教育王國

標題: 强烈要求政府容許幼稚園及小學舉辨畢業禮 [打印本頁]
作者: simonkwong    時間: 09-6-21 01:48     標題: 强烈要求政府容許幼稚園及小學舉辨畢業禮

作為家長梗係會顧及仔女健康，但係又梗係希望睇到自已仔女畢業行畢業禮，如果學校做足安全設施，就請容許學校及家長自行決定。(D仔女係我，風險就由我承擔)

祇顧中學考試，但最多爆發豬流感咪就係中學生。
全世界又唔係得香港有豬流感，就係香港特別緊張，其實好似中學咁，邊間有事就停邊間。

昨日荃灣就有一個3歲小朋友因為停課而要跟著父母工作攪到交通意外死咗啦，而豬流感在港都未死過人。

如果豬流感繼續去到9月係咪到時又唔好返學？？？？

請各位多加回應將我們的聲音送到D無能官員眼前
作者: kiukiudaddy    時間: 09-6-21 08:51

提示: 作者被禁止或刪除 內容自動屏蔽
作者: silvia_ng    時間: 09-6-21 09:51

其實應該復課啦, 不過家長唔比小朋友返學, 學校唔會當缺席。返學既要戴口罩...

而家全世界都有呢個流感, 只得hk咁誇張...以前sars係香港最多, 而且sars死好多人, 真係相比呢次得人驚好多架。但而家都係易感染, 但唔係死亡率高。平時感冒都死得人啦! 咁每年流感高峰期係咪都要停一停課先?

後課之後, 做家長自己決定返唔返。唔好似得平時話大雨呀大風呀咁鬧政府, 大佬呀! 大家都係成年人, 自己決定, 自己負返d責任啦!
作者: simonkwong    時間: 09-6-21 16:00

請多D家長回應，令到我哋心聲，上頭條先有人理o架！
作者: cky    時間: 09-6-21 17:59

原帖由 simonkwong 於 09-6-21 16:00 發表
請多D家長回應，令到我哋心聲，上頭條先有人理o架！

simonkwong,

我都同意你的意見, 我都係k3家長, 我好希望小朋友可以有畢業典禮, 等佢地有個美好回憶, 但我地可以點做???
作者: rleung    時間: 09-6-21 18:15

提示: 作者被禁止或刪除 內容自動屏蔽
作者: Carolinn    時間: 09-6-21 18:24

Agreed.  We have to consider the risk for the whole community.

原帖由 rleung 於 09-6-21 18:15 發表
身為應屆畢業生當場希望有畢業禮/結業禮.

但畢業禮需要綵排而非單日就可完成.
況且難保有些同學是有傷風/流感徵兆但家長仍比小朋友出席.這未免有點危險.

雖然豬流感在香港未引致有死亡事件.但絕不想有幼兒感染. ...
作者: 慢DD    時間: 09-6-21 19:21



支持有畢業禮~~
作者: littlefaith    時間: 09-6-21 21:17

或者可能要真係豬流感變種，真係死好多細路，啲家長先會對流感有危機意識。
作者: cky    時間: 09-6-21 21:40

原帖由 littlefaith 於 09-6-21 21:17 發表
或者可能要真係豬流感變種，真係死好多細路，啲家長先會對流感有危機意識。


我又想知道, 以上唔支持畢業典禮的家長, 你地d小朋友係唔係今年畢業 ???? 如果唔係, 你地唔會明白我地啲感受
作者: hellorachel    時間: 09-6-21 22:38

好支持行畢業典禮 ,作為家長當然想小朋友健康,但真係唔想k3畢業毫無回憶,糊里糊塗咁就畢口咗業,好無奈
作者: pc9    時間: 09-6-21 23:05

無論贊成復課,還是不支持復課.
都絕不能想像會你有這種思想.

過去個多星期停課,帶過子女出街的家長,是否都想子女去死呢?

