教育王國

標題: 孩子上完5天(3小時)課程有進步嗎? (私人s位) [打印本頁]

作者: ktv 時間: 09-7-18 16:09 標題: 孩子上完5天(3小時)課程有進步嗎? (私人s位)

請問孩子上完5天(3小時)課程有進步嗎? (私人s位)

進步明顯嗎?

上了多久有成效？

私人機構辦的課程和協康辦的有不同嗎?

作者: singren 時間: 09-7-19 09:45

你小朋友咩問題呀？

我小朋友係a仔，佢番左大半年c人s位真係有很大進步，如果你有能力的話，我覺得呢d課程都係唔錯既選擇，一路讀，一路排政府服務，及早介入麻，等政府等得黎都…你明啦~~

至於邊間好，我覺得每一間都有專業既導師，一定會令你小朋友有進步，你最好自己親身去每一間你想小朋友入讀既學校參觀下而選擇你鐘意既。

作者: ktv 時間: 09-7-19 23:49

我小朋友可能係自閉症, 希望這些課程可幫到佢啦, 我應該會在荃灣上住私人先, 協康青蔥計劃輪到就轉去o個到上。因為我估資源充足d。謝謝你的解答, 聽到你話有進步我都放心d。

原帖由 singren 於 09-7-19 09:45 發表
你小朋友咩問題呀？

我小朋友係a仔，佢番左大半年c人s位真係有很大進步，如果你有能力的話，我覺得呢d課程都係唔錯既選擇，一路讀，一路排政府服務，及早介入麻，等政府等得黎都…你明啦~~

至於邊間好，我覺得每一間都有專業既導師，一 ...

作者: urme1997 時間: 09-7-20 10:43

原帖由 ktv 於 09-7-19 23:49 發表
我小朋友可能係自閉症, 希望這些課程可幫到佢啦, 我應該會在荃灣上住私人先, 協康青蔥計劃輪到就轉去o個到上。因為我估資源充足d。謝謝你的解答, 聽到你話有進步我都放心d。

...

ktv
請問你小朋友係邊到上堂, 幾多錢?

作者: ktv 時間: 09-7-20 12:02

我諗住俾小朋友先在荃灣南豐中心的雅比斯兒童發展中心上堂, 他們是樂天教室的姊妹中心。不過地方就細d。明天是第一次去上, 一定勁喊, 希望佢快d唔喊啦。佢係返星期一至五上午, 3小時。$7500 一個月。話初初因為需要多d人手去mark住我個小朋友，最初就$450一堂(3小時) (逐堂計)，遲d就按返月計。

當然我都有排政府, 但真係有排等。

原帖由 urme1997 於 09-7-20 10:43 發表

ktv
請問你小朋友係邊到上堂, 幾多錢?

作者: owl_2046 時間: 09-7-20 16:55

我仔未排到政府S位時, 都返了樂天3個月, 真係有進步嫁.
但佢地真係要密集式訓練先得, 人地教一次, 佢地可能要教十次以上....努力!!!

原帖由 ktv 於 09-7-20 12:02 發表
我諗住俾小朋友先在荃灣南豐中心的雅比斯兒童發展中心上堂, 他們是樂天教室的姊妹中心。不過地方就細d。明天是第一次去上, 一定勁喊, 希望佢快d唔喊啦。佢係返星期一至五上午, 3小時。$7500 一個月。話初初因為需要 ...

作者: ktv 時間: 09-7-20 18:40

你小朋友返了3個月有進步, 真係好啦。希望我小朋友都係啦。

原帖由 owl_2046 於 09-7-20 16:55 發表
我仔未排到政府S位時, 都返了樂天3個月, 真係有進步嫁.
但佢地真係要密集式訓練先得, 人地教一次, 佢地可能要教十次以上....努力!!!

作者: ktv 時間: 09-7-20 21:37

owl_2046, singren, 請問你們的小朋友上完有進步, 請問係有那些方面進步? 可否具體些講吓或舉例子? 謝謝!

作者: owl_2046 時間: 09-7-21 09:58

最重要係學懂安坐.
以前帶亞仔出街食飯, 往往要我同工人輪流帶佢離開酒樓出去玩, 坐唔定, 迫佢就大叫.
返樂天之後可以坐個多鐘, 雖然都會攪攪陣, 但比以前好好多啦.
我亞仔係舊年10月-12月中返樂天, 12月中已派到協康S位.

原帖由 ktv 於 09-7-20 21:37 發表
owl_2046, singren, 請問你們的小朋友上完有進步, 請問係有那些方面進步? 可否具體些講吓或舉例子? 謝謝!

作者: ktv 時間: 09-7-21 13:39

小朋友今天上第一次的堂, 佢不停哭, 用乜引佢都唔收聲。後來佢俾我同工人入去一陣, 我們一入去小朋友就收聲不哭。老師話佢咁, 所以上一小時先, 收咗我們一小時的學費。明天再去過。佢話其他小朋友哭, 但唔會好似我個小朋友咁不停哭, 佢話其他小朋友哭吓, 玩吓用來引佢o既玩具先, 再哭過。但我小朋友不理, 不停哭。

咁點好呢? 本來預咗小朋友喊, 普通小朋友返k1都喊啦。但佢講到我個小朋友同其他人唔同咁。好似唔係好想收佢。其實就係小朋友咁先要俾咁多錢佢地賺。小朋友咁易教就唔駛搵佢地。有乜方法另小朋友快d自己獨立上堂, 唔喊呢? 好擔心。你們那時是如何呢?

原帖由 owl_2046 於 09-7-21 09:58 發表
最重要係學懂安坐.
以前帶亞仔出街食飯, 往往要我同工人輪流帶佢離開酒樓出去玩, 坐唔定, 迫佢就大叫.
返樂天之後可以坐個多鐘, 雖然都會攪攪陣, 但比以前好好多啦.
我亞仔係舊年10月-12月中返樂天, 12月中已派到協 ...

