教育王國

標題: 看了港台節目天下父母心的後感 [打印本頁]

作者: maymysiucameron 時間: 09-7-10 00:52 標題: 看了港台節目天下父母心的後感

本人是学障兒及過度活躍症之母，亦是教特殊教育的。看了港台節目天下父母心後，非常感動。我們和我們的子女是小數的一羣，因此常常被大眾ignore. 就算連教统局也給我們的子女有限的支援，学校說有支援、調適，但只是家長先爭取才有，教援支援課程的未必受過正規訓練。坊間亦沒有很多課程給家長及其子女選擇。我有時也感無奈。如有家長想和我分享他們的经驗請send message 給我

作者: Anpanmama 時間: 09-7-19 21:43

重覆咗！

[ 本帖最後由 Anpanmama 於 09-7-19 22:25 編輯 ]

作者: Anpanmama 時間: 09-7-19 22:19

重覆咗！

[ 本帖最後由 Anpanmama 於 09-7-19 22:24 編輯 ]

作者: Anpanmama 時間: 09-7-19 22:22

睇咗今晚嗰集講「亞士保加症」, 對當中IQ130男仔果媽媽張太好反感, 開口埋口叫「特殊學校」做「低能學校」, 又話自己係完美主義者, 個仔五官咁端正

.....點都唔信之前幼稚園老師講個仔係好似有問題同佢睇醫生！

其實睇佢仔仔個樣同家陣(初中)講嘢嘅音咁唔準加埋過大嘅動作, 如果呢幾年有經訓練的話, 佢細個時嘅情况應該仲差

, 幼師嘅担心都好正常, 佢地又唔係專業, 邊識分自閉、亞士保加定智能有問題咁仔細！

希望張太尊重其他弱能人士同幼師, 「特殊學校」並非「低能學校」, 「特殊學校」裡有不同特殊需要嘅小朋友、而好多小朋友的智能是正常甚致係高, 佢地學習嘅可能係一啲針對性嘅訓練, 如肌肉控制, 行為, 感统等....而非張太你覺得嘅得一類 - 低能！

幼師亦係將不同小朋友分辨出嚟嘅把關員！

家中有自閉症同亞士保加症嘅小朋友, 每個父母都好努力令孩子可獨立地生活落去！但路是非常漫長, 希望張太你不要踏人嚟抬高自己同你個仔！ IQ130非代表一切！

Sorry, 好嬲所以好火！

[ 本帖最後由 Anpanmama 於 09-7-20 12:23 編輯 ]

作者: ioi 時間: 09-7-20 10:37

原帖由 Anpanmama 於 09-7-19 22:22 發表
睇咗今晚嗰集講「亞士保加症」, 對當中IQ130男仔果媽媽張太好反感, 開口埋口叫「特殊學校」做「低能學校.....

有同感.

但不知道她是否直接複述他兒子的小學老師的說話, 是否當時那位老師對她說 "低能學校", 如果是這樣就是那位老師不對, 但我估計老師不會這樣說.

不過即使老師是這樣說, 這位張太的表現給我的感覺都是歧視智商有問題的小朋友.

作者: Anpanmama 時間: 09-7-20 12:36

天下父母心
第八集＜是我有錯嗎？＞

http://www.rthk.org.hk/rthk/tv/parenting/20090719.html

陳永熹和張偉倫都是患有「亞氏保加症」的年青人。「亞氏保加症」是一種高能力自閉症，患者智力正常甚至比平常人高，但在溝通與社交關係上有困難。自閉症和「亞氏保加症」患者會極度專注某些興趣例如巴士路線、地圖等。在日常生活中，他們對於未能預知的事情會感到非常不安及焦慮。

作為「亞氏保加症」患者的父母，陳媽媽和張媽媽都各自有辛酸的一面。在冷眼旁觀的世界中，兩位媽媽各自找方法和出路，目的只是為了愛惜子女。
養兒一百歲，長憂九十九。

作者: kalam611 時間: 09-7-20 15:33

我琴晚睇時都有同妳一模一樣嘅感覺, 覺得呢個媽媽講嘢好難頂

係咁話低能學校,低能乜,低能物

其實淨係聽佢個仔講嘢都覺得佢係有d唔妥, 幼稚園老師嘅意見絕對有point, 只不過老師唔係專家唔知佢個仔係亞士保加症啫 :;pppp:

