就聽到. 有時問佢今日食咩. 佢都答唔知. 去學小廚師. 問佢今日煮野食又答唔知. 但佢話可可片落5克. 佢 ...

如果你真係擔心既, 帶佢去檢查, 找下專家意見

但無論佢係咪有問題, 若只係睇住佢既缺點, 唔會幫到佢進步~反而若你真心欣賞佢既優點, 佢會越黎越進步~

你話佢八卦, 其實轉個角度, 佢可能係有一顆心去關心別人, 但未知道點去表達呢? 若你改變你對佢既睇法, 佢都會隨之而改變...

你黎得呢板呻, 你都見到幾多父母既子女有唔同既問題, 我諗大家用咩態度先 work, 你都吸收到的吧

唔開心既親子關係對大家都無好處 ga~ 試諗下點令大家都開心 d 啦~

作者: monteazul 時間: 09-7-29 12:57

係呀! 找出正確方法才可以help her.

原帖由 anan3388 於 09-7-29 10:59 發表

如果你真係擔心既, 帶佢去檢查, 找下專家意見

但無論佢係咪有問題, 若只係睇住佢既缺點, 唔會幫到佢進步~反而若你真心欣賞佢既優點, 佢會越黎越進步~

你話佢八卦, 其實轉個角度, 佢可能係有一顆心去關心別人, 但 ...

作者: apple~y 時間: 09-7-29 13:24

我仔仔22個月大,健康院醫生話發展遲緩
排去政府等評估

當時我都有問健康院醫生仔仔有無可能自閉症
醫生就話唔覺得係
因為見醫生時我仔仔係0甘望住醫生,仲同醫生笑
平時玩具樣樣都玩0下,性格唔固執
不過仔仔理解,認知,表達,語言都差
22個月仲係BB話,有意思單字未有
小肌肉都差,拿筆畫唔到直線,最多疊到2至3粒積木
但就可以自己拿spoon"不"飯,"不"生果

出去私人評估,訓練0甘貴
我呢0的普通家庭負擔有點吃力
正如我朋友話(我朋友係做幼兒教育),有這些問題出去私人評估,訓練就係用錢買時間

我都有喊過,覺得自己好無用,係0甘問自己係咪唔識教
身邊朋友BB都無呢個問題
細個我仔仔幾個月,能力都好過我仔仔好多倍
現在時時請教我朋友點可以幫到我仔仔
我朋友都好好,唔怕我煩好有耐性同我分析
又提議0左好多方法比我教仔仔

係呢度好多媽媽都會遇到唔同問題
總之大家都要努力

作者: 香香 時間: 09-7-29 17:38

提示: 作者被禁止或刪除內容自動屏蔽

作者: 香香 時間: 09-7-29 17:42

提示: 作者被禁止或刪除內容自動屏蔽

作者: 香香 時間: 09-7-30 17:14

提示: 作者被禁止或刪除內容自動屏蔽

作者: anitawong21 時間: 09-7-31 14:32

原帖由香香於 09-7-30 17:14 發表
今日打番去叫佢自已搵兩頁識做既暑期作業做. 佢打黎同我講. 睇晒成本自己都無頁識做. :sigh:

我好想鬧佢. 好想喊. 點解佢咁死蠢. :pity: 我朋友個女k2作業佢都係自已做. 其實好多時看圖識字. 我個女就唔鐘意思考咁 ...

o甘似我個女，到底妳小朋友幾多歲？

作者: 香香 時間: 09-7-31 16:52

提示: 作者被禁止或刪除內容自動屏蔽

作者: anitawong21 時間: 09-7-31 17:18

原帖由香香於 09-7-31 16:52 發表
6YR. 今年升小一.

連興趣班都好似無心上咁.

