教育王國

標題: 急問有冇人知道或讀過"邁步兒童發展中心"好唔好 [打印本頁]

作者: patrickyee 時間: 09-7-16 23:29 標題: 急問有冇人知道或讀過"邁步兒童發展中心"好唔好

我囡囡2歲需讀自閉症學校，有一間叫"邁步兒童發展中心"的學校不知好唔好？有冇家長的孩子讀過或正讀過，不知他們的師資、環境和教學質素等好唔好，希望俾D意見。

作者: singren 時間: 09-7-19 12:02

除左邁步，還有其他如：樂天﹑協康﹑領思等

你不如約學校親身上去參觀一下先作決定啦！

你可以考慮下各間既環境﹑設施﹑假期…

作者: annaanna 時間: 09-7-19 13:51

其實個centre 好唔好，都要睇下你遇唔遇到一個好導師

作者: singren 時間: 09-7-19 14:35

所以响你未知會遇到個咩老師之前，你唯一可以做既就係了解一下間中心可以比到d咩小朋友，比較一下各間環境﹑設施﹑課程(每日時間表同個別訓練既多小)等，睇下你想小朋友响一個咩既地方上學，因為間間比我既感覺都好唔同。

根據我小兒就讀c人s位之後覺得，學校假期都好緊要，成七千幾蚊如果成日有長假期你又要另外加多幾千蚊搵活動比小朋友，都幾重皮架！重有老師流失都好有可能。好似我小朋友番學初期就遇到轉老師，好彩新老師好過之前個，所以有d野真係好難講。

你多問下其他人意見再比較一下先作決定啦！

希望幫到你啦！

加油！！

作者: patrickyee 時間: 09-7-19 18:28

多謝各位，其實我囡囡排緊S位同E位，但最快要一年先有位，佢在協康都有接受訓練，原先已報了附近的普通幼兒園，但有導師介紹STEP俾我們，其實都去了兩次訓練老婆覺得都幾好，囡囡都冇抗拒。問題係學費成7千幾雖可申請助學金，但唔知讀佢的學校同佢的訓練不知是否不同？所以想問吓大家。樂天都有聽過，但D朋友話唔太好。

作者: iam 時間: 09-7-22 13:58

原帖由 patrickyee 於 09-7-19 18:28 發表
多謝各位，其實我囡囡排緊S位同E位，但最快要一年先有位，佢在協康都有接受訓練，原先已報了附近的普通幼兒園，但有導師介紹STEP俾我們，其實都去了兩次訓練老婆覺得都幾好，囡囡都冇抗拒。問題係學費成7千幾雖可申請助學金，但唔知 ...

私人centre的密集式訓練，約等於政府S位，方法也是差不多，不過私人課程係半天，政府S位係９am－３pm

私人centre的個別訓練，大概等於政府E位，都是每節last for around 1 hour，大家方法也大同小異。

歡迎光臨教育王國 (/)