我總相信,支持復課的家長,並非視子女性命如草介.也非少覻流感的影響力.

子女都是父母的心肝寶貝.
捨不得放過任何子女成長的標記.
這份心腸,可有獲得體諒?




原帖由 littlefaith 於 09-6-21 21:17 發表
或者可能要真係豬流感變種，真係死好多細路，啲家長先會對流感有危機意識。
作者: TAOTAOLEE    時間: 09-6-21 23:08

提示: 作者被禁止或刪除 內容自動屏蔽
作者: yuenwa    時間: 09-6-21 23:17

原帖由 pc9 於 09-6-21 23:05 發表
無論贊成復課,還是不支持復課.
都絕不能想像會你有這種思想.

過去個多星期停課,帶過子女出街的家長,是否都想子女去死呢?

我總相信,支持復課的家長,並非視子女性命如草介.也非少覻流感的影響力.

子女都是父母的心 ...





我個女冇人揍, 日日都返學!

我唔望個畢業禮有任何表演, 只希望有個正式的證書"班"發儀式比亞女, 這是她努的成就!

[ 本帖最後由 yuenwa 於 09-6-21 23:24 編輯 ]
作者: Jefma    時間: 09-6-21 23:32

支持有畢業禮
作者: j63    時間: 09-6-21 23:46

小兒十分好彩，畢業禮係六月九號已經完成，整個過程非常順利，又有表演，有又受憑，小朋友及家人都有一個美好回憶！十分感動！所以我覺得人生中第一個畢業禮真係好重要，就算唔復課都要有畢業禮！
作者: ccdccl    時間: 09-6-21 23:55

我女兒都係今年K3, 就算延期我都唔介意, 點都要補返個畢業禮比我地
作者: Crabtree    時間: 09-6-22 00:11

Me too!  我囡囡前兩年都被學校選做咗表演, 但估唔到今年自己畢業, 就連畢業禮都無, 亦不可同啲老師及同學說聲bye bye就分開了, 個感覺真不好受.  況且小朋友在這校已讀了三年, 就咁就離校, 升上小學.  人生第一次行畢業禮, 可以取畢業證書, 父母代領, 變得毫無意義了!
作者: TAOTAOLEE    時間: 09-6-22 00:14

提示: 作者被禁止或刪除 內容自動屏蔽
作者: G-Ma    時間: 09-6-22 00:23

畢業典禮對小朋友真係一個好重要既日子, 不過亦要小心聚集人群真係好大機會感染.  我想學校應該考慮盡量簡化個畢業禮, 或者唔好攪聯校既, 簡單d自己學校攪個小規模d.
作者: carfield    時間: 09-6-22 00:33

十卜有畢業典禮呀~~亞囡k3,佢知道冇左畢業旅行同畢業典禮後,超唔開心><本來可以表演,佢話練左好耐ga,好失望,仲話好想喊,日日聽到佢自己係咁唱畢業歌,見到佢失望個樣....我個心真係唔知點咁呀!!!!咁今次k3畢業典禮冇左,6年後..小六畢業典禮0個時..又唔知道0係邊樹走個病出黎..又停既話,咁佢地咪人生兩個開心美好回憶咪冇晒><
作者: yjoan    時間: 09-6-22 01:16

我小朋友今年K2,但我好明白你的感受. 人生有幾多次畢業典禮. 如果無得行畢業禮, 真是有點遺憾. 停學太久也不是辦法.難道冬天時豬流感再來,學校就一直停課? 我贊成邊間有事就停邊間.  



