教育王國

標題: 藍田靈糧堂幼稚園離譜的搬校事宜 [打印本頁]

作者: 伊布都 時間: 09-7-21 09:10 標題: 藍田靈糧堂幼稚園離譜的搬校事宜

我係09-10年度藍田靈糧堂幼稚園入學的家長

7月20日我收到學校寄來的e-mail，表示會向所有學生家長收集意見，如果係認同的話，就會響09-10年度﹙9月開課﹚將校舍由藍田啟田村轉往麗港城，兩者相差路程，搭車隨時要十分鐘！因為根本係響兩個唔同地區

但我響選擇呢間學校、到小朋友面試、到成功申請、早陣子拎埋校服，都已經有幾個月甚至更多時間，但校方一直無講過會搬校舍的問題，而依家如果成事的話，話搬就搬得咁急，我認為校方係想製造一個既定事實出來，試想一下，搬校舍係涉及有新地址、裝修、校車編配等事宜，但竟然可以話搬就搬，簡直係匪夷所思！

我響呢度想搵一下有冇現時係藍田靈糧堂幼稚園、下年度升k2 or k3的家長，你地響上年度知唔知呢件事即將發生？而09-10年度入讀k1的家長，響7月20日前又知唔知呢件事呢？

因為我揀呢間學校時係因為方便我的親戚接送，依家如果由藍田轉到麗港城，好多問題要響短時間內要解決，如果佢地一早計畫搬校舍的話，我根本係唔會揀呢間學校，依家我覺得校方係蓄意隱瞞事件，而我又畀晒學券畀校方、校服又買晒，如果依家先諗轉過第二間，幾乎係無可能！

極度煩惱及憤怒，如有同路人，希望可以聯手向校方施壓！

作者: lafayette 時間: 09-7-21 13:13

麗港城仲有地點可以辦幼園咩? 邊間唔做?

學校咁遲通知係有唔啱, 但如果長遠計, 環境改善左, 設備好左, 仍對該集團有信心, 是否可考慮?

如果考慮就近入學, 可以試下圓玄或飛雁

原帖由 伊布都 於 09-7-21 09:10 發表
我係09-10年度藍田靈糧堂幼稚園入學的家長

7月20日我收到學校寄來的e-mail，表示會向所有學生家長收集意見，如果係認同的話，就會響09-10年度﹙9月開課﹚將校舍由藍田啟田村轉往麗港城，兩者相差路程，搭車隨時要十分鐘！因為根本係 ...

作者: 伊布都 時間: 09-7-21 13:18

問題係昨日通知九月開學就轉地址…即係校方係有預謀咁做…做事咁陰陰濕濕…就算長遠再好，對家長都係好唔公平，呢點係唔能夠抹煞

另外今日問過校方，有職員隱喻咁話，其實只係假諮詢，根本已經肯定會轉校舍！

實在係離譜！

作者: skchiu 時間: 09-7-21 14:22

係咪去咗以前日本國際學校個位, 據知間日本國際學校已經冇咗!

原帖由 lafayette 於 09-7-21 13:13 發表
麗港城仲有地點可以辦幼園咩? 邊間唔做?

學校咁遲通知係有唔啱, 但如果長遠計, 環境改善左, 設備好左, 仍對該集團有信心, 是否可考慮?

如果考慮就近入學, 可以試下圓玄或飛雁

...

作者: 伊布都 時間: 09-7-21 14:37

剛剛從校方得到回覆，話如果退學的話係可以退回所有費用…但作為一個基督教學校，如果話有一間新而大的校園而蒙恩，但係完全忽略家長的期盼及需要，佢呢d見證根本係建基於信任呢個學校的家長的痛苦之中，呢d真係感恩？

另外，錢係可以退，但學位又點樣處理，距離開學個多月，你想搵一個心儀而就腳的學校係非常困難，校方又有冇諗過呢個問題？受影響家庭又有冇關顧到呢？

凡此種種，都希望校方有一個交代！

作者: annpan 時間: 09-7-21 17:13

原帖由 skchiu 於 09-7-21 14:22 發表
係咪去咗以前日本國際學校個位, 據知間日本國際學校已經冇咗!

