教育王國

標題: 你O地覺得迦南（九龍塘）好唔好? 我覺得好差! [打印本頁]

作者: celinapang 時間: 09-6-6 18:25 標題: 你O地覺得迦南（九龍塘）好唔好? 我覺得好差!

你O地覺得迦南（九龍塘）好唔好? 我覺得好差!

作者: kitty323 時間: 09-6-7 03:35

原帖由 celinapang 於 6-6-2009 06:25 PM 發表
你O地覺得迦南（九龍塘）好唔好? 我覺得好差!

我須然唔係九龍塘迦南，我白掛一吓有咩方面差令你覺得好差呀？

作者: BB成長期 時間: 09-6-7 17:44

提示: 作者被禁止或刪除內容自動屏蔽

作者: celinapang 時間: 09-6-9 17:54

原帖由 BB成長期 於 09-6-7 17:44 發表
我都好想知邊方面 (行政, 師資???), 你出得此標題, 應解釋一下, 不要令人去估.....你小朋友現讀那一級??

其實我地因為搬屋, 囡囡係LAM TIN 麗港個邊轉過來的, 我覺得果邊D TEACHER 好D, 很主動打電話比我, 告訴我囡囡在學校情況, 又時常有一些溫馨提示(用PAPER造)比我地D又BUSY又善忘既家長, 例如假期提示(會一星期前出的), 特別日子要注意地方(如生果日提示, 生日會提示.....)., 來到這裡完全係無.... 好像假期甘, KOWLOON TONG這邊, 放假前個日先派通告通知家長, 安排都安排唔切, 我都唔知KOWLOON TONG有沒有生果日 ? 生日會主題是什麼我都唔知 (雖然唔係太重要)? 好彩OR記得的話會在星期五派手冊時睇到..... 我試過打電話同主任及校長講,
佢話放假日子在手冊已經寫左 (但本手冊係星期五派, 星期一回收番), 仲叫我自己林辦法記住佢, 唔好依賴學校甘話.... 依家我唯有攞本手冊既行事歷COPY......
早知係甘, 唔會比阿囡轉過來..........

作者: celinapang 時間: 09-6-9 17:59

原帖由 celinapang 於 09-6-9 17:54 發表

其實我地因為搬屋, 囡囡係LAM TIN 麗港個邊轉過來的, 我覺得果邊D TEACHER 好D, 很主動打電話比我, 告訴我囡囡在學校情況, 又時常有一些溫馨提示(用PAPER造)比我地D又BUSY又善忘既家長, 例如假期提示(會一星期前 ...

我囡囡係讀上午ＢＢ班

作者: cherylyau_b 時間: 09-6-10 00:18

我唸都係唯有自己唸辦法記...
我個女8月開始讀喇!!
我咁<矇>,可能成日都miss左d放假,生日會....

作者: chanwendy 時間: 09-6-10 11:04

原帖由 celinapang 於 09-6-9 17:54 發表

其實我地因為搬屋, 囡囡係LAM TIN 麗港個邊轉過來的, 我覺得果邊D TEACHER 好D, 很主動打電話比我, 告訴我囡囡在學校情況, 又時常有一些溫馨提示(用PAPER造)比我地D又BUSY又善忘既家長, 例如假期提示(會一星期前 ...

我又唔認同你所講喎, 溫馨提示好多時都有, 有時非公假而放假的一定有紙仔比家長. 至於生日會主題, 我真係覺得手冊有講已好足夠, 因為嗰頁係講足一個月既嘢, 你至少都會睇到三四次, 而且開學頭都有派過通告講咗每次主題, 可能你係轉校生所以冇收到, 不過手冊一定有寫. 我都贊同老師的講法, 家長有責任去記住啲日子囉, 試想下下都出紙仔, 幾唔環保.

作者: celinapang 時間: 09-6-10 11:32

chanwendy,
你好! 我不是不信你說的 ! 你所說的 - 溫馨提示好多時都有, (有時非公假而放假的一定有紙仔比家長. ) , 是什麼來的, 是怎樣的 ? 我為什麼沒有回收過 ? 我好想弄個明白 ...

