教育王國

標題: 天神嘉諾撒vs禮賢 [打印本頁]

作者: ACCC 時間: 09-6-6 11:59 標題: 天神嘉諾撒vs禮賢

天神嘉諾撒(紅磡)和禮賢,請問有冇人知道那間好些?例:課程深淺;英文語言環境;德育;老師;校風;功課多少等等,有任何資料也歡迎發表,謝謝!

作者: ACCC 時間: 09-6-6 12:08

如上題,請問有冇人比到意見?

作者: wensi 時間: 09-6-6 12:21

原帖由 chengwaiking 於 09-6-6 11:59 發表
天神嘉諾撒(紅磡)和禮賢,請問有冇人知道那間好些?例:課程深淺;英文語言環境;德育;老師;校風;功課多少等等,有任何資料也歡迎發表,謝謝!

兩間都收左你?

作者: 鳳梨 時間: 09-6-6 12:24

一定係天神嘉諾撒(紅磡), 一條龍上聖瑪利英中

原帖由 chengwaiking 於 09-6-6 11:59 發表
天神嘉諾撒(紅磡)和禮賢,請問有冇人知道那間好些?例:課程深淺;英文語言環境;德育;老師;校風;功課多少等等,有任何資料也歡迎發表,謝謝!

作者: octoct 時間: 09-6-6 13:45

唔駛想了,一定是天神,一條龍上St. Mary's,除非你是基督徒啦

兩間都是中文教學,天神校風幾好,禮賢老師有愛心,不過如果我是你, 一定選天神,校舍都大好多啦

作者: mow-mow 時間: 09-6-6 13:49

No contest - definitely 天神.

作者: ACCC 時間: 09-6-6 23:08

wensi,
係呀!兩間都收咗,而家正在頭痛怎樣選擇,本身是喜歡禮賢多些,但因它是深水埗網而令我有些顧慮,但天神嘉諾撒又太認識,只知它有一條龍中學,可否有人告知多些"天神"的資料,例:老師如何? 程度邊間深? 品德教育好嗎?etc. thanks!

作者: 焯媽媽 時間: 09-6-6 23:17

我看到天神小學的校車隊陣容非常盛, 如果無搞錯, 好似有20多車的, 可以想像, 學生來至五胡四海, 學生背景物都有, 單是看學生返學放學便知一二, 覺得校風都可以, 看到絕大部分學生必定有家長/外傭接送, 因為見同區隔離或其他學校, 好多自己返放學的....

但相信本區學生都不少, 我見到d女仔行路返學時, 手拿默書溫習, 相信讀書壓力可不少

作者: sandrawun 時間: 09-6-7 00:07

提示: 作者被禁止或刪除內容自動屏蔽

作者: ^Melody^ 時間: 09-6-7 00:47

其實選哪間學校要看你想小孩在什麼型式的學校學習. 這樣說吧 , 個人覺得天神很好~ 也比較嚴格, 校風好. 以前很久以前功課算多. 1星期4次默書. 2中2英. 1讀1背. 現在是不是還是這樣我就不清楚了~ 要有小孩在那讀書的家長才可給你最新資料~^^~

作者: ACCC 時間: 09-6-7 22:01

唔知天神的老師如何?是否有愛心還是很惡/嚴?會否與家長多溝通或是連女兒在校發生什麼都不知呢?課程程度如何?e.g.教高半/一學年.功課多唔多?是否需要補習?幾點返學放學?每天有沒有做功課堂?實在太多問題,希望有人可以解答到我!

作者: BOBO128 時間: 09-6-8 01:08

唔知天神的老師如何? P.1 老師很 nice

是否有愛心還是很惡/嚴? 有愛心, 但都算嚴

會否與家長多溝通或是連女兒在校發生什麼都不知呢? 溝通多了很多....&很多機會做家長義工.