作者: MARSTEN 時間: 09-7-20 16:31

我仔仔都係發展遲緩,我亦唔喜歡人地用有色眼鏡去睇佢,不過人地如果有誤會,我一定會解釋清楚,亦接受仔仔既情況

[ 本帖最後由 MARSTEN 於 09-7-27 15:02 編輯 ]

作者: Anpanmama 時間: 09-7-20 23:10

成日睇呢啲節目, 都見到啲好正面, 令人好感動嘅故事。

睇完呢位張偉倫媽媽嘅自白, 再明白乜嘢係天下父母心, 無論自己嘅小朋友有幾甩漏, 在父母心中都會有原因, 都不是最差....

其實節目嘅安排都唔錯, 有令我地有反思嘅時間, 我地係咪應該對孩子太保護呢？

我地做家長, 响小朋友嘅學校生活應點做到支持而不干與？
多謝張太呢個反面教材, 令我知道原來我自己嘅態度, 可以影响我別人點對我仔仔！

作者: tonychopper8964 時間: 09-7-21 14:54

真係好欣賞永熹父母，
情緒控制得好洽到好處，
又肯犧牲比女女去見輔導

反而自稱敏感o既張太，
自己都識講個仔比1年級老師說疑似低能，令佢好難過啦，
咁又何必標鑯讀特殊學校係低能學校呢？
我覺得佢更加自我中心，
冇諗其他人感受囉~

作者: MARSTEN 時間: 09-7-21 20:11

你唔記得佢講過一句:"我係一個完美主義既人"咩?

作者: yeung99 時間: 09-7-22 09:58

我睇緊既時候, 感覺係咁都播出黎既, 睇完之後我覺得佢係
無讀過書既,

原帖由 MARSTEN 於 09-7-21 20:11 發表
你唔記得佢講過一句:"我係一個完美主義既人"咩?

作者: ahjoechan 時間: 09-7-22 10:12 標題: 天下父母心

我覺得港台特登安排两個父母, 有正有負, 由我門家長去judge....應該用乜嘅態度去做父母...我见永熹父母的態度, 是我的學習目標...尤其我本身都是緊張的人, 太緊張对兒子, 大家都有壓力, 只會累鬥累.....

作者: someoneelse 時間: 09-7-22 11:48

大家敏感左喇....佢其實只係回憶返當時自己既無知吧...大家試想想，當我們還未有仔女時，一定用過不少什麼低能、白痴、傻仔、自閉等字眼去譏笑別人(有些是講笑但有些是認真的)...當然，依家我地梗係唔會再咁做喇，因為明白左嘛...再者，大家是否一開始時，也接受不了自己仔女有問題呢？！望子成龍在各父母心中，或多或少一定有...但有期望不等於錯....有失望的感覺也是理所當然.....

試想如果唔係因為有個特別既小朋友的話，相信我地都仲會係無知既一群....

尋晚一口氣睇哂所有，發覺個個家長都值得敬佩...感謝世上仲有好既父母，真正為子女付出...我地同時亦應為自己鼓掌....畢竟，呢條路真係好難行....

作者: pollybell 時間: 09-7-22 15:14

我覺得無問題,十幾年前係用呢些形容詞架啦,讀特殊學校既小朋友既家長唔洗對號入座,人地一句說話姐唔洗咁鬧,如果你地咁介意人地既說話,將來你如何同你地既小朋友去面對更多呢???

作者: Cathleen 時間: 09-7-22 21:33

i am also unhappy to heard she said that.

原帖由 Anpanmama 於 09-7-19 22:22 發表
睇咗今晚嗰集講「亞士保加症」, 對當中IQ130男仔果媽媽張太好反感, 開口埋口叫「特殊學校」做「低能學校」, 又話自己係完美主義者, 個仔五官咁端正 .....點都唔信之前幼稚園老師講個仔係好似有問題同佢睇 ...

