教育王國

標題: 請問有邊D好既津小唔是教會學校. [打印本頁]

作者: ggoo 時間: 09-7-6 14:39 標題: 請問有邊D好既津小唔是教會學校.

因為本人唔是教徒,囡囡只有15分,想搵D好既小學比佢入讀,請好心人介紹下有邊D好既非教會津小比我參考一下,地點不限.

作者: Geni 時間: 09-7-6 15:21

完全冇地區限制, 好難俾意見o個喎~~ 你想搵港九定新界呢?

作者: ggoo 時間: 09-7-6 16:50

我本身是住tko既,只要是好既學校,返學遠小小都唔區,非教會小學大抽獎時都好d,唔使計教會個5分.唔該你地提供多幾間好既非教會小學.

[ 本帖最後由 ggoo 於 09-7-7 16:32 編輯 ]

作者: HIN2003 時間: 09-7-6 17:05

原帖由 ggoo 於 09-7-6 16:50 發表
我本身是住tko既,只要是好既學校,返學遠小小都唔區,我暫時聽聞香港中國婦女會小學幾好又唔是教會學校,咁大抽獎時都好d,唔使計教會個5分.唔該你地提供多幾間好既非教會小學. ...

如果唔選教會學校, 選官立都OK!
但有好多官立小學都好搶手!有好多家長選!
如父母不是舊生又沒有兄姐讀此校, 大家15分抽籤!

作者: Geni 時間: 09-7-6 17:17

原帖由 ggoo 於 09-7-6 16:50 發表
我本身是住tko既,只要是好既學校,返學遠小小都唔區,我暫時聽聞香港中國婦女會小學幾好又唔是教會學校,咁大抽獎時都好d,唔使計教會個5分.唔該你地提供多幾間好既非教會小學. ...

無宗教o既學校其實好多好多, 有好多都好多人爭o忝! 我自己自行o既時候都係揀官校, 都係因為得15分, 最後都入唔到. 但你要知道, 自行(計分)只可以揀一間, 而大抽獎係就係唔計分, 但如果唔係自己網o既學校, 中o既機會真係好細. 我諗點好好利用o個15分o既同時, 應該多留意本區o既學校, 如果可以o係本區搵到一間冇宗教o既學校就最好, 如果唔係萬一自行唔得, 你最後都係要o係番本區揀o家o勒!

作者: ggoo 時間: 09-7-6 17:28

你地講個d野我都明.

咁請問你地知唔知有咩好既津小是非教會小學呢?

作者: HIN2003 時間: 09-7-6 17:52

原帖由 ggoo 於 09-7-6 17:28 發表
你地講個d野我都明.
咁請問你地知唔知有咩好既津小是非教會小學呢?

如果你明的話, 就應該留意下每間小學的優點, 而選一間適合的小學給小朋友.
人地讀得好唔等於自己小朋友讀得好, 你一定要了解自己小朋友, 而選擇小學.
每間學校理念都唔同, 你要親自了解.
或者你講出你的要求, 可能有其他mami幫到你, 你只問哪間好, 真係好難比到意見你.

作者: ggoo 時間: 09-7-7 11:15

我既要求是教學成績好,校風好.呢兩樣占主要.唔知各位有冇好介紹呢?

作者: itbaby 時間: 09-7-7 11:52

老實講句,若果係好的學校,多數會好多人爭,或者辦校年份較長,所以好多時會有家長分或者兄姐分,所以真的好難15分入到的.

仲有,你話唔限地區,除非你諗住搬屋去遷就校網,否則到派位時,你用跨區的身份亦比較難入到心儀的學校.

以下個網址可能幫你:
http://chsc.edb.hkedcity.net/primary/

若果將軍澳區,我知道今年有小朋友15分可以入到保良局黃永樹小學及將軍澳循道衞理小學.

原帖由 ggoo 於 09-7-6 16:50 發表
我本身是住tko既,只要是好既學校,返學遠小小都唔區,我暫時聽聞香港中國婦女會小學幾好又唔是教會學校,咁大抽獎時都好d,唔使計教會個5分.唔該你地提供多幾間好既非教會小學. ...

作者: Geni 時間: 09-7-7 12:20

原帖由 ggoo 於 09-7-7 11:15 發表
我既要求是教學成績好,校風好.呢兩樣占主要.唔知各位有冇好介紹呢?

我諗真係好難搵到個人可以清楚知道哂全香港所有學校好唔好o家~~ 大家唔係唔想答你, 而係唔知點答你. 連地區都冇, 點介紹呢? 例如我自己網有沙田官立, 成績好校風好, 你係咪俾個女山長水遠由tko番沙田? 全港有幾百間冇宗教o既學校, 有差不多一半15分都要抽, 咁呢d係咪就係你所講o既好學校呢? 咁係咪post 個 list 出o黎俾你一間一間咁了解? 唔可能o家~~

我真心咁同你講, 你不如俾多d hints 大家, 等大家想o下辦法幫你啦!