係呀！剛剛去睇完，什麼都沒有！怎可能裝修趕得到9月開學? 係就係地方大d！但裝修完好大味！唔想小朋友上課時聞到！

作者: joelyau 時間: 09-7-21 23:41

學校咁遲出聲真的唔係咁好, 但認真相一下, 搬遷校舍對小朋友是有利的, 為何要反對呢 ~
作為父母, 相信都希望小朋友能在一個環境好又有大的活動空間校舍上學, 個仔返學返得開心, 父母辛苦些都無計啦 ~

作者: 伊布都 時間: 09-7-21 23:42

成件事就係咁急就章，我最希望唔好係校方挾學校的名氣而令家長就範，咁樣的學校、仲要係基督教學校，真係好不知所謂

其實靈糧堂都算得上係大，何不延遲半年到一年先至遷校？呢個咁倉卒的決定更加凸顯校方行政及管理差勁

再者，咁趕急要遷校，明知係會有好大反差，時間又好難容許搵過第二間，校方係咪諗住買時間令家長屈服？

當我有傾向，我認為校方已經將遷校變成既定事實，只係冠冕堂皇式的製造民意

小朋友當然緊要，他們的前途就繫於幼稚園讀邊間及其成績，但校方這種接近挾持的處事手法，實在令人失望

作者: 伊布都 時間: 09-7-21 23:46

原帖由 joelyau 於 09-7-21 23:41 發表
學校咁遲出聲真的唔係咁好, 但認真相一下, 搬遷校舍對小朋友是有利的, 為何要反對呢 ~
作為父母, 相信都希望小朋友能在一個環境好又有大的活動空間校舍上學, 個仔返學返得開心, 父母辛苦些都無計啦 ~ ...

我相信的係邊個人睇邊個角度，的確小孩子有一個更好的學習環境係好事，如果係父母辛苦一點的確係無可厚非，但每個家庭的case都唔同，某些case好可能令人完全失去預算，甚至被逼轉校；某些case的影響唔止父母，而係父母的父母，自己都係為人子女，又係咪忍心令自己父母「辛苦些」？

作者: JKTL 時間: 09-7-22 10:39

估唔到又一個case
同中環聖公會幼稚園要搬到畢拉山相同,又係唔通知家長
我o地係誇二區讀~~~~

原帖由 伊布都 於 09-7-21 23:46 發表

我相信的係邊個人睇邊個角度，的確小孩子有一個更好的學習環境係好事，如果係父母辛苦一點的確係無可厚非，但每個家庭的case都唔同，某些case好可能令人完全失去預算，甚至被逼轉校；某些case的影響唔止父母，而係父母的父母，自己 ...

[ 本帖最後由 JKTL 於 09-7-22 10:49 編輯 ]

作者: myww 時間: 09-7-22 10:44

我係前藍田靈糧幼稚園家長! 如果藍田靈糧幼稚園真係能搬去一間又新又大, 設備又完善的幼稚園, 我真係替孩子和家長們高興!!

以前我們(前藍田靈糧幼稚園的家長們)都不知幾想藍田靈糧幼稚園能搬校.

我明白這事情上對某些家長可能會帶來不便.
但是, 從另外一個角度來看, 最大得益的始終是自己的孩子!

作者: JKTL 時間: 09-7-22 10:48

我估應該都係一個打手派出來講o野..

藍田靈糧幼稚園家長..你o地都唔好放棄!!
搬校唔係一件簡單既事.點可能話臨時先知道要搬.當家長係傻o既..............

原帖由 myww 於 09-7-22 10:44 發表
我係前藍田靈糧幼稚園家長! 如果藍田靈糧幼稚園真係能搬去一間又新又大, 設備又完善的幼稚園, 我真係替孩子和家長們高興!!

