教育王國

標題: 中華基督教基慧(馬灣)和伍季明小學....點揀好呢? [打印本頁]

作者: 瑤瑤豬 時間: 09-7-5 00:58 標題: 中華基督教基慧(馬灣)和伍季明小學....點揀好呢?

中華基督教基慧(馬灣)和伍季明小學....
請大家俾個意見我呀,中華基督教基慧(馬灣)已經收左我女女,但今日收到電話,伍季明小學打俾我,叫我女女去面試,其實我自己就比較鐘意基慧,但由於我地住梨木樹,車程較遠,校車既時間係早上7:25,放學4:50,我怕女女會坐校車太耐會好累,影響到佢既精神唔夠專注,星期一伍季明要面試啦,請大家俾d意見我.....thx

作者: honey-may 時間: 09-7-5 02:50 標題: 當然要去面試

如果你有天趕不到校車,然後再轉車返校,你一定遲大到,因馬灣早上是不可的士入內的,到時你只可座的士去青衣和葵芳再轉黃巴入校,車費很貴的.

作者: SK088 時間: 09-7-5 08:36

兩間都係荃灣區既好學校, 我會揀伍季明, 因為地點係地鐵上蓋, 交通超方便, 萬一真係miss班校車, 都可以轉搭的士趕返學, 而馬基校車放學時間4:50, 對一位小一生來講, 時間咁長都會幾辛苦架.

作者: moon11 時間: 09-7-5 09:55

兩間小學基本方針很不同

基慧(馬灣)校舍環境佳、家長背景平均, 用活動教學法, 著重創意培育, 功課較小, 老師有愛心, 學生對學校很有歸屬感, 整體評語十分好, 去年單係55%英中派位及 6X%brand1派位, 看看它在馬灣, 都竟然可以咁大受歡近妳就會明白此校之長處。屬愉快學習型小學。

伍季明屬傳統天主教小學, 教學很傳統, 教得較深, 功課測驗亦比較多, 老師不錯, 家長學生壓力較大, 地點十分方便(地鐵上蓋), 學生乖巧, 整體評語不錯, 去年brand1派位50%, 是區內個受歡迎小學。屬傳統讀書型小學。

小囡上星期叩門被基慧(馬灣)及天佑收了, 最後太太說應從孩子將來長遠發展來揀校,最後揀了基慧(馬灣)。

作者: 丸媽媽 時間: 09-7-5 10:32

原帖由 honey-may 於 09-7-5 02:50 發表
如果你有天趕不到校車,然後再轉車返校,你一定遲大到,因馬灣早上是不可的士入內的,到時你只可座的士去青衣和葵芳再轉黃巴入校,車費很貴的.

基慧返8:40am,就算趕不到校車點都唔會遲大到,7:30左右由梨木樹出發去葵芳或荃灣搭黃巴都應該仲有時間鬆動

作者: tramtram 時間: 09-7-5 11:40

葵芳黃巴入校 >>>> 15分鐘一班, 到門口, 好方便, 十蚊之內一程都ok啦.

原帖由 honey-may 於 09-7-5 02:50 發表
如果你有天趕不到校車,然後再轉車返校,你一定遲大到,因馬灣早上是不可的士入內的,到時你只可座的士去青衣和葵芳再轉黃巴入校,車費很貴的.

作者: 瑤瑤豬 時間: 09-7-6 07:42

多謝你地俾既意見,呢1,2日我都係度諗,雖然基慧校車0舍方面係長d,女女會辛苦d,但始終我都係想女女0係讀書0個方面唔想有咁大壓力,何況自己讀書佑唔係多,或者對我同女女都會好D,雖然心裹已經有答案,但今日我都會去面試,先再決定

作者: 瑤瑤豬 時間: 09-7-6 16:44

伍季明收左女女啦...諗左好耐都都未決定到?雖然話就話心裹已經有答案(選擇基慧),但再睇番各方面,伍季明係有利d,女女起碼有時間去休息,考試測驗都會有多餘既時間溫習!!

作者: reneeleung 時間: 09-7-7 22:17

提示: 作者被禁止或刪除內容自動屏蔽

作者: jcctiu 時間: 09-7-8 00:10

馬基正如moon11很詳細的分析,在各方面都差不多比伍季明優異,如果放棄就真是太可惜了.

作者: CL322 時間: 09-7-8 08:26

其實, 馬基雖是活動教學, 但一點也不淺.
上年, 佢哋在TSA裡成績係全港TOP10. 沒有精英班, 因學校理念是每個學生都有長處, 老師不會只專注成績, 可以說是全人發展.
而且, 在GS這科, 老師是自己編制課程, 由學生可接觸的事物開始探究, 使小朋友都會自主學習, 好有心機.

原帖由 reneeleung 於 09-7-7 22:17 發表
我接觸好多伍季明的學生, 我覺得佢地好乖巧, 但唔係遲鈍個d. 學術水平高, 愛學習.

一間學校能培養出一d愛學習的小朋友一定係一間好學校.

作者: mimi005 時間: 09-7-10 18:54

sorry
how many years for this school

佢地派位真係 gum 好 ?

Thanks

作者: moon11 時間: 09-7-10 21:18

妳意思係裡係計全港TSA 成績 TOP10.. 咁厲害??

定係淨計新界區, 因淨係計新界入十大都已超強了。

原帖由 CL322 於 09-7-8 08:26 發表
其實, 馬基雖是活動教學, 但一點也不淺.
上年, 佢哋在TSA裡成績係全港TOP10. 沒有精英班, 因學校理念是每個學生都有長處, 老師不會只專注成績, 可以說是全人發展.
而且, 在GS這科, 老師是自己編制課程, 由學生可 ...

作者: reneeleung 時間: 09-7-10 22:27

提示: 作者被禁止或刪除內容自動屏蔽

作者: mimi005 時間: 09-7-13 16:15

WHAT IS TSA ?
THANKS

歡迎光臨教育王國 (/)