課程程度如何?e.g.教高半/一學年. (正常, 但英文科就深)

功課多唔多? 很多 (平日 7-10 樣), weekend 14 樣, 放長假 .... 仲多. (2-3 樣是改正)

是否需要補習? 有需要,如你沒時間教導

幾點返學放學? 8:10 - 3:20

每天有沒有做功課堂? 星期一,2,4 有 30 分鐘

默書 : 每星期 2 次, 1 中1英

全期 : 2 test, 2 exam + 3 次英文 quiz.

* 整體好滿意, 老師比想像中好和友善, 學校活動多, 但功課多, 程度深, 校風好好. 小朋友算斯文和乖 !

但真的有心理準備... 功課多. 中,英文程度深和教得快.
數學就不算深.

[ 本帖最後由 BOBO128 於 09-6-9 02:24 編輯 ]

作者: maisyraymond 時間: 09-6-8 09:22

May I know how much Lai Yin costs a month ( I mean the school fee)? I can't find the info in their website.

thanks!!

作者: ACCC 時間: 09-6-8 10:03

禮賢學費是28500/年,分十期交.
多謝BOBO128咁詳細的資料,還有想問校內的宗教氣氛濃厚嗎?閱讀氣氛好嗎?既然咁深(指中和英)是否老師會教得學生明白或是會求其教完便讓家長回家教/出去補習呢?例:英文文法,中英文作文等等,有冇遁序漸進地教授?(因我知禮賢這方面教得幾好)
謝謝大家提供意見.

作者: cottontail 時間: 09-6-8 12:20

唉, 咁多功課, 仲邊有時間睇書呀??

作者: BOBO128 時間: 09-6-8 23:48

不用客氣, 我只是寫出我知道....

宗教氣氛濃厚嗎? 如果是已領洗同學, 會有多一課,由修女講導理和分享. 校長不是修女.
閱讀氣氛好嗎? 我女女就一直都喜歡閱讀. 每星期有 4 堂 reading lessons.

既然咁深(指中和英)是否老師會教得學生明白或是會求其教完便讓家長回家教/出去補習呢?
學校有好多 worksheets 功課. 我見囡囡都知道點做, 但我都有教導她,令她更明白. 因量大,如果p.1小朋友自行溫習,會比較吃力.

p.1 eng : simple present tense, past tense, present continue tense ( 她們是用新加坡書 ) , 所以比一般小學深. 而 DBS 都係用同一 SET 書, 但DBS 用 BOOK 2. 天神用 BOOK 1.

作者: BOBO128 時間: 09-6-8 23:51

原帖由 cottontail 於 09-6-8 12:20 發表
唉, 咁多功課, 仲邊有時間睇書呀??

老實講 .......無麥時間睇書, 盡量放假俾佢睇 ....
如果識晒學校俾既野....都好好 !
所以睇電視就更加少 ........
有時間, 我會同佢落下街食飯/去下公園 .....行下.

作者: 焯媽媽 時間: 09-6-8 23:56

原帖由 maisyraymond 於 09-6-8 09:22 發表
May I know how much Lai Yin costs a month ( I mean the school fee)? I can't find the info in their website.

thanks!!

可參考以下資料

http://krs.school.hk/~pri/a_app.html

作者: ACCC 時間: 09-6-9 01:27

BOBO128,
你好!多謝你解答我的問題,讓我了解天神更多,我在天神的討論區到你話你的女兒很活潑,坐不定,不知入了天神之後如何呢?能否適應咁嚴的校規?另外又睇到話有老師很惡,是否真的呢?這類老師在校內比例多少呢?英文科上堂是否全英語?真係好多問題,麻煩晒!