以前我們(前藍田靈糧幼稚園的家長們)都不知幾想藍田靈糧幼稚園能搬校.

我明白這事情上對 ...

[ 本帖最後由 JKTL 於 09-7-22 10:57 編輯 ]

作者: myww 時間: 09-7-22 12:13

原帖由 JKTL 於 09-7-22 10:48 發表
我估應該都係一個打手派出來講o野..

藍田靈糧幼稚園家長..你o地都唔好放棄!!
搬校唔係一件簡單既事.點可能話臨時先知道要搬.當家長係傻o既..............

...

其實我唔知甚麼是'打手派'!
我只是作個人的分享!
事實上幼稚園搬唔搬都唔關我事!
或許我唔應該多些一舉!!
抱歉打擾晒.

作者: lafayette 時間: 09-7-22 12:36 標題: 回覆 12# JKTL 的文章

唔係架!件事有小小唔同!

佢同畢拉山的CASE, 學校的處理手法一樣欠透明度, 但係新舊地點冇咁遠, 而且之前的舊校舍係在公屋樓下, 環境唔係咁理想, 搬左乾淨企理好多

再講新舊校舍只係一個在地鐵站的上面, 一個在地鐵站的下面

不過我都曾經因為囡囡細, 住過藍田 (碧雲道德田邨)一段時間, 若真的要屋企人送小朋友去麗港城讀書, 我會選搭小巴或坐校車, 不過都係坐校車好D, 個老人家行上行落, 做唔到屋企野

再講, 呢間係叫靈糧唔係靈糧堂, 我唔知係咪同集團, 但藍田大把幼稚園, 唔怕搵唔到, 差別亦唔太大, 有D環境比佢更好

作者: Kendis1 時間: 09-7-22 12:55

小兒唔係讀藍田靈糧堂, 不過我睇到後都覺得好慘及無奈...

.

其實, 學校只要做得好些(高透明度/開放), 家長就唔洗"束手無策"喇!!

又一單難為了家長的case....

原帖由 伊布都 於 09-7-21 09:10 發表
我係09-10年度藍田靈糧堂幼稚園入學的家長

7月20日我收到學校寄來的e-mail，表示會向所有學生家長收集意見，如果係認同的話，就會響09-10年度﹙9月開課﹚將校舍由藍田啟田村轉往麗港城，兩者相差路程，搭車隨時要十分鐘！因為根本係 ...

作者: 伊布都 時間: 09-7-24 10:36

原帖由 myww 於 09-7-22 10:44 發表
我係前藍田靈糧幼稚園家長! 如果藍田靈糧幼稚園真係能搬去一間又新又大, 設備又完善的幼稚園, 我真係替孩子和家長們高興!!

以前我們(前藍田靈糧幼稚園的家長們)都不知幾想藍田靈糧幼稚園能搬校.

我明白這事情上對 ...

兩件事千祈唔好混為一談

我都想校舍更大更好，令孩子可以有更好環境學習

但行政方面差勁到如此地步，令家長﹙起碼我覺得﹚有一種被學校挾持學生的感覺，你又認為如何？

人與人之間的確係要存在妥協，但呢一刻係唔存在妥協，只係「屈服」，校方呢個處理手法，真係合理嗎？

我唔係要爭取學校不搬遷，而係響呢件事上面，好似雷曼事件咁，每個家長都有佢的難處，校方無可能唔去處理，但直至校方第二封致家長的信中，校長都無任何承諾會對家長有任何賠償或任何措施，令家長的不便減到最低。

另外，我對校方第二封信的內容亦有點不滿，以下係信內最後一段的節錄：

「奈何位於區內的優質校舍可遇不可求，假如放棄了是次機會，可能又要多等十年八載，請大家從為孩子謀幸福的方面著想，作出慎重的抉擇。」

我想大家看清楚，第二封信雖然是解釋為何遷校是何等趕急，但他們見到有潛在的新校址時，其實已經一心要遷校，第二封信是交代事件始末，但同時亦在表明校方的立場，就係要轉校，亦都不幸地，校方真的是挾持學生令家長屈服！