作者: BB成長期 時間: 09-6-10 13:54

提示: 作者被禁止或刪除內容自動屏蔽

作者: chanwendy 時間: 09-6-10 14:59

原帖由 celinapang 於 09-6-10 11:32 發表
chanwendy,
你好! 我不是不信你說的 ! 你所說的 - 溫馨提示好多時都有, (有時非公假而放假的一定有紙仔比家長. ) , 是什麼來的, 是怎樣的 ? 我為什麼沒有回收過 ? 我好想弄個明白 ... ...

我唔知你幾時開始轉過來, 但近一兩個都經常收到紙仔話唔洗返學, 包括高班去參觀, N班唔洗返學, 有一日係畢業禮前有一日 REHEARSAL, 都有紙仔 N1-K2 唔洗返學. 畢業禮後的星期一, 手冊都有講話係唔洗返學的, 但都有紙仔提大家唔洗返學. 正如 BB 成長期所講, 經常有仔講要預備咩嘢 FOR 做手工. 你冇理由一張都冇收過囉.

作者: kitty323 時間: 09-6-11 03:58

[quote]原帖由 celinapang 於 10-6-2009 11:32 AM 發表

哦! 原來如此, 其實我個小朋友就讀九龍城迦南K1,須然不同一間學校,但所有學習和老師派發通告大約是一樣,正如chanwendy所講,我都有收到這些通告,
大約近這二個月呢.老師在上堂時候同D學生講帶....回校,我個小朋友放學落校車就同我講老師要我們帶....回校,我記得有一次端午節假期前一日老師要小朋友帶一隻糉回校分享食用,我個小朋友落校車同我講,我都以為我個小朋友講笑我沒有在意,我心想,如果要帶一隻糉回校分享老師一定會有通告或者紙仔在功課上面,點解無紙仔呢,我個小朋友落校車同我講,媽媽你無比一隻糉我帶回校分享我好唔開心但係我都有份食是其他小朋友仔分享比我食,我先知原來是老師講比小朋友知,待回家同爸爸或媽媽為他準備....帶回校,早兩日我個小朋友講要帶沙灘玩具回校分享,今次我都有準備比我個小朋友帶回學校分享,
我每次都會照學校派發通告來做,其實唔係,須然通告講比家長知道一D信息和為他準備東西回校,應該留意小朋友所講的每句說話學校要我們帶....回校,而本手冊係星期五派,我會星期五睇手冊,重要會寫在白版待做,或者唔明白,我會同其他家長溝通和交流.
celinapang 你個囡囡是否比姐姐湊??

作者: BB成長期 時間: 09-6-11 09:33

提示: 作者被禁止或刪除內容自動屏蔽

作者: chanwendy 時間: 09-6-11 10:52

原帖由 BB成長期 於 09-6-11 09:33 發表
我阿仔又沒有叫食糉及帶沙灘玩具, 可能不同學校總會有些不同吧! 有一次阿仔同我說學校星期四要打邊爐, 我說你那麼細怕不怕呀...他又說我是要帶魚旦....跟著第二天就收到紙仔說阿仔負責帶魚旦, 而我亦打電話問老師有 ...

n1 唔需要帶糉的, 係 k班先要帶, 我見一齊等校車 k2的姐姐都有帶. 我囡又未試過同我講要帶啲咩, 但有時老師同佢地講放假, 佢就會話返我知, 咁有紙仔我都一早就知的, 我覺得呢個都係一個 training, 小朋友都真係要學識將老師的說話返屋企轉達父母, 因為上咗小學後, 可能更加成日要帶嘢返去做勞作, 我諗小學唔會再派紙仔啦.

作者: celinapang 時間: 09-6-11 11:03

[quote]原帖由 BB成長期 於 09-6-11 09:33 發表

我阿仔又沒有叫食糉及帶沙灘玩具, 可能不同學校總會有些不同吧! 有一次阿仔同我說學校星期四要打邊爐, 我說你那麼細怕不怕呀...他又說我是要帶魚旦....跟著第二天就收到紙仔說阿仔負責帶魚旦, 而我亦打電話問老師有 ... [/quot!e]
你們好! 其實我講既唔係做圖工的工具or課堂教具提示紙,因為果D都好minor, 我講既係放假果D提示可以的話可以早D比家長 ,唔好林放假前果日先比我地, 等D家長有特別安排, 因為我要返工, 屋仲有阿仔(16mths)要睇, 得一個工人好踢腳, 我果日請左sick leave.....打電話同主任講, 佢叫我自己林點佢......