作者: 竹葉青 時間: 09-6-9 01:40

HI,

我囡囡都係天神小四生,今年功課又唔算多都係四至八到,有兩三樣都只係改正如冇錯咪做少D囉,學校好重視英文同數學,中學部都好重視佢地英文閱讀架,佢地分廿個LEVEL架，但係就好似只去到小四到，小五就唔知喇，最好小四前就達到level21啦（Rainbow Magic大約係Level12-14到),所以一定要培養好一個閱讀興趣。
好多老師都很好，我就冇聽過囡囡有話邊個老唔好，佢個個老師都鍾意架，如惡果Ｄ我諗都只係個學生唔合作先會咁。
我囡囡都没有補習，只係返功課托管因為我地要返工接唔到佢。所以讀書壓力都唔係好大，我囡囡都有時間玩好多課外活動。

作者: BOBO128 時間: 09-6-9 02:21

chengwaiking,

不用客氣. 暫時我囡囡都 ok ! 只是上堂不夠專心.老師也沒有特別指責, 只是第一次派成績表時指出.暫時教過囡囡既老師都好好人, 不是惡的老師.
其實天神都有很多活動參加.看看自己有沒有時間參加.
而功課方面, 我覺得今年p.1比之前1,2 年的p.1加左少少 worksheets .(因有比較過),老師曾提及有需要增加.希望再提高她們之水平.

[ 本帖最後由 BOBO128 於 09-6-9 11:33 編輯 ]

作者: ACCC 時間: 09-6-9 18:13

唔該晒大家(竹葉青和BOBO128)
聽聞有些天主教女校(名校)P.1已分黨分派,又要賄賂班長(例:小息請她食嘢)這是風氣,又話如果家長多投訴的話,那他的女兒操行便會唔好....等等,聽了後都赫親,唔知天神有冇這些問題呢?如有人知,請告知我,幫幫忙!

作者: 栗子媽媽 時間: 09-6-9 22:52

BOBO
你放心, 你P.2時可能可以好HEA
今年P.2 正常每日不多於5樣功課

作者: BOBO128 時間: 09-6-9 23:28

我係小息, 午餐時見到(每星期1次做義工, only 1 樓 area ), 又沒有好大問題.........當然有一班, 一組自己玩, 因有好多風紀, 老師, 校長在走廊到行來行去, 而且小息時, 小朋友好似好忙甘, 有 d 要去圖書館,又去教員室, 又去邊到做什麼 ....

栗子媽媽,

好開心收到你的信息, 今年真係好疲倦. 幸好囡囡都好合作.

作者: ACCC 時間: 09-6-10 12:06

係咪除了女兒回家告知校內情况,否則都很難從其他途徑(e.g.老師)知道呢?其實大部分的學生是否都沒甚麼空閒時間(指放學後)呢?(除了竹葉青的囡囡外,因她是拔尖班的,可能比較快手快腳)她們喜歡返學嗎?學校有沒有給她們壓力呢?還是給家長壓力呢?今天去了註冊,學校派了張通告,通知11/7開家長會和考小朋友的英文,請問知唔知內容和考什麼呢?很多很多想知的事情,真是多多包容,麻煩大家答覆.謝謝!

作者: cy664 時間: 09-6-10 12:48

Do you know how many mark can enter Holy Angel in 1st round ?
15 or 20 marks ?

Thanks

作者: ACCC 時間: 09-6-10 13:27

我不知道,因我是大抽獎抽到的.

作者: ACCC 時間: 09-6-10 23:16

有冇人可以幫到我!

作者: BOBO128 時間: 09-6-10 23:18

其他途徑(e.g.老師)知道呢? yes, 可以同老師電話聯絡.佢地都好 nice.

其實大部分的學生是否都沒甚麼空閒時間(指放學後)呢?我囡囡果班好幾個都好忙 .... 當然不是忙到連什麼也做不到.

她們喜歡返學嗎? 喜歡

學校有沒有給她們壓.... 給家長多.....再由家長給小朋友.

作者: ACCC 時間: 09-6-10 23:48

BOBO128,
多謝你耐心的回覆,我實在太多問題了,如你不介意的話,可否與我通電話,問多些資料呢?(因你真是很好人.)如你答應,我便PM TEL. NO.給妳,好嗎?

作者: shalaladream 時間: 09-6-11 12:24

朋友既兩個仔仔都係禮賢, 兩個都好乖, 老師都好有愛心

作者: ACCC 時間: 09-6-11 23:44

禮賢的品德和基督教教育是否很強?可否舉例,從何見得?