原帖由 cky 於 09-6-21 21:40 發表


我又想知道, 以上唔支持畢業典禮的家長, 你地d小朋友係唔係今年畢業 ???? 如果唔係, 你地唔會明白我地啲感受
作者: vivianmammy    時間: 09-6-22 01:47

唉! 政府好怕咩鑊. 希望可以比家長決定自願性參加. 參加者加強防疫措施, 唔好彩染病由市民自己咩番隻鑊. 唔知咁樣行唔行得通呢
作者: bb1126    時間: 09-6-22 02:44

其實都好難做,照搞咗個畢業禮冇事嘅話咁緊係好,但萬一有事嘅話,又會有d 家長呱呱嘈,怪而家豬流感仲搞畢業禮,如果搞畢業禮,有d 家長又會明知仔女病都俾佢哋出席,我個仔嘅畢業禮會唔會照常舉行都未知,不過我就覺得就算後補搞返都冇所謂,有得搞唔好不了了之就得喇
作者: HOLONGMAMA    時間: 09-6-22 10:02

原帖由 carfield 於 09-6-22 00:33 發表
十卜有畢業典禮呀~~亞囡k3,佢知道冇左畢業旅行同畢業典禮後,超唔開心>

好贊成你講法,停課停得咁急,小朋友上小一要適應,學校剛剛在6月開始進行一連串嘅小一適應和畢業活動,大家都好期待,我小朋友本記念冊都未寫晒,畢業禮同畢業聚餐原本6月13日舉行,而家畢業禮改到7月4日,聚餐改期到9月中,(因為酒店檔期問題,唔係你話改邊日就邊日)如果連畢業典禮要取消,真係胡里胡塗就咁上小一.......
另外我有個朋友,佢個女今年小六,6年前03年因為sars冇行畢業典禮,今年又好大機會冇得行,佢個女心情好down,呢排日日提住及高叫"我要畢業",所以我都覺得畢業禮可能對大人嚟講只係一項活動,但在小朋友眼中係佢哋成長過程中都幾重要嘅一部份。
作者: littlefaith    時間: 09-6-22 11:20

我身為一對仔女嘅爸爸，當然明白冇畢業禮嘅感受，不過，流感的確係一個社會性嘅事，細路傳染速度咁高，你唔可以話只係有事啲學校先停課就OK。

的確，停課後，我帶少咗小朋友出街，連帶連一啲course都冇上。你可能話我敏感，但我唔單只為子女著想，也為社會健康著想，當年SARS仍歷歷在目，我有親友當年都係受害病患者，真係唔想因為個人喜惡令社會健康進一步受威脅。

老實講，我本身係教師，過往都曾遇過有中五學生畢業禮因種種原因告吹，如黑雨、SARS等，但我同時會教導學生，雖然畢業禮告吹非常可惜，令人失望，但同時亦要明白人生不能樣樣事順風順水，總有一些遺憾事，咁你先可以逆境自強。

身為家長，與其咆哮投訴，不如趁呢個機會教導子女，人生不如意事十常八九，不是更有建設性，對子女成長更有益處嗎？
作者: Geni    時間: 09-6-22 11:36

原帖由 littlefaith 於 09-6-22 11:20 發表
我身為一對仔女嘅爸爸，當然明白冇畢業禮嘅感受，不過，流感的確係一個社會性嘅事，細路傳染速度咁高，你唔可以話只係有事啲學校先停課就OK。

的確，停課後，我帶少咗小朋友出街，連帶連一啲course都冇上。你可能話我敏感，但我唔單只 ...


我好同意你o既講法, 亦都知道你會明白其他父母o既感受, 但你之前o個一個簡短o既回覆, 睇完之後的而且確有d令人不安.....

點都好, 希望疫情快d受控, 大家可以開開心心健健康康咁過一個暑假!!
作者: Charlotte_mom    時間: 09-6-22 12:02

我都明白無左畢業禮係好sad好可惜, 不過就現階段我唔讚成有大型集體活動
我唔係一個好驚流感既人(0.0?%死亡率實在無辦法同sars相比), 我座大廈都有人確診左, 又如何? 生活都係咁過, 不過如果現階段講集會, 講復課, 言之過早了
我d仔女唔係今年畢業, 不過我地校長會走, 作為"攪手"之一, 我地一班人秘密地安排左一個歡送會(當然名義上+實際上係有另一樣function同日進行), 中間花左好多人力物力去籌備, 整晒紀念品亭訂晒物資, 安排晒大人煮食小朋友表演獻花等等, 而家都泡湯了! 我咪一樣kick左o係度..........不過我唔會suggest歡送會繼續舉行lor (或者係一個無學生既歡送會, 不過意義就差好遠了....)

