教育王國
標題: ADHD食葯問題...請賜教...(急!) [打印本頁]
作者: ~仔仔媽咪~ 時間: 09-6-5 01:19 標題: ADHD食葯問題...請賜教...(急!)
查實我想問D葯係咪越食越多架?
我仔本身食咗一年ritalin,都只係每次半粒,每日兩次,啱啱半個月之前醫生俾多劑我仔食,變咗係每日三次,話方便我教仔讀書喎...
但我仔之後既日子,,,情緒變得唔穩定,之後我又教訓佢要佢唔好再打人,個仔為咗令到自己'乖',佢有一星期自己偷偷地去食過量囉,明明每次半粒,佢食咗至少兩粒份量,初時我係唔知,到有次佢响學校當眾咁食咁多份量,俾班主任斷正,我至知有件咁既事,,,我唔知係咪佢食過量令到佢身體適應咗重D既劑量,呢幾日佢係咁出事,直至啱啱嗰星期一,佢放學唔知係咪葯力過咗(應該係,佢中午食,三點半放學),佢同同學爭執,佢用垃圾桶蓋掟同學,結果同學穿咗頭同下巴傷埋,,,
我頂唔順喇,,,呢幾日我都思考緊好無叫醫生開concerta俾佢,至少係長效葯,唔駛佢中途又要補,同埋都可以捱到响學校既時間唔癲...但我又怕佢依家十歲仔,小學三年級,已經開始加重劑量轉concerta,日後會越加越多,加到盡concerta最重嗰劑量,到時都適應埋咪大鑊?同埋又好擔心佢長期太依賴隻葯,日後佢會濫葯...(我都知自己越諗越多),,,查實依家轉concerta會唔會有問題呢?定係捱多陣先?嗰D無胃口唔高唔矮嗰D副作用我係唔驚,只係驚影响到個仔日後個精神問題,講真,我係覺得佢依家同之前斬死細路個癲佬係完全無分別囉.(無計...依家我正面唔到去思考...)
但我真係好辛苦,唔想等到個仔整死咗人地仔女時,我至黎同個仔癲(基本上依家我都受唔到,好想個仔死)...自問我呢十年都仆心仆命去教佢唔好打人,但鬧極打極講極教極用盡所有方法,佢都係咁.
作者: ~仔仔媽咪~ 時間: 09-6-5 01:21
出事後呢幾日我都無俾個仔番學,費時佢臨考試又黎整多幾劑大既俾我受...依家仲諗緊下星期考哂試後,仲俾唔俾佢番學...定係留低佢响屋企,我教佢讀書好過?我唔係逃避,而係唔想佢真係殺咗人地個仔.呢次已經打爆咗人地個頭喇.
作者: leeamen 時間: 09-6-5 10:29
轉吃concerta並不等如增加劑量，應該是要相應ritalin的份量來服用的，只是延長了服藥的有效時間。
一般來說，服concerta能使學童在學校的整天也保持較平穩的表現，因為不會在中段時期出現wear off 及rebound 現像 (即所謂的行為「反彈」- 比不吃藥的情況更糟)，更可以避免在學校中午要再服藥的麻煩。
要小心處理這類藥物，必須按醫生指示的劑量服用，絕不能由孩子決定服食的份量，否則副作用會更明顯！
若能把握服藥後的黃金學習時機，幫助孩子建立良好的自控能力，不少孩子都可以漸漸地不需要藥物的幫助，也能適應學校對他們的要求的。
我的兒子曾服藥兩年，一直都沒有加過劑量，都是36mg (上學日) 的concerta，在放假的日子會服3/4顆Ritalin。
妳的孩子似乎情緒上有些不穩定，要和他多多傾談，化解他的壓力，也要多支持和幫助他。
作者: ~仔仔媽咪~ 時間: 09-6-5 15:58
原帖由 leeamen 於 09-6-5 10:29 發表 
轉吃concerta並不等如增加劑量，應該是要相應ritalin的份量來服用的，只是延長了服藥的有效時間。
一般來說，服concerta能使學童在學校的整天也保持較平穩的表現，因為不會在中段時期出現wear off 及rebound 現像 (即所謂的 ...
似乎我真係要俾個仔食concerta好D...我都係咁諗,番學時候俾佢食concerta,放假响屋企有需要時至俾半粒ritalin(基本上屋企佢除咗HIGH D,我都係控制得到佢)...但想知您係咪都係响政府兒童精神科醫生度搵concerta?我朋友都係,但佢都係收我朋友十蚊一次葯錢,反之我之前問過我仔第二個醫生(我仔呢一年已經轉咗四個唔同醫生睇佢)猛話政府無呢隻葯,要自行攞醫生紙購買,但出面講緊係廿幾蚊一粒...自問我經濟狀況又似乎負擔唔起...
唉...查實我已經唔知個仔究竟諗緊乜...一方面我都覺得佢係有壓力,都知佢次次打人都係因為同人爭執,人地話佢係傻仔係痴線,佢就打人,,,但呢D唔係打人既籍口黎嘛!even我地大人响街同人嘈,都唔會諗到要打對方啦!呢個星期我都唔俾佢番學,但佢無番學第二日已經扭計係咁話要番學,我話佢打人所以唔俾佢番,佢都好大反應下...實情佢又似乎又鐘意間學校噃...今日我同佢講轉校,佢都話要讀番呢間學校唔肯轉...但實情佢既問題都係局限於學校嗰度,屋企我自問無俾壓力佢,佢有大量玩具,之前每日都有玩樂時間,佢响我面前又表現係開開心心古靈精怪既...實情,我都唔知响邊part出問題,自問自己咁多年真係好用心出盡心力去教佢,個心全部都向住佢,但結果無回報不特只,仲要係負數...咁我都只係唔想佢再打人同整親人啫...就係咁多,讀書佢有學障,查實我都唔會迫佢攞高分,只係要求佢測驗考試會有嘗試去拎本書黎溫,我已經讚佢.唔係想佢做天才囉,只係想佢做番一個正常既平凡人.只係咁.
作者: jacob614 時間: 09-6-5 18:16
仔仔媽咪
我仔11歲，食concerta足兩年，據我所知係要醫生紙係藥房買，間間藥房價錢唔同，要格價，如果你仔有自已加藥既情況出現，我諗真係要食concerta會好d，我自已就每日朝早返學前比佢食，無藥過佢手.
慢慢來，可以幫得小朋友幾多就幾多，雖然成果無咁快睇到，但唔好放棄呀！共勉之:loveliness:
作者: Noemie 時間: 09-6-5 18:18 標題: 回覆 2# ~仔仔媽咪~ 的文章
Please do not give up! It might have some solutions. Please check PM.
作者: ~仔仔媽咪~ 時間: 09-6-5 23:05
原帖由 jacob614 於 09-6-5 18:16 發表
仔仔媽咪
我仔11歲，食concerta足兩年，據我所知係要醫生紙係藥房買，間間藥房價錢唔同，要格價，如果你仔有自已加藥既情況出現，我諗真係要食concerta會好d，我自已就每日朝早返學前比佢食，無藥過佢手.
慢慢來，可以幫得小朋友幾 ...
多謝您!
查實噚晚我真係好辛苦,成個人都好唔舒服咁...個腦不停去諗番嗰件事甚至再之前嗰D事,又諗到好灰唔知仲可以點教個仔幫個仔,好驚佢大個咗會係殺人犯....幸好噚晚半夜有個朋友成三點半打黎同我傾,又俾咗好多意見我,我至舒服好多,,,至少都好似仲有方法去幫個仔.
我諗住下星期個仔考埋英文就搵醫生要求提早覆診(因為之前約個期係八月尾),到時我都會要求醫生開concerta佢食,我有朋友個仔係crossover咁食,番學食concerta,放假食ritalin,我都想咁樣做,希望到時醫生肯俾我地咁樣食葯啦.
查實大家有無聽過群育學校?噚晚我朋友介紹我俾仔轉呢間,呢間人又少,而且全部都係過度活躍同行為情緒上有問題既小朋友黎,查實之後我上網睇咗其中一間學校資料,我都幾鐘意,但之後同老公講番,佢就好反對囉...我老公公司之前黎咗一班過度活躍症既青年黎試工(唔記得係咩計劃,俾佢地去人地公司做十四日,睇下人地公司請唔請嗰隻),又係有個社工帶住,但我老公話佢地嗰班'細路'响嗰十四日係完全失控囉!都係會成日成班周圍走周圍擒,又係成日互相指駡話大家係癲係痴線係傻,鬧鬧下又是互掟野,又鬧又喊咁...結果我老公一個都唔肯請...我老公話俾嗰D過度活躍症小朋友group埋一堆咁番學同成長,會係物以類聚囉,會互相影响,結果反而更加嚴重...我都好迷惘...唔知有無家長既小朋友係讀緊呢類學校?實情情況係點,好定唔好...?
作者: ~仔仔媽咪~ 時間: 09-6-5 23:05
原帖由 Noemie 於 09-6-5 18:18 發表
Please do not give up! It might have some solutions. Please check PM.
收到您PM喇!多謝您!
作者: ~仔仔媽咪~ 時間: 09-6-5 23:53
原帖由 77777 於 09-6-5 23:18 發表
仔仔媽咪,
我幫唔倒d mud, 不過, 我諗如果你打返去你阿仔睇開個間, 佢地可能可以比你阿仔快d返去睇, 同時, 可以同個醫生商量返個劑量, 同時個d護士都比較有experience, 我自己有時都會打比佢地問野架, 有時係管教 ...
我今日都試我朋友叫我既方法,俾我仔食一粒(原本每次半粒),我都想睇番佢食多倍份量會係點,暫時都OK啦,溫書都好定好安靜,見佢又無話有咩副作用,我諗下星期佢番學考試我都係俾夠一粒佢,食完至番學...
有時我都好迷惘,查實我好知個仔次次打人都係因為人地話佢激佢,佢至發癲,但始終佢打人真係唔啱,有時去到呢D位我就好迷惘...我班朋友甚至老公都話'係人俾人咁激法,實嬲到爆燈啦...比着我都想打佢地....大人都未必控制到,更何況細路...',噚晚同我傾電話既朋友叫我唔好將所有野推哂落自己身上,但講真我仔係打人嘛...我都好同情我仔,知佢都忍得好辛苦...亦知佢地間學校既學生並非善類,有時我遇到佢地嗰D說話我都好火囉,,,但同時又嬲個仔打人,好憎個仔成日打人、整親人...實情,我應該向邊個方向諗至啱...
作者: ~仔仔媽咪~ 時間: 09-6-6 14:27
原帖由 77777 於 09-6-6 07:01 發表
你有無同個老師講返個情形, 首先你同老師表白自己個仔打人有唔岩, 不過, 如果d同學仔把嘴係亂咁講野, 老師亦有責任指出小朋友的錯處, 加以糾正....起碼比阿仔睇倒佢如果比同學仔挑釁, 如果佢向老師提出, 老師會處理. ...
就係之前已經講過,但無計,間學校基本上位九成都係呢類學生,我唔知係我仔問題定係依家間間學校既學生都係咁欺善怕惡啦...之前我都同過唔同既老師甚至校長講過,佢地一係replied我話無件咁既事,反而話係我仔好似有妄想症咁以為同學蝦佢講佢笑佢,佢就打人;再唔係個校長都可以話,你個仔都唔見得係好架咋...;一再唔係直頭答我:"你無可能控制到人地把口講乜囉!"...所以我都無再講,淨係叫我仔去避去忍去搵老師,,,
查實呢次有部份老師都sense到我仔係俾人'了'先至失控,臨尾我坐响度喊,個仔又喊,老師都係同我仔講:"人地撩你,你又唔話俾老師知,你又打傷人地喎,變左係你唔啱,俾老師罰,咁你咪中計囉!"
同埋又講真依家呢個社會複雜咗,呢刻或者係俾佢鍛鍊自己既地方,如果呢刻我處處幫佢,我怕我地呢班仔大個咗離開學校出黎社會時,會仲容易火爆同唔識處理事情囉.我唯有可以咁樣諗.
唉...查實你教既方法,我又何嘗未試過咁同個仔講過,以上你教既每一句,我呢十年已經重複咗無數次,噚日我又係咁講,個仔又係公式化咁去聽,但我又深知講咗都無用,佢都係繼續出事,所以我依家只可以諗加葯.唔駛煩,寧願佢食葯食到呆滯都好過佢周圍打人整親人.
作者: fungfungmami 時間: 09-6-6 14:33
原帖由 ~仔仔媽咪~ 於 09-6-6 14:27 發表
就係之前已經講過,但無計,間學校基本上位九成都係呢類學生,我唔知係我仔問題定係依家間間學校既學生都係咁欺善怕惡啦...之前我都同過唔同既老師甚至校長講過,佢地一係replied我話無件咁既事,反而話係我仔好似有妄 ...
作者: ~仔仔媽咪~ 時間: 09-6-6 15:43
原帖由 fungfungmami 於 09-6-6 14:33 發表
題外話..請問你仔仔間學校係邊間？
你係搵邊區學校?我仔間學校响油尖旺區架...實情只要你仔唔會打人或整親人,大多數既學校都會接受到既...正如當年我仔其中一位班主任講,如果我仔唔打人仲要係成績好,校長一定會好鐘意我仔...聽到呢句我更加明解囉.
作者: 當媽 時間: 09-6-6 16:50
很對不起,只略看前文,但也想回應!如有答錯咀,請多多包涵!
孩子在校自行食重藥事,請小心處理,因此舉:明顯地他是想處理或害怕自己的問題,卻用錯了方法,你一定要處理,免他日後有濫藥問題,真的,此事不可疏忽!
建議你:首先,要讚揚他,因他確是明白,自己的不足或問題所在,但食多些藥,不是唯一的解決辦法,可以有很多其他方法,就算想加藥,媽咪都不可作主,而是要請示專業人士---醫生.
至於,不上學嘛!要三思,免開先例,如他日後逃學,你如何教導?再者,學校又沒要求停學!如怕負擔不來,學校找你,便跟爸爸商量招架問題,或者要求爸爸暫時同校方保持通話....等
講到轉校,有沒有考慮到:成班小孩在課室開party的情況嗎?如轉校相信只有兩個可能,一是孩子跟別人起哄,二是孩子帶頭發作!再者,學校有否要求轉學?
評估一下,一家人的心理狀況,如真的支持不來,而經濟又可以的話,考慮下concerta!
原帖由 ~仔仔媽咪~ 於 09-6-6 15:43 發表
你係搵邊區學校?我仔間學校响油尖旺區架...實情只要你仔唔會打人或整親人,大多數既學校都會接受到既...正如當年我仔其中一位班主任講,如果我仔唔打人仲要係成績好,校長一定會好鐘意我仔...聽到呢句我更加明解囉. ...
[ 本帖最後由 當媽 於 09-6-6 16:52 編輯 ]
作者: ~仔仔媽咪~ 時間: 09-6-6 17:41
原帖由 當媽 於 09-6-6 16:50 發表
很對不起,只略看前文,但也想回應!如有答錯咀,請多多包涵!
孩子在校自行食重藥事,請小心處理,因此舉:明顯地他是想處理或害怕自己的問題,卻用錯了方法,你一定要處理,免他日後有濫藥問題,真的,此事不可疏忽!
建議你:首 ...
查實早個幾兩個月之前都係一直將中午嗰劑葯交託俾我仔班主任代為餵我仔服用架...但無奈班主任自己本身都太多活動纏身(做童軍leader)同埋有時遇啱佢番唔到學校甚至請咗假,當日中午我仔仔就無人俾葯佢食,結果有幾次都係因為無食中午嗰劑,結果又出事~~~所以我至袋定個葯盒俾個仔自己番學食...之前我唔小心囉..以為個仔唔會食多,點知就係食多咗...就係因為佢想自己乖...當時我又係做錯多樣野,一知佢食多咗好多,我即刻鬧佢,我叫佢唔好完全靠哂隻葯黎等自己乖,我叫佢幾時都要學下自己控制番自己...總之鬧咗好多野...
轉校查實學校無講過要我仔轉,只係我朋友強烈地要求我仔轉校,因為佢覺得我仔間學校唔好,同埋佢本身都有ADHD既仔,佢依家都幫佢囝囝轉群育學校,所以佢都叫我轉,但講真,轉得去邊...再者我同我老公暫時都唔諗轉去群育學校,但其他學校根本唔會收我仔,一黎情緒行為有問題,二黎我仔成績太差...但唔轉又怕會唔會又害咗個仔...咁講真,今年我囝囝班老師個個都好有心機教我仔,連老師自己放工都不忘打電話提醒我個仔幾時測驗默書,默咩範圍,同欠邊D功課...個仔默書合格又會專登打黎報喜,又叫我唔駛咁擔心云云,實情去除我仔呢幾次事件,查實今年我同學校老師關係好好...話佢地唔理我仔,我又唔覺係囉...但無奈我真係頂唔順佢學校班學生..講真,佢地真係欺善怕惡,連外表純良易受傷害既同學,都可以立心專登黎蝦我仔(呢d係我親眼見,但無講俾學校知,費時啦,人地覺得嗰個係好仔黎,我講仲邊有人信,自己個仔咁)...但同時自己又會覺得學校都係社會既縮影黎,越早俾佢去面對,可能到佢大個仔時反而易於處理呢D人和事...所以我真係唔知道究竟點做至啱定錯....
concerta我一定要個仔轉呢隻架喇...