同我個女一樣大！但我唔覺妳個女蠢，好似找籍口唔想做功課，我個又係，鬧住就識做！

妳知唔知等政府做評估要等幾耐？如果負擔到不如先找私家做左先，因為上小一都幾煩。

作者: 香香 時間: 09-8-1 09:24

提示: 作者被禁止或刪除內容自動屏蔽

作者: MARSTEN 時間: 09-8-1 13:24

我覺得你個女有讀寫障礙同專注力失調,快d做評估啦~唔好成日話佢蠢,佢都唔想架

作者: anan3388 時間: 09-8-2 13:50

無論你個女有無問題, 要幫到佢既唔係乜專家, 而係你自己~ 評估左有咩問題只係一個開始, 個專家可能俾到意見佢係欠缺乜能力, 邊方面weak左, 但始終係父母要適整自己對兒女既態度同方法, 先可以真正幫到佢~

介紹兩本書俾你睇:
1. 何說孩子才會聽怎樣聽孩子才肯說
2. 史賓塞的快樂教育

作者: 香香 時間: 09-8-3 15:29

提示: 作者被禁止或刪除內容自動屏蔽

作者: angelprincess 時間: 09-9-22 18:01

我個女都係有少少, 好細個讀幼稚園嘅時候, 佢舅父已經話佢可能有讀寫障礙, 因為呀女所有數目字同好多中文字, 英文字母都會左右調轉寫, 又記唔到字, 其實我都好唔開心架. 不過原來呢啲都有天生架, 佢可能遺傳咗我老公. 不過, 而家唔係講呢個遺傳嘅問題.  我個女而家已經5年班啦, 佢仲喺一間幾好嘅小學讀書, 我都唔望佢可以考到band1嘅學校, 佢可以去到一間校風好嘅中學就得架啦.
其實去政府做評估都試過, 但係佢地始終唔係個小朋友嘅父母, 任你點講佢地都唔會覺得個事態係有幾嚴重, 因為佢地唔係個小朋友嘅父母, 佢地唔係由朝到晚見到你個小朋友, 所以最可以幫到個小朋友係你自己.
我個小朋友佢係一個對理解好有問題嘅小孩, 佢之前左右調轉字體嘅問題, 可能隨著年紀漸大而好番, 但係喺理解同解決問題方面就完全唔得. 條問題明明比佢做咗幾次, 係一模一樣, 明明昨天係識嘅, 今日就好似失憶咁. 不過, 個醫生都話因為佢個case係marginal case, 所以唔好另到佢覺得佢真係有問題, 再做埋好多好多嘅評估同測驗只會令佢失哂信心. 所以我就冇再去政府到繼續做測驗啦.
最重要嘅都係我地做父母點去對待個小朋友, 以前我會好嬲好激氣咁鬧佢, 話佢點解咁都唔識, 但係我發覺係冇用嘅, 我自己又勞氣(仲攪到自己病咗), 呀女又冇哂信心, 又唔開心. 所以我已經冇乜鬧佢啦. 每一次忍唔著嘅時候就深呼吸, 停一陣, 要自己話比自己聽佢係有啲唔同, 要慢慢嚟, 同埋要多啲稱讚佢, 要鼓勵佢.  同埋盡量由你自己去同佢溫書, 教佢功課, 因為係你先至最了解佢嘅問題喺邊, 需然你會辛苦啲, 但係冇辦法, 我都係一個要返工嘅媽媽, 唯有放工即刻返屋企教佢, 咁你先知佢讀書嘅問題喺邊.
我個女由小一開始最驚係英文科, 到而家最鐘意係英文科係可能成日鼓勵佢嘅關係 (可能佢學校教學語言係英文都會有關係), 佢而家數學都鐘意啦, 係中文會有時唔合格. 我覺得佢而家已經進步咗好多, 我覺得呢啲小朋友係真係要比多啲時間佢, 幫佢, 對我嚟講, 我真係每一分每一秒同比哂佢, 佢知道媽咪辛苦, 佢就會有另外一股動力去努力, 只不過佢要比人地付出嘅時間係多幾倍, 但係要比佢知, 佢盡咗力就得架啦.  我唔知點講, 不過你付出咁多, 你個小朋友係會知架, 只要你耐心啲(係要非常之有耐性)咁教佢, 佢應該係會接收到嘅.