作者: celinapang 時間: 09-6-11 11:15 標題: 回覆 2# chanwendy 的文章

chanwendy, 唔係呀, 我識得一個家長, 佢同我阿囡唔同班的, 都係讀N1, TEACHER有比紙仔叫佢帶糉.

作者: chanwendy 時間: 09-6-11 14:35

原帖由 celinapang 於 09-6-11 11:15 發表
chanwendy, 唔係呀, 我識得一個家長, 佢同我阿囡唔同班的, 都係讀N1, TEACHER有比紙仔叫佢帶糉.

我囡嗰班唔需要, 佢地有做一個糉的勞作仔囉. 一個 N1 小朋友邊食晒成隻糉呀, 好在唔洗帶咋, 我今年都冇食過添呀.

另外放假方面, 除咗手冊每個月頭都講晒該個月的假, 如果係額外的假亦都一定個幾星期前就收到紙仔, 我個人覺得有成個星期, 點都安排到架喎. 我家姐都係一個工人睇兩個小朋友, 都係咁睇啦.

作者: celinapang 時間: 09-6-11 16:35

chanwendy, 其實你可以check 番最近高班畢業典禮後的假期通告, 是在5月15日(星期五) 出的, 通告話5月17日(星期日)畢業典禮, 5月18日放假, 我放工返來都趕唔切同公司請假, 唯有請SICK LEAVE...... 可以話係無時間比你預備咯, 不過我認我是善忘的., 我同同班既媽媽傾., 有好多媽咪都唔知5月18日放假喔 ! 你都可以話手冊最後果頁有寫, 所以我都話我已經COPY左 ........

作者: chanwendy 時間: 09-6-12 10:47

原帖由 celinapang 於 09-6-11 16:35 發表
chanwendy, 其實你可以check 番最近高班畢業典禮後的假期通告, 是在5月15日(星期五) 出的, 通告話5月17日(星期日)畢業典禮, 5月18日放假, 我放工返來都趕唔切同公司請假, 唯有請SICK LEAVE...... 可以話係無時間比你 ...

嗰日的假期, 手冊假期嗰頁一早講咗架喇, 所以冇紙仔我都知係放假. 坦白講, 我覺得作為家長有責任留意學校假期, 冇理由你自己粗心大意就個波交比學校啫. 手冊一個星期派一次, 你認真睇既就已經睇咗十幾次啦. 家長係一個大人, 唔通要老師好似揍小朋友咁揍埋個家長咩. 你打去學校同老師講, 老師叫你自己諗掂佢, 咁既回覆係最正常不過的. 一早通知你唔準備, 嗰張紙仔只不過係一個 reminder 之嘛. 如果你覺得咁樣都叫安排得唔好, 咁你認為點樣先算好呢?

作者: celinapang 時間: 09-6-12 14:00

其實我唔知點解你甘激動, 除非.....

因為我從LAM TIN 果邊轉果里, 見到有甘大既唔同, 講比網上的媽咪知作一個比較, 都很正常, 只可以話LAM TIN 既先生懂得體諒家長, 你說得對, 作為家長應該有責任去知道學校既SCHEDULE, 但我個人覺得一星期前的REMINDER不是太過份., 我家姐都係先生, 做左20年, 依家係某中學的訓導主任, 我跟她談論過這CASE, 她的回復是即使係中學都會在3日前出REMINDER通知家長放假, 我相信做到中學既SCHEDULE 一定唔會小得過幼稚園哇, 學校這方面做得唔夠妥善., 我講比大家知, 自己賣過教訓, 都給家長知道即使同一個學校集團, 不同校舍有不同的處理方法....