確實經濟方面我都唔係好得,或者到時真係轉食呢隻葯時,我暫時又係問外家借錢,等個仔食完隻葯明顯穩定番,無再打人時,我至番工黎應付呢D葯既開支...
無計...再係咁真係困獸鬥,我老公基本上EQ都唔太好,實情個仔既問題係同爸爸一樣,我老公唔可以理智冷靜去處理呢堆問題,就咁早兩日同佢傾話有朋友介紹群育學校,佢已經可以情緒失控到四點幾走去落街買煙食,又大力打張枱,顯得好燥好煩...但我只係講有間咁既學校for我地班仔而已...我都未決定亦未去深入了解,已經搞成咁!所以我唔親自同學校溝通唔得,否則交俾爸爸,結果我回家係要對住兩件ADHD行為情緒有問題既兩父子...唔想將問題變double囉.要我老公教仔,佢唔教壞個仔或者整到個仔更癲,我已經多謝佢喇.
作者: ~仔仔媽咪~ 時間: 09-6-6 17:47
原帖由 ~仔仔媽咪~ 於 09-6-6 17:41 發表
查實早個幾兩個月之前都係一直將中午嗰劑葯交託俾我仔班主任代為餵我仔服用架...但無奈班主任自己本身都太多活動纏身(做童軍leader)同埋有時遇啱佢番唔到學校甚至請咗假,當日中午我仔仔就無人俾葯佢食,結果有幾次 ...
同埋暫時我唔俾個仔番學,都唔係任意俾佢响屋企歎世界,每日所有時間我都係要佢溫書抄字溫考試...都係去我朋友間中心度溫習同埋我朋友都幫手教訓個仔(我朋友教開特殊小朋友)...唔俾佢掂任何玩具,我講明佢掂親任何玩具或VCD我即刻丟...結果我仔呢個星期從未掂過玩具,休息時頂多都係睇益智書.
查實我都明會有唔好既影响,但暫時我仔仲係好鐘意好想番學,星期一件事發生,星期二開始唔俾佢番學,星期三已經扭計話自己想番學,求我地俾佢番同相信佢唔會再打人,,,查實暫時我都唔太擔心佢會逃學或離家出走呢D野,始終我仔嗰隻ADHD係笨嗰類,唔似得我幾個朋友嗰D仔咁smart成日諗計激媽咪做曳野...
不過依家都仲係諗緊考完試仲俾唔俾佢番學,因為都想佢冷靜,我都需要冷靜,同埋我都想利用番呢D時間去教佢其他野...只係擔心咁樣,會唔會反而'縱壞'間學校,有咩時都叫我仔停課...
作者: 當媽 時間: 09-6-6 22:13
對不起，不吐不快，要介紹一個名詞--『源生家庭』，應清楚明白到，當一件事情發生時，所產生的判斷、看法、反應和處理等….，都是取決於從前累積下來的經驗，而這些經驗大部分是來源自生長的家庭，所以，建議在借錢買藥前，照顧者請做好個人或家庭輔導，如只孩子用藥，成效有限！
原帖由 ~仔仔媽咪~ 於 09-6-6 17:47 發表
同埋暫時我唔俾個仔番學,都唔係任意俾佢响屋企歎世界,每日所有時間我都係要佢溫書抄字溫考試...都係去我朋友間中心度溫習同埋我朋友都幫手教訓個仔(我朋友教開特殊小朋友)...唔俾佢掂任何玩具,我講明佢掂親任何玩 ...
[ 本帖最後由 當媽 於 09-6-6 22:15 編輯 ]
作者: ~仔仔媽咪~ 時間: 09-6-7 07:13
原帖由 當媽 於 09-6-6 22:13 發表
對不起，不吐不快，要介紹一個名詞--『源生家庭』，應清楚明白到，當一件事情發生時，所產生的判斷、看法、反應和處理等….，都是取決於從前累積下來的經驗，而這些經驗大部分是來源自生長的家庭，所以，建議在借錢買藥前，照顧者請做好 ...
查實呢個道理相信每位家長或父母都好明白,但坦白講確實用唔到落我地ADHD孩子身上.
查實做人道理、待人處世既道理,我地呢班仔好多都好明白亦知道,但佢地知道唔代表佢地有能力去做到,正如醫生所言,我地ADHD小朋友正好比一架沒有剎車制既車,唔係佢地唔想剎制或者唔識得剎制,而係根本無呢個制俾佢地踩停自己,得去油嗰個制,咁又點樣叫佢地唔撞埋落山度呢?
根本無家長願意小朋友去食葯,就係因為咁,一直以黎我地呢班家長都好仆心仆命去教,搵好多方法去幫個仔等個仔可以自己控制到自己...嗰時我都曾經每月萬三蚊咁俾個仔去私家度做感統同思維訓練,坦白講,真係可以代替到食葯,嗰年我真係唔駛勞氣教仔,但無奈錢係有限,無錢繼續支持我仔响私家度做治療,政府又無咁既資源,自己同個仔去做感統亦都有限公司(一黎地方問題,亦仲有其他因素)...結果個仔又是打回原形,有時小朋友既行為唔係單單源於家庭,始終佢地所接觸既世界唔係淨係屋企同父母囉.如果可以簡單地講小朋友既行為情緒係源於父母/家庭,我諗,ADHD呢個症同學名唔會產生.亦唔會有咁多家長每日每時每刻都咁頭痛咁辛苦.
食葯係迫於無奈既事,唔食個仔一定更易出事,我响屋企可以完全掌管控制個仔既行為同情緒,但個仔响學校讀書,我唔能夠跟佢上堂番學,一整天既時間佔咗大部份都係响學校(朝八晚四),放學番黎做完功課食埋晚飯,基本上已經要準備作息(始終我地班仔唔能夠夜訓,無精神仲失控)...就係佢地大部份時間都係响學校度,老師一個對卅幾個學生,實情明知孩子既問題會影响到他人,又會令老師百上加斤,唯一可以負責既就係俾個仔食葯等佢可以容易安定情緒同老師合作,至少佢個人無咁混亂,佢至有機會去思考點去做人.
查實我真係理解你既道理,只係都係嗰句,我地班小朋友係非一般既小朋友,我地班家長為咗佢地可以做番個正常人,查實一直都不斷去搵方法諗方法去教養佢去幫佢.佢地既行為同情緒,大家都知係源於遺傳,呢D係不爭係事實,但代唔代表係父母現在都係咁,唔係囉,事實正正孩子有咁既問題,我地做父母既都為咗孩子而去改變,俾番個正面佢睇,以作身教.
同時唔理個小朋友有無特殊問題,有好多時我都唔認同有人見小朋友做壞事就話小朋友既父母教得唔好甚至唔教,咁講真,小朋友唔係淨係對住父母,學校都有成千位小朋友,朋輩既影响力遠遠超於父母,始終人係需要朋友,就係咁樣孩子既行為絕對唔係單單源於父母或家庭,但父母見到孩子行為情緒上既問題出現時,會即時糾正提點,呢樣亦係必然既事.
暫時我係決定葯一定會轉,但同時唔係淨係諗轉葯就算,我同老公都同時提出多個方法去幫個仔,例如唔再買玩具,只係半年一次,仲要見佢行為良好至會買,玩具、遊戲機、VCD都只限佢假日至可以接觸去玩,但同樣都要睇過往表現作評分,鼓勵佢多睇書黎代替其他娛樂,查實呢樣都係响呢幾日唔俾佢番學時我留意到,佢無再掂玩具,除咗溫書外都只係睇課外益智書,結果佢係明顯心境平靜好多,亦好主動同我地傾番做人既道理,問咗好多問題,亦真係有留心去聽(至少佢會適當時候會回應,係定唔係)...之後同我老公傾番好無考試完結後繼續俾個仔停學,我地見個仔真係好期待可以番學,好鐘意番學(呢樣係個仔噚晚同我講),但同時我地又想佢有多D時間去思考去學習點去面對欺凌同負面情緒,咁講真,佢未諗到自己點做,就要佢每日去面對咁多同學同社交,要佢處理得妥當跟本係不可能的任務,所以暫時我同老公既結論係,俾佢隔日咁番學,尤其依家考完試後嗰一個月番學時間都唔係教書只係處理班務,就係要好好把握呢段時間俾佢再學習做人處事道理,呢樣我都要同老師、社工傾,但都希望可以實行到,始終,大家都係想幫個仔啫.
暫時諗到呢D,但相信日後仲會更多...到時再上黎同大家一齊研究下啦.
作者: 當媽 時間: 09-6-7 07:36
再次說對不起,你現在走的路,我從前及現在正走著,你遇到的,你做過的....,從前,我大部分都有做過,別把教養兒子的責任放在他人身上,就算如何如何...,應該用心解釋,注意自己的反應和情緒,囝是自己的,連自己都包容不來,情緒都控制不來,別再投訴,埋怨別人!
很感慨現在的世態,但難道就此消極地坐以待斃,不如在自己的能力下'做到幾多,就幾多'.
如有興趣想明白我多一點
click me
原帖由 ~仔仔媽咪~ 於 09-6-7 07:13 發表
查實呢個道理相信每位家長或父母都好明白,但坦白講確實用唔到落我地ADHD孩子身上.
查實做人道理、待人處世既道理,我地呢班仔好多都好明白亦知道,但佢地知道唔代表佢地有能力去做到,正如醫生所言,我地ADHD小朋友正 ...
[ 本帖最後由 當媽 於 09-6-7 10:41 編輯 ]
作者: ~仔仔媽咪~ 時間: 09-6-7 12:27
原帖由 當媽 於 09-6-7 07:36 發表
再次說對不起,你現在走的路,我從前及現在正走著,你遇到的,你做過的....,從前,我大部分都有做過,別把教養兒子的責任放在他人身上,就算如何如何...,應該用心解釋,注意自己的反應和情緒,囝是自己的,連自己都包容不來,情 ...
查實我係明你所言,唔好放响心度,今朝我都係邊反覆思考你既說話同意思邊回應,可能就係咁又是長篇大論...^^
查實我除咗之前抑鬱曾經叫個仔去死外,咁多年我對住個仔都唔會講任何負面說話...因為就係知佢本身都負面,唔想佢更加負,所以一直我採取的都是正面態度,就算我對學校或老師有不滿,亦唔會响個仔面前表現出黎,莫講話會否講出黎...
只係人心肉造,有時都會有怨言亦對人家做事方法有意見,我覺得呢樣係正常,正如社工所言,感受呢d野係唔可以控制到嘛,但行為可以控制,响朋友傾談時或網上傾心事時,呢d確實係我個人感受同睇法,都係想俾人知我所想,更加易於去一齊研究同令人理解我既諗法多d,至少知我係咩心態去面對呢件事...
儘管我對學校有意見,但總體黎講我還接受到呢間學校,噚晚同老公傾時都講,唔能夠要求學校十全十美,咁講真依家我同學校既關係唔差,今年既老師個個都有心亦主動去教我仔亦主動同我溝通,諗真d實情都已經夠.只盼呢個良好關係可以一直維持.
查實我地每位adhd小朋友既家長,都有自己唔同既故事,但亦都感同身受,查實好似呢件事咁,安慰得最多而且明我最多都係一班adhd小朋友既家長,實情最貼心莫過於此,只係一句鼓勵說話,一句貼心問候同支持,已經撫平我心裡面個大傷口...所以更需要大家互相扶持同鼓勵.
作者: sinyuma 時間: 09-6-9 00:33 標題: ADHD 心理評估
各位好,我是新入來這個網的,現有一些問題,希望你地可以幫忙. 我的女兒張會去政府的健康中心做心理評估(他們說要做3小時)
,
前後都排左10個月,請問做完評估要等幾耐才有結果出,
如證實是ADHD,是否要再排期見精神科醫生呢?
作者: ~仔仔媽咪~ 時間: 09-6-9 10:42
原帖由 sinyuma 於 09-6-9 00:33 發表
各位好,我是新入來這個網的,現有一些問題,希望你地可以幫忙. 我的女兒張會去政府的健康中心做心理評估(他們說要做3小時) ,
前後都排左10個月,請問做完評估要等幾耐才有結果出,
如證實是ADHD,是否要再排期見精 ...
其實係要囉!even你見次次俾六十蚊去覆診,個醫生都係講同一句廢話:"幾好吖!下次約你幾時覆診",十分鐘內走得....始終ADHD個症至少跟到小朋友幾乎廿歲,當中佢地一路長大,遇到既問題更多,佢地會更加多情緒同行為上既問題出現,,,所以叫做有個醫生跟進住,有咩事起上黎,至少有個專業人士幫你同囡囡,記緊每次見精神科醫生都要將囡囡D事同問題講俾醫生知,尤其學校方面,如果學校唔方便派位老師跟你地去覆診,可以要求學校老師或社工,囡囡學校發生乜事,唔理大小,都要話俾你知,等你可以同醫生講.咁至可以幫到你囡囡.
同埋嗰D社交小組同行為治療,都係先經精神科醫生度申請,行為治療係心理學家嗰邊做.基本上ADHD無好似自閉咁有咁多支援同訓練,但有兩三樣都好過無,一定要報,唔好拖.
作者: ~仔仔媽咪~ 時間: 09-6-9 11:15
原帖由 當媽 於 09-6-7 07:36 發表
再次說對不起,你現在走的路,我從前及現在正走著,你遇到的,你做過的....,從前,我大部分都有做過,別把教養兒子的責任放在他人身上,就算如何如何...,應該用心解釋,注意自己的反應和情緒,囝是自己的,連自己都包容不來,情 ...
查實之後我都get到你想講乜...查實你唔好誤會,,,或者你不妨先細閱我呢個topic我所有回應,消化咗,再作回應比較好.查實我都一直sense到你係只睇其中一兩個回應黎回應我,所以有少少唔搭上大家彼此頻道...^^
講真大家都有小朋友既,理應都好知,孩子既行為思想,並唔係單單源自家庭同父母...佢地未上學前仲可以咁講,因為長期都係對住父母,但當小孩升到小學,就唔能夠將小孩子一切既行為同情緒上既問題完全歸究於父母,這確實對父母極之不公平,不論那孩子有沒有特殊問題,但佢個人問題,不能一口咬定是父母身教不好,令孩子學壞,心想,我堅信呢個世上係無教壞仔女既父母囉.
好似我仔去學校學hockey,查實嗰次我係專程俾個仔食咗葯後再同佢一齊番學校睇住佢去學,去觀察留意佢,事先我當然先訓話佢,要求佢依足教練指示去行動,唔准打人或嘈交,有咩事立即同教練講,唔可以私底下解決,結果我仔查實嗰堂完完全全係好守到規矩,又無犯事,反之當分兩組進行練習時,其他己學一年既師兄嫌我仔太笨手笨腳(我仔推波推得好慢好無力),結果佢地一見輪到我仔練習時,就專登踩住個波唔俾我仔打(曲棍球係用棍打球),仲要呢樣動作佢地係重複咁做,我仔忍咗佢地至少五六次都唔出聲亦唔反抗,我亦無幫仔任何野,反而我係靜心企响球場邊觀察我仔既反應同佢會點樣做,之後羊群效應出現了!有位同我仔同班既同學,一直係文靜乖乖仔,細細粒好受人保護,佢見組內嗰班師兄用呢個方法去阻止我仔去玩,佢就跟住做,個波滾到佢腳前,佢即刻拎起唔俾我仔玩,結果我仔崩潰,忍喊忍到眼同成個臉都紅哂,但又唔出聲好無助地望住我,我就知我仔已經去到極點,佢已經唔知仲可以點做,連忍讓都做埋但結果都係受到欺凌.
結果我要求個仔唔好向我求助,我話呢個球場同呢個訓練班係教練哥哥話事,我要個仔自己親自同教練講,結果我仔就算好驚,但都照走埋去搵教練,但佢一開聲已經哇哇放聲地喊,完全講唔到野,咁我至介入同個教練講,佢地嗰班小朋友專登踩住個波同拎起個波唔俾我仔玩.跟住個教練都捉哂佢全組人黎訓話.
查實當中有份欺負我仔嗰位同班同學,佢本質唔壞,但人總係會有羊群心理,亦因為人需要朋友,自然會學識咩叫埋堆,even我仔咁笨咁呆咁不問世事既小朋友,佢今年都識得以上呢D野,亦試過欺負同學,但係咪我或者老公有欺負人?問心,無囉!咁欺負人呢樣野從何而來?源於家庭?所以呢樣唔可以一句打天下,可以萬事都可以用呢句道理黎套用去講囉.
所以根本唔係賴亦唔係推卸,如果係,我地呢班父母絕對唔會教仔囉,推個責任俾人地,話係人地教壞,唔關我事,咁明明唔係我都推咗俾人地先,咁我又何需再勞氣再教?