作者: vickyee 時間: 09-7-24 12:24

其實我覺得大家好似太敏感了～我都認同特別係大一輩都可能會用ｄ唔太好０既字眼～
但為人父母０既～都愛錫自己０既子女～當知道自己０既子女出現問題０既時候～大家都會唔開心～佢只係用番自己一向０既表達方式～其實佢都花左唔少心機０係囝囝身上～中三了還要天天拖住返學～～佢都係一位值得尊敬的媽媽～

作者: thomas_dad 時間: 09-7-25 00:14

認同以上各位所言，各位家長不妨以平常心看待這件事，人總有看不到自己問題的一時片刻，但是她為兒子的犧牲和付出卻是我們正常家長沒法體會的。況且大家都是境況相同的話，不是應該更團結和互諒嗎？

原帖由 someoneelse
於 09-7-22 11:48 發表
....尋晚一口氣睇哂所有，發覺個個家長都值得敬佩...感謝世上仲有好既父母，真正為子女付出...我地同時亦應為自己鼓掌....畢竟，呢條路真係好難行....

原帖由 pollybell
於 09-7-22 15:14 發表
我覺得無問題,十幾年前係用呢些形容詞架啦,讀特殊學校既小朋友既家長唔洗對號入座,人地一句說話姐唔洗咁鬧,如果你地咁介意人地既說話,將來你如何同你地既小朋友去面對更多呢??? ...

原帖由 vickyee
於 09-7-24 12:24 發表
其實我覺得大家好似太敏感了～我都認同特別係大一輩都可能會用ｄ唔太好０既字眼～
但為人父母０既～都愛錫自己０既子女～當知道自己０既子女出現問題０既時候～大家都會唔開心～佢只係用番自己一向０既表達方式～其實佢都花左唔少心機０係囝囝身上～ ...

作者: monteazul 時間: 09-7-25 14:40

睇完真係再要好好反省自己, 小兒8歲了亦剛check到有輕度過度活躍和注意力不集中,未知道以前我常常打、駡及常說送他到大陸寄宿。從而使他自我形像很低。你們可知我有多後悔嗎? 我現在亦正努力學習跟小兒行每一步,現在的我只想帶小兒放眼看世界及控制好我自己的言行舉止從而令他提高自我形像。

作者: MARSTEN 時間: 09-7-27 15:00

最新一集說話不容易....我覺得佢mammy重唔容易,兩個小朋友都有同一個問題,好在佢地係兄弟,如果得一個,個細佬可能都好似哥哥咁(我都知有好多例子,生一個delay,生兩個都會delay,可能同基因有關)

呢個mammy都做過d唔應該做既野, 我想..好多mammy都行過呢條路,但係大家既內心都係錫小朋友既,呢d係上天俾我地既考驗,佢地都有好多過人之處

大家一齊努力啦,小朋友既將來係要我地支持同鼓勵的

作者: monteazul 時間: 09-7-27 22:36

i really need to thanks this topic as i have chance to watch the tv progame.

作者: annaanna 時間: 09-7-28 09:40

我想問下，永熹似係阿氏保加症咩？我覺得佢似情緒病多d 喎~ 同埋會中三先突然出現病徵o架咩？以我所知... 張太個仔果d 先似喎~ 不過張太真係...... 港台點解要搵佢喎~

作者: monteazul 時間: 09-7-28 23:09

其實一經尊業評估後，準確度是十分高

原帖由 annaanna 於 09-7-28 09:40 發表
我想問下，永熹似係阿氏保加症咩？我覺得佢似情緒病多d 喎~ 同埋會中三先突然出現病徵o架咩？以我所知... 張太個仔果d 先似喎~ 不過張太真係...... 港台點解要搵佢喎~ ...

作者: tonytony74 時間: 09-7-30 14:30 標題: 十分欣賞這個節目

面對有特殊需要孩子，最重要是：
對孩子有合理期望，坦然面對及接納孩子有特殊需要，因應孩子的能力，調低對孩子的要求及建立合乎能力的期望，並發掘孩子的優點與長處。

處理照顧有特殊需要孩子的壓力，留意自己的壓力與情緒警號，尋找適合自己紓緩壓力的方法。

父母間要彼此鼓勵，不單要為自己「打氣」，更讓自己及對方有休息的私人時間與空間，顧及彼此各方面的需要。

夫妻間要互相合作、支持及分擔照顧的責任。

善用社區上的資源，不單要與訓練中心保持坦誠的溝通，更可善用社區上的資源，如暫託服務，參加同儕小組彼此交流，或尋求有關服務。

歡迎光臨教育王國 (/)