作者: ggoo 時間: 09-7-7 12:33

地點可以是觀塘,藍田,九龍灣,佐敦,北角,鰂魚涌.
成績好(辛苦D唔緊要),校風好.
唔知咁樣有冇人可以講到一兩間比我參考下呢?

[ 本帖最後由 ggoo 於 09-7-7 12:35 編輯 ]

作者: wensi 時間: 09-7-7 12:49

原帖由 ggoo 於 09-7-7 12:33 發表
地點可以是觀塘,藍田,九龍灣,佐敦,北角,鰂魚涌.
成績好(辛苦D唔緊要),校風好.
唔知咁樣有冇人可以講到一兩間比我參考下呢?

TKO 有兩個網你邊一個?

TKO馮晴好學校.

作者: HIN2003 時間: 09-7-7 12:52

原帖由 ggoo 於 09-7-7 12:33 發表
地點可以是觀塘,藍田,九龍灣,佐敦,北角,鰂魚涌.
成績好(辛苦D唔緊要),校風好.
唔知咁樣有冇人可以講到一兩間比我參考下呢?

如果觀塘/藍田/九龍灣, 選無宗教的小學,大部分都好普通, 不如留返係TKO, TOUCHWOOD要叩門時都有誠意分!
佐敦, 北角, 鰂魚涌就唔清楚!
九龍城區有幾間官立, 都好多MAMI鍾意

, 但TKO出九龍城可能 7:00前要上校車.

作者: 臻媽 時間: 09-7-7 13:21

計分係自行分配時有用, 而大抽獎唔駛計分, 係計地區!!!

你首輪當然可選全港任何一間好的, 但要注意通常好果D(即使無宗教)都大把人入表, 所以只得15分首輪入到機會比較低!!!

而2ND ROUND大抽獎時你若番選TKO機會會大一點, 而選跨區而又好的定必多人爭, 而跨區位又只係得10%, 即只有幾個位, 所以你要諗清楚吧!!!

或者你深入了解一下選小一基制及了解多一點你小朋友屬那類型合那類型學校才決定吧!!! 睇睇以下呢條LINK....

http://psp.proj.hkedcity.net/chi/parser.php?file=chi/wong2a.htm

原帖由 ggoo 於 09-7-6 16:50 發表
我本身是住tko既,只要是好既學校,返學遠小小都唔區,我暫時聽聞香港中國婦女會小學幾好又唔是教會學校,咁大抽獎時都好d,唔使計教會個5分.唔該你地提供多幾間好既非教會小學. ...

作者: mow-mow 時間: 09-7-7 15:04

You might consider an afternoon(pm) school such as Hennesy Road Government School (pm) in the 1st round.
Being a pm school, there may well be less competition.

作者: ggoo 時間: 09-7-7 16:37

其實我咁問是想響自行收生時冇計教會個5分,咁就機會大D,唔知我咁諗啱唔啱呢?(我知仲有其他分要計,例如校友,兄弟姐妹咁)
好多謝各位既寶貴意見.

[ 本帖最後由 ggoo 於 09-7-7 16:39 編輯 ]

作者: Geni 時間: 09-7-7 17:01

應該咁講, 其實絕大部份人都係得15分, 就算自己有宗教, 但唔揀同一宗教o既學校一樣冇o左o個5分. 所以其實都有唔少學校15分都有機會o既. 問題係有幾多個15分o既人報同有幾多位俾佢地抽o勒!

其實我覺得你唔好因為為o左遷就o個15分而揀d冇乜人爭o既學校, 到時俾你入到你仲煩.

相反, 唔好理有冇宗教, 多留意自己區同唔太遠o既學校, 選定一兩間, 自行揀最鍾意o個間, 如果得就好啦, 唔得就大抽獎再揀番佢, 到時大家機會均等, 唔駛再理佢係乜教o勒!

作者: ggoo 時間: 09-7-7 17:16

GENI:
好多謝你不厭其煩咁解答我既問題,都好認同你既觀點.

其實我是想搵間好既又唔是太多人爭既津小比阿女,其實我都知好野就多人爭,唔好既先冇人爭.

不過因為我唔是響HK讀書,完全唔識HK既小學,所以先不停發問.TKO區內既學校我就熟,不過可以既話我都想跨區搵D好D既比阿女.因為TKO最好個三間津小升英中既比率都是30%左右,區內競爭又特別大,所以先想跨區搵D好既津校.

歡迎光臨教育王國 (/)