好似噚日同我朋友傾開一位家長,個仔有ADHD,之前有俾個仔食葯,但食到小五時,以隻葯令佢仔瘦為由而停葯,結果佢仔即時打回原形,開始番學打同學,之後又試過要求媽媽俾佢用架買餸車黎撞人,我朋友同其他家長全程O咀,初時呢位家長都有'好溫柔'地同個仔講話唔好咁做啦...但個仔係都話要攞車撞人,結果呢位溫柔的媽媽答應咗個仔:"好啦,俾你撞一下啦!細力D噃~"結果個仔好快樂地用車大力撞前面家長一下,記住係大力咁撞,而唔係佢媽媽提點佢既細力囉!但呢個行為同態度的確好令人側目...個家長每次出事後既理由都係用同一句:"我仔有ADHD,咁呢個症係咁架啦!佢都控制唔到/佢都唔想架"係咪可以用一句黎打天下?ADHD無自控能力,但代唔代表母親都一樣無自制能力?囝囝要求用車撞人一下,根本一個無理既要求,就算知佢呢個要求係源自ADHD呢個症,但代唔代表可以唔教唔去制止呢?只可以慨嘆呢位家長既態度同行為,已經嚴重影响埋其他同樣有ADHD小朋友既家長.難怪會有人成日話我地呢班家長唔教仔,話我地班小朋友有爺生無乸教.原來如此.
所以,唔可以死用一句道理或一種想法黎諗所有人和事,呢D道理同想法都只係前人自己遇到某種人和事而有感而發囉,我地可以拎黎做自我警愓,但唔可以拎黎睇哂全世界,始終我地遇既事會唔同,小朋友每個特性都唔同,even大家都係ADHD,但都可以好似萬花筒咁變化莫測.我仔衰打人無EQ,我朋友個仔衰講大話同駁咀,另一個朋友個仔衰偷野癮、講大話、咸濕加打人,我仔班同學,一個鐘意記仇,一個鐘意投訴大人同打人...佢地每個都係ADHD小朋友,但已經係個個唔同,我可以食住我仔,但唔代表我可以控制到人地個ADHD小朋友.
作者: ~仔仔媽咪~ 時間: 09-6-9 17:35
原帖由 77777 於 09-6-9 14:16 發表
仔仔媽咪,
其實好感覺倒你好用心咁教仔, 不過有時我地d仔如果真係有超人的自制力, 就真係mud野問題都無啦......
而家d小朋友有d真係naughty左好多, 好鬼多口, 又鍾意"ha"人, 所以我都好驚阿仔會忍唔倒, 有時發現 ...
查實...唔知呢...係我怕事吖定係知自己個仔又係成日俾人投訴唔見得好人地幾多,我至唔出聲吖定點,我真係好少講俾老師知,始終我仔學校幾乎全校都係D無禮貌既學生,有禮貌的只佔少數,我仔讀嗰班又係全級最差嗰班(二年班已經有童黨,訓導主任爆俾我知的),我仔幾乎日日都會俾人'了'佢幾野,有次同個仔出旺角,遇到佢同班同學,佢地兩個都係為咗睇遊戲機而黎(咪有間百老滙係地庫黎既,佢地成日專程去睇人打機),我遠處企定定睇住我仔(驚我仔整親人),全程個同學一句痴線前一句低能弱智傻仔後咁稱呼我仔話我仔,差在未叫我仔死開D...但都差唔多意思,我仔係全程無反應又麻木哂,以前一二年班比着佢聽到人地嗌佢做傻仔,佢已經好激動喊定先,就算唔喊出黎,都會望住我,睇我有咩反應(搏下亞媽會幫佢口鬧人地個仔嘛...D小朋友好興搵父母代佢地出頭架啦),,,
睇您覺得好定唔好囉!講真自己教個仔,個仔又唔會下下都聽或者即時改正到,更何況人地細路...我會覺得呢刻個仔仲細我地仲可以幫佢護佢,見邊個蝦佢就幫佢出聲,但之後呢,,,?我地仲可唔可以護個仔一世呢?我覺得嗰D蝦我仔既人响呢個社會隨處都有,仲越黎越多,講真我地唔可以拍心口FIRM人家呢D細路大個咗會唔會變番一個正直既人囉,難保佢地日後都係咁恰比自己弱既人,到時我仔大個咗出黎社會工作,又係遇埋呢類人,咁佢唔識去面對去調節自己情緒同諗法,咁佢仲有無人護佢代佢出聲或者幫佢呢?
我係嗰D少少野都諗到好詳細既人黎架,所以我會經常失眠,好似以上呢D,查實連學校部份同我地相熟既老師都話佢地係知佢地學校班學生有幾曳,但查實學校就係未來社會既縮影黎,唔係依家社會既縮影,而係未來,因為未來既社會係由我地呢班細路去經營去創造,依家呢刻我地呢班友仔仲未應付處理到呢班人和事,日後佢地成人後同樣一樣處理唔好...所以我都同自己講,唔好幫咁多,反而當係一種訓練模式黎,咁佢地遲早都係要面對要學識點去解決架啦...如期係咁,不如趁依家佢地唔駛番工又無經濟壓力同負擔時,用依家學習既黃金時間黎學習呢D仲好.但呢D亦同時需要多方面既野黎配合一齊去做囉.
呢幾日我真係幾多諗頭,我朋友話我買咁多野for個仔暑假時我教個仔去學去練,係無謂兼side錢同無作用...我覺得唔好响未試前就打定輸數囉!佢地係粗心大意,係無耐性,但唔代表唔需要改善囉!佢地無耐性咪要搵方法黎練番耐性黎囉,所以我至咁變態要個仔考完試要跟我學玩摺紙同埋素描呢D咁細微又靜態既野,我仔有樣好就係唔敢反我,我同佢講到明無得話唔玩,一定要玩,仲要聽足依足媽咪指示去學去做...我仔暫時無異議...但預咗佢到時又話唔好玩或者覺得悶...希望到時我同個仔都堅持到啦.
呢幾日我老公都似乎幾有心機約個仔食晚飯前落街打籃球,暫時都只係互拋波,未學正式玩法,但都係一個好既開始啦...都希望佢地兩仔爺可以KEEP到繼續晚晚打波.
同埋今日放學都幾開心同感動,,,上星期一俾我仔打穿頭既同學仔,今日放學親自請咗一包蝦條俾我仔食,我覺得好明顯係同學仔媽媽教仔有方,好正面,我即刻同個仔講,人地俾你打到穿頭咁痛,但都可以咁快原諒你仲請你食野又對住你NICE咁笑,呢D係對你真心既朋友黎架!人地對你好,你就要好好珍惜,唔好因為自己脾氣要一手打走哂對自己好同鍚你既朋友囉!仲有講好多(你都知我幾長篇大論架啦)...等我又叫個仔學下野,聽日要我仔親自回禮多謝呢位同學仔啦...始終人地可以咁寬容去對待我同個仔,呢個心已經令我好感激!
作者: ~仔仔媽咪~ 時間: 09-6-9 17:39
原帖由 ~仔仔媽咪~ 於 09-6-9 17:35 發表
查實...唔知呢...係我怕事吖定係知自己個仔又係成日俾人投訴唔見得好人地幾多,我至唔出聲吖定點,我真係好少講俾老師知,始終我仔學校幾乎全校都係D無禮貌既學生,有禮貌的只佔少數,我仔讀嗰班又係全級最差嗰班(二年 ...
睇漏咗添...查實玩具我仔都係多到一屋都係,就係D玩具多到响屋企行到邊都梗有幾件响左近,我仔都可以忍到唔掂唔玩唔犯規,我覺得查實只要佢地有HEART,其實係可以控制到自己囉,不過係差在用咩方法黎激發佢呢個HEART去控制到自己唔再打人...呢下實在令我好頭痛...!!!講真我仔唔再打人,佢其他問題根本已經唔係咩大問題黎,基本上讀書我又管到佢,佢又從未駁過我咀亦唔敢鬧我,我要佢做既事佢又做到,只係無專注,成日游咗出公海...但呢D我係接受到,唯獨是完全接受唔到既就係佢打人同成日唔小心整親人...只要佢改到唔再打人整親人,我真係咩都願.
作者: ~仔仔媽咪~ 時間: 09-6-9 20:32
原帖由 77777 於 09-6-9 19:49 發表
仔仔媽咪,
其實每個小朋友都唔同, 而佢地的媽咪都係最熟悉佢地, 同埋每個人都有唔同的方法, 你一定知道邊種方法先最適合你仔仔的....
好登你開心你個仔仔雖然好多玩具, 但佢可以control倒自己唔去玩d玩具, 其實已 ...
係架!查實咩方法都好,至緊要自己清楚自己用嗰D方法係work係理性既,就要堅持囉!始終學你講,就算我地班仔都係ADHD,但永遠都唔會相同,佢地隻隻都唔同style架!
好似我朋友個仔,佢又係ADHD,佢仔永遠無打人既問題,只係好精,有鋪大話癮,會成日鬧媽咪駁咀講大話,所以我朋友都無哂佢仔符.
另一個朋友個ADHD仔,打人、偷野、講大話乜都有,但我呢個朋友真係好睇得開囉!就算依家佢囝囝要上庭(偷咗同學野),但佢都好堅持唔放棄個仔,仲好積極咁搵好多方法去教個仔幫個仔,我呢次俾個仔玩謝咗,佢都可以倒番轉頭好好心半夜三點半打黎安慰我鼓勵我(我响facebook度講哂負面野)...我覺得佢真係一個好稱職既好媽媽.
查實我地應該要向我第二位朋友好好學習囉!唔好俾亞仔D問題打敗,唔好俾佢地D唔好又惡頂既特質打敗,始終學似我呢位朋友咁同我講,個仔唔生都生咗出黎,我地無計架啦,都要去面對去接受同埋幫佢,無可能真係唔理佢唔要佢囉!我地唔理個仔唔要個仔,對個仔有好處咩,我地做佢亞媽會捨得唔要佢咩?我聽完真係醒哂!我朋友講嗰D真係事實黎囉!還掂個仔都已經生咗出黎,事實係有呢個問題煩住我地,咁我地唯有去不斷搵多D方法去幫佢去解決問題架啦.呢D先黎得實際.
我有個朋友都係有ADHD仔,不過同佢傾開,似乎佢處於半放棄態度,當我同佢交流大家教仔問題時,有好多時我地俾好多意見佢,佢諗都唔諗(莫講話有無試下去做)就猛話用唔到落佢仔度或者佢仔唔受...咁我會覺得,你連試都唔試,又唔試下改變一下對仔既態度,咁點至幫到個仔呢?呢樣我都有同我嗰位做中心既朋友(幫開特殊小朋友訓練)傾,暫時我地都仲未有辦法去令我呢個朋友肯去改變態度同嘗試,但希望佢終有一日可以肯去試,始終我都有個ADHD仔,都想大家既囝囝可以快D好番,可以做番個正常人.
我仔溫書都會炆架!但我唔會俾佢打敗,我都會話佢,我直頭同佢講,你依家溫書之嘛,又唔係依家考試,做乜咁炆?你炆住喊住發哂脾氣咁溫書,你嗰D英文字係唔會記到入腦,你聽日考試唔會識囉!我同個仔講,你要容易記到D生字,首要條件就係唔好炆,唔俾自己炆,冷靜D安安靜靜俾心機溫好D書就得喇.我仔即刻會收歛番.但少少炆想喊梗有架喇.我都係邊同佢講邊係咁搵方法搵說話黎試令佢明白,Plan A唔得就PlanB囉,再唔work既,後面仲要c,d,e,f,g...,試到一款啱佢channel為止.反而除咗我仔打人,我會無哂符外,其他我都仲唔認輸,仲同個仔戰鬥落去既...
作者: ~仔仔媽咪~ 時間: 09-6-9 20:35
原帖由 ~仔仔媽咪~ 於 09-6-9 20:32 發表
係架!查實咩方法都好,至緊要自己清楚自己用嗰D方法係work係理性既,就要堅持囉!始終學你講,就算我地班仔都係ADHD,但永遠都唔會相同,佢地隻隻都唔同style架!
好似我朋友個仔,佢又係ADHD,佢仔永遠無打人既問 ...
至於學校,我都有諗同佢轉,不過以佢依家既成績同行為,根本無學校會肯收佢,所以呢年我至狂谷佢英文,,,雖則我都有感認為佢轉咩學校都係咁,以往佢讀咗三間幼稚園同依家間小學,佢都係咁樣打人...幼稚園佢打人,個醫生死都話係因為佢講唔到野(三歲半得一歲言語程度),依家佢咁叻講野,但仲打人,呢下我真係唔知轉咗校會唔會好好多...但都心郁郁想同佢轉囉,希望轉到我心目中嗰間學校(嗰位積極好媽媽介紹俾我的),同埋希望轉咗校後對佢情緒真係有幫助...希望啦.
作者: 當媽 時間: 09-6-9 21:52
我兒現年已中一了,我也曾患抑鬱,但見孩子現在的情況,有些意見想講,
其實,我在這topic回應了幾次,但內容都是簡短~!請問你對我的回應感覺如何?覺得我忠告,是奚落,還是講風涼話或是其他呢?
至於,講兒子社交事,立場是否客觀?有否加入自己個人意見?
其實,你所言get到我的意思是get到什麼意思呢?
不過,一直以來,我講來講去,都是不認同你自行為兒子停課,小心注意他加藥問題和丈夫就兒子問題發脾氣這三點.
真的,在小朋友的世界之中,黑就黑,白就白,就停課事,你為自己的決定,講了些理由,如怕他再打人,我有比野佢做,佢好純唔會識逃學......但無論如何,都是給與他灰色地帶,已開了壞的先例,如日後他要求不上學,只會帶出更激烈,更不報的爭論.再者,adhd的孩子多數在校都不太愉快,越大就越不想上學,念頭會一天比一天強烈,所以,父母應自小同兒子洗腦,表明堅持要他上學,一來可以鼓勵他要面對逆境,而最重要是降低他日後年長時不上學,結黨群壞的風險!
原帖由 ~仔仔媽咪~ 於 09-6-9 20:35 發表
至於學校,我都有諗同佢轉,不過以佢依家既成績同行為,根本無學校會肯收佢,所以呢年我至狂谷佢英文,,,雖則我都有感認為佢轉咩學校都係咁,以往佢讀咗三間幼稚園同依家間小學,佢都係咁樣打人...幼稚園佢打人,個醫生死 ...
作者: ~仔仔媽咪~ 時間: 09-6-9 22:34
原帖由 77777 於 09-6-9 21:29 發表
其實我地d仔係好受d朋輩影響架, 如果其他同學仔無咁蝦蝦霸霸, 乖d, 對你個仔好d, 有禮d.....佢起碼唔會咁燥先啦.....
我阿仔個排比人排斥, 響屋企發晒脾氣, 我先知咋....如果佢唔係好忟, 我都唔會知.....
同埋老師 ...
查實我地咁多位媽咪對住呢班小朋友都係見步行步咋...講真前路係點將來係點真係唔會有人知,就係咁樣我地至每行一步都要諗清諗楚要好小心同埋一定要俾心機去試唔同既方法囉!實情我地教呢班細路仔,我地都同時同個仔成長咗好多,講真,如果比着我生個聰明又乖巧文靜既仔,我諗我仍然都係細路女一名,任性衝動又脾氣唔好既亞媽.我諗呢份係神專登揀選俾我既最好禮物,就係知我都需要長大.
都係架!我都好感恩我今年同個仔遇到一班真心教小朋友又有HEART同耐性既老師,講真佢地連放工撘車都記掛住我仔D野,佢地咁樣無私付出真係好額外既野黎,所以我猶豫唔知好無俾仔轉校都係因為呢間學校都有好多好老師.
同埋我地班仔真係好受朋輩影响,我仔又出奇地零舍同其他有自閉或過度活躍症既小朋友友好...佢老友亦係亞氏保加症加過度活躍,佢地真係會互相影响,有時都唔知好定唔好,連老師主任都話查實都好想我地呢班仔可以多D同正常小朋友做好朋友一齊玩,但無奈,我地班仔又成日整親人,就算嗰D小朋友唔介意,但人地父母未必會接受到個仔成日俾我地班仔傷到囉.所以都好無奈...以前我都曾經試過堅持去幫我仔搵D正常小朋友同佢做朋友,但最後都係因為我仔傷到人,結果人地父母接受唔到,就算之後個小朋友原諒咗我仔主動約我仔搵日上佢屋企玩,但人地父母已經斷絕我地來往,嗰下仲更加傷害到我仔個心,我亦都好傷.因為亞仔一腳,就踢走咗佢同個小朋友既友誼同埋我同人地父母之間既友誼,我又俾人話我唔教仔,縱容個仔去傷人,實情係得不償失.所以依家我都唔再係咁做,都係順其自然啦.
作者: ~仔仔媽咪~ 時間: 09-6-9 22:50
原帖由 當媽 於 09-6-9 21:52 發表
我兒現年已中一了,我也曾患抑鬱,但見孩子現在的情況,有些意見想講,
其實,我在這topic回應了幾次,但內容都是簡短~!請問你對我的回應感覺如何?覺得我忠告,是奚落,還是講風涼話或是其他呢?
至於,講兒子社交事,立場是 ...
實情之前我並無惡意,只係覺得你係咪無睇哂我之前所有回應,所有你回應嗰D內容至同我之前所講既咁格格不入,好似真係無睇到我之前所講,只係有呢種感覺.同埋我確實係唔太認同你所言,咁講真,大家一齊交流,當然會客氣,但唔會明明自己唔認同,自己有個人睇法,但都唔表達出黎囉.