至於校方是否真心想擴大校舍令學生有好環境？

請看看以下一段的節錄：

「搬校這念頭源於七月十二日校監寄給本人的電郵，當時我尚在奧地利進修，電郵談及雖然我們未能成功接辦臻美學校，但要接觸家長﹙因本堂辦學主要向家長傳福音﹚，不一定要辦直資小學，建議可以通過申辦一所幼兒園作為拓展向家長傳福音的渠道。本人在七月十三日﹙星期一﹚返港，七月十四日﹙星期二﹚接獲校監來電，吩咐本人跟進申請一所幼兒園並進行物色校舍，我即時回應日本語幼稚園已於四月遷出，於是嘗試接觸長江地產，結果安排於七月十五日﹙星期三﹚與副校長及主任們前往視察場地……」

請留意一點，就係當校監於七月知道未能接辦油塘臻美學校後才啟動遷校的決定，換句話說，他們是否真心想遷校令校舍擴大，係存在疑問﹙留意臻美只係小學及附屬中學﹚，轉至麗港城只係校方的plan B！

另外，校長可以一口回覆麗港城有吉舖可以遷校，而呢類屬於行內的事情，校方其實應該一早已知悉，為何四月至六月不去處理這事情？如果校方有心遷校，大可放棄臻美的接辦權，而全力在遷校事宜上多做事情，但他們一直沒有做過，只係在七月才急速上馬，並要霸王硬上弓式要家長就範，這個疑點，還請校方解釋一下。

在傳福音之前已經令家長陷入不穩定的狀況中，這個辦學機構還用傳福音及為學生著想之名來掩飾自己的差勁行政手法，我身為基督徒也真的羞恥！

[ 本帖最後由伊布都於 09-7-24 10:38 編輯 ]

作者: sarahlmf 時間: 09-7-24 16:16

我個囝原本會於今年9月入讀藍田靈糧堂幼稚園的, 巳經交了第二期的費用,直到6月尾因根德園通知後補有位才向靈糧堂遞交了退學信,不過在此之前,完全沒有聽說遷校的事,看到這個題目也很突然。我在沒有退學之前也看到學校在一些行政上是有點不太妥當的地方,不過也算是小問題。在搬校來說,我個人是希望的,因為一直也不喜歡現在的校舍太細和在公屋樓下。但當然學校在安排上是不太妥善的。而且不同的家長當然有不同的需要和想法, 在我小朋友只是坐校車, 差別沒有很大。

不過,我個人會看重學校的教育為先,行政又是另一個題目。靈糧堂畢竟也是一間大的學校,搬遷過後改善了學校的環境更好。我的細女明年考幼稚園, 我也會再考藍田靈糧堂的。

作者: dickee 時間: 09-7-27 00:55

我囡囡而家升讀K2，大個個就畢左業，幾年來起藍田靈糧幼稚園既經驗，老師好好，校舍就有問題。有一段時間，因工作關係，可以經常陪阿囡參加佢地既親子早會，諗住可以多左親子時間，而事實上班細路排晒隊坐好之後，我地就已經幾乎貼晒埋牆，唔係好睇到同感受到氣氛。

相信，我會係明白當事人既感受既，起報讀至番學的日子裡，就被咨詢搬校，作為一個新家長，係會錯愕同嬲，比我都會。

我只係想，我係一個舊家長，會有自己經驗同想法。唉，仲記得有一次家長講座，我地要坐到上台。最唔開心個次，係阿囡最開心既時候，個次學校安排塑膠泳池，比阿囡佢地著晒泳衣玩水，但係礙於地方就起個公眾地方玩，想出聲，但係見到阿囡鬼咁主動又開心，咁就冇啦。

呢D都係點滴，所以我聽到校舍大了，好開心，仲即刻去睇下添。其實，幾年來都有聽過學校話想搬，不過搵唔到校舍，因為咁，我會選擇比阿囡既幼稚園生活，資源好D多過其他既問題。

[ 本帖最後由 dickee 於 09-7-27 00:58 編輯 ]

作者: yokolee 時間: 09-7-28 12:04

Hi, i lived in Lam Tin and my boy joined their 2-3 yo playgroup in Apr 09. My son will join N1 of another nursery in Sept 09.