原帖由香香於 09-8-3 15:29 發表
我唔知點幫助到佢. 大家有無方法或見意對侍佢呢.

作者: flostangraphy 時間: 09-9-23 18:41

hey angelprincess!!
longtime no see!! how are you doing?
hey my son write letters in mirror as well. he is 5 now, however, after my wife (she is not a doctor... ) it's happen with a lot of children!
it's very common and it's no need to make any assumption with it. it seems because their brain is still in process of development and not totally accorded with their vision yet.

香香,
其實對小朋友唔雖要太執著. 重咁個! 我覺應該發起佢既好奇心.咁佢自已就自然想知多d!
多d將事物,文字,日常生活連帶關係,可以幫助聯想同記住. 要用正面既方法比壓力小朋友同比佢知道你係企你佢個邊,係為他著想,同用佢既立場去諗...
例如話: 囡囡,我知你本作業可能好多都好難做.你可做得幾多得幾多, 但係如果你做得多, 我會獎你! (通常我地都會獎仔仔一張填色公仔紙, 佢己經好開心!)
我個人認為家長最易錯係同人地比較....人地細路可以做到乜,我個細路都要做到乜...呢樣野係好易走火!要知道個個人發育,發展既方向同速度都唔同.
我個人認為!!! 想方法令小朋友開心係令佢身心發展最安全有效既途經.
wahoo.... never write so many chinese.... just share personal opinions, may not suitable for everyone, but hope this help!

原帖由 angelprincess 於 22/9/2009 18:01 發表
我個女都係有少少, 好細個讀幼稚園嘅時候, 佢舅父已經話佢可能有讀寫障礙, 因為呀女所有數目字同好多中文字, 英文字母都會左右調轉寫, 又記唔到字, 其實我都好唔開心架. 不過原來呢啲都有天生架, 佢可能遺傳咗我老公 ...

作者: angelprincess 時間: 09-9-24 14:02

Hi, Flostangraphy,

Long time no see too. I'm very surprised that you are here too. Yes. My daughter may have some kinds of 讀寫障礙, but just as the doctor have said, she may be a marginal case, don't let her think that she is so serious and made her lost her confidence. I'm very happy that my daughter has joined TSL, it's really a very good school. (SORRY, 要變番中文, English is not as good as our 'E-Principal') 我好慶幸呀女係早幾年入讀, 因為當年嘅申請人數只係大約1,200人左右, 如果係而家, 佢一定入唔到. 其實當年考嘅只係幾條好簡單嘅英文同埋一齊玩一個砌圖遊戲, 仲有個人表演咁, 我個女就自選跳舞嚟表現 (因為佢好鐘意跳芭蕾舞, 我個女就話其他小朋友只係表現朗誦, 小樂器等), 玩砌圖嘅時候其實我個女係唔夠人爭嚟砌, 因為係一個group去砌嘅, 不過所有小朋友玩完嘅時候, 佢就埋去將個砌圖合番整整齊齊, 可能就係佢咁做嘅原因, 老師覺得佢比較細心掛, 同埋佢自選嘅表演係佢最喜愛嘅活動, 所以佢好投入, 再加埋佢幼稚園嘅成績都好好, 我諗呢啲就係佢入到呢間學校嘅原因. 所以, 我覺得你個仔再加埋你呢個咁關心子女嘅爸爸, 你個仔一定入到嘅, 唔駛擔心.
我個女已經5年班啦, 所以我就真好擔心, 其實佢入咗呢間學校之後, 佢都變咗好多, 佢由以前唔敢出聲變到而家代表同學去出聲, 同埋需然佢有些少讀寫障礙, 但係我覺得佢已經進步咗好多好多, 不過可能我要付出嘅時間同心機就要比人更加多, 但係見到佢進步咗咁多, 我就乜嘢辛苦都會唔記得哂. 其實呀女佢都好努力好乖, 只不過係呢種障礙令到佢要比其他小朋友付出更加多時間, 其實佢都好明白我, 所以都發覺佢愈大愈乖, 真係老懷安慰

希望大家繼續努力!祝你個小王子可以入到好學校

原帖由 flostangraphy 於 09-9-23 18:41 發表
hey angelprincess!!
longtime no see!! how are you doing?
hey my son write letters in mirror as well. he is 5 now, however, after my wife (she is not a doctor... ) it's happen with a lot of children! ...