但依家見你呢個回應,我反而係覺得你份人太主觀太緊張,唔好將人地既說話諗埋一邊去諗,如果我係覺得你唔係善意,我又何須以幾篇千字文段的回應黎回應你呢?如果你覺得人地會認為你既忠告是奚落,還是講風涼話,咁係咪你自己都覺得自己所講既都有問題?自問我唔覺得你有問題囉,如果你認為有,我就會覺得係,否則,大家同路人一齊去討論去交流,大家都受同樣既苦,唔應該係互相指駡同奚落囉.
如果你講你之前曾患抑鬱,查實我會更加明白你,因為我曾經都為住囝囝既問題而抑鬱過,我朋友亦曾抑鬱過,我朋友係嚴重到需要服葯一段日子至康復,所以我更加明白你既心係點,份人會額外容易緊張焦燥係必然的事,但唔代表任由自己焦燥緊張落去,咁樣對你同囝囝沒有好處.
試下放鬆D去抖一大啖氣,先平定自己情緒,再要求自己冷靜地用平常心地去面對事情,先要求自己唔好向負面方面諗,唔好諗人地一定話你不是或者人地係衰有唔啱,亦唔好先唔好對人或事帶有恨意怨念,試下靜心去聽下人地所講,再冷靜地自己慢慢逐點去分析去消化,我覺得咁樣你會思路比較清析多!自己亦會開心好多.
正如你所言,孩子既情緒同行為係源於家庭,要孩子情緒行為穩定,行既路諗野方法正確,作為父母先自己平定安定自己情緒先,如果自己亦係容易發怒既人,怎能要求孩子不輕易發怒?如果自己只向一邊方向思維諗野,唔多方面去分析去諗,怎能要求孩子不要誤會他人好意,怎能要孩子不去怪責埋怨別人欺負自己(但事實上別人沒有欺負他)?所以你希望孩子怎樣,你亦要怎樣,你希望孩子改善情緒同思維,你亦要改善之.互勉之!
作者: ~仔仔媽咪~ 時間: 09-6-9 23:24
原帖由 77777 於 09-6-9 23:03 發表
其實你阿仔從前都係一叫就聽會唔玩玩具?? 我覺得你阿仔可能一路都有進步架啦.....又唔洗話因驚住阿仔整倒人而驚左同人地玩的....順其自然啦....查實我覺得如果一班埋面太多呢d小朋友, 又好擔心老師可唔可以控制倒.. ...
咁我仔又係不嬲好驚我唔開心好驚我嬲,又從唔會逆我意...亦未曾駁過我咀,但真係淨係對我先係咁,但佢對爸爸同老師就相反...會駁咀會鬧人會發晦氣甚至會打爸爸同老師,所以連老師都話我仔响學校對住老師時係惡魔,但媽媽一出現即刻變身做咗綿羊...實情係好定唔好,真係可圈可點囉..
都係架...有好多時我都覺得老師好辛苦,以前我就唔知,成日郁D下捉住個班主任係咁講個仔D問題,又成日捉住老師問我仔番學點樣...但之後開始收歛番,交得個仔俾老師,唔多唔少都要相信老師既能力囉!咁好似我地番工一樣,下下都有個人check住又成日問你做好未做得掂唔掂當架...你都會好大壓力同心煩啦,所以今年我真係放手俾老師處理,唔會主動過問,咁講真,老師有問題有難題時自然會搵家長講架啦.所以今年真係同學校關係好好,呢樣我都幾安慰.
至於同唔同正常小朋友玩,,,始終我都仲有餘悸,我仲未放得開同安心囉,有時依家我同個仔去D多人地方或者教會gathering,我一去到自然會有無形既壓力壓住我成個人,就算我仔嗰日好乖無周圍彈又無整親人,我都可以大壓力到差D喊出黎...都有朋友叫我唔好俾咁大壓力自己,但呢樣我仲未調節到囉...
作者: ~仔仔媽咪~ 時間: 09-6-10 09:13
原帖由 77777 於 09-6-10 00:09 發表
其實我本身都唔係好鍾意找老師, 因為通常我有野要煩佢地, 又或者我都唔希望老師找我, 通常無mud事佢地都唔會搵我.....不過, 有時真係我唔搵佢地我係無辦法解決.....
你阿仔如果驚你嬲, 佢真係錫你同孝順先會咁.... ...
都明...咁講真我地班仔有咁多問題又係成日俾人投訴...基本上我地呢班亞媽見到亞仔間學校度校門已經驚到喊定先...係真架...次次夠鐘接我仔放學時,我真係好大壓力,成日都驚去到學校甚至未到學校,我手機已經響電話,好驚係學校打黎,好驚又係話我仔出事整傷咗人...就係我咁緊張,所以每次一接到我仔投訴,我幾乎一定會喊出黎,就算唔喊,當日全日我都會謝哂個心有舊烏雲痴住我囉...
我仔如果吾食葯,佢响學校又係越叫越走架!我叫佢都係好似聾咗咁,佢有佢周圍彈,我有我响樹邊叫停佢邊捉'貓'!反而係唔知點解得番我同個仔二人獨處時,或者响學校以外既地方時,佢就好易控制到囉!
唉...男人個個對住仔都衰心軟架!有邊個男人唔縱仔先得架!even我家嗰件會打仔既爸爸,之前咪又係三兩日唔埋,一响街昅到有玩具啱亞仔,就忍唔住手買番屋企黎冧仔...我仔沉迷超人、高達呢D玩意,咪又係嗰兩個父(我仔父親同我仔大舅父)所賜囉!嗰時我已經叫住佢地唔好無啦啦介紹D額外娛樂俾個仔,佢地兩條友仔又猛話係男仔都會鐘意呢D噃!結果我仔依家做咗電車男...當年叫我老公唔好買漫畫俾個仔睇,但老公又以俾個仔睇多D字認多D字為由,結果個仔中咗漫畫毒,D行為咪又多問題出現囉!依家我老公都知衰,都話後悔俾個仔睇漫畫而唔係益智書.
所以我地呢班亞媽,查實唔係淨係湊住一個ADHD仔,而係兩個!爸爸都係ADHD佬黎,我地一教要教兩份囉!我地都係原諒佢地把啦...無眼睇...
作者: ~仔仔媽咪~ 時間: 09-6-10 11:18
原帖由 77777 於 09-6-10 10:31 發表
係呀, 我真係試過響阿仔間學校喊倒收唔倒聲, 其實阿仔一返左學, 我都好驚個電話響架......一見係學校打來, 我成個心跳左出來咁劑....通常都無mud好野架....
唉, 我隻c6都係未知衰, 阿仔本來唔睇電視, 係隻c6成日話 ...
我隻佬咪又係唔信邪,佢係都要等到個仔整番幾單大鑊野,佢至信邪咋!之前我隻佬咪又係話個仔無問題,猛話係細路仔都係咁架啦!依家個仔响呢一兩年間係咁俾野我地炭,咁我隻佬至腳震震肯聽我支笛咋!之前?佢係試過唔服氣走黎好寸好惡咁鬧我話我唔係呢個屋企既判官咁話!佢老板吖!我聽完勁火囉!唔啱你教喇!我自己閃咗去唔番黎唔駛煩個仔同你,我無眼屎乾淨盲呀!!!依家總算隻佬都開始聽話,呢次件事我隻佬都好知個仔既問題係源於佢,兩父子都係同一特質同一脾氣...依家我隻佬都似乎唔敢郁D下發癲發埋D怪脾氣喇.希望KEEP到啦.都係幫個仔啫.
作者: ~仔仔媽咪~ 時間: 09-6-10 17:46
原帖由 77777 於 09-6-10 11:29 發表
唉, 我隻c6都重係響寸我個階段.....好c惡對我, 佢覺得自己係一家之主, 無理由比我話事.....同埋, 我隻c6係有一個特性, 佢係永遠唔會認錯law....
我阿仔之前係聽話d架, 不過, 有佢同我對抗, 阿仔都唔多聽話啦.....
...
唉...完全係我隻佬既style,不過我隻佬同個仔一樣,係對人惡,就係唔知點解對我硬係有D顧忌...所以最離譜都係嗰鑊咋!話我唔係判官!
我隻佬都係死唔認衰嗰隻黎架!佢最叻咪係扮聽唔到唔應我囉!同個仔一模一樣,所以我朋友都無講錯我,我係湊住兩隻ADHD仔...真係高難度~!
不過你都係要經常幫你老公洗腦架喇!一定要傾囉!如果唔係教仔成日隔離有個'好人'响樹同你爭仔,再唔係响樹明明個仔曳但讚個仔乖...咁樣真係好難教得到個仔囉!我教仔時,我老公都唔可以加把口架,佢就算企响我嗰邊,我地既習慣都係是但一方講完訓話完個仔,至輪到另一方,極少會兩把口一齊訓話個仔.費時個仔亂.
作者: ~仔仔媽咪~ 時間: 09-6-10 18:28
原帖由 77777 於 09-6-10 18:01 發表
你真係明我心事, 我真係同隻c6成日爭仔, 佢永遠做好人, 我永遠係衰人, 重要日哦夜哦, 我一出聲, 佢一句躂我話佢想安靜, 一陣我閙阿仔, 佢會閙返我轉頭, 其實我個大仔係難教過個細仔好多, 有時我真係唔想理...根本理 ...
梗係明...因為我同隻佬嗰邊d屋企人都有幾個係咁,嗰d咪仲慶,個仔又唔係佢地生既,又唔係同我地住埋一齊既,一年至久唔久食飯兩三次,但我一教仔,我老公都未諗住出聲,佢地班友仔走黎同我爭仔,又係明明我仔擺明曳,佢地都可以搶咗我仔去,邊摸我仔頭邊讚我仔乖~!跟住我搶番個仔番黎,佢地都可以話:"細蚊仔係咁架啦!",細路仔係咁就等於唔駛教?個仔六七歲仲响酒樓玩追逐唔理d滾水傳黎傳去,又唔理酒樓地毡勁DIRTY仲走黎由得個仔响地扒地瞓地爬地???都唔知什麼道理,仲要佢地個仔立玩具追打我仔,嗰d玩具係硬打落去係傻都知會係好痛囉,我仔梗係走啦,唔通企定定呀...佢地一見我仔走開,佢地都可以將自己幻想當為事實咁同我講:"係咪你平時打開個仔打到佢驚呀!"真係吹到啤啤聲~~~!!!講真個仔升到小一就無體罰,再者我以前體罰亦唔係亂咁打囉.有時對住呢d人都真係幾勞氣架!
依家可能佢地d仔大,有好多問題煩番佢地(坦白講,我同老公都好覺我仔個堂弟係adhd囉!仲要係勁過我仔嗰隻)...咁佢地至無再出聲,我至可以耳根清靜番咋.依家我唔打仔,佢地咪成日忍唔住當眾大巴星埋去個仔度....個仔都失控唔聽佢地支笛既.但佢地又唔覺得個仔有問題,莫講話會唔會去做評估.
不過始終都係自己老公,都係試下搵多d機會同佢好好傾囉!至少都叫佢唔好响你教仔時就加把口黎唱反調,一係唔好嘈,係要出聲既就一定要同你同一陣線講同一道理,否則個仔真係會仲亂,唔知跟邊個RULES做人.真係要搵機會慢慢傾掂數.
作者: 當媽 時間: 09-6-10 22:12
講埋今次,我一定會在這個topic閉咀了!
始終個幾句,我在這兒話句不多,但在我短話短說當中,只是幾組句子而已,而你兒的學校事,社交事,甚至,同丈夫的相處,都可以想像到許多個人觀感出來,很相信你是一位富想像的人,如果,思路趨向正面的,天下自然太平了,但相反呢?只會走出許多陰謀論等負面效果!
真的,觀人於微,我只是短短寫了幾句,卻換來排山倒海的回應,但如果身邊人只是講了幾句話,又會否換來連珠炮發呢?
作者: ~仔仔媽咪~ 時間: 09-6-10 22:33
原帖由 77777 於 09-6-10 20:15 發表
佢地係咪同你地唔岩架.....
有時d人唔抵得你地好....咪咁law.....你阿仔naughty, 佢地咁講, 你阿仔咪重naughty d, 真係靠害......
我好明你講mud架....我都係有類似情形...., 我個邊d人一邊笑阿仔唔專心就無 ...
都唔知咩心態架...我又無諗過,,,不過查實我又唔覺得佢地出於壞嗰方面囉,我都好知因為我奶奶嗰邊係唔打仔鬧仔架!even真係鬧都係好細聲,細聲到你都唔覺佢地係鬧緊人,所以我咁軍訓,佢地咪睇唔過眼囉!不過依家佢地都好明解我,亦都好鍚我地,我老公排行最細,我亦係最細亦最後生嗰位新抱黎,所以都感受到佢地真係好鍚好關心我地...尤其有部份人後期响另外既地方接觸到自閉症呢樣野,都開始理解到我地呢班仔既難處同特性囉,所以之後佢地都唔太干涉我教仔,呢幾年關係係明顯好咗close咗既...
反而係出面嗰D三唔識七,佢地又唔知頭唔知路走黎扮代表响樹話你點話你物嗰D人最煩,有時都好知佢地唔知我地D仔係有問題,會誤解成我地班友仔係曳仔,我地班亞媽係唔教仔,就算係知道之後,佢地又未必明同理解囉.所以我都只好叫自己唔去在意佢地,唉...避得就避啦.
作者: ~仔仔媽咪~ 時間: 09-6-10 22:48
原帖由 當媽 於 09-6-10 22:12 發表
講埋今次,我一定會在這個topic閉咀了!
始終個幾句,我在這兒話句不多,但在我短話短說當中,只是幾組句子而已,而你兒的學校事,社交事,甚至,同丈夫的相處,都可以想像到許多個人觀感出來,很相信你是一位富想像的人,如果, ...
我响forum出名係長篇大論呢樣係我習慣黎,我個人係唔識簡短,始終我個人覺得有D咩都盡量講得清楚詳盡等人會容易明白.
都係嗰句囉,你太諗埋一邊喇!人地長氣就話人地連珠發炮係鬧你,你問番自己,呢D係咩道理?依家我呢刻就係話緊你囉!你再係唔去改善番你呢樣諗野方式,講真,你永遠都會覺得人地係針對你唔妥你,咁你做人做得咁大怨氣咁唔開心,唔見得係對你自己好囉.
始終我地大家唔識大家,都只係網絡上萍水相逢,我地一齊討論交流意見時,為咩要去鬧人先?你覺得人地鬧你唔妥你,但人地已經講明話唔係,你都仲話係,咁你好無响話人之前先檢討下自己先呢?都講咗唔係,你又唔信,係咪你但求心安要人認同你直覺,明明人地真係唔係鬧你唔係覺得你之前奚落人地,都要附和你呃埋自己答你話:"係呀,我係覺得你奚落你,我係一直鬧緊你"咁話?唔好咁橫蠻無理囉!
我同77777傾咗咁耐偈,我又回應咁多,又係每個回應都水蛇春咁長,咁又係咪代表我一直鬧緊77777,又係覺得佢响樹奚落我?????????????你不如問下佢喇.我唔覺77777有咩問題喎!同佢傾咗咁耐,我都覺得同佢傾得好開心,even大家唔係個個意見都有同感,但我覺得呢D至叫做交流至係一個正常既溝通同社交囉!
我地班仔已經唔識社交,作為父母就算本身都係有呢個問題,但係咪都應該要去檢討下同改善下呢?你話父母會影响仔女,但你呢個論點你識得同人講,但好明顯你無去自己以身作則囉.咁又何來忠告人,又硬要人地一定要聽你跟你意思去行?
既然你都講咗回應埋呢次就唔再回應,同樣我都只會講到呢度唔會再為着你既偏激、諗埋一邊同重複誤會人既善意再作討論.始終你唔係我個仔,我無必要不斷地去叫你唔好偏激要講到你肯改肯認錯為止,況且根本你唔覺得自己咁樣諗野係有問題.我又何需再講呢?要講呢咁多篇長篇回應已經講哂.大家唔啱channel,又唔係認識對方,我和你就當作從沒見過罷了.
作者: ~仔仔媽咪~ 時間: 09-6-10 23:25
原帖由 77777 於 09-6-10 23:00 發表
你D屋企人明解就好LAW.....出邊事實上有太多人唔明解, 有D人覺得我唔教, 又有D又覺得我太嚴, 迫得阿仔好緊....諗返轉頭都幾好笑, 咁鬼極端....有時我都費事解釋...真係口水都乾有時比人當傻婆, 呢個世界就係有D人係 ...
雖則我地班仔隻隻都唔同款,但我地班亞媽似乎所遇到既野同感受幾乎一模一樣!!!哈哈!!我都係咁架...就算係出面既人批評我地,都係分兩批,一邊就話我地唔教仔,但偏偏另一邊就話我地太嚴太要求高會嚇親個仔~!有時都得啖笑囉...所以依家我都唔太在意外人點睇,始終佢地真係唔知道亦唔會即時理解到.咁我地呢班亞媽响當知個仔有呢個症時都唔係即時了解佢地亦唔係即時知點教好囉...我都用咗幾年時間至慢慢適應呢個症,但仍然係理解同學習當中.