原帖由 littlefaith 於 09-6-22 11:20 AM 發表
我身為一對仔女嘅爸爸，當然明白冇畢業禮嘅感受，不過，流感的確係一個社會性嘅事，細路傳染速度咁高，你唔可以話只係有事啲學校先停課就OK。

的確，停課後，我帶少咗小朋友出街，連帶連一啲course都冇上。你可能話我敏感，但我唔單只 ...
作者: YN    時間: 09-6-22 15:35

我都強烈要求呀，一世人一次幼稚園依家爛尾，話我知遲D有得補返畢業都好呀。
作者: patgiemama    時間: 09-6-22 16:37

我跟囝囝說可能會不用再返學了, 或者連畢業典禮及畢業旅行都要取消, 他都很唔開心還問我 "MAMA咁我幼稚園都未畢業, 係唔係唔可以讀小學 ,中學,大學?????" 真係唔知點答好!!
作者: mosses    時間: 09-6-22 16:58

作者: Opus599    時間: 09-6-22 18:24

原帖由 patgiemama 於 09-6-22 16:37 發表
我跟囝囝說可能會不用再返學了, 或者連畢業典禮及畢業旅行都要取消, 他都很唔開心還問我 "MAMA咁我幼稚園都未畢業, 係唔係唔可以讀小學 ,中學,大學?????" 真係唔知點答好!! ...

我都希望即使要提早放暑假，但學校都可以補辦畢業禮！
作者: pc9    時間: 09-6-22 18:43

謝謝你.

原帖由 Geni 於 09-6-22 11:36 發表


我好同意你o既講法, 亦都知道你會明白其他父母o既感受, 但你之前o個一個簡短o既回覆, 睇完之後的而且確有d令人不安.....

作者: G-Ma    時間: 09-6-22 20:18

畢業禮是否可以係互外進行? 例如公園, 運動場, 會唔會好d?
作者: loy211    時間: 09-6-22 20:44

我都想仔仔有個美好回憶,不過政府唔會背鑊,我很傷心.
作者: bulemickey    時間: 09-6-22 21:20

無得返學囝囝已好唔開心，我哋一家人都好想囝囝有畢業禮呵！
作者: simonkwong    時間: 09-6-22 21:51

作為一個家長當然係將仔女放在第一位，親眼見証佢第一次幼稚園畢業，係我的希望，就算係一個簡簡單單都要有，我亦都關心仔女健康。
另外香港係有言論自由的在網上發表意見並不等如咆哮！！！
原帖由 littlefaith 於 09-6-22 11:20 發表
我身為一對仔女嘅爸爸，當然明白冇畢業禮嘅感受，不過，流感的確係一個社會性嘅事，細路傳染速度咁高，你唔可以話只係有事啲學校先停課就OK。

的確，停課後，我帶少咗小朋友出街，連帶連一啲course都冇上。你可能話我敏感，但我唔單只 ...
作者: simonkwong    時間: 09-6-22 21:52

支持
原帖由 Opus599 於 09-6-22 18:24 發表

我都希望即使要提早放暑假，但學校都可以補辦畢業禮！
作者: littlefaith    時間: 09-6-22 22:35

作為家長係咪應該懂得分輕重？畢業禮緊要啲定係防止疫症蔓延緊要啲？

呢樣係公民教育，如果你見到個仔/女因為冇畢業禮唔開心，你應該淨係識同佢一齊唔開心，定係趁機教佢明白畢業禮始終唔夠健康緊要？

唔好話我話，如果學校真係「從善如流」，照樣不怕流感搞畢業禮，到時如果响畢業禮爆流感，家長肯定又會埋怨學校。香港人，雖然都好功利，乜都自我中心，但都唔好咁自私得唔得呢？

