教育王國

標題: 有冇已叩門的家長，心情如何 [打印本頁]

作者: yoyohappy07 時間: 09-6-14 14:31 標題: 有冇已叩門的家長，心情如何

已叩門的家長，有冇等到好消息？心情如何?

作者: Geni 時間: 09-6-14 17:53

我諗今年叩門o既媽媽一定比住年o既緊張! 因為一來叩門位少o左, 二來撞直停課, 唔少學校推遲o左面試日期, 我叩o既其中一間仲話如果26號之後仲未復課就唔會in 人....

要行到叩門呢一步o既有兩類人, 一係派得唔滿意唔想俾小朋友去讀, 一係派得都ok或已有可以接受o既學校收o左, 但希望可以錦上添花. 呢兩類人o既心情一定會好唔同. 我係第一類人, 一知道自己派得唔好, 雖未至於食唔安訓唔落, 但真係好擔心. 依家叩門入到第3志願, 叫做定d, 但講真, 呢一間本來都唔係屬於我可接受o既學校名單內, 假如係派到呢間我一定會去叩門. 但經此一役, 我反而有d想唔再叩門, 就俾個仔o係o個度番學. 因為大抽獎之前, 我o既心入面就只有前兩個志願, 其他o個d我都只係o係咁二睇過o下資料, 但自派位放榜後, 我先真真正正去了解其他學校, 包括派到o個一間, 發覺其實冇想像中咁差, 再同小學校長傾過之後反而有d後悔冇一早揀佢. 所以"賽翁失馬, 焉知非福"!

祝大家如願以償!!

歡迎光臨教育王國 (/)