上年我咪係遇着一個有情緒病既班主任囉!真係一日幾鑊投訴,學校投訴個仔唔係一個問題,咁講真個仔响學校做錯事,我係應該要第一時間要知道囉.但問題在於係佢態度問題,我仔上上下堂無啦啦想睇報紙,你知我地班仔幾咁衝幾咁唔諗下先就做架啦,佢咪好大方咁拎份報紙出黎嘆囉,咁我仔又係坐正老師位前,咁老師要求我仔收番埋份報紙都係好應該,但我仔又ON居居咁唔肯收番埋喎,仲好似傾偈咁同老師講話佢想睇...
咁我都知呢個情形係人都O哂咀,但唔代表可以响全班小朋友面前亂發癲嘛...真係唔係講笑,佢真係發癲,而唔止係發脾氣發惡咁簡單,佢走黎一手搶走我仔份報紙,然後當住全班卅位小二學生面前發癲咁撕到粉碎~!我心諗,佢駛唔駛咁呢?佢係正路既係咪應該沒收我仔份報紙,唔好俾番我仔囉!佢沒收既,我唔會覺得有問題,仲覺得做得好正面添...但佢咁樣响D學生面前毁爛人地既野,係咪即係教緊眼前班小朋友有咩爭執上黎,都可以咁樣整爛人地D野,等人地以後無得用呢?唔係囉!咁講真份報紙又係學校免費派既,就算出街買都只係六蚊,跟本唔係在意錢既問題.而係佢咁樣,不但唔係教緊小朋友個正確行為,而係似係反面教材教緊班小朋友可以咁樣發脾氣囉!事實黎架!初時佢咁樣成日發癲講埋D負面野(同我仔講:你番學都唔係黎讀書既.."...但我仔有學障同當時係對手無力寫唔到字要去醫院做treatment囉),我仔初時都驚,成日都同我講miss chan好惡,但之後我仔都反擊啦,佢發癲當住卅個學生面前鬧我仔,鬧到又係失控唔停嗰隻,我仔就响位度同呢個班主任鬧大聲,鬧到呢個班主任自己都完全收聲唔再嘈...咁我仔至唔再嘈,唔係話我仔啱,我仔都錯,但佢呢個老師係咪都係因為自己既問題,迫到個學生又係用番佢呢隻負面態度同佢溝通同解決問題呢?...所以上年真係我同個仔既黑暗時期...之前讀兩年小一同今年都同學校關係好好,係得小二呢年俾呢個MISS玩謝咗!
作者: ~仔仔媽咪~ 時間: 09-6-10 23:56
原帖由 77777 於 09-6-10 23:38 發表
仔仔媽咪,
見你話問下我, 咁我只係想講一句同你傾計真係好開心, 大家雖然意見有時唔同, 不過, 我覺得最緊要我地呢班媽咪可以互相扶持, 大家交流下意見, 大家體諒大家LAW....有時比阿仔激C, 有個渠道可以宣洩下.... ...
無啦啦擺咗你上枱...真係唔好意思~~!!!
咪係囉,查實我响BK咁耐,都有成六七年,我長篇大論都唔係淨係對住某人至發生嘛!咁多年,有好多時有D媽咪都講到明話見到我太長篇,一見我有回應都拿拿聲飛過唔睇就算....因為真係太太太....長篇...
只係呢次我無啦啦俾人話我鬧佢,我真係打咗個好大個question mark响度囉!根本一直大家都開心見誠去交流意見去傾,就係因為見我咁長篇就視作係連珠發炮黎鬧佢,講真我都好覺得係俾佢老屈囉!
咁佢人係好緊張又好主觀呢樣係梗架喇,但唔代表我唔認同佢意見同我講番我既睇法就等同係鬧佢或者覺得係佢有奚落過我囉!咁佢有咁既質疑,係咪代表佢自己都覺得佢嗰堆回應係真係奚落緊我呢?如果佢自己唔認為係咁,又何來會誤會人地以為佢係响度奚落緊人???講得唔好聽,佢似係打橫黎行囉!
同佢傾真係會影响到我都會同佢緊張埋一份,但我都會盡量嘗試去同佢苦口婆心好好地客客氣氣咁講野,但佢都係咁,我最後唯有跟佢一樣,用番D好serious既語氣同態度同佢回應...咁呢個係咪大家都想要既態度?坦白講,我唔覺得我想要囉.
正如你所講,我地班仔個個雖則係ADHD仔黎,但佢地都係一個個體黎,隻隻都唔同style,最知個仔最理解個仔既永遠都係自己親生亞媽,只有我地知點對住佢地,實情唔好講咁遠,淨係講我同你,都已經係唔同教法啦.如果係一模一樣既,又何需有個forum响度俾大家媽咪去交流去討論?意見俾係無問題,但人地接受與否或者認唔認同或者跟唔跟住去做,係人地自己決定,人地唔接受唔認同亦唔跟呢個意見呢個做法亦唔見得係壞同有問題囉!大家都係俾意見之嘛,而唔係俾命令,點解要咁固執咁堅持己見,見人地唔認同自己方法,就話人地鬧佢或者話人誤會佢响樹奚落人?講唔通囉.
始終大家都係成年人,唔係細路仔,細路仔心智唔成熟係會成日任性地扭計要人地跟佢意思去行,但大人唔係咁囉,大人幾唔成熟都好,但都會要求自己盡量理智同合理,睇事永遠都要求自己去平常心去睇事情,會要求自己思考同諗野係多方面/唔同角度去睇,而唔係好似我地班ADHD/自閉小朋友咁永遠諗野淨係諗自己,永遠都係一條LINE咁諗而唔識轉彎囉!呢樣都係我仔個心理學家咁同我講.
不過唔緊要啦,呢頭講嗰頭散啦,講完就算,再講只會變成好似我响度批判緊另一個會員咁,都唔係咁好架.
[ 本帖最後由 ~仔仔媽咪~ 於 09-6-10 23:59 編輯 ]
作者: ~仔仔媽咪~ 時間: 09-6-11 00:09
原帖由 77777 於 09-6-10 23:44 發表
我呢兩樣野都可以係用一班人話, 你話好唔好笑....
你話你阿仔個MISS CHAN, 咁佢真係好過份枉, 同埋俾我感覺佢真係有D情緒問顥LAW....就算佢自己有壓力都唔可以咁做, 唔怪得之你阿仔舊年咁唔開心LU....
...
查實我都有諗過有同自己講過,係咪我誤會咗呢位班主任呢?係咪佢查實無針對過我兩母子呢?但當中淨係嗰一年小二所發生既事,我都好難唔去覺得佢係針對緊囉...之後今年升到小三,我同我仔個老友個姨媽傾偈,咁啱講番小二呢個班主任,結果聽番黎既係,個班主任對佢地既態度好nice,嗰下我係有唔開心囉.咁我始終都好自然會檢討下係咪出自我問題令到個班主任對我既態度係相反...但只問自己都對呢位班主任好客氣好有禮貌,小二開學第一日我已經同佢打聲招呼,想同佢傾番我仔既問題,但嗰時佢已經唔肯同我傾,之後連電話都可以CUT我線,嗰下我真係幾唔開心.
其實佢嗰時點對我同個仔,要講真係又會有排講,但算啦,已成過去,可能我仔打人問題真係好困擾佢呢...呢D我又可能唔會知...至少依家佢唔再教我仔,佢依家平時放學見到我同個仔都可以好nice咁打招呼點頭示意.又試過一次見佢主動埋黎同我仔講野,但佢係同我仔咬耳仔咁講野,我仔個樣係呆咗,希望佢唔係同我仔講D咩唔好既說話啦....我諗應該唔會卦,,,我仔又唔肯講,又話佢無講D咩...
作者: ~仔仔媽咪~ 時間: 09-6-11 00:45
原帖由 77777 於 09-6-11 00:10 發表
咁又唔緊要.....我都係D好直的人, 同埋真係唔多識轉彎的人......不過ADHD真係有好多種, 就算無ADHD, 個個小朋友都唔同啦.....
有時我都會自己響度講一論自己的方法, 不過其實只係因應我個小朋友個性格同我自己好個 ...
聽你咁講,查實我同你都幾似....我又係比較直既人,我唔會立亂話人,我都會對人客氣同尊重,但我自己所想既,我絕對會好直接講出黎,而唔會轉彎換角囉.始終我係有咁既睇法同諗法,無理由只附和人好似應酬咁,明明自己唔覺得係咁,都夾硬同人講話認同囉.
我又係好鐘意聽下其他人既意見同做法,實情做人係應該咁做至啱,無可能下下唔去接收新資訊新方法,下下死用自己嗰套黎行事囉.始終都要放開眼界,去見識下,聽多D唔同意見,對自己永遠都有莫大益處,但人地既做法,自己去唔去跟或者值唔值得一試,係好睇自己點諗,同埋同一個方法能唔能用得着响我地自己問題身上囉.始終睇完人既分享同意見,自己理應都要細心消化下分析一下,至決定跟定唔跟囉.
好似我上星期俾個仔停學咁,查實當媽既見解不無佢既道理,但我好知我仔唔會因為我咁樣停佢學會令佢更加唔願意番學,就係因為我好知個仔仍然好鐘意番學,呢樣唔係我覺得,而係事實如此,我都講過,我仔上星期二開始俾我停佢學,星期三已經強烈要求話佢自己好想番學,求我地俾佢番學,俾多次機會佢,我仔去到星期日晚,佢同我pillow talk時因為知道星期一終於可以番學(考試),佢係開心到瞓唔着,係咁同我講話佢好期待星期一番學,仲話好期待好想知自己可唔可以考試考得到好成績...試問我又怎能唔會覺得我仔係鐘意番學呢?
再者,我亦唔認同外間有人俾自己仔女停學數年,話等到個仔大個仔D'好番'之後至番學,實情大個D即係幾時?我呢次停學唔係逃避,亦唔係胡亂作出決定,雖則我係唔想佢响考試之前再傷到人,呢樣係我感受,我係好驚個仔再傷人,但我要佢停學,都係希望佢能夠冷靜落黎,唔好响佢未思考未反省佢既行為同錯事前又要佢日日去面對去應付同學之間既社交,硬碰硬夾硬擠佢入去困境唔見得係一件好事囉!除非佢已經反省已經明白打人既嚴重性,學到一點處事待人既方法就另作別論,但當日佢咁樣打穿人個頭,實情莫講話我同個仔,學校老師校長同埋受傷既同學,佢地都需要冷靜,需要時間去調節去思考,點解唔可以利用一星期停學呢小小時間去俾大家一個空間去冷靜地思考去諗一個實際方法去解決問題?
之後我打算考完試個仔隔日番學,亦係我計劃之一,亦都唔係逃避,而係我教既方法係,趁住考完試至暑假呢段唔駛上堂教書既日子,俾個仔可以一日學習一日實踐黎學下點去待人處事同處理情緒行為,我要求個仔放假嗰日要去做運動,俾佢跑下打下籃球,呢樣係心理學家講,我地ADHD仔係好需要運動;亦要求我仔去我朋友中心度學守規矩學控制情緒行為,呢樣係好重要,同埋我亦會要求佢學一D要求佢細心同有耐性去做既遊戲,例如:摺紙、棋類遊戲、球類運動等,查實我地班仔最需要既係要佢地有耐性,佢地就係缺乏耐性同細心,往往都唔先停一停,諗一諗就衝動行事,結果咪經常犯事,所以我要求佢一定要學,無得唔玩.就係因為我知我仔會聽我講,唔會拒絕唔做,所以我至希望用多點時間去教佢培育佢.至少佢停學唔係代表佢係响屋企玩樂歎世界,而係學習,到佢番學日子,要佢嘗試去實踐,放學後講番佢當日响學校既事同表現,然後再作檢討,見有不足時我地可以即時去改變戰略,然後再學再試,咁樣我覺得至黎得實際囉.
有時一件事情唔好一聽到個字眼就一口咬定係好定唔好,凡事多面睇,要去分析,要睇情形,要睇實際情況,然後加以思考再作判斷同計劃囉.
咁終歸一句,大家個目標方向都係一心想幫到個仔教好個仔,始終我地唔可以護佢護足一世,佢地大個咗始終要面對呢個社會,佢地要學懂點去處理問題同事情,如果依家唔去搵方法令佢地學識,大個咗將來我地兩腳一伸,得番個仔一個人去面對呢個世界,點算?
作者: ~仔仔媽咪~ 時間: 09-6-11 01:00
原帖由 77777 於 09-6-11 00:20 發表
我信有D老師係真係覺得ADHD仔好煩.....亦唔係咁易改變佢地....你而家阿仔唔係佢教就算LAW....
我都試過遇過一個唔多體諒ADHD仔的老師, 個時同佢傾左成兩三個鐘, 以為佢明....不過二三日后, 再同佢傾返, 先發覺講完 ...
都係架...有時遇着D真係講極都唔明既人,我都係算,始終都講唔明,佢地又唔去接受,我仲去重複講黎都無意思囉.好似我仔小一有位班主任(佢地嗰班係有兩個班主任架),上咗年紀,基本上係婆婆黎,即係資深老師黎啦...可想而知有幾主觀,,,佢地只係接受上嗰代既知識,頂多見我仔隻手執唔到筆無力寫字,佢地咪只會識講呢D係小肌肉問題黎囉,而唔會識咩叫做'動作協調障礙',莫講話ADHD或者自閉,,,所以佢只會日日好炆咁鬧住我黎講話我仔好曳,試過我仔又係寫唔到字,結果做唔到堂課,跟住佢就話係我仔唔肯寫話佢懶話佢曳,咁我都算啦,好聲好氣好有禮地同佢講,咁你依家話俾我知佢要抄邊幾個詞語,等我番屋企慢慢教佢寫啦(我仔當年係做一本功課要兩小時),咁好啦,我接過本生字簿,點知呢頭接完本簿,下一秒呢位婆婆老師走黎好大力好惡咁掟支鉛筆落黎我心口度(我坐响度):"抄低啦!!!!!!!!",,,當時我同我仔另一個班主任都目定口呆...另一位班主任即時好唔好意思咁响隔離做口型示意同我say sorry,我都明白,都示意番'唔緊要',,,之後到呢位婆婆班主任坐响我隔離講番我仔要寫咩生字時,佢都仲好勞氣咁講我仔好曳, 我都無哂氣,又知佢都好唔開心,結果嗰日我係倒番轉頭邊摸住呢位婆婆班主任個背(掃背...)邊安慰番佢講:"我都知我仔咁樣,你會好辛苦同好勞氣,但無計,佢有呢D問題佢自都唔想,我地唯有俾多D方法去幫佢等佢改善,,,依家我仔都有去醫院度做物理治療...(未講完佢又好大聲爆一句:"我知!大小肌肉訓練吖嘛!我識呀!!..." 唔係囉...我仔係做緊感統同動作協調相關既訓練囉...),,,慢慢黎啦,如果日後我仔又係唔寫字,你交俾我去跟,等我响屋企親自教個仔寫字,做番D堂課交番俾你囉"...你話...C得未... 查實最需要人氹同安慰既係亞媽我地...點知都要安慰番人地轉頭...我個心仲滴緊血架...仲未止血...
但之後下學期佢都改善咗,至少我仔嗰日肯俾下面手震震寫幾隻字,又唔扭計,佢咪同我講個仔今日乖咗囉...我已經多謝佢都黎唔切...!!!
作者: ~仔仔媽咪~ 時間: 09-6-11 08:55
原帖由 77777 於 09-6-11 08:09 發表
其實我明你, 而家呢個時候, 學校的書本差唔多教完, 同時, 如果你的小朋友係好鍾意返學的, 唔比佢返學已經係一個懲罰啦....如果我唔比阿仔返學, 我諗佢一定會同我c過, 因阿仔又係好鍾意返學同成班同學仔一齊, 可能佢 ...
查實叫佢唔好再犯呢句野我呢十年已經不斷咁講,講到最近嗰次我直頭兇個仔話佢再打人我就走咗去唔同佢住,佢當時係驚架,咪又係猛求我唔好咁做,又係例牌話要我俾多次機會佢要相信佢,結果咪又係打爆同學仔個頭...無奈我地班仔又係要同一句野成日提醒住佢地,但同時佢地又繼續犯事.無哂計.
就係想大家好黎好去,又好知自己個仔唔好頂得去邊,咁老師一個對卅隻馬騮仔,仲要黎隻咁勁既...都知老師會辛苦...尤其呢次係婆婆(班主任)黎,見佢扭哂計,咁我都係見佢係老人家份上,氹下佢,等大家都開心番少少...........無計架,如果D老師係識諗係講得佢地明既,我諗前人(以前嗰D家長)一早已經點明佢地...同埋佢地係無心教好小朋友既,我地點講都無意思,,,所以唯有同呢D老師客客氣氣足一年,下年都唔係佢地教我仔,總之俾大家好過,當放過大家一條活路...