再講，如果連一個幼稚園畢業禮取消都好似世界末日咁，咁個仔/女第二時遇到挫折點算？又要生要死嗎？
作者: littlefaith    時間: 09-6-22 22:45

其實，我明白家長梗係會將子女放响第一位，但我做咗咁多年教師，就係見家長太將子女放响第一位，樣樣都照顧周到，令好多細路到中學唔識尊重人、太依賴父母、乜都以自己利益行頭、自私自利、唔識為人設想、遇到挫折一蹶不振、唔識執書包、冇目標、冇上進心…

我想，家長如果真係為子女好，有時真係試吓唔好令子女太過順風順水，我明白畢業禮取消係會有啲唔開心，但都唔使講到好似冇哂人生意義咁。過得幾年，返轉頭睇返，你會覺得原來冇咗個畢業禮冇乜大不了，因為人生更多事比這更精彩，除非你永遠原地踏步。
作者: Cathleen    時間: 09-6-22 22:45

同意.  


原帖由 simonkwong 於 09-6-22 21:51 發表
作為一個家長當然係將仔女放在第一位，親眼見証佢第一次幼稚園畢業，係我的希望，就算係一個簡簡單單都要有，我亦都關心仔女健康。
另外香港係有言論自由的在網上發表意見並不等如咆哮！！！
...
作者: peggy    時間: 09-6-22 23:06

http://www.facebook.com/group.php?gid=99354030285&ref=mf
作者: simonkwong    時間: 09-6-22 23:32

我在此發表個人意見，希望大家有所共鳴，不是在這發表罵戰，並尊重他人意見，亦希望有人尊重本人的意見。
重申要求還我畢業禮！
作者: simonkwong    時間: 09-6-22 23:37

o甘中學o禁嚴重都唔肯停課，掛住考試就唔駛停！
原帖由 carfield 於 09-6-22 00:33 發表
十卜有畢業典禮呀~~亞囡k3,佢知道冇左畢業旅行同畢業典禮後,超唔開心>
作者: EDEL    時間: 09-6-22 23:55

十分同意!

要求還小朋友一個畢業典禮, 我想也不是過分吧。

我們的小朋友在03年已因SARS停課, 而失去了在幼稚園裡的最後一段日子.....現又因H1N1要失去小朋友們的相聚時光, 大家不覺得可惜嗎?!

如大家做好預防, 問題應該不大。 難道他們都要留在家中, 像要被隔離一樣嗎?

原帖由 simonkwong 於 09-6-22 23:32 發表
我在此發表個人意見，希望大家有所共鳴，不是在這發表罵戰，並尊重他人意見，亦希望有人尊重本人的意見。
重申要求還我畢業禮！
作者: Spidermum    時間: 09-6-23 00:27

i do agree with littlefaith.  

afterall, i don't think the govt/school has taken away the children's graduation ceremony.  parents should be responsible for their children's health, as well as public health.  health of your own children - is it the govt's responsibility? or parents'?  


原帖由 littlefaith 於 09-6-22 22:35 發表
作為家長係咪應該懂得分輕重？畢業禮緊要啲定係防止疫症蔓延緊要啲？

呢樣係公民教育，如果你見到個仔/女因為冇畢業禮唔開心，你應該淨係識同佢一齊唔開心，定係趁機教佢明白畢業禮始終唔夠健康緊要？

唔好話我話，如果學校真係 ...
作者: silvia_ng    時間: 09-6-23 00:28

我仔仔學校今日已經搵哂我地家長開會, 亦都公佈左, 畢業典禮會改係9月5號補辦(如果不再停課的話, 則維持7月4號舉行)。我非常感謝及欣賞學校的處理手法，亦希望其他學校借鏡。

