教育王國

標題: 自閉傾向可以申請普通傷殘津貼嗎? [打印本頁]

作者: bobolam 時間: 09-6-26 15:23 標題: 自閉傾向可以申請普通傷殘津貼嗎?

自閉傾向可以申請普通傷殘津貼嗎? 有無人試過?

作者: 奀豬mami~~ 時間: 09-6-26 15:45

醫生批就得...

原帖由 bobolam 於 09-6-26 15:23 發表
自閉傾向可以申請普通傷殘津貼嗎? 有無人試過?

作者: peggy_ng 時間: 09-6-27 02:59

如果只是自閉，很大機會不獲批准的。如再加上其他病症，例如:過度活躍、輕度弱智或身體有長期病患; 才有機會獲申請普通傷殘津貼。

作者: Reiki 時間: 09-6-27 10:41 標題: 回覆 2# 奀豬mami~~ 的文章

我好認同:「醫生批就得。」

作者: sharon26788 時間: 09-6-27 19:15

我囝囝係自閉,醫生批左.

最先係中九評估中心,評為"自閉傾向",我就問社工,可唔可以申請到津貼(因為要有津貼NO.先可以申請免稅,白痴正苦),果時就覆我唔批得.
後來,去精神科覆診醫生話係"自閉症"就批左.

作者: pollybell 時間: 09-6-27 20:21

轉貼

符合下列個別津貼的條件﹕

(a) 普通傷殘津貼

·	經由衞生署署長或醫院管理局行政總裁(或在極為特殊情況下由私家醫院的註冊醫生)證明為嚴重殘疾﹔及
·	其嚴重殘疾情況將持續不少於六個月。

http://www.swd.gov.hk/tc/index/site_pubsvc/page_socsecu/sub_ssallowance/

如果孩子在政府體智能測驗中心做評估，必須由體智能測驗中心的醫生或心理學家簽署文件，證明孩子符合資格；醫生並且會寫上期限，孩子到期需再次做評估，以確定是否仍符合資格繼續申領。家長可以要求測驗中心的醫務社工協助遞交申請。

但是體智能測驗中心的醫生告訴我們，根據社會福利署給他們的指引，被評為「自閉症」的孩子必須同時是「弱智」，才能申領傷殘津貼金。因此高功能自閉症/亞氏保加症的孩子都不符合資格(不過，我們聽說某些體智能測驗中心的醫生，也願意替亞氏保加症的孩子簽署文件，使他們可以申領傷殘津貼)。因為這是一種給傷殘人士的福利金，故此無需審核家庭入息。

那麼如果孩子只是被評為「自閉症傾向」的話，是否有資格？這視乎體智能測驗中心的主診醫生，如何判斷孩子的認知發展：如果孩子比起同齡遲緩很多的話，也可能符合資格。基本上，如果醫生建議孩子入讀特殊幼兒中心的話，他便符合資格申領傷殘津貼了。不過，因為孩子年齡小，仍有很大的變化，故此醫生寫的期限只有一、兩年。

[ 本帖最後由 pollybell 於 09-6-27 20:22 編輯 ]

作者: lovesnk38 時間: 09-7-1 19:38

我囝囝4月在下葵涌評估到有自閉傾向, 兒科醫生提社工叫我申請傷殘津貼, 去完社署登記後一個月內就收到錢了。你可以打電話問吓個醫務社工先。

作者: bobolam 時間: 09-7-7 14:33

已問醫務社工, 不合資格.

原帖由 lovesnk38 於 09-7-1 19:38 發表
我囝囝4月在下葵涌評估到有自閉傾向, 兒科醫生提社工叫我申請傷殘津貼, 去完社署登記後一個月內就收到錢了。你可以打電話問吓個醫務社工先。

作者: chulokto 時間: 09-7-7 17:29

如果醫生即時評估完係report上寫上「自閉症」及即時叫社工跟進就有得申請。

我昨日才申請了。

作者: sharon26788 時間: 09-7-7 17:51

原帖由 bobolam 於 2009-7-7 14:33 發表
已問醫務社工, 不合資格.

我最早期都係問社工,都話評估中心既醫生唔批.咁咪等到係精神科果時再遞俾果個醫生,咁就批左囉.

作者: jena2468 時間: 09-7-10 14:04

BOBOLAM不如試下自己做啦, 我都係自己問申請嘅, 先去福利處攞申請表跟住叫醫生幫手簽之後都批左 !