作者: cow 時間: 09-6-12 09:28

原帖由 chengwaiking 於 09-6-9 18:13 發表
聽聞有些天主教女校(名校)P.1已分黨分派...

女孩子就是這樣的。

作者: 竹葉青 時間: 09-6-12 10:59

CHENGWAIKING,

我囡囡唔係拔尖班,我話明年小五先會攪,暫時係冇分架,每班都好平均,其實你都唔洗太擔心,而家天神冇巳前d人講得咁夸架喇,巳輕鬆好多你放心啦.

原帖由 chengwaiking 於 09-6-10 12:06 發表
係咪除了女兒回家告知校內情况,否則都很難從其他途徑(e.g.老師)知道呢?其實大部分的學生是否都沒甚麼空閒時間(指放學後)呢?(除了竹葉青的囡囡外,因她是拔尖班的,可能比較快手快腳)她們喜歡返學嗎?學校有沒有給她們壓 ...

作者: catcatmom 時間: 09-6-12 11:43

禮賢D小朋友好禮貌, d 老師超有愛心 !

原帖由 shalaladream 於 09-6-11 12:24 發表
朋友既兩個仔仔都係禮賢, 兩個都好乖, 老師都好有愛心

作者: ACCC 時間: 09-6-12 12:33

catcatmom,
咁比你揀,係咪會揀禮賢呢?但天神又有中學back up,校風都唔錯,但我唔識人在天神讀,所以不知學生的禮貌或表現如何?本人都好欣賞禮賢的老師,但這又是不是選校的全部因素呢?真係好矛盾!

作者: wensi 時間: 09-6-12 16:15

chengwaiking

其實你知唔知自己想要乜?知唔知囡囡受邊一套?

如果連自己都唔知, 其他俾咩意見都無用.

如果選校前做定research 就唔洗而家咁煩啦!

你不如快d 決定,放返一個位出來俾未有好學校收ge 小朋友, 好多媽咪好心急.

作者: 喧嘩 時間: 09-6-12 18:59

我想分享下我對LEE兩間學校的感受
我自己都係選左天神, 不過派唔到, 最後決定讀禮賢
囡囡幼稚園係活動教學, 所以IN D有關要串字, 計數, 認字等等佢都會比下去, IN左幾間私/直校, 間間我都鐘意, 間間都超級多人考, 而我起初對禮賢係一D認識都冇, 點解去考, 係因為覺得亞女應該考唔到其他果D, 禮賢聽聞都唔差, 我自己又覺得唔係好名校, 應該少D人考, 所以諗住(戰)其他私校底, 點知真係, 除左禮賢, 同GH WAITING之外, 就食晒白果, 間間我地都係兩公婆一齊帶亞女IN, 亞女亦悉心裝扮過, 除左禮賢, 得老公帶佢去, 仲要著住校服, 老公話我知禮賢都唔少人IN喎, 仲要老師問亞女醫生同護士有乜分別, 亞女話男同女喎, 以為衰梗, 點知冇宗教分, 又唔係幼生竟然收左, 從果刻開始留意禮賢
亞女性格係好動, 鐘意群體生活, 非常鐘意人留意重視, 讚,聽聞禮賢老師會做家訪, 老師非常好, 真係最啱亞女, 而且每天LUNCH後都唔洗上堂, 兩日學嘢, 一體一藝(啱晒亞女, 可以同同學仔一齊學D非學術的課外話動), 另外兩日做功課(正, 返到屋企唔洗做咁多, 可以做其他嘢, 同埋有同學仔同老師陪佢做功課, 啱晒佢, 佢平時做公文數都要我地陪住), 有一次亞女自已話想做補充練習, 咁我就話好, 仲叫佢自己入房做, 點知佢話左我地一句, (當然我兩公婆掛住睇TV啦, )佢話我肯做補充練習都係因為想你地陪我, 另外果日就食完LUNCH放學.
而禮賢課程唔會教深亦都唔會俾其他學校淺(除左某D名校), 但功課量唔多
學生家境比較平均, 絶少新移民
男女校
而點解會選天神, 因為一條龍, 同埋間學校校風都唔差, 但衰在女校, 課程, 功課會較深, 就算P1唔深, 之後P3,4,5,6一定會好吃力, 如果唔係去到ST. MARY中學, 會同ST.MARY小學D小朋友分別好大, 但係唔俾亞女試又點知佢唔得呢? 所以我都博下, 始終讀唔到再轉D普通學校仲得,不過我有朋友讀天神, 之後P4轉左去協恩, 佢話天神深過協恩, 辛苦過天神,
天神學生會好參差,因為統一派位人人都可以選
其實好睇自己個小朋友係乜性格, 鐘意讀書果D當然天神啦, 如果本身怕讀書而再選天神, 我怕....而我地選禮贀, 希望亞女可以培養到對讀書的興趣, 我唔想佢行我細個果條路, (唔鐘意返學), 我想佢好鐘意返學, 好似而家咁, 佢而家間幼稚園, 老師都好重視佢, 畢業禮又選佢做小司儀, 已經唔係第一次, 我唔想亞女喺間學校做配角, 我想佢做主角 , 一個喺學校唔覺得佢存在的小朋友, 佢返學一定唔會返得開心