如果學校可以彈性處理，由家長自行決定是否帶小朋友參加畢業典禮，則更為合適。

如果到時有事，家長要"賴"，只是自私的表現。因為沒有人迫你去，而自作為一個成年人權衡輕重後所作的決定。自己必須為自己所做的事負責任。

前幾天看到區樂文醫生的文章，他也說香港人實在太敏感了。而我則認為，香港人仍然活在陰霾下。高官 - 想起楊永強的下場，市民 - 想起sars時的慘痛。不如放眼世界，看看別人如何處理，吸取人家的方法，自我檢討，目前中小學都繼續停課是否仍然適合呢?

以後再有其他流感高峰期，又要停課嗎?

每種病毒皆有變種的可能...我們又如何擔心得來呢?

希望其他bk fans的小朋友，都會有一個很難忘的畢業典禮! 愉快升上小一!
作者: silvia_ng    時間: 09-6-23 00:35

在此分享區樂民醫生的專欄，於6月20日刊於蘋果日報

緩疫問題一大堆 2009年06月20日
人類豬流感出現後，本港的衞生和醫療部門都很努力，我萬分感激他們。
隨着資料逐漸增多，醫學界很多人相信，人類豬流感的傳染性高，但殺傷力低，跟一般流感差不多。好些問題開始在我腦中湧現。
對於一般流感病人，我們不會把他們隔離。為甚麼我們要將人類豬流感患者送進隔離病房？如果病人不願入院，當局會否運用法律強制送院治理？
基於病毒的傳染性高但殺傷力低，有專家合理地推測每發現一宗確診個案，其實有十宗走漏了眼。那麼，把屬少量的確診個案送入醫院，對「緩疫」有重大幫助嗎？
另有專家說，人類豬流感病毒有可能變種，將來的殺傷力或許更大。若是這樣，我們應否趁病毒溫和時先感染一下，讓身體產生抗體對付他朝變惡的病毒呢？
雖然有許多問題，但我是個服從的人，我會乖乖地戴口罩勤洗手，保持身體健康，以免加添醫護人員的壓力。
作者: simonkwong    時間: 09-6-23 00:38

十分認同你的講法，香港因有一班庸官才有這個地步。
原帖由 silvia_ng 於 09-6-23 00:28 發表
我仔仔學校今日已經搵哂我地家長開會, 亦都公佈左, 畢業典禮會改係9月5號補辦(如果不再停課的話, 則維持7月4號舉行)。我非常感謝及欣賞學校的處理手法，亦希望其他學校借鏡。

如果學校可以彈性處理，由家長自行決定是否 ...
作者: simonkwong    時間: 09-6-23 00:42

支持這個醫生講法。
原帖由 silvia_ng 於 09-6-23 00:35 發表
在此分享區樂民醫生的專欄，於6月20日刊於蘋果日報

緩疫問題一大堆 2009年06月20日
人類豬流感出現後，本港的衞生和醫療部門都很努力，我萬分感激他們。
隨着資料逐漸增多，醫學界很多人相信，人類豬流感的傳染性高，但殺傷力 ...
作者: simonkwong    時間: 09-6-23 00:45

人生有幾多個畢業禮，就算是一個帶口罩畢業禮都好過冇。
作者: JustinJustin    時間: 09-6-23 01:27

Agree. 帶口罩畢業禮.
阿囝由3月起練習唱歌及表演到6月10日, 連大會堂彩排都試過.
希望在明天,還我兒畢業禮.