作者: angelprincess 時間: 09-9-24 16:36

香香,

正如我個女一樣, 我都知佢係有讀寫障礙, 但係個評估員就話佢就算係, 都係marginal case, 所以唔好同佢做太多嘅評估又或者治療, 另佢覺得佢係差過人 (需然佢都知), 要比佢建立信心.
其實每個小孩子都會有佢叻嘅一面, 需然我個女讀書唔叻, 但係佢喺藝術方面就好好, 佢好鐘意畫畫, 跳芭蕾舞, 中國舞, 唱歌, 黏土同陶瓷等等, 佢有時喺呢幾方面有啲嘢可以無師自通, 真係有時覺得自己個女都幾叻架, 佢學呢啲嘢嘅時候就會好專心, 又唔怕辛苦, 跳舞嘅時候, 有時需然啲姿勢會令佢好痛, 但係佢都識講話佢會忍受呢啲痛楚云云, 如果佢讀書係咁就好啦.
我個女讀幼稚園時已經時時將啲英文字母, 全部數目字同中文字左右掉轉寫, 可能而家大個咗, 就冇咗呢樣嘢.  我個女喺理解方面係好差架, 連記性都係 (只係讀書, 激死), 明明呢幾日都係比一模一樣嘅數比佢做, 明明前日同昨日都識, 今日就好似失憶咁.  有陣時我覺得佢連2, 3年班嘅數都會唔識 (佢今年5年班啦, 點算), 其實佢又有時明白條數講乜, 佢就係諗極都諗唔到點做, 好似失咗憶同塞著咗, 但係有時佢又可以跳咗幾個step去到個答案到, 我仲以為佢做漏steps計錯數. 就算佢知道條式, 又會計錯, 就算計啱, 又會抄錯答案, 你話係咪嘔血.
以前佢細啲嘅時候, 我會鬧佢, 但係而家就好少, 因為知道係冇用, 佢都唔想, 我唯有深呼吸, 停一陣先至教佢.  不過佢可能真係大咗, 佢呢兩年我覺得佢進步咗, 可能係因為佢大啲, 知道讀書嘅重要, 佢2, 3年班嘅時候已經同我講過佢大個要入演藝學院.  我知道佢其實係好辛苦, 因為佢要比正常嘅小朋友付出更多時間同心機, 佢又係唔可以好專心溫習嘅人, 佢係溫15分鐘左右就要去行吓嘅人.  但係我同自己講, 如果我放棄佢嘅話, 就唔會有人幫到佢, 因為其實最了解佢嘅係我地, 就算有醫生幫佢醫, 佢地都唔會真正明白佢嘅需要.
佢地係最需要我地嘅鼓勵, 我每次讚佢叻嘅時候, 佢都會好開心, 會更加專心同做得好, 我通常會輕輕拍吓佢個頭, 佢會好鐘意, 知道媽咪鼓勵緊佢.  佢鐘意我坐佢旁邊陪佢做功課同溫書, 因為佢會覺得有人陪佢一齊作戰.  同埋我覺得呢類小朋友, 同佢溫書嘅時候係唔可以照書讀或者解釋, 因為你點講佢都唔會明, 但係當你將啲問題圖畫化或者將啲溫習內容戲劇化咁講比佢地知, 佢地就會好快明白同記到, 不過我地就會辛苦啲.  我個女就係咁, 所以我覺得係work架.
講咗太多廢話啦, 大家唔好見怪.  希望大家一齊努力, 我個女都識得同我講: 希望在明天!  佢地而家唔得, 唔係代表將來都係咁, 我深信我將來會以呀女為榮.