講真我身邊都有好多做老師既朋友,由幼兒園、幼稚園、小學、中學甚至乎大學教授都有...查實都好睇到有心去教學同無心會有幾大分別...有心教小朋友真係真心想教好小朋友,佢地係會好主動係咁進修係咁搵唔同既渠道黎增進知識,甚至我有個老友想了解同修讀關於特殊教育既野,因為唔知係咪神都覺得我呢個老友真係真心愛小朋友,佢做咗十幾年幼稚園老師,佢轉乜班或者學校都好,全校最多自閉或特殊問題既學生嗰班都係佢做正教(班主任)...佢接觸得多佢個心真係好想幫到佢地,上年仲聽到佢話,星期六日專登去人地中心度教小朋友playgroup,星期一至五已經全職咁忙,星期六日仲要part-time做呢D,我覺得呢類真心愛小朋友既老師真係可遇不可求囉.我個人都幾欣賞我呢位老友.
作者: ~仔仔媽咪~ 時間: 09-6-11 08:59
原帖由 ~仔仔媽咪~ 於 09-6-11 08:55 發表
查實叫佢唔好再犯呢句野我呢十年已經不斷咁講,講到最近嗰次我直頭兇個仔話佢再打人我就走咗去唔同佢住,佢當時係驚架,咪又係猛求我唔好咁做,又係例牌話要我俾多次機會佢要相信佢,結果咪又係打爆同學仔個頭...無奈我 ...
同埋同我地呢班仔去旅行都幾大壓力架!所以我都覺得你囝學校真係好難得可以俾佢一齊去外地旅行,比着我仔...............佢唔打爛架機已經thank you佢. 不過我仔跟我去旅行搭機都唔大問題,係一到埗佢太心急太多野想睇想玩,結果變燥底同埋亂嚟,上次去泰國時適逢佢去旅行之前又响學校LAI野,咁佢咪無咁癲囉,但上年去台北...佢HIGH同失控既程度,我直頭尾二個日我忍唔住响台北街頭偷偷地喊...
作者: ~仔仔媽咪~ 時間: 09-6-11 14:08
原帖由 77777 於 09-6-11 10:34 發表
係呀, 有d老師真係好盡心盡力去為小朋友架, 我好欣賞個位阿仔的老師, 佢係今年退休啦....佢好少罰人, 又好鍾意比機會d小朋友, 成日獎勵d小朋友架....呢d都係我仔口中講返比我聽, 阿仔由唔鍾意數變左好鍾意數, 我真係 ...
係啦,好少老師真係肯咁接受ADHD仔...仲要帶佢地去旅行,呢D真係對於我地咁多媽咪黎講係dream黎架囉!查實老師既影响力都好大架!你見你囝囝由唔鐘意數學變成好鐘意,就知老師既影响力都唔能夠睇小,想當年我細個,都係淨係聽老師同學校既訓話多過聽屋企人說話囉.所以幾時都話教一個小朋友永遠都係家長同學校一齊去教,是但一邊本PEA,個小朋友實衰硬...始終要平衡囉,一邊唔做野,另一邊就會好重負擔,要嗰邊一條冷擔得起又唔會跌倒,跟住無可能既事,所以點解唔互相扶持互相幫助大家一齊去努力去擔去抬呢?我會係咁諗囉.
作者: 當媽 時間: 09-6-11 19:23
弊!
犯規了!
但都要出聲!
77777 和 仔仔媽咪
請再細味一下,我在這兒的回應,根本上沒有以已度人,沒有對別人下判斷,但你們呢!一見到別人負面的字眼(如我言的奚落,但卻對我言的忠告等正面詞句,卻隻字不提)或別人不順眼的行為(如夫家的家人和孩子的朋友等),卻會很敏感及深刻的形容,這心態健康嗎?
那些令你們不順的人,卻又要跟他們相處下去,你們開心嗎?
請問世間上可有令你們開心和快樂的人和事嗎?
還有,想請問c6是否指你們的另一半呢?而當中的意思是褒還是貶呢?
我確是一個多事的人,但不是犯賤,喜歡被責怪,但只想你們為孩子想想,真的,物以類聚,如大人對任何事都不懂欣賞,將來成長後的孩子,只會不快樂,因他自小跟著一個只懂埋怨的成人,就會覺得全世界的人都有負於他,將來,就會多了一個抑鬱的人了!
我閱人不多,但我曾是一個抑鬱症關注組織的委員,眼看有抑鬱症的人一天比一天增加,一個比一個年輕,有些還是有一個擔心的媽咪陪伴在側,不斷懷疑地追問我是否真是曾患抑鬱,要我教他治病的歷程,再理解他們的成長,只是有感而發!
還有,77777我對你是有印象的,也曾跟你談及教兒子認字和你兒的學校事,但也曾在別的論壇見你談論家人.
其實,講來講去只想告訴大家,身為孩子的指路明燈,發放'正能量'是非常重要,因從兒子的問題和相處當中,我之所以能夠躍出抑鬱的深谷,是因為如果我再思維負面的話,只會潛移默化地教出一個負面的兒子,當仔就adhd的藥已經停服多年了,我不想在若干年後,要陪他再見精神科醫生,要食抑鬱症藥!所以,想野不要從壞處起步!
原帖由 77777 於 09-6-10 23:51 發表
當媽,
好少同你傾計, 我想講其實大家都有同一個痛苦, 呢班媽咪響度傾, 都係大家扶持大家....其實有唔同的意見都好正常, 唔好用D"奚落"呢D字啦, 人地聽完你講真係會唔開心LAW....
我地上來的目的都係可以傾訴下... ...
[ 本帖最後由 當媽 於 09-6-11 20:08 編輯 ]
作者: 當媽 時間: 09-6-11 20:32
不再爭論了,我根本不是要任何人的認同,亦都冇話過你地唔岩,又冇要你地套用我的方法,而是分享!
(何必又以已度人了呢!)
試想想:adhd的孩子的成長經歷,已經不太順心,還在以已度人的埋怨當中成長,他們開心嗎?
請問c6的意思是什麼?
原帖由 77777 於 09-6-11 20:16 發表
當媽,
我又重有野要講, 我唔提你的做法係因為我唔認同你, 不過而家一提, 你又可能話我連環發炮啦....可能你期望的情形係我地好認同你.....
我講過啦, 我都係一個好直的人.....唔識轉彎抺角, 我覺得一個人要真誠, ...
[ 本帖最後由 當媽 於 09-6-11 20:36 編輯 ]
作者: 當媽 時間: 09-6-11 22:35
我的理解能力有限,捉不到你的意思!
幾經波折,終於在這兒的'自由講場'和'自由報料'找到答案了.
原來是取其諧音'死佬'或'屎佬'的意思!
但願生活愉快!!!!!
原帖由 77777 於 09-6-11 20:57 發表
你知道是分享就好了...
"c"字是第三個英文字母, 而"6"字是第六個數目字....答完....
[ 本帖最後由 當媽 於 09-6-11 22:39 編輯 ]
作者: Kellyaugust2004 時間: 09-6-12 00:57
hello everybody,
long time didn't come up and look.
but for my case. it's not that good. my son is p.1 now and start taking concerta since last yr aug (before entering P.1).
he is doing fine at school, but teacher said he is not that 專心上堂, but the exam result is okay, except for chinese.
but he behaves worse at home after school.
at first, he is okay, willing to do hw ; , but for now, it's very difficult to make him start doing hw . if my husband is not here . it's more worse.
it seems i always has flight with him which make me crazy .
i don't know how to handle with him, how to help him make a good habit (eg doing hw and study after school).
i don't know what to do . ..
i'm so afraid he will become ODD later ...
原帖由 ~仔仔媽咪~ 於 09-6-6 17:41 發表
查實早個幾兩個月之前都係一直將中午嗰劑葯交託俾我仔班主任代為餵我仔服用架...但無奈班主任自己本身都太多活動纏身(做童軍leader)同埋有時遇啱佢番唔到學校甚至請咗假,當日中午我仔仔就無人俾葯佢食,結果有幾次 ...
作者: 當媽 時間: 09-6-12 20:46
謝謝你的提醒.
我真蠢,在這兒問了兩次,才有好心人解釋,但看了指教,又不明白,若再問,又怕麻煩了你,故只好請教他人,但無論如何,違規就違規,我真的要認錯了!
文字是很奇妙,因它沒有表情,沒有語調,除非當中有特別的字眼,但我在這兒寫的文字,動機都是善意的!
你兒小四,當仔是中一,我多走了三年,從前的我,你們在這兒談過的,我多數都做過,雖然,現在不再做了,但從前孩子對我的積壓,常常有意無意間,吐出一些怨言出來,那刻很傷害,很氣餒.但我不斷提醒自己,我要從當下盡力去找所得的,要"知行合一",我們一家才會生活愉快,當仔的將來才會有運行!
再問一個問題,當叫c6時,心理狀況是如何呢?
晚晚,'舊屎'或個'死佬'睡在身邊,會覺得開心嗎?幸福嗎?
真的,丈夫是老伴,為教仔而積怨是不值得的,兒子將來自有自己的天地,到時自立門戶,人走了,只留下兩老因從前教養兒子的積怨,真是不值得.
原帖由 77777 於 09-6-11 22:40 發表
咁恭喜你, 你終於有你的答案la, 咁又點呢??
同一個topic唔可以開兩次架....係好心提醒下你
作者: 當媽 時間: 09-6-12 22:09
啊原來是你c6教你,為何不早點指教呢?
不過,很感受你跟你honey的恩愛!
原本轉載自前言
你真係明我心事, 我真係同隻c6成日爭仔, 佢永遠做好人, 我永遠係衰人, 重要日哦夜哦, 我一出聲, 佢一句躂我話佢想安靜, 一陣我?阿仔, 佢會?返我轉頭, 其實我個大仔係難教過個細仔好多, 有時我真係唔想理...根本理唔惦....
我都望有呢一日, 我隻佬可以響我出聲話阿仔時, 佢保持唔出聲就夠, 佢好多時阿仔無駁咀, 係佢?我先....所以你話幾難教.....
有時我教阿仔英文, 佢都要出聲教, 不過佢係教錯架....所以我好鬼嬲....佢又好唔鍾意人地話佢錯.....
唉, 我隻c6都重係響寸我個階段.....好c惡對我, 佢覺得自己係一家之主, 無理由比我話事.....同埋, 我隻c6係有一個特性, 佢係永遠唔會認錯law....
我阿仔之前係聽話d架, 不過, 有佢同我對抗, 阿仔都唔多聽話啦.....
之前你講你c6d野, 真係好鬼似我隻c6, 我話阿仔naughty, 會被人趕出校, 佢可以話, 好叻咩, 唔讀a校最多讀b校, 細路係個個都naughty.....
原帖由 77777 於 09-6-12 21:50 發表
原來又係可以加之於別人身上去說教, 有時同你傾計真係好疲倦.....
c6可以係英文字, 數目字, 可以係一個別稱, 咁如果你一定要係覺得係唔好的意思, 我都無法架....
"別稱"係我個老公在旁教我架.....我同佢中文都唔夠 ...
[ 本帖最後由 當媽 於 09-6-12 22:11 編輯 ]
作者: ~仔仔媽咪~ 時間: 09-6-12 22:46
原帖由 77777 於 09-6-11 14:52 發表
係呀, 我自己好怕數架, 細個時三年級數老師好鬼惡, 五年級又係佢教, 到而家都記得佢, 不過剩係佢好惡..... 我自己身歷其景, 好明白有時惡通常只會令個小朋友愈來愈唔鍾意.....
邊個會鍾意成日比人閙枉, 有時閙係無 ...
我呢兩日係咁趕做教材,攰c我喇~!依家見休息下至上黎同你繼續傾偈~
查實我都係有數學障礙架!EVEN我以前曾經全班考第二,但我數學永遠都係肥佬唔合格,就算我寒窗苦讀都好,都係計唔好,所以我都好鬼驚數學,教我仔乜科都得,係數學我教我真係好大壓力同埋好鬼燥底囉~~~幸好依家我朋友肯免費幫我仔補數...我至輕鬆番d咋.
查實教仔唔理係咪ADHD都好,始終唔能夠一味靠惡同鬧囉,好似我朋友咁,又係一味靠惡同鬧,個仔對耳都聽慣咗亞媽一開口就係大聲喝鬧,依家我朋友個仔咪一樣唔聽亞媽支笛,我朋友都成日呻話自己教唔到個仔.
我以前都曾經有段日子都係咁樣教仔,結果個仔個情況反而仲嚴重,都係去到我仔升小一時,個治療師叫我唔駛鬧仔鬧得咁行,叫我唔好打仔,咁我為咗個仔可以快D好番,我至聽聽話話唔再咁樣教佢,而係學咗治療師嗰套方法,同個仔好好講道理同俾多D方法個仔去解決佢既問題囉.實情唔講有無效,但至少我同個仔既親子關係係明顯好咗好多,以前我仔同我離行離LAK,我又教仔教到好唔想再見到個仔,直頭掟個仔去外家俾工人湊,依家至少我都仲有心機去教,仲有心去堅持要自己親自教仔,而唔係再好似以前咁,掟個仔俾工人睇就算,咁逃避現實囉.
作者: 當媽 時間: 09-6-12 23:37
如果,令你不開心,真是衷心道歉!
真是與我無關,但很感可惜!
看了這一番話,更感傷害,回想起一直以來(相信差不多兩年了)跟你交談,見著你談及孩子在杜耳訓練的進步,分享認字的心得,為你孩子能讀到好的小學,遇到體諒的老師,很為他欣喜,還有交流垃圾食物的壞處等等.....
呻是必要,平衡自己,宣洩不滿是應該,但總有個限度!
唯有再次祝福你事事順心,日日開心!
原帖由 77777 於 09-6-12 23:01 發表
咁請問又與你何干?? 我覺得同你傾計係愈傾愈唔開心, 亦可以feel倒你係一個好緊張好唔開的人, 可能你的成長歷程係好唔開心, 但都無理由係去說別人的不是去舒緩自己的壓力, 你完全無左同理心個樣野, 唔會去體諒別人, ...
作者: ~仔仔媽咪~ 時間: 09-6-13 01:59
原帖由 77777 於 09-6-12 23:10 發表
見返你好開心呀, 你好勤力呀, 我呢兩日都係同仔仔繼續溫書, 因為怕一返學要考試.....
而家呢個時候就當多d時間溫書law.... 今朝阿仔個同學仔媽咪都同我講呢個假期要同個仔執返好d字, 有比較充足的時間....d中文字真 ...
無計啦,為咗個仔咩都願!同埋呢次我係除咗教自己個仔外,亦會幫我朋友教佢中心另一位小朋友國際音標,因為個小朋友連平時說話既發音都有嚴重問題...我朋友想我幫個小朋友點發音咬字.所以我真係要整番個formal D既教材黎教佢同我仔囉....同埋我又心郁郁想試下用我呢個skill黎教人,我要睇仔出唔到黎番工,但屋企真係經濟唔好,想用番自己一技之長黎賺錢,黎幫補下屋企,尤其淨係教仔都需要駛錢(買工具甚至報出面D興趣班佢上)...如果你想學既話,我都可以免費教你架,咁我始終都需要實習下,睇我應該要點教人嘛.
查實我份人係咁,你俾我呻完喊完,我自己點都會企得番起身,始終個仔係我動力,我都唔捨得唔理佢唔要佢,所以我一定要自己企得番起身囉,當然我又極需要你地支持我,鼓勵我同鍚住我,咁我至會企得番起身,否則孤軍作戰,我會好痛苦.
作者: ~仔仔媽咪~ 時間: 09-6-13 10:57
原帖由 77777 於 09-6-13 08:03 發表
仔仔媽咪,
你真係一個好媽咪, 又好肯幫人, 查實我地呢班媽咪響教d naughty仔真係會遇倒好多困難, 如果可以以自己的專長去幫倒人, 可以一方面幫倒人地媽咪減壓, 又見倒人地個小朋友進步, 真係幾開心架.....
多謝 ...
都唔係既,我都係志在幫朋友啫...又見個小朋友都幾乖,我又似乎教到,所以至幫下手咋,,,
唔駛客氣,基本上我都係想搵多D朋友俾我教國際音標,等自己都學下點教人嘛, 查實大家都係我隻白老鼠黎架...嘿嘿~~~所以我先至唔收錢之嘛!朋友之外既人或者再遲D到我教到熟手時就真係要收錢喇~~
查實人唔理係咩人,個個都有失意既時候架啦,亦都需要得到人靜心聆聽同扶持,始終人都係有豐富情感既動物黎,,,而且我又曾經抑鬱過,好明有苦但有口難言嗰隻苦有幾苦,所以依家趁自己仲想講自己心事俾人知,就一定要講出黎甚至喊哂出黎囉,咁都係想舒緩自己既壓力同情緒,否則又係好似我上年咁屈屈埋埋,唔開心到個程度係乜人都唔講,連老公同屋企人咁close既人都唔話俾佢地知亦唔俾佢地知我唔開心,下下都呢入房度自己喊癲又唔食飯,嗰時嗰D恐怖感覺真係唔想再受LU~
所以難得我地傾得埋,又願意聽大家彼此,有咩事都可以講出黎呻出黎囉!學似你咁講,朋友聽你呻,真係唔會嫌你講得多囉.係咪~
作者: ~仔仔媽咪~ 時間: 09-6-13 17:17
原帖由 77777 於 09-6-13 11:47 發表
真係好開心有你呢個朋友, 有時我真係會忟會唔開心架, 所以我會成日上來bk, 同人地傾下.....有時我個人真係比較直, 又可能好彩係自己傻更更會講晒d野出來, 我係唔會屈埋響個心度, 可能我真係唔鍾意或頂唔住個種壓力啦 ...