如果要講既, 我仲有樣野發覺都係好唔妥, 逢星期五派的黃色細細本既貼星星簿仔, 我想問其他家長, 先生是怎樣貼的? 而這本黃色細細本既貼星星簿仔用途又是什麼 ?

作者: 小福媽媽 時間: 09-6-12 14:39

我都有小朋友讀九龍塘N1,
老師好少會打俾我(打得俾我都係衰野啦, 無事唔會CALL我, 打過幾次來, 叫我可以幫小朋友介片呀, 同我講小朋友今日流鼻咁囉)! 另外, 我都識媽媽有小B讀麗港城, 佢老師係成日打比佢呀! 不過係佢個仔... 係學校咬人... 打人.... (所以,有時唔係話多電話就好, 你小朋友係學校無得別野發生,  老師當然唔打俾我啦)

紙仔成日都有架, 打邊爐試過, 帶益力多樽, 帶紙盒, 咩老師發展日, 咩高年班畢業禮放假...... 你好想老師成日CALL你同你講係小朋友有咩問題咩??

生日會就唔係老師提, 要自己留意手冊!
有時校車EE會提我地, 有時無...

幾時放假, 其實係要家長自己睇校曆表!
BTW, 我都試過早前端午節大意無睇, 好在有親戚都係讀同一間學校, 提我放完假係生日會....

你係咪在職媽媽, 工人湊小朋友呀? 會唔會小朋友放左學, 係書包拎D書出來睇, 掉左D紙仔呀??

本黃色細細本既貼星星簿仔, 我都唔知點用, 我又無在意呀!

5月尾有家長日, 你有冇去呀?  點解唔反映下呢?

作者: chanwendy 時間: 09-6-12 15:06

嗰本黃色書仔, 好明顯佢係隔個星期輪住貼的, 從個日子都可以睇得出. 你問我本書仔有咩作用, 坦白講對家長而言, 冇咩作用, 但對個小朋友有作用, 可能我個女本身都好鍾意貼紙嘢, 佢會覺得得到一個貼紙代表佢好乖. 我唔知你小朋友係咪都係咁, 呢本書仔對我而言, JUST A GAME, 我咪讚吓亞囡好叻囉, 佢咪好開心囉咁話老師話佢乖囉.

樓主, 我唔覺我好激動, 只係覺得你某程度上對學校老師要求係高咗啲. 正如小福媽媽所講, 你家長日有冇同老師講你覺得呢啲紙仔比得太遲呢. 同意小福媽媽所講, 如果個小朋友在學校樣樣都 HANDLE 得好好, 咁老師打比家長都唔知可以講啲咩, 我讀咗一年, 除咗初開學接過老師兩三次電話外, 之後都係我主動打去搵老師問嘢的. 其實佢地係得五點後的時間先得閒接電話打電話架咋. 所以真係唔好要求老師成日有電話, 佢地真係冇咁多時間的.

作者: BB成長期 時間: 09-6-12 15:47

提示: 作者被禁止或刪除內容自動屏蔽

作者: BB成長期 時間: 09-6-12 15:50

提示: 作者被禁止或刪除內容自動屏蔽

作者: celinapang 時間: 09-6-12 20:12

仲講家長日, 我真係火都o黎, 我準時到, 點知等o左
30mins 個先生都無影, 見到一個一個家長入去, 我等到唔耐煩, 行來行去, 校長走o黎問我搵邊個, 我話搵miss xxx
點知校長走去門口指指下, miss xxx先叫我入去, 佢話唔知我o黎o左, 又話以為我忘記了....離譜! 我在counter 已經報到o左, 我見個先生都走去門口 2times, 做先生, 係咪應該出o黎睇睇有無家長到?
至於果本黃色貼紙簿, 我依家先知它的用途, 但我問過LAGUNA CITY 果边, 佢正如BB成長期 講在7個中選5個較好的地方上貼上, 而我囡個MISS真係好似chanwendy 講輪流貼(點解你會...), 這個week 貼前4頁, 下星期貼後4頁....