原帖由香香於 09-8-3 15:29 發表
我唔知點幫助到佢. 大家有無方法或見意對侍佢呢.

作者: flostangraphy 時間: 09-9-24 19:00

angelpriness,
really clicked here by mistake actually and see you.
rarely see you in the forum of TSL nowadays!
I have applied TSL for our son and now, let's see if he is lucky enough to get in, as you may know, 3000 candidates this year.... even more than DBS and St Paul co-ed....

原帖由 angelprincess 於 24/9/2009 14:02 發表
Hi, Flostangraphy,

Long time no see too. I'm very surprised that you are here too. Yes. My daughter may have some kinds of 讀寫障礙, but just as the doctor have said, she may be a marginal case, d ...

作者: BEST_DAD 時間: 09-9-28 04:49

An IT expert Gary McKinnon from London has been accused by US that he hacked into US military system. He started writing computer programs when he was 14. While most youngsters used it to play computer games, he created graphics and wrote programs. Bear in mind, he was diagnosed with Autism and learning difficulty when he was a child.
Your child may just need some special learning pattern rather than the ordinary way. He may learn ABC slower than other children but he possible is a musician, sportsman or possible an IT expert which you never know. I have been told most of geniuses have their mind, they cannot communicate with the world easily. Once you find the right way for them, they will be another super star tomorrow.

作者: lammui 時間: 09-9-28 12:41

Dear all,

請問你們的小朋友是否右腦發展得比左腦好? 因我睇過一文章說

讀寫障礙的人的右腦比左腦發展得好一些 (不知我有沒有理解錯)

我囡囡現在 3歲 2 個月, 她用左手多一些 , 喜歡音樂 ,不知是否我經常給音樂她聽

她左右手都分不到 ,有時答錯, 有時答對, 我睇得出她時估的, 唔 sure

但我叫她 spelling 些英文生字, 有 d / b, 她都 ok.

請問讀寫障礙的成因是否先天?

作者: angelprincess 時間: 09-9-28 13:57

Hi, Lammui,

我個女都係用左手架, 佢所有嘢都係用左手除咗揸mouse. 佢喺畫畫, 音樂同跳舞等等藝術方面嘅嘢都好好, 但係讀書就真係嘔血架. 你個女已經好好, 我個女以前寫啲英文字母差唔多全部都左右掉轉. 不過佢而大咗, 呢樣嘢都改善咗好多, 已經冇乜啦, 但係喺理解同接收知識方面就真係要用好多好多嘅時間. 其實如果你想了解多啲, 有好多website都會有講架, 因為讀寫障礙其實有好多不同範圍. 你可以睇睇佢會唔會係其中一樣. 不過你唔好緊張, 可能你個女佢係冇嘢架. 我睇過一個website都講得好詳盡, 一陣間check到就再話你知.

原帖由 lammui 於 09-9-28 12:41 發表
Dear all,

請問你們的小朋友是否右腦發展得比左腦好? 因我睇過一文章說
讀寫障礙的人的右腦比左腦發展得好一些 (不知我有沒有理解錯)我囡囡現在 3歲 2 個月, 她用左手多一些 , 喜歡音樂 ,不知是否我經常給音樂她聽 ...

作者: angelprincess 時間: 09-9-28 14:03

Hi, Best_Dad,

Do agree with you. Every child has her talent. Don't just only focus on their academic. Many famous persons also had some problems in learning in their early childhood. We should find out their potential and help them to develop it.

原帖由 BEST_DAD 於 09-9-28 04:49 發表
An IT expert Gary McKinnon from London has been accused by US that he hacked into US military system. He started writing computer programs when he was 14. While most youngsters used it to play compute ...