作者: 喧嘩 時間: 09-6-12 19:01

我今日去左禮賢註冊, 見到D家長同小朋友質數都C C文文, 出面就泊晒私家車,
相比我果日去津校留位, 我填緊表, 旁邊有個個樣似就黎五張, 裝扮似一個正宗抽住晒餸, 大汗達細汗果種屋村C奶, 跟住就唔見其他準小一家長
但係見到個二, 三年班女仔同佢亞媽喺度講嘢, 內容如下: D呀, 姣先識識寫攪龍呀?我勤日咪同你嘩左囉, 攪龍, 沙界喎....., 同今日個FEEL好唔同, 雖然禮賢校舍唔大, (其實我未入過去), 只係喺門口, 但係個感覺舒服D, STAFF都禮貌D
雖然每個月要俾學費, 又冇津貼, 算啦, 豪俾佢, 希望冇選錯啦, 有冇其他家長可以分享多D禮賢信息俾我? 等我更有信心呢?

作者: ACCC 時間: 09-6-13 00:51

喧嘩,
好多謝你的分享!給了我一些方向.呀!多口問一句,你是否誇網選天神?另外,我對禮賢都有些認識,老師的質素真是好,問十個,十個都讚老師有愛心,相信你冇揀錯,比信心繼續去吧!若我最後決定讀禮賢,就再和你相認吧!

作者: 凱富路 時間: 09-6-13 00:56

>>我唔想亞女喺間學校做配角, 我想佢做主角 , 一個喺學>>校唔覺得佢存在的小朋友, 佢返學一定唔會返得開心

多口講句﹐如果只有做主角才開心的話﹐世界上就沒多少人會活得快樂了。其實小朋友也須要學習如何當一個好的配角﹐ 不可能在任何場合他們都做主角的。老是想要做主角的話﹐最後痛苦的是自己﹗

作者: 喧嘩 時間: 09-6-13 14:10

多口講句﹐如果只有做主角才開心的話﹐世界上就沒多少人會活得快樂了。其實小朋友也須要學習如何當一個好的配角﹐ 不可能在任何場合他們都做主角的。老是想要做主角的話﹐最後痛苦的是自己﹗