From my personal opinion, I found that their campus is too small, too dark, messy and untidy. However, the teachers are warm, caring and loving. The child toilet there is pretty interesting. Therefore, I am happy to hear that they can finally moved their campus to a new environment. Lastly, I will re-consider to apply their K1 in 2010.

作者: bblove 時間: 09-7-29 16:42

小兒自兩歲班已在藍田靈糧幼稚園就讀，九月便升k2了。選擇該校是因認同靈糧的教學理念(快樂的童年)，老師們很盡心盡力，是小兒之前上過的playgroup和幼兒園學習班遇過最好的，而家母就住在附近，每天小兒都是由外公外婆接放學。

我同意學校在公布搬遷一事上很突然，在和家長溝通上可以處理得好些，但看過新校的位置圖和內部圖則後，我很支持今次遷校的決定，也不介意小兒上下課的路程遠了。由於兩歲班是親子班,去年我有較多機會陪小兒上課，對學校有些親身觀察。學校因受制於公屋圖則，空間狹長，走廊通道較擠迫，而洗手間只分幼兒班和中、高班兩個，不分男女，小息時要輪候。此外，校門外的地磚是房署鋪設的(即一般政府鋪行人路那種)，已呈高低不平，小兒在上兩歲班時曾被絆倒。樓上住戶也偶有拋下垃圾。我相信遷校後這些問題都能改善和解決。

小兒的老師在來電通知遷校一事時，透露校長六年前已有遷校打算，但奈何一直在同區找不到地方，故近年已沒有提及。我相信校方在事件中也有難處。老師亦告知新校將在十一月才啟用，而非九月。

我並非「新加入國民」,不是「打手」，只是在網上搜尋藍田靈糧新校原址的日本語幼稚園時(想知是結業還是遷走)見到這post,若有意見相左,則只是各自表述,無意衝撞。

[ 本帖最後由 bblove 於 09-7-29 20:13 編輯 ]

作者: tietie_mama 時間: 09-7-29 18:26

各位，巧合地本人現正屋於麗港城，窗外更正正向着日本人幼稚園，所以對這post感到興趣及留意。
就觀察所得，日幼確在今年四月搬遷，先前運作正常，可能學生人數減少，所以搬出與香港島日幼合併。
暫時未見有任何裝修行動，只見間中有人＂睇場＂。
若有異動，樂意上來報料！

作者: greenshoot 時間: 09-7-30 23:31

如果日本人幼稚園是4月才遷出, 會唔會係學校一早未確定可以搬? 照計他們想搬大一些的校舍沒有什麼不可告人的.

作者: BebeeYY 時間: 09-8-6 15:08

各位, 我都係住麗港城, 正正就是日幼對住個座, 當我知道藍田靈糧會搬來呢度, 我其實好登你地開心, 因為日幼個場真係大依家藍田靈糧好多好多....小朋友可以有個更佳既學習環境吾係應該開心咩?

我個女今年昇k3, 當年都有in藍田靈糧, 但係我真係覺得個度太細啦, 好迫咁....最後我選擇左九龍靈糧堂幼稚園~

作者: tietie_mama 時間: 09-8-14 16:50

報告如下:

今天發現開始進行裝修工作,應該是有關通風/冷風系統!!

曹曹地,樓上有時都聽到........