作者: bobolam 時間: 09-7-10 14:29

找邊位醫生?

原帖由 jena2468 於 09-7-10 14:04 發表
BOBOLAM不如試下自己做啦, 我都係自己問申請嘅, 先去福利處攞申請表跟住叫醫生幫手簽之後都批左 !

作者: fungfungmami 時間: 09-7-11 11:22

有幾錢？

作者: jena2468 時間: 09-7-13 12:53

[quote]原帖由 bobolam 於 09-7-10 14:29 發表

找邊位醫生?

我地睇政府精神科, 搵番主診醫生簽 !

作者: 我係女仔 時間: 09-11-10 14:03

咁有無限收入幾多先可以申請架?

作者: nokia6300 時間: 09-11-10 15:51 標題: 回覆 15# 我係女仔的文章

no income limitation

作者: rpang001 時間: 09-11-11 13:20 標題: 回覆 16# bobolam 的文章

批到都未必好事，如得到証實，部份保險公司未必承保其危疾、住院保障計劃，甚致有D讀書基金包埋危疾和住院都未必受保.

作者: 仔女亞媽 時間: 09-11-11 14:39

各位媽咪, 你0地話申請傷殘津貼, 但我 0地既仔女沒有傷也冇殘, 申請了豈是話仔女係傷殘人仕, 我個人收受唔到 lor,佢只不過係發展方面比其他人遲0左少少, 難保將來佢正常返, 但你申請過呢項津貼, 政府會有留低,唔知對佢既將來有冇影響呢 ? 例如, 搵工, 留學........

作者: 我係女仔 時間: 09-11-11 22:12

原帖由 rpang001 於 09-11-11 13:20 發表
批到都未必好事，如得到証實，部份保險公司未必承保其危疾、住院保障計劃，甚致有D讀書基金包埋危疾和住院都未必受保.

我BB一出世就買左醫療住院保險. 咁係咪批左傷殘津貼就咩保險都唔保架啦

作者: fongbau 時間: 09-11-19 14:25

我也替兒子申請了, 津貼大約有千多元, 每個月準時入落你戶口.....申請津貼時社會福利署職員仲千吩咐萬吩咐你, 叫你記住d錢係要比個仔既.......個津貼係響阿仔入讀左s位之後, 由學校簽字申請的. 同時會有一張殘疾人士證件, 證件背後有老連咁大隻字寫住『自閉症』.......張證可以享同多項交通津貼及文娛康樂設施優惠.
個人黎講, 阿仔響我心目中完全冇問題, 拎左張證唔代表我承認左佢係有事, 只係我覺得呢個政府實在太無能, 既然係有資格享有既, 我就要拎番阿仔應得既.
至於你話政府有冇留底, 影響日後工作....我諗如果唔係打政府工既, 都唔使太擔心, 如果你見工同番工都正正常常, 邊個咁得閒去check你有冇拎過呢d津貼....就算係做政府工, 政府更加唔可以歧視人啦.
我更加已經幫阿仔買左保險, 經紀知我個仔有自閉症, 不過完全冇問題. 冇因為咁而貴左囉.

作者: hinhinmummy 時間: 09-11-20 09:50

未甘天真, 以為吾申請傷殘津貼同傷殘症, 政府就無底
只要做完評估, 拿過d s位/i位, 總之任何政府service, 政府都會有底, 至於你們話, 會吾會影響第二日搵工, 我吾敢講

還有, 一日評估完, 証實有自閉症, 自閉症傾向, 你先幫你小朋友去買insurance, 如果吾申報 = 呃保險公司, 第二日保險公司亦可以話因為你隠暪資料而推翻你張保險單

除非, 你吾好帶個小朋友去做評估啦

作者: hinhinmummy 時間: 09-11-20 09:51

原帖由 fongbau 於 09-11-19 14:25 發表
我也替兒子申請了, 津貼大約有千多元, 每個月準時入落你戶口.....申請津貼時社會福利署職員仲千吩咐萬吩咐你, 叫你記住d錢係要比個仔既.......個津貼係響阿仔入讀左s位之後, 由學校簽字申請的. 同時會有一張殘疾人士 ...

好多年前的確是由學校簽字申請
我仔果年已經是要由政府評估中心的醫生簽發
還吾係批好多年, 我仔就係兩年, 要每兩年再搵醫生審批

傷殘証都係, 要自己主動搵學校申請

歡迎光臨教育王國 (/)