我都好開心認識到您,查實自從我仔幾年前整親人,我俾人千夫所指後,我都唔太敢將個仔D問題講哂出黎,始終唔係個個人都諒解,正如當年咁,我講咗俾班媽咪知我仔有ADHD會打人,識咗年幾兩年,但都可以因為一件事情而話我縱容個仔去打人,嗰下真係幾委屈,講真嗰下我真係好理解到D殺人犯既家屬係咩感受,講真自己個兒子傷害人,作為佢既家人難道會覺得好開心好好笑?難道會心安理得?有時人就係咁樣,一去到自己利益時,係可以埋沒良心去反過黎用說話黎將你千刀萬剮...
不過正如你所言,真係好睇自己遇到D咩人囉,有時對於唔係自己朋友嗰D人既冷言冷語,依家我都唔再擺响心度,亦唔會去猜度人既人格,始終深明人地真係唔理解,唔會知我地既苦況同難處,再者我地教仔又唔係做騷俾人睇我地有幾識教仔,所以,人地點去批評就由得佢地吧.只要自己知自己唔係一個無家教既亞媽,呢D批評就當垃圾扔掉算.
依家我都係傾得埋會繼續同人一齊傾,唔啱傾既就唔再繼續,至少自己都無咁激氣,總之就平常心啦.
作者: ~仔仔媽咪~ 時間: 09-6-13 19:05
原帖由 77777 於 09-6-13 18:48 發表
仔仔媽咪,
好明白您的心情, 有時真係唔係個個人都可以傾倒心事, 所以我都唔係太敢同新識的朋友講太多阿仔d野, 撞得板太多....不過, 有d又真係好好唔會笑你, 個d朋友真係好難得law......大家可以交心law....mud都傾 ...
所以真係朋友唔需要多,至緊要真心當你係朋友就得喇.
依家我都係同開我身邊既朋友傾我仔既事會多D囉,始終嗰D唔係網上識番黎,大家一齊讀書一齊共事,大家相處咗咁多年,我係咩人,佢地好知,所以我亦唔需要顧忌佢地會點諗我或者會誤會我,上星期我失意時,我真係由我仔放學開始喊過唔停喊到第二朝五六點至瞓到,嗰晚我不論電話、MSN或者facebook都好繁忙,我仔一出事,佢地個個即刻黎關心我叫我加油,唔好氣餒,查實唔駛朋友幫到我D咩,佢地單單一句鼓勵又貼心既說話,或者肯耐心地聽我講哂呻哂所有負面既野,嗰下我已經好感激佢地!至少佢地有花掉佢地自己時間黎陪足我成晚,甚至好似我朋友咁,免費日日幫我仔補習順便訓話我仔,所以依家我至報答佢對我既恩同關愛,我又免費幫佢中心個小朋友學音標;另一個朋友又凌晨三點半見我又是謝哂灰哂時,用埋佢瞓覺既時間黎打電話同我傾...呢D咪係真正既朋友囉.所以我係好珍惜佢地.有佢地已經夠,儘管出面都有人繼續講風涼說話,我都唔會擺呢D說話响心度,因為嗰D人唔係我朋友囉,就係咁簡單.
[ 本帖最後由 ~仔仔媽咪~ 於 09-6-13 19:07 編輯 ]
作者: ~仔仔媽咪~ 時間: 09-6-13 21:09
原帖由 77777 於 09-6-13 19:57 發表
係呀, 朋友真係唔駛多, 如果有人響自己失意時不離不棄, 已經夠, 朋友響自己失意時的安慰真係好窩心架.....所謂患難見真情......我都慶幸重有d錫自己的朋友仔.....我都會好珍惜law......我唔開心時又可以隨時上bk搵你 ...
我仔咪仲金,佢前後讀過三間幼稚園,第一間個校長rude到爆,之後仲擺明放棄我仔,話睇多兩個星期如果我仔都仲係打人就唔教我仔,咁人地已經講到咁,我仲唔扯咩!之後轉咗間國際學校,諗住嗰度幾個老師對五個學生,人少少會好好多,點知都係捱咗三個半月,間學校都唔俾我仔番學,美其名話叫我仔無限期停學,實情咪又係踢出校,嗰日我收到呢個通知後,我真係崩潰,離開間學校,之前對住班老師我仲玩冷靜玩客氣,但一出到校門我D眼淚已經跌哂落黎,我坐响公園度喊,但唔想响外家喊(間學校响我外家附近),我又係咁摑自己摑到唔再喊,收哂眼淚至番上屋企,都係過咗好幾個月我至同屋企人講個仔又是無書讀,之後做埋評估,知佢係自閉傾向同言語發展遲緩(三歲半得唔夠一歲言語程度),最後至讀I位幼稚園,我仔又無咁好彩呀,去到I位又係遇着D唔好既老師,個仔拎咗支有公仔圖案既鉛筆番學用,又係俾老師沒收,我問番老師,佢地竟然俾個答案我係話,因為之前佢地已經同班學生講咗只可以帶中華牌既鉛筆...我當堂俾位老師吹到BB聲,我仔連理解人地講乜都有問題,莫講話識唔識得講野啦,我仔當時又何德何能理解到咩叫做'中華牌鉛筆'呀?仲有好多離奇事,例如我仔俾全班同學笑佢(件事太耐,我都唔記得笑乜,但係有D過份嗰隻,唔係笑下咁簡單),跟住我仔發哂脾氣咁打人,放學接仔時個老師又黎發表偉論,叫我好心教下個仔唔好郁D下發脾氣啦,咁我問老師咩事,咁老師照講啦,嗰下我真係無名火起,你叫得我教下個仔唔好郁D下發火,但你又有無先教下班學生唔好取笑同學?你唔去阻止人點火,走去怪張紙着火?係咪道理黎?如果佢係有教到,係咪都應該响叫我教仔之前都同我講番聲你已經教咗班學生?行貨都要講句囉,至少家長條氣都順D,唔會怪錯好人以為老師無教囉...實情我由始至終都唔知個老師當時有無教班學生唔好取笑人.
所以好老師難求,遇到個真心教育小朋友既,真係要好好珍惜同埋要保持良好溝通囉.我都會同老師傾多D亞仔既問題,會主動搵老師傾一齊諗方法又合作一齊去教掂個仔,我覺得呢D係必須,始終個仔用咗大半日時間都係番學响學校,亞媽又唔係跟埋個仔番學既,正如D老師所言,D小朋友對住亞媽永遠都係小綿羊咁純,但一番到學校即刻會變惡魔,如果單靠是但一邊去教,另一邊不聞不問又唔理唔做番D野,試問點去解決小朋友本身既問題?咁事實都証明,老師唔理唔教小朋友,到最後個後果老師都係自己受番,我仔响學校唔尊重老師囉.上年嗰個班主任就係咁,我仔幾唔驚老師都未曾鬧過老師同老師嘈交,唯獨是我仔呢個小二班主任開咗先例,我仔第一次同老師鬥大聲嘈交都係佢,你睇今年小三個班主任,人地又後生又經驗少過小二嗰位班主任,又林又好人,但偏偏我仔唔會咁樣鬧老師,扭計係有,但至少依家俾我聽到既feedback係我仔今年同小三呢位年輕班主任關係極好.我仔都話佢有鍚住MISS LEE,有聽我講要好好鍚住保護住老師,唔好令老師傷心同辛苦.呢D野唔駛我講,實証已經有目共睹囉.
作者: ~仔仔媽咪~ 時間: 09-6-14 22:53
原帖由 77777 於 09-6-13 22:02 發表
查實你之前真係遇唔倒好老師, 其實小朋友帶公仔筆同中華牌筆, 我又真係覺得唔大分別LAW....都係用來寫字, 如果你唔比我個仔用佢鍾意的筆, 佢唔寫字TIM呀.....因為我個仔都係比較有主見, 同埋你知啦, 佢地邊會好順你 ...
查實佢地如果指定唔可以帶公仔鉛筆,話驚上堂D小朋友顧住睇筆上D公仔搞到無心寫字,呢樣我係無問題架,只係你明知我仔理解人地說話同表達都有問題,又有自閉傾向既(未升小一前,我仔係自閉傾向特徵重D),D咁執得着緊既事情係咪應該放學同我講番聲先,等我都知,自己都唔會盲盅盅走去幫仔買有公仔既鉛筆囉!又乜都唔同我講,下下自己呃自己咁旨意我仔自己同我講,我仔連老師講既係咩意思都唔知係乜,又何來同到我講話唔可以帶有公仔既筆呢?
查實今年訓導主任都態度好咗好好好多架喇,至少都開始顧番我地感受,同埋佢都唔係一面倒淨係幫其他學生唔幫我仔,講真我仔都承認有好多時佢俾小五高年班既哥哥蝦,個訓導主任都會即刻幫佢出頭去保護佢去公正處理,所以查實我聽到呢樣野,我已經相信學校囉,講真,你交得個仔俾呢間學校,首要既係要信咗老師先,家長同老師之間一定要建立互信關係,一定要溝通,否則是但一邊幾有心教,另一邊唔信人又唔溝通,點都衰硬架.
不過依家我都係掙扎緊好無俾個仔試下轉校,,,始終我都見到今年老師真係好努力真係真心想教好我仔,但無奈間學校D學生都真係太壞...如果轉第二間,萬一新學校既老師handle唔到我仔D問題又是搞到好僵,同埋D學生原來邊間學校都係一樣唔好既,我怕我會幫仔做錯決定... 我依家真係頭都大埋,又好想個仔轉校等佢大D機會升到好既中學,但矛盾地又怕轉咗反而仲衰...點好?
作者: ~仔仔媽咪~ 時間: 09-6-15 18:13
原帖由 77777 於 09-6-15 00:23 發表
查實, 你轉校真係有好多因素要諗, 其一, 就係學校d學生係乖唔乖, 校風好的, 自然d小朋友無咁曳, 無咁多嘴....你阿仔都唔會咁燥啦.....有時你可以響你想讀個間學校睇下人地放學, 真係可以略知一二, 有d小朋友出左校門 ...
查實上年都問過我仔轉唔轉校呢個問題,上年佢係比較抗拒,要同佢傾好耐,佢至話試,皆因佢真係好唔捨得佢個老友仔,今日我都有再問佢同樣問題,我仔既答覆都係"試下啦",所以我就真係"試下啦"咁,聽朝諗住去遞咗FORM先,但仲係掙扎緊好無全盤托出俾人地間學校知道我仔有ADHD有自閉同打人呢鋪癮....講咗又真係驚人地一定唔收我仔,唔講我又良心過唔到因為呃咗人咁,同埋唔講或者講D唔講D,又怕到時就算學校收咗我仔,但我仔D問題又是出哂黎,如果班老師係接受唔到我仔,咪又黎困獸鬥囉?所以我都唔知應該點講好...anyway,都希望聽日順順利利啦.
頭先逛書局終於買咗嗰本'四點鐘的恐懼',睇頭嗰十幾頁,講D野又無乜點提到ADHD會打人噃...有D擔心個仔打人呢個問題並非出自ADHD,而係自閉或者佢真係細時撞頭撞得多撞壞咗個腦...不過我都會繼續睇埋本書佢,始終個心都係想幫個仔想多D了解個仔啫.
作者: ~仔仔媽咪~ 時間: 09-6-15 20:42
原帖由 77777 於 09-6-15 19:59 發表
仔仔媽咪,
其實你可以指出d同學仔係比較曳同多嘴, 有時仔仔會忍唔倒, 亦可以講下比佢聽你同阿仔一齊見倒班同學仔, 有大人佢地都會挑釁, 所以仔仔唔係太開心.....都唔可以唔講比人地聽, 可以婉轉d law, 不過係講個真 ...
咁你都啱...聽完你教我點講,我自己都開始有個idea點去講,聽日都係遞表,未知會唔會即時安排interview,但都要俾我同個仔有番個心理準備先,費時聽朝去到人地真係走黎問點解要轉校時,我同個仔走黎流汗啦...
作者: ~仔仔媽咪~ 時間: 09-6-15 22:11
原帖由 77777 於 09-6-15 21:14 發表
其實我都唔知架, 不過, 我覺得一定要間學校承 言若 會幫我個仔.....起碼聽下佢地對d多嘴的小朋友, 佢地會唔會處理先, 我地d仔係衝動, 不過, 如果間學校肯明辨事非, 起碼我個感覺d小朋友會乖d, 蝦蝦霸霸會小d......同 ...
咁都係...始終都要知間學校係咪真係正如我朋友所言咁有心教我地呢班仔囉...我都有同我仔講明,唔一定轉到,同埋都要佢聽朝跟埋我去睇間學校環境,如果我仔去到又扭哂計咁,要我仔轉校都幾難.
作者: ~仔仔媽咪~ 時間: 09-6-16 21:20
原帖由 77777 於 09-6-15 22:20 發表
唔好比太大壓力自己, 一切隨緣啦, 船到橋頭自然直.....
今日去遞表時我仔見到間學校環境都幾鐘意,真係好大,幾個球場...我同個仔都迷路...不過番到黎開facebook至收到朋友回應,話呢間學校依家唔太好,仲俾埋BK條LINK我睇....唉...原來今年又轉咗新校長...我朋友上年介紹時,個舊校長真係好到個個都讚不絕口,但今年個校長似乎又同我仔依家間學校嗰位不相伯仲....又唔知好無俾我仔讀呢間好...咁個test我都會照俾個仔試下去考,但萬一咁符碌考到,到時讀唔讀又係一個問題...我唔介意老師鐘意罰學生企,咁講真我大佬當年讀罰企真係一個習俗黎,仲罰到好高招玩罰倒樹蔥咁企...但我會好介意D老師有無愛心同有無心去教育學生...如果又係遇着嗰D淨係顧住份糧,一見學生有問題就當賊辦走黎擺明發脾氣咁'教'學生...呢D事又真係唔想再發生...真係頭痕咯呢次...
作者: ~仔仔媽咪~ 時間: 09-6-16 22:42
原帖由 77777 於 09-6-16 21:43 發表
其實我覺得最緊要係d老師有愛心呀, 肯包容, 我地d仔係罰罰下會無晒自信架, 佢地一路可以保持學習興趣最緊要..... 不過你重有大把時間可以周圍問下.....或者今年個校長都好好呢.....又唔會突然成間學校唔同晒的.....
...
唔知呢...今日都無機會同D老師傾偈,佢地好似好忙咁呀...不過暫時都見佢地幾好禮貌...始終我都係第一次黎嘛,,,不過如果係咁,如果間學校test完我仔後仲叫我黎interview時,我會更加大膽D同佢地講我仔D問題,睇下到時佢地知我仔有幾極品後,佢地仲肯唔肯收,仲會唔會好有heart咁同我講話有方法可以教好我仔....睇到時情形啦,,,入唔成呢間,唯有暫時繼續俾我仔讀番依家嗰間吧啦.我估到升中派位都係同升小學時差唔多卦,都可以填跨區卦...
作者: zater 時間: 09-6-17 01:01
唔好意思, 我有一個問題想問......
小女由 4 歲開始已排政府智力體能中心, 曾經做過言語, 聽力評估, 言語有遲緩半年, 但在 6 歲時已可跟到, 小女下一個學期升讀小三, 去年7月做過初步診斷, 懷疑專注力不足 + 讀寫障礙, 院方口頭電話 call 我, 今年 6 月會再約見小女, 但至今仍未收到確實日期, 是否應該繼續等 / 轉私人評估中心做評估呢? 因她學校老師不接納懷疑個案, 在學校生活中顯得不開心, 曾做出某些事情令老師去關注佢.
請各位媽咪比 d 意見我. Thx!
作者: ~仔仔媽咪~ 時間: 09-6-17 09:45
原帖由 zater 於 09-6-17 01:01 發表
唔好意思, 我有一個問題想問......
小女由 4 歲開始已排政府智力體能中心, 曾經做過言語, 聽力評估, 言語有遲緩半年, 但在 6 歲時已可跟到, 小女下一個學期升讀小三, 去年7月做過初步診斷, 懷疑專注力不足 + 讀寫障 ...
政府嗰邊排期係會好耐架,當年我仔升小一時再作評估,之後排言語治療都足足等咗一年至安排到...最好你間唔中打電話問姑娘,講番囡囡學校既情況,希望可以盡快安排到囡囡再作評估,睇下佢地可唔可以俾番個確實日子你.
否則要去私家度做評估,一般最平既都要成千蚊,唔包白紙黑字既報告,只係口頭話俾家長知小朋友有咩問題.要埋份報告,淨係單單嗰份報告都要成千蚊...但私人有樣好就真係唔駛排同埋多數私家嗰D中心會有埋訓練提供,訓練既費用可能係講緊四百至七百蚊左右一堂...真係要視乎家庭經濟支唔支持到而決定搵唔搵私家做.
學校嗰方面真係要KEEP住溝通,一定要同佢班主任甚至係學科老師保持溝通,大家有番個良好關係,同埋俾學校了解多D囡囡,又了解多D你平日响屋企係有教囡囡同點教,等學校老師都會嘗試同家長合作.但要預咗老師只會稍作少少安排黎幫你囡囡,始終老師一個要兼顧卅個學生,佢地未必會着重處理單一學生...我朋友囝囝間學校甚至一樣都唔讓步又唔合作,結果都係你有你做,學校有學校自己一套咁既情況,所以响未同學校配合到前,父母先搵多D方法去幫小朋友克服呢D問題,等小朋友讀書無咁辛苦.