作者: singren 時間: 09-7-22 10:54

我小朋友第一日番學我可以陪上堂，陪左一陣姑娘就話可以試下比佢自己上，我咪走出班房囉！當然勁喊啦！喊到倦重瞓埋覺添！之後日日佢都係自己入去番學我冇陪佢，足足喊左兩個星期之後就好d嘞！

不過我都見過有d小朋友喊成個月先唔喊，個個唔同，慢慢黎啦！不過我估喊好過唔喊，起碼佢識得表達自己既情感。

作者: iam 時間: 09-7-22 13:55

想請教雅比斯與樂天是姐妹centre，何解？

原帖由 ktv 於 09-7-20 12:02 發表
我諗住俾小朋友先在荃灣南豐中心的雅比斯兒童發展中心上堂, 他們是樂天教室的姊妹中心。不過地方就細d。明天是第一次去上, 一定勁喊, 希望佢快d唔喊啦。佢係返星期一至五上午, 3小時。$7500 一個月。話初初因為需要 ...

作者: owl_2046 時間: 09-7-22 14:26

我亞仔頭一個月都係喊啦, 開頭個禮拜直頭以淚洗面, 之後就"飲泣"多, 但姑娘都冇叫我地停學, 佢地都好有心機教亞仔, 重叫我工人唔好跟出跟入, 喊都要迫佢獨立嘗試. 加上我亞仔當初重係勁流口水, 但佢地都冇嫌棄.
可能間間制度唔同, 但我真係buy Joyful.

原帖由 ktv 於 09-7-21 13:39 發表
小朋友今天上第一次的堂, 佢不停哭, 用乜引佢都唔收聲。後來佢俾我同工人入去一陣, 我們一入去小朋友就收聲不哭。老師話佢咁, 所以上一小時先, 收咗我們一小時的學費。明天再去過。佢話其他小朋友哭, 但唔會好似我個 ...

[ 本帖最後由 owl_2046 於 09-7-22 14:28 編輯 ]

作者: ling619 時間: 09-7-22 14:48 標題: 回覆 13# owl_2046 的文章

hi owl_2046

我小朋友都返了樂天1個月,also 係勁流口水,
佢地都冇嫌棄,請問你的小朋友上幾時先唔會
勁流口水,thanks

作者: iam 時間: 09-7-22 14:55

ling619及owl_2046

「勁」流口水係口肌弱，記住找ST做口肌。

原帖由 ling619 於 09-7-22 14:48 發表
hi owl_2046

我小朋友都返了樂天1個月,also 係勁流口水,
佢地都冇嫌棄,請問你的小朋友上幾時先唔會
勁流口水,thanks

作者: ktv 時間: 09-7-23 00:03

我小朋友都係勁流口水, 但吞食物就冇問題。我以為係小朋友唔記得吞口水。請問什麼是口肌弱? 怎樣知道是口肌弱? 除了找言語治療師外, 在家又怎樣訓練佢口肌?

請問你們的小朋友言語治療後多久開始改善了流口水? 多久開始說話?
另請問你們有沒有找私人臨床心理學家或醫生做評估, 然後直接去社署排隊, 排政府e/i/s位? 我今天聽人講話得, 話邁步可以做, 或找兒童發展醫生。你們有冇人試過? 謝謝解答。

話雅比斯係樂天姊妹centre, 係我打去樂天查詢時, 負責人告訴我的。兩間centre唔同老闆, 不過佢地d 治療師, 幼兒導師大家好熟, 會互相幫手。

[ 本帖最後由 ktv 於 09-7-23 00:10 編輯 ]

作者: owl_2046 時間: 09-7-23 21:02

係呀, 流口水係因為口肌差, 我當初重以為出牙, 但都出齊啦!
後來樂天ST及PT亞SIR話係口肌弱加上"下巴"鬆冇力所致, ST建義比多D野佢咬, 但亞仔唔係好BUY, PT SIR好好, 每次都幫亞仔"強行"用手指伸入口度攪,佢話按摩牙肉最有用.
最初我都不以為意. 後來派了了協康, 老師每日都要亞仔做2組口肌, 再加上我工人跟亞仔返學校學, 夜晚係屋企又幫亞仔做, 佢既口水量比起高峰期減少左60%
最好去買D醫生手套, 將手指"強行"放口佢個口攪佢牙齒下面D牙肉, 拉扯下口腔, 亦可用冷熱水交替刺激佢口唇附近皮膚, 最好經專人教授先啦.
我亞仔都有講野, 但只限1-3隻字, BB話勁多.

[ 本帖最後由 owl_2046 於 09-7-24 09:55 編輯 ]

作者: iam 時間: 09-7-24 12:26

KTV

口肌一定要由ST做的，仲係受了special training 的ST，ST教家長後，家長回家仲要同小朋友train.

香港唔係個個ST識做口肌，你google 下Beckman's Oral Motor, Sara Rosenfeld-Johnson等keywords.

香港有一個ST已達Sara Rosenfeld-Johnson的level 6, 你search下，但一般ST到Level 2都已ok.

原帖由 ktv 於 09-7-23 00:03 發表
我小朋友都係勁流口水, 但吞食物就冇問題。我以為係小朋友唔記得吞口水。請問什麼是口肌弱? 怎樣知道是口肌弱? 除了找言語治療師外, 在家又怎樣訓練佢口肌?

請問你們的小朋友言語治療後多久開始改善了流口水? 多久 ...

作者: ktv 時間: 09-7-24 14:11

謝謝解答, 等我試吓先。

歡迎光臨教育王國 (/)