作者: lammui 時間: 09-9-28 15:29 標題: 回覆 26# angelprincess 的文章

Hi angelprincess

我囡囡不是所有用左手, 如拿筷子, 筆, 玩具球拍等都是用右手, (唔知係唔係
一開始我們教她用右手), 但如用手拿東西食, 水杯等都會用左手
想請問你記唔記得你小朋友 3 歲多時的情況是怎樣? 謝謝

作者: angelprincess 時間: 09-9-28 16:40

Hi, Lammui,

呀女由細到大一直都係全用左手, 佢讀幼稚園嘅時候, 我都問過佢老師要唔要轉番用右手, 佢老師話唔需要, 唔好夾硬轉, 可能對佢冇咁好.  其實我都曾經嘗試過同佢轉, 但係呀女話隻右手冇乜力, 所以唯有放棄.  不過其實我覺得用左手寫字其實都可以好靚, 因為我個女都可以, 只不過係隻手會好dirty同埋揸較剪會麻煩啲, 其他都冇乜問題.

啲人話用左手嘅人特別聰明, 但係我就唔覺. 因為我個女唔係.  其實用右腦多嘅人應該係藝術, 創作同語言方面會好啲, 因為右腦係呢啲嘢比較發達, 唔係學術方面.  所以我個女嘅學校成績唔係太好(可能佢啲同學成績太好啦, 比較起上嚟佢會差啲, 例如佢數學測驗有80分, 但係都係嗰班最低分嘅, 唉!), 同埋我個女有少少讀寫障礙 (需然係marginal case), 所以佢同我都要付出好多時間.  但係, 好似BEST_DAD話齋, 我深信我個女一定會令我自豪, 因為佢有佢其他叻嘅地方, 而且佢都好努力.

其實你個女可能真係冇乜嘢架, 唔好咁擔心.  我可以同你share多啲經驗.  我以前都唔開心架, 但係而家放開咗, 覺得呢個係事實, 而家要做嘅就係點樣去幫個女, 鼓勵佢, 多啲鼓勵佢係得架, 要令到佢有自信.  我以前成日鬧個女架, 成日覺得點解人地做得到, 點解佢做唔到, 攪到佢好唔開心, 冇哂自信, 我自己又唔開心.  但係而家我盡量唔會咁做, 仲多啲鼓勵佢, 真係得架, 我都發覺佢真係進度咗好多架.  希望呢啲可以幫到你少少啦.

原帖由 lammui 於 09-9-28 15:29 發表
Hi angelprincess

我囡囡不是所有用左手, 如拿筷子, 筆, 玩具球拍等都是用右手, (唔知係唔係
一開始我們教她用右手), 但如用手拿東西食, 水杯等都會用左手
想請問你記唔記得你小朋友 3 歲多時的情況是怎樣? 謝謝 ...

作者: lammui 時間: 09-9-28 17:12 標題: 回覆 29# angelprincess 的文章

Hi angelprincess,

thanks a lot!!

作者: BEST_DAD 時間: 09-9-29 04:28

我老婆係BBC, 佢話佢地讀書要到中學才有家課,平時互動學習,佢話佢地不注重書本,老師用有趣生動帶領去学新事物. 香港太注重成積考試,家長刻意要子女去学呢樣嗰樣... 太大壓力可能對小朋友帶來恐懼感...

作者: angelprincess 時間: 09-9-29 09:36

係呀~ 我都發覺當我照著本書同個女溫書嘅時候, 佢好難入腦, 但係當我用遊戲嘅形式教佢嘅話, 佢就會好快明白, 真係要好活動嘅教學方法至得. 不過我地就要成日諗方法lor~

原帖由 BEST_DAD 於 09-9-29 04:28 發表
我老婆係BBC, 佢話佢地讀書要到中學才有家課,平時互動學習,佢話佢地不注重書本,老師用有趣生動帶領去学新事物. 香港太注重成積考試,家長刻意要子女去学呢樣嗰樣... 太大壓力可能對小朋友帶來恐懼感... ...

歡迎光臨教育王國 (/)