作者: windytiu 時間: 09-6-15 00:22

我個仔都系去年11月先插班入讀n1,到依家都成大半年了,我感覺間學校好好喔,上至班主任下至地姨姨對我仔仔都好細心,我仔仔由最初的週圍走晤肯坐定定到依家好守規范,聽話;上星期六開家長會班主任亦好清楚咁同我講述仔仔系學校的點滴,對於我仔仔的性格亦非常了解
而每次放假或有特別事情都有紙仔或致電俾我,而學校假期同埋生日會系手冊的尾頁己有列出,我由第一日收手冊時就影印左一份放系屋企,所以大致上來講我覺得學校都跟得几足囉

作者: ryany 時間: 09-6-15 17:00

我仔仔都係8月開始啦!

原帖由 cherylyau_b 於 09-6-10 00:18 發表
我唸都係唯有自己唸辦法記...
我個女8月開始讀喇!!
我咁,可能成日都miss左d放假,生日會....

作者: midcochow 時間: 09-6-16 01:59

我大仔之前都係O向迦南讀幼稚園, 3年都冇你講依D 問題, 每次都會提早派通告! 而家到囡囡讀K1, 一樣都冇你講依D 問題, 而且我覺得學校D 老師好好tim. 其實我覺得你要問吓你自己, 係咪自己問題多於學校問題, 因為就算我大仔讀P.2, 學校都係一樣一早將D 假期表放O向手冊後面, 家長自己當然要留意吓啦! 如果樣樣都指意學校提你, O甘你都幾依賴人啫!

作者: MALTESE2000 時間: 09-6-16 12:41

原帖由 midcochow 於 09-6-16 01:59 發表
我大仔之前都係O向迦南讀幼稚園, 3年都冇你講依D 問題, 每次都會提早派通告! 而家到囡囡讀K1, 一樣都冇你講依D 問題, 而且我覺得學校D 老師好好tim. 其實我覺得你要問吓你自己, 係咪自己問題多於學校問題, 因為就算 ...

作者: celinapang 時間: 09-6-16 16:45

我已打聽其他學校..........
我個仔一定唔會讀九龍塘迦南幼稚園 (九龍塘) 囉,
唔怪得上親子旅行, LUNCH 時候, 個個都轉o左第二間
幼稚園啦 ! 仲有個家長話, 有得"間 ", 都唔會"林"迦南幼稚園 (九龍塘) 呀! 依家知點解.......

作者: BB成長期 時間: 09-6-16 17:20

提示: 作者被禁止或刪除內容自動屏蔽

作者: celinapang 時間: 09-6-16 17:40

我已有打算, 其實幼兒園有很多選擇, 不過不在這裡談論,
我家姐比o左以下選擇我 :
eg. 1 ) 劍X幼稚園 2) 九龍靈 X 堂幼稚園
3) 樂 X 幼兒學校（九龍塘）

作者: midcochow 時間: 09-6-17 18:02

其實我希望樓主出這個topic 時, 認真去想想, "我覺得迦南好差" 這句說話. 因為如果只針對一兩個point, 而且個point 重點不是放在教學上, 請不要誤導大家!

另外你話上親子旅行時, 有家長話"有得"間", 唔會諗迦南", 佢哋所有家長有否同你講學校係教學上出現問題, 所以唔"間"呢? 定係你自己覺得人哋唔"間", 就代表間學校差呢? 而且以我所知, 有家長唔選迦南, 係因為佢哋希望搵一間有小學backup 嘅幼稚園, 亦有可能有家長交唔起o甘貴學費? or 佢想搵間屋企附近嘅幼稚園? or 因為無其他學校有n 班讀, 佢咪諗住係迦南讀一年, 之後會轉其他幼稚園呢? or 佢一心想搵國際學校呢? or 迦南根本唔收小朋友讀k班? 所以未必會係你所諗嘅迦南唔好而唔讀!

當然如果你選到一間好學校比你小朋友, 這個當然高興啦, 但你所講o個3間, 又真的沒有你所講的問題存在嗎? 如果到時又有這些問題存在, 你又是否話那間學校不好呢?

其實本人只想分釋一下! 如有得罪, 請見諒!

