教育王國

標題: 俾BB返托兒所? [打印本頁]

作者: Janicechong 時間: 09-7-3 16:19 標題: 俾BB返托兒所?

請問有沒有人俾BB返托兒所?
請問有什麼好與不好?

作者: waiwai424 時間: 09-7-3 17:51

我係在職媽媽, 囝囝而家20個月, 返左8個月托兒所。
我之前同你一樣, 15/16 唔知好唔好比佢返... 同其他人講, 佢地會覺得bb好似好慘, 咁細個要返學；不過, 請工人, 我已經失去信心! 而且, 我又驚囝囝比工人湊會好依賴, 咩都唔識做... 所以我最終都比佢返學!
佢而家會自己食粥；玩完玩具會執;唔怕外人等等... 我都好開心當初冇做錯決定!

如果你問我好與壞處:
好處:獨立, 好多基本o既野, 學校會幫手教 (如學習去洗手間, 日常生活o既物件...), 學下群體生活等等
壞處:要付出

, 開頭成日病(因為常與其他小朋友接觸)
如果你真係比佢返托兒所, 開頭要忍心d, 唔好心軟! 因為佢會不停喊, 但一段時間後, 佢會適應的! 苦盡甘來嘛!

作者: Janicechong 時間: 09-7-3 18:30 標題: 回覆 1# waiwai424 的文章

Thanks a lot!
我都係對工人失信心,所以申請托兒所.終於通知我有位了,但又唔知點,有D唔捨得.
聽了你的經驗,加強了我既信心.
多謝哂!

作者: square72 時間: 09-7-3 19:26

我個女細個時都係番育嬰園..佢5個月大開始番... 讀到兩歲幾就轉讀n1..

好處:
1)獨立- 番嬰園既小朋友會較獨立, 好多野都可以自己完成, 唔需要人幫
2)自理能力較好
3)社交能力較好 - 番嬰園既小朋友因為由細到大都有一大班小朋友一齊上堂, 佢地唔會怕陌生, 學到點同小朋友相處, 學識分享, 唔會自私
4)說話, 表達能力較好
5)小朋友會痴你多d.. 因為佢除左番學.. 其餘時間就係對住你la..

壞處:
1)易病 - 我個女1歲前個個月都病.. 但佢慢慢大.. 就已好少病la.. 而家佢番n1, 佢d 同學仔.. 比佢仲易病.. 而佢可能因已有抗體, 所以冇咁易病.. 我個女而家幾個月都唔會病一次.. 就算有少少鼻水.. 佢都可以自己好番.. 連葯都唔洗食..
2)父母付出既時間多 - 小朋友一病就唔可以番學, 父母要請假湊佢.. 仲有要付出時間去自己照顧, 放工要仆去接放學.. 唔似得有工人/老人家幫手咁... 放工都仲有時間可以去行街..

作者: Janicechong 時間: 09-7-4 08:39

請問返托兒所有沒有野學,
會唔會相比其他係屋企o既小朋友,識少D野呢?

作者: 小倩 時間: 09-7-4 19:28

我2個仔由滿月開始返嬰園, 依家細佬都畢業LU...
嬰園姐姐好好人, 教到好多育兒心得~
小朋友返學又開心, 識到朋友仔...
細佬仲唱到一口流利兒歌, 我完全唔覺得返學會令佢哋覺得"受罪"

作者: waiwai424 時間: 09-7-7 16:49

緊係有野學啦!返托兒所ｏ既小朋友會獨立ｄ；學校都會教禮儀，常識，做下手工，唱下歌，跳下舞...都好多完化架！所以我好讚成＆冇後悔比囝囝返托兒所

原帖由 Janicechong 於 09-7-4 08:39 發表
請問返托兒所有沒有野學,
會唔會相比其他係屋企o既小朋友,識少D野呢?

作者: ElsaShum 時間: 09-7-8 12:29

我的兒子在2個多月就上托兒所, 現在已上nursery. 他很喜歡上學, 從未為此哭. 聽及講都不錯, 專注力也好, 學習动机亦强. 据醫生所說, 早上學即早打預防針. 但媽媽就很辛苦.

歡迎光臨教育王國 (/)