原帖由 simonkwong 於 09-6-23 00:45 發表
人生有幾多個畢業禮，就算是一個帶口罩畢業禮都好過冇。
作者: YN    時間: 09-6-23 11:30

我都贊同區樂民醫生睇法，而且爭取有畢業典禮並唔等同我地唔注重仔女的健康，我地只係唔想就咁取消就算，相信所有家長都唔反對延期。

我都有教自己個女因為H1N1唔一定有畢業典禮，但同時我都話佢知我現正積極聯絡其他家長爭取補辦，亦有打返學校同老師表達意願。我要個女明白事理，同時都要佢知道要積極爭取自己權益，最後即使唔得都已盡力。當然可以話相對疫症，幼稚園畢業禮係小事，但係唔係有疫症就咩都取消，如果話我地爭取係太呵護小朋友，咁相對來講我覺得郁D就停課甚至停晒所有活動都係太保護小朋友，只係觀點角度唔同。其實畢業典禮唔係強制性，唔想去完全可以唔去，唔明點解話我地爭取係唔啱。

再者我地只係爭取，不是咆哮。
作者: loklokcarolma    時間: 09-6-23 12:15

我個女學校原本6/15舉行, 個女由3月開始放學後要留係學校練習唱歌及表演1.5-2hrs, 6/11宣佈停課學校就話要取消畢業禮, 我個女都好失望, 佢地咁細, 日日帶口罩幾個鍾, 又要著住表演服飾(連同校服喎), 無冷氣係操場練習咗幾個月, 差4日就到竟然話取消, 幾慘. 佢晚晚都會做番d練習及扮取畢業証書比我及daddy睇, 咁証明佢地幾重視及期待這個畢業禮呢.

政府可以聼下家長及小朋友的心聲嗎

[ 本帖最後由 loklokcarolma 於 09-6-23 12:19 編輯 ]
作者: Gabrielma    時間: 09-6-23 13:28

作為媽媽一份子, 我希望保留畢業典禮, 可以是延期或減少規模 (例如不要聯校), 讓小朋友可以留下美好回憶 !

仿且就算停課, 小朋友都有機會在社區 (e.g. 酒樓. 商場. 遊樂場, 補習班)感染到!
作者: Candy3148    時間: 09-6-23 13:44

我都同意有一個帶口罩的畢業典禮好過無！
我囡囡日日都唱畢業歌, 跳舞, 如果取消實在太可惜！
作者: MimiCactus    時間: 09-6-23 14:09

囝囝是K3學生, 踏入六月我已每天叮囑囝囝還有一個多月, 你要離開幼稚園, 你要每天爭取和老師同學相處時刻, 點知家下唔使返學咩都無得回味啦.  原本明天是囝囝會在大會堂行畢業典禮, 但依家無啦.  他每天和同學一齊努力采排表演環節和大合唱 ~ 橋.  但現在只可以變成回憶啦, 畢業禮會延遲至在七月尾舉行, 若到時仍不能舉行, 這份回憶會變成遺憾和失落.  唔通我地呢班03年出世SARS BB是更多波折和風浪?  我只想要一個簡單的畢業典禮.
作者: tingting媽媽    時間: 09-6-23 14:42

囡囡學校舉辦畢業禮正好是停課的第一天，取消了真係很可惜

眼看囡囡將要靜靜地畢業、靜靜地上小學，好似沒有為佢三年的幼稚園生活作一個完結，而感到婉惜

我有一個小小心願，期望希望會於將來補一個畢業禮給他們，即使已上了小學。
作者: samsmama    時間: 09-6-23 15:23     標題: 回覆 1# tingting媽媽 的文章

請大家同心協力
sent 個 email 比教育局反映下啦.
[email protected]
[email protected]
作者: samsmama    時間: 09-6-23 15:24     標題: 回覆 1# tingting媽媽 的文章

請大家同心協力
sent 個 email 比教育局反映下啦.
[email protected]
[email protected]
作者: ccdccl    時間: 09-6-23 20:27

原帖由 MimiCactus 於 09-6-23 14:09 發表
囝囝是K3學生, 踏入六月我已每天叮囑囝囝還有一個多月, 你要離開幼稚園, 你要每天爭取和老師同學相處時刻, 點知家下唔使返學咩都無得回味啦.  原本明天是囝囝會在大會堂行畢業典禮, 但依家無啦.  他每天和同學一齊努 ...