原帖由 tietie_mama 於 09-7-29 18:26 發表
各位，巧合地本人現正屋於麗港城，窗外更正正向着日本人幼稚園，所以對這post感到興趣及留意。
就觀察所得，日幼確在今年四月搬遷，先前運作正常，可能學生人數減少，所以搬出與香港島日幼合併。
暫時未見有任何裝修行動，只見間中 ...

作者: tietie_mama 時間: 09-8-14 16:52

街坊: 吾知我地有無見過面呢?

原帖由 BebeeYY 於 09-8-6 15:08 發表
各位, 我都係住麗港城, 正正就是日幼對住個座, 當我知道藍田靈糧會搬來呢度, 我其實好登你地開心, 因為日幼個場真係大依家藍田靈糧好多好多....小朋友可以有個更佳既學習環境吾係應該開心咩?

我個女今年昇k3, 當 ...

[ 本帖最後由 tietie_mama 於 09-10-30 20:13 編輯 ]

作者: 已刪除用戶 時間: 09-8-14 18:39

我以前老闆都有辦幼稚園的(唔係出名, 私人機構啦)
而家靈糧堂係租地方, 每次續約同業主傾terms, 真係好煩, 有時條件唔理想, 想搵地方搬亦唔易(其實幼稚園"舖"真係唔易搵, 要地方夠大--好多業主寧願拆細易租出, 亦有其他消防條例, 教署條例要fulfill至可發牌)
靈糧堂算係社會服務機構, 對學生都有責任, 而業主係商業機構, 利字當頭, 彩你都傻, 所以想租得成地方辦學, 而個地方又理想, 都不失為一件好事 (bear in mind地方大左靚左, 唔會加學費黎補架wor, 都係教育機構俾)
我舊老闆d學校, 好多時就係頂唔順d租, 執下執下, 少左幾間了
凡事總有兩面既, 睇開d, 雖然係遠左但都有好多好處呀
(反觀聖公會係自己物業, 無理由唔一早plan好, 攪成咁, 就真係不負責任啦)

原帖由 伊布都 於 09-7-24 10:36 AM 發表
兩件事千祈唔好混為一談
我都想校舍更大更好，令孩子可以有更好環境學習
但行政方面差勁到如此地步，令家長﹙起碼我覺得﹚有一種被學校挾持學生的感覺，你又認為如何？
人與人之間的確係要存在妥協，但呢一刻係唔存在妥協，只係 ...

作者: BebeeYY 時間: 09-9-7 17:20

哈哈~ 街坊...我地可能識既都吾定wor~ 你住邊座? 我住23座~

作者: acmwacmw 時間: 09-9-14 03:55

sorry! 打攪各位家長.

請問有沒有冬季校服(女)可以送出或出讓, 如有, 請PM.
Thank you very much!

作者: tietie_mama 時間: 09-10-30 20:23

最新消息........

裝修大至完成, 招牌已掛上了, 老師也開始佈置課室了.........校園好靚, 有彩虹地面的天井, 花花窗口課室等等.

各位可以安心!

(聲名: 我吾係搶手黎架!)

原帖由 tietie_mama 於 09-8-14 16:50 發表
報告如下:

今天發現開始進行裝修工作,應該是有關通風/冷風系統!!

曹曹地,樓上有時都聽到........

作者: tietie_mama 時間: 09-10-30 20:25

Hi BebeeYY,

我唸我應該估到你係邊位, but 我無膽叫妳.....哈哈!

原帖由 BebeeYY 於 09-9-7 17:20 發表
哈哈~ 街坊...我地可能識既都吾定wor~ 你住邊座? 我住23座~

作者: holambb 時間: 09-11-7 20:42

我的小朋友由k1讀到現在k3. 感到佢每天上課都好開心.
每個老師, 將工都非常有愛心. 老師將校內報置到十分細緻, 但可惜是搬校舍太細.
當收到學校通知要11月初搬校時, 真係感到十分詫異, 因
事前無任何"風聲"要搬

作者: holambb 時間: 09-11-7 21:17

sorry i pressed wrong button....