你講得冇錯, 不過我諗你有少少唔太明我意思, 試問有邊個家長唔想自己小朋友做主角, 被人重視, 有誰喜歡讓自己的小朋友永遠做配角, 若果去到一間學校, 老師連他的名字也記不起, 相信那小朋友不會比其他人更喜歡上學, 當然能夠當上主角的小朋友一定有機會做配角, 但做開配角的小朋友就未必有得做主角, 以前我是讀津校小學的, 成績不太出眾, 其他的也是平平無奇, 就係所謂的配角, 我也活得快樂, 但不是從上學中得到的, 所以不喜歡上學, 現在上班, 有時做主角, 有時做配角, 我敬業樂業, 樂在其中, 深知兩種學校相比, 傳統名律校(一定有主角及配角, 自問亞女一定係陪太子讀書果種)對老師出名關心學生的私校(全班同學都能做到主角, 而且私校所提供的資源一定比律校多), 而小女現在的幼稚園正是與禮賢差不多的, 女兒班上的同學全都得做主角, 就算比較沉靜的小朋友, 老師也會主動給予機會, 所以佢地冇人會老是想在要做主角, 因為人人都有份, 而小女屬主動的, 所以機會會給其他人多, 但她也學會享受做配角的時間, 因為他兩種機會也有, 我唔想亞女行我以前d 路, 如果有能力, 我會俾佢去一間佢又會讀得開心, 佢讀得開心自己有心機讀書啦
當然唔排除有家長唔鐘意自己小朋友做主角啦, 但俾我選擇, 我希望亞女受人重視, 不想她對學校冇歸屬感, 亦有些小朋友性格很被動, 寧願靜靜坐下, 不希望別人叫他做a, 做b, 我有朋友個仔就係咁, 我讚佢, 佢即走, 最好唔好攪佢, 唔好理佢, 當佢透明, 相信家長一定清楚自己小朋友是甚麼性格, 希望大家都搵到一間適合的小學給小朋友啦

作者: 喧嘩 時間: 09-6-13 14:12

係ar, 我自行同甲一都選天神, 雖然跨網, 但係好近我屋企, 行都行到去.

原帖由 chengwaiking 於 09-6-13 00:51 發表
喧嘩,
好多謝你的分享!給了我一些方向.呀!多口問一句,你是否誇網選天神?另外,我對禮賢都有些認識,老師的質素真是好,問十個,十個都讚老師有愛心,相信你冇揀錯,比信心繼續去吧!若我最後決定讀禮賢,就再和你相認吧! ...

作者: ACCC 時間: 09-6-14 11:50

喧嘩,
依家你是否巳決定讀禮賢,還是等緊天神扣門結果呢?我而家嗰心又偏向選禮賢多啲.

作者: 喧嘩 時間: 09-6-14 12:08

若天神叫我去interview我會照去, 但係天神叩到門簡直難過中金多寶囉, 如果亞女係靠佢自己實力中到金多寶, 咁就証明左佢有資格讀lee間學校啦, 佢完全應付到, 係佢自己考番黎, 我會俾佢試下, 但相反我唔會自己幫佢去天神求學位, eg:再寫信, 等校長之類, 若個學位係被我求番黎, 就算俾佢讀, 佢都應付唔到, 所以我諗我9成9讀禮賢多囉

作者: 喧嘩 時間: 09-6-14 12:14

chengwaiking:
首先你諗下自己個女係邊種性格先, 鐘唔鐘意讀書, 迫唔迫得? 接唔接受到填鴨式? 應唔應付到天神的課程?
學費成唔成問題?
女校係咪一個大問題?

作者: ACCC 時間: 09-6-14 14:38

喧嘩,
我個女其實好鐘意做功課和寫字那種,她還投訴現在的功課少很悶,但她是讀普通的全日制幼兒園,功課在校完成,只是星期五才帶回家做那種,所以比較起將來若果去天神是兩回事,但我只是覺得禮賢應該會在品德教育上強過天神,而我們都覺得這是比學業重要,希望禮賢不會令我們失望啦!

作者: external 時間: 09-6-15 13:20

請問禮賢學費和雜費要多少? tks

作者: 喧嘩 時間: 09-6-15 16:13

學費好似係$2880定$2890/月, 跟住好似要學一體一藝, 另外仲有飯錢同搭車, 書薄費囉, 應該係咁多掛

原帖由 external 於 09-6-15 13:20 發表
請問禮賢學費和雜費要多少? tks

歡迎光臨教育王國 (/)