我和你的感受一樣, 我地班SARS BB真係好唔好彩, 點解政府會雙重標準, 中學就唔洗停課, 而且中學有人確診都係停2個星期啫, 點解我地要一直停落去? 請還我地SARS BB一個畢業禮!!!
作者: pc9    時間: 09-6-23 20:43

明天開始放暑假.
暑期校內外活動,畢業禮,交流團,依足衛生指引是可以進行的.



原帖由 ccdccl 於 09-6-23 20:27 發表


我和你的感受一樣, 我地班SARS BB真係好唔好彩, 點解政府會雙重標準, 中學就唔洗停課, 而且中學有人確診都係停2個星期啫, 點解我地要一直停落去? 請還我地SARS BB一個畢業禮!!! ...
作者: silvia_ng    時間: 09-6-23 20:51

原帖由 pc9 於 09-6-23 20:43 發表
明天開始放暑假.
暑期校內外活動,畢業禮,交流團,依足衛生指引是可以進行的.


REALLY?????
邊樹可以CHECK到呢個資料??? THANKS!
作者: pc9    時間: 09-6-23 20:52

正在聽記者會...

原帖由 silvia_ng 於 09-6-23 20:51 發表


REALLY?????
邊樹可以CHECK到呢個資料??? THANKS!
作者: G-Ma    時間: 09-6-23 20:58

咁又唔係雙重標準, 始終小學同幼稚園既學生年紀細, 抵抗力無咁好, 萬一感染大家都唔知會有咩情況.  

原帖由 ccdccl 於 09-6-23 20:27 發表


我和你的感受一樣, 我地班SARS BB真係好唔好彩, 點解政府會雙重標準, 中學就唔洗停課, 而且中學有人確診都係停2個星期啫, 點解我地要一直停落去? 請還我地SARS BB一個畢業禮!!! ...
作者: simonkwong    時間: 09-6-23 23:29

總算可以有畢業禮。
作者: hellorachel    時間: 09-6-24 00:52

要等學校通知有無得舉行
作者: Chunyan    時間: 09-6-24 12:08

我希望小朋友可以有畢業典禮, 有個美好回憶
作者: JustinJustin    時間: 09-6-24 20:07

有啦, 有啦, 今日問過學校,囝囝有畢業典禮,
改到9月之後,  會有個美好回憶
停課的功課, 下星期一要交足, 又有得攞新功課做,
真是太好了。

[ 本帖最後由 JustinJustin 於 09-6-24 20:09 編輯 ]
作者: tct    時間: 09-6-24 20:56

我都想我個囡有個畢業禮和同學仔say goodbye!
作者: Crabtree    時間: 09-6-24 21:02

我囡囡學校今日通知了, 畢業典禮如常係星期六舉行, 明天及後天回校彩排!
作者: video_ming    時間: 09-6-24 21:07

我囡囡學校都通知畢業典禮如期
作者: G-Ma    時間: 09-6-24 22:01

有畢業禮d小朋友一定好開心.
作者: ChapmanMa    時間: 09-6-24 22:35

I want my son's school can have the ceremony also.  I really agree all the comments from BK mom & dad.  Please give us back a memorable gradulation ceremony to our SARs babies.

原帖由 G-Ma 於 09-6-24 22:01 發表
有畢業禮d小朋友一定好開心.
作者: ChiChiPaPa    時間: 09-6-24 23:22

原帖由 ccdccl 於 09-6-23 20:27 發表


我和你的感受一樣, 我地班SARS BB真係好唔好彩, 點解政府會雙重標準, 中學就唔洗停課, 而且中學有人確診都係停2個星期啫, 點解我地要一直停落去? 請還我地SARS BB一個畢業禮!!! ...


我相信中小學有不同的處理是有理由的：





歡迎光臨 教育王國 (/) Powered by Discuz! X1.5