我的小朋友由k1讀到現在k3. 感到佢每天上課都好開心.
每個老師, 校工都非常有愛心. 老師將校內報置到十分細緻, 但可惜是搬校舍太細.
當收到咗通知要11月初搬校時, 真係感到十分詫異, 因事前無任何"風聲"要搬. 但係都要無奈接受, 唔通要轉校.
想深一層, 好似 Charlotte_mom 話幼稚園"舖"真係唔易搵, 要地方夠大--好搬多限制.
現在我的小朋友已搬到新校上課, 四周環境好大, 好"正". 所以搬校唔係唔好呀. 重有一沒樣最重要的事, 校舍大咗, 收生多咗, 學校有更多資源發展, 最後受益的係小朋友.

作者: yingfung 時間: 09-11-8 18:27

唔好意思呀~我想順便問下..係度讀過既小朋友媽媽...我想問藍田靈糧堂k2寫得多唔多字呢?or程度較淺?因諗緊俾b b第日讀咩學校...

原帖由 holambb 於 09-11-7 21:17 發表
sorry i pressed wrong button....

我的小朋友由k1讀到現在k3. 感到佢每天上課都好開心.
每個老師, 校工都非常有愛心. 老師將校內報置到十分細緻, 但可惜是搬校舍太細.
當收到咗通知要11月初搬校時, 真係感到十分 ...

作者: ROYYY 時間: 09-11-8 18:40

搬校其實好小事啫,又唔係唔同區, 又唔係話炒哂D老師校長, 換過一批~教學形式又照舊~~如果純為地址有改變而不滿, 好似有點不必了~~

作者: holambb 時間: 09-11-8 21:17

k2寫字唔係好多.

作者: luilui007 時間: 09-11-8 21:37

請問大家知唔知此校有無n班,我想過年前想幫啊女插班,因我會搬黎附近,仍未搵到n班,所以現在好苦惱

作者: Tommy 時間: 09-11-8 21:57

原帖由 luilui007 於 09-11-8 21:37 發表
請問大家知唔知此校有無n班,我想過年前想幫啊女插班,因我會搬黎附近,仍未搵到n班,所以現在好苦惱

以下轉載自靈糧校網：

藍田靈糧幼稚園
麗港城新校舍

擴校增設幼兒園部

藍田分校已正式遷往麗港城第四期麗港街十二號地下，並於2009年11月3日正式上課。新校舍面積約一萬四千多尺，除現有幼稚園級外，亦會增設幼兒園部，供2歲幼兒報讀。凡入讀幼兒園部之學生，可直升藍田及鑽石山分校之幼稚園。

報名查詢，歡迎致電28056699。

作者: luilui007 時間: 09-11-8 22:16

原帖由 Tommy 於 09-11-8 21:57 發表

以下轉載自靈糧校網：

藍田靈糧幼稚園
麗港城新校舍
擴校增設幼兒園部
藍田分校已正式遷往麗港城第四期麗港街十二號地下，並於2009年11月3日正式上課。新校舍面積約一萬四千多尺，除現有幼稚園級外，亦會增設幼兒園部， ...

其實我都有看過校網,不過有點唔係好清楚

幼兒園部今年招生今年讀?定今年招生出年讀

作者: Tommy 時間: 09-11-8 22:29

原帖由 luilui007 於 09-11-8 22:16 發表

其實我都有看過校網,不過有點唔係好清楚
幼兒園部今年招生今年讀?定今年招生出年讀

日前我曾經跟該校主任傾計，如果我沒理解錯的話，應該是今年招生今年讀。聽朝打電話去問就清楚喇！

作者: luilui007 時間: 09-11-8 22:41

原帖由 Tommy 於 09-11-8 22:29 發表

日前我曾經跟該校主任傾計，如果我沒理解錯的話，應該是今年招生今年讀。聽朝打電話去問就清楚喇！

十分感謝

歡迎光臨教育王國 (/)