原帖由 celinapang 於 09-6-16 16:45 發表
我已打聽其他學校..........
我個仔一定唔會讀九龍塘迦南幼稚園 (九龍塘) 囉,
唔怪得上親子旅行, LUNCH 時候, 個個都轉o左第二間
幼稚園啦 ! 仲有個家長話, 有得"間 ", 都唔會"林"迦南幼稚園 (九龍塘) 呀! 依家知 ...

[ 本帖最後由 midcochow 於 09-6-18 01:38 編輯 ]

作者: CindyMak 時間: 09-6-18 05:24

其實部份園學校出通告/假期/紙仔....都好似。
就以劍鳴為例(我大仔當年讀N班)同迦南差唔多。
我只擔心到時你希望越大失望越大.

原帖由 celinapang 於 09-6-16 17:40 發表
我已有打算, 其實幼兒園有很多選擇, 不過不在這裡談論,
我家姐比o左以下選擇我 :
eg. 1 ) 劍X幼稚園 2) 九龍靈 X 堂幼稚園
3) 樂 X 幼兒學校（九龍塘） ...

作者: BB成長期 時間: 09-6-18 09:32

提示: 作者被禁止或刪除內容自動屏蔽

作者: jimmycarrie 時間: 09-9-13 10:30

在幼稚園來說，九龍塘迦南太大間，開班又多，由學前班到正式幼稚園，再加上興趣班，學生實在太多，教職員要同時兼顧那麼多課程，忙中有錯一定有的。

幼稚園應該重質不重量，地方細些，學生少些，反而可以更貼身照顧每個小朋友。

作者: 檜之友 時間: 09-10-13 15:54

原帖由 midcochow 於 09-6-17 18:02 發表
其實我希望樓主出這個topic 時, 認真去想想, "我覺得迦南好差" 這句說話. 因為如果只針對一兩個point, 而且個point 重點不是放在教學上, 請不要誤導大家!

另外你話上親子旅行時, 有家長話"有得"間", 唔會諗迦南", ...

嚟位家長講得好啱....我仔仔之前係迦南讀n1....發覺真係不是出面所講得咁差........照顧小孩.....責任是係家長度....已不是係先生或學校度......

至於樓主嘅問題.....好簡單.....將每個月月曆print出嚟.....貼起拒.......張手冊上嘅假期....要帶乜.....生日會等等寫囇上去......就唔會出錯.....又可以幫孩子早啲準備......

[ 本帖最後由檜之友於 09-10-13 16:00 編輯 ]

作者: ppcleung2000 時間: 09-10-30 17:23

原帖由 midcochow 於 09-6-17 18:02 發表
其實我希望樓主出這個topic 時, 認真去想想, "我覺得迦南好差" 這句說話. 因為如果只針對一兩個point, 而且個point 重點不是放在教學上, 請不要誤導大家!

另外你話上親子旅行時, 有家長話"有得"間", 唔會諗迦南", ...

Agreed. My little darling went there for nursery, the teachers therewere really good, know how to please the little one as well as theparent. The little one really enjoyed school there. No complaint at all. Though we moved on to another school for K1, and that was due to her elder sister is studying there and they only do K1 onward. And Yes, they lost some kids every years, but only to the two big name in KLT.

作者: 仔女亞媽 時間: 09-10-31 00:38

各位媽咪, 唔好意思我係黃埔迦仔既媽咪, 我見大家傾得咁, 也來發表下, 我仔今年k1, 讀左2個月, 之前讀左 n仔半年, 我就麻麻地鐘意n仔個老師, 成日黑口黑臉, 笑都唔笑下, 試問小朋友點會鐘意返學呢 ? 我話比我自己聽都係認你半年者, 今年阿仔讀k1, 2 個老師都幾好, 特別班主任四萬咁口, 成日傻豬豬前, 傻豬豬後, 雖然好似好肉麻咁, 見親面都會講下(因我是全職主婦)阿仔既情況, 所以個仔好鐘意返學, 返來識唱好多歌, 佢地都會有溫馨提示, 但生日會等等, 自己就要睇手冊了, 所以做媽咪既真係要睇多d 手冊上既野, 係要靠自己了..冇偈啦!!

歡迎光臨教育王國 (/)