作者: ~仔仔媽咪~ 時間: 09-6-17 09:55
原帖由 77777 於 09-6-16 23:16 發表
係law, 遲d如果有機會都要同佢地講下, 不過, 人地激你阿仔呢d, 你都要講law....因為成日比人挑釁, 係真係會好燥law, 同埋如果大部份小朋友都係咁, 又真係一個問題.....你阿仔要有超好的忍耐力, 咁就一定無事, 如果佢 ...
係啦,有時學校老師又成日講到話係我仔無啦啦發癲,但我仔响學校以外又無呢個情形,再聽老師講番都係話我仔自言自語諗番之前小息同學點對待佢(都係見我仔心急睇書而唔肯share本書俾我仔一齊睇啫),或者話係我仔覺得同學笑佢,但事實唔係,結果我仔就失哂控話人蝦佢就打人發脾氣.... 唉...查實我都唔知信邊個好,我又未見過我仔會有咁失常既情形(佢未講到野仲係幾歲嗰陣就會),但個個老師同班主任都係咁講,部份佢地又唔係衰老師,都係對我地NICE既,老師上課聽唔到同學笑我仔或者睇唔到同學蝦我仔,,,呢個可能我有諗過,但一次兩次可以接受囉,但無理由次次都聽唔到睇唔到嘛...我又唔係親自陪仔上課讀書,真係唔知係我仔問題定係真係全部都係同學'了"佢至係咁...
我依家就係諗,俾個仔讀間好嚴格既學校好吖,定係讀番依家呢間學校好.我細時讀中小學都係名校,嚴到爆燈,雖則搞到同老師唔太close甚至唔太鐘意D老師,但至少個個都好守到規矩(定係我地上嗰代問題?)...所以我成日都比較偏向嗰D方法.至少學校都有個權威震得住班學生...但另一方面又真係會嚇驚我仔,搞到佢番學又係成舊烏雲咁番學放學...好似上年咁.
作者: zater 時間: 09-6-17 12:46
原帖由 77777 於 09-6-17 08:30 發表
Zater,
你有沒有打電話到政府問一下現在的輪候情況呢? 他們或許可以給你一個確實日期, 因為現在已是六月份, 很有機會很快已到診症日期....
我仔仔是有政府跟進的, 而如果情況有變, 盡管我們已有一個診症日期, 我 ...
明白, 唔該晒.
作者: zater 時間: 09-6-17 13:04
原帖由 ~仔仔媽咪~ 於 09-6-17 09:45 發表
政府嗰邊排期係會好耐架,當年我仔升小一時再作評估,之後排言語治療都足足等咗一年至安排到...最好你間唔中打電話問姑娘,講番囡囡學校既情況,希望可以盡快安排到囡囡再作評估,睇下佢地可唔可以俾番個確實日子你.
...
今日會打電話問問姑娘. Thx!
其實我家經濟能力非常有限, 就算做到評估, 都無能力做到幾百蚊一堂訓練 ...
學校方面, P.1 & P.2 開學時有同班主任溝通, P.1 個班主任會個零月打一次電話比我, 問問屋企情況, 又講下阿女在學校上堂情況, 算係唔錯 ge 班主任, 雖然幫唔到阿女在讀書默書方面, 但起碼阿女覺得有老師關心佢. 而 P.2 班主任一開學就話阿女成績唔好, 上堂唔留心, 學科成績比其他同學差最少十幾廿分, 又話如果無改善, 下一個學期無得升班. 在發生事故果兩個星期, 阿女明顯開懷左, 問題在於佢覺得老師關心佢, 見家長時曾提出要求見學校社工輔導, 盡量坐較前位置, 如可以請大姐姐功課輔導, 但直至學期尾, 老師只做到坐較前位置, 見學校社工一次, 無大姐姐輔導. 學校建議我找專人補習或請工人照顧細仔, 自己全日照顧大女, 至於其他方面, 例如應該用哪種方法同阿女溫書, 完全無建議. 唉.........
作者: zater 時間: 09-6-17 14:57
打電話去 check 左, 話太多人排, 我女會係一年後才可安排 
作者: ~仔仔媽咪~ 時間: 09-6-17 15:03
原帖由 zater 於 09-6-17 13:04 發表
今日會打電話問問姑娘. Thx!
其實我家經濟能力非常有限, 就算做到評估, 都無能力做到幾百蚊一堂訓練 ...
學校方面, P.1 & P.2 開學時有同班主任溝通, P.1 個班主任會個零月打一次電話比我, 問問屋企情況, 又講 ...
查實我地真係要俾番個心理自己,要知道學校真係唔會幫到我地D咩,好老師真係可遇不可求,遇到就固然開心啦,遇唔到又遇着D唔合作既老師,只好我地一路繼續親自教仔女去讀書去做人,咁樣諗自己對學校期望唔大,學校做得好就收,唔合作就自己繼續努力,咁樣自己都無咁激心囉.
我仔嗰間學校又係咁,上年二年班又係遇着個唔好既班主任,佢淨係一日幾次電話打黎投訴發家長脾氣,佢講完即刻cut我線,連我想同佢傾同講既機會都無,嗰刻連作為家長既我都深受老師既針對、偏見同唔合作,嗰下真係幾無奈.
作者: ~仔仔媽咪~ 時間: 09-6-17 15:10
原帖由 ~仔仔媽咪~ 於 09-6-17 15:03 發表
查實我地真係要俾番個心理自己,要知道學校真係唔會幫到我地D咩,好老師真係可遇不可求,遇到就固然開心啦,遇唔到又遇着D唔合作既老師,只好我地一路繼續親自教仔女去讀書去做人,咁樣諗自己對學校期望唔大,學校做得好 ...
總之教小朋友個主力都係放番响自己身上會好D,個心唔去靠其他人,自己都心安理得D...我都係為咗個仔而上年quit咗份工,依家又係為咗個仔而唔諗搵工,屋企經濟都變得相當困難...但好死唔死自己親自仆心仆命再用多咗好多時間同方法去教,個仔今年又開始讀到書喎,至少由之前科科食蛋,變成依家中英文默書測驗都合格...只係我仲未解決到佢打人嗰PART...我仔打人呢個大問題,由我仔歲半到依家十歲半,咁多年都一直搞緊,但真係未見成效...唯有寄望呢個暑假我可以再加倍努力又搵多D另類D既方法黎教佢...雖則個心我都仲係好覺得自己做緊D無效果既事,但試咗好過試都唔試啦.
言語治療嗰度...政府係咁架...我仔嗰時都排到等唔到,至迫住去私家,嗰時都係我哥俾錢我仔去私家度做言語治療同其他訓練,嗰時做密訓,一星期去四日,每日上兩堂,每個月都駛咗成萬三蚊...都係捱咗一年,之後真係太貴所以至唔再繼續...
依家我朋友都開咗間中心黎幫有特殊需要既小朋友,係平過出面好多,都係講緊四百蚊一堂,查實真係好睇自己應唔應付到每月咁龐大既開支囉.真係應付唔到唯有自己教,自己又睇多D相關既書同資料,自己再試下同囡囡做...有好過無啦.
作者: ~仔仔媽咪~ 時間: 09-6-17 15:21
原帖由 77777 於 09-6-17 11:58 發表
我都聽過有d小朋友響屋企好乖好乖, 響學校唔同law, 其實你有無同其他同學仔傾計, 了解一下,我會響佢地講電話大家問功課時問返幾個同學仔law, 聽下佢地講的野同唔同....有d同學仔的媽咪會返學校湊小朋友, 做義工家長, ...
係啦,,,有時真係好難諗究竟係我仔學校班同學零舍曳同壞吖定係真係依家呢一代既小朋友太聰明識做好多曳事同壞事又唔驚大人..細個我連同學既家長都驚架...佢地講野大聲D我都驚到震,勁好禮貌,,,邊好似依家嗰D咁,成個人地亞媽得响度,都仲可以咁話人地個仔係傻仔甚至乎當住大人面前打人地個仔?
查實撇除我仔學校班學生,查實問心我都覺得呢間學校既老師大多數都唔差,至少有心教小朋友,只係我仔打人既問題,我地真係束手無策,莫講話老師,我自己做人亞媽既,個仔咁樣郁D下發火又打人,嗰下我都好嬲同好激心!呢次我咁心郁郁想轉校都只係頂唔順班學生,反而最唔捨得係班老師...始終都有好幾個真係好關心我仔甚至乎我,亦有幾個都好了解我仔...
我仔學校有個書記MISS都成日同我私底下傾我仔D野,佢又食得住我仔喎,我仔又係好似對我咁好在意呢位書記MISS既感受同說話...有好多時聽得最多我仔既情況都係從未有份教過我仔既老師...佢地都係由我仔升小一入黎就同我仔玩(咁我仔升小一時個樣又幾得意既),佢地又會得閒行過我仔課室留意我仔,我覺得佢地俾既睇法會中立D囉,同埋佢地真係好似朋友咁同我傾,我係比較受落就算佢地係話我仔唔啱,我都好肯聽,因為大家個心都係想我仔好,想我仔可以有改善,同到人相處...所以我都唔知好無轉好...正如我老公所言,至少依家呢間學校既老師唔會'玩野'囉...但我又怕個仔第時升唔到好既中學,去到band 5既中學會俾人恰死甚至乎打死...所以都好矛盾...
作者: ~仔仔媽咪~ 時間: 09-6-17 15:22
原帖由 77777 於 09-6-17 15:11 發表
咁你可能都要安排私家啦, 我初時以為你係就來排倒.....你有無同佢地講個情形, 我估就算係再through私人家庭醫生話想check都有排等.....
私家有個好處係可以好快比training小朋友, 不過真係幾貴.....
...
或者我試下幫手問下我朋友,睇下如果密訓會唔會收得平D先啦...如果有消息既,我再响度話俾大家知...
作者: ~仔仔媽咪~ 時間: 09-6-17 15:27
原帖由 77777 於 09-6-17 15:22 發表
仔仔媽咪,
咁你個朋友真係平好多, 出邊成800元一個鐘架, 我一來無時間, 無錢, 隻腳又唔方便, 我多數係得個問字, 我個仔除左dore都無參加過其他啦, 真係負擔唔起.....個時2年用左2萬幾我都覺得好貴....
...
我朋友查實係我仔以前跟嗰位私家言語治療師既前助手黎...當年成間診所係得我朋友呢位老師至完全食得住我仔又教到我仔,我仔又係唔知點解咁在意我呢個朋友嬲定唔嬲喎,全診所既老師都俾我仔打過哂,係得呢個朋友,我仔唔敢郁佢...
依家佢開咗中心都係想幫我地呢班小朋友同家長,佢真係好鬼鐘意細路又真係幾有方法食得住班細路...依家我仔去佢度補習,我仔都有扭計或者借位發火,但不出五秒已經俾我朋友食住佢,要到我仔收聲唔扭又肯動筆做數學囉!依家我仔同時都係我朋友份功課黎...佢都進修緊特殊教育,我直頭同我朋友講,我仔絕對係極品,係一個典型既ADHD仔...叫我朋友放心研究我仔~~~
作者: zater 時間: 09-6-17 16:16
原帖由 ~仔仔媽咪~ 於 09-6-17 09:45 發表
政府嗰邊排期係會好耐架,當年我仔升小一時再作評估,之後排言語治療都足足等咗一年至安排到...最好你間唔中打電話問姑娘,講番囡囡學校既情況,希望可以盡快安排到囡囡再作評估,睇下佢地可唔可以俾番個確實日子你.
...
我已經想盡方法幫阿女溫書, 好似默書咁, 唔用課本, 用簿仔, 字咭之類, 成效係有, 但一兩次之後又要玩新花款, 暫時黎講中文默書可 keep 平均分 8x, 上學期係唔合格, 但英文默書真係搵唔到一個方法幫佢, 佢間學校每日功課有 7-8 樣, 阿女做功課太心散, 再加上細佬搞住晒, 往往做到半夜都未做好, 唔好話溫書.
身心真係好疲累, 我已經幫阿女搵左兩間學校, 依家等考入學試, 睇下轉校對於佢黎講會唔會好 d.
另一方面, 因為政府話要再等起碼一年, 到時阿女都升 P.4, 我覺得太遲, 現正尋找一些私人評估中心, 我相信先幫阿女做左評估, 對於佢在校會有一定幫助. 至於訓練, 我想家庭經濟支付唔到, 會繼續用自己方法去教, 希望有一日阿女會開竅........
作者: zater 時間: 09-6-17 16:21
原帖由 77777 於 09-6-17 15:11 發表
咁你可能都要安排私家啦, 我初時以為你係就來排倒.....你有無同佢地講個情形, 我估就算係再through私人家庭醫生話想check都有排等.....
私家有個好處係可以好快比training小朋友, 不過真係幾貴.....
...
我都以為排到, 因為去年最後一次去做評估後, 有姑娘打電話比我, 話阿女要做 ge 專注力及讀障評估將會排係 09 年 6 月份, 確實日期會再通知, 點知..........
作者: ~仔仔媽咪~ 時間: 09-6-17 16:55
原帖由 77777 於 09-6-17 15:46 發表
我都係架, 我見倒人地個阿媽都會好驚架......點會好似而家d小朋友話唔驚枉.....不過, 有時我又好鬼鍾意同佢地傾下計, 老實講, 阿仔都有比d同學仔打親過, 不過, 好多時d小朋友真係自己有d野好唔開心, 又唔係有心的, ...
咁你又唔駛太緊張,relax D!我同個仔溫考試都係本住個心想睇到佢真係有努力同認真溫書嗰個樣咋...分數永遠都係好其次,志在佢有段時間係勤力既係認真既,同埋都係志在佢地學到野啫...媽咪太大壓力,查實亞仔好感受到又會壓力大埋一份架...所以我都係咁搵D大家都無咁大壓力既方法同佢溫書.
我仔响上星期四已經考哂所有試,不過依家我都唔敢鬆懈,日日帶佢去朋友度補習,日日都KEEP住同佢溫英文...依家我都係要佢複習番小三既英文,等小四新書到,我就要埋首同佢預習小四既英文...唉...講起呢樣就頭痕...依家停課,都唔知可吾可以提早買新書...如果要等到九月開學至買到咁就頭痕喇!!!仲諗住利用呢個暑假同佢預習哂小四上學期本英文書添...依家我都係先複習咗小三嗰part,溫完我都要搵定D小四英文習作同佢溫...大鑊...!!!
作者: ~仔仔媽咪~ 時間: 09-6-17 16:59
原帖由 77777 於 09-6-17 15:58 發表
我估你個朋友係好鍚D小朋友, 而你阿仔又感覺倒佢係鍚自己....所以會在意佢的感受.....
我阿仔而家學琴個姐姐都係好食得住我個仔, 佢對D小朋友係有一套, 本來佢係來我屋企, 不過而家佢開琴行, 我地都唔捨得轉, 跟左 ...
查實我地班仔唔係唔惡得,只係唔可以發哂老脾好唔理智咁亂咁鬧佢罰佢地啫...我朋友同我一樣,有時我仔發白日夢唔認真做數,都會好惡咁鬧佢架!不過係會鬧得黎係有計劃性,係睇住我仔個反應黎改變戰略黎鬧囉!總之就係唔會俾我仔食住,佢又賣我地怕又聽聽話話.
查實遇到個真係識得教小朋友既老師真係唔容易,咁又唔怪得D老師既,咁唔係個個都係有咁既talent去教小朋友嘛!只係咁啱我朋友真係有咁既talent,好似天生識得教小朋友識得同小朋友相處,你見佢對住班小朋友,隻隻唔同款,我朋友都處變不驚,收放自如...我好多時都係跟我呢個朋友學野咋.
作者: ~仔仔媽咪~ 時間: 09-6-17 17:14
原帖由 77777 於 09-6-17 16:58 發表
無法啦, 都要找私家, 睇下有無D TRAINING, 或者好似仔仔媽咪咁講睇下書自己教下個仔.....其實我而家都係同阿仔默多D溫多D, 我阿仔係中文差D, 不過英文可以學下拚音, 睇下會唔會好D LAW.....
...
都係架...依家我都教緊個仔學英文拼音(國際音標),都係想幫佢可以容易D去記英文生字,之前我都係係咁自己print份表,要個仔係咁死抄爛背,去到佢大個仔D至可以記到生字同默書合格囉...依家我仔都係暫時得文科少少OK,數學佢依然完全唔掂,我又係同個仔一樣有數學障礙,所以我呢舖至交俾我朋友去教我仔數學咋.
我都係邊睇書邊睇多D唔同人既經驗,再睇下我朋友點教小朋友,跟住自己又發明多D方法去教個仔,邊試邊做,試到個仔有效既咪用囉,一失效就要用其他方法,無得停...
作者: ~仔仔媽咪~ 時間: 09-6-17 17:25
原帖由 77777 於 09-6-17 17:05 發表
唉, 我永遠係覺得阿仔唔認真, 趕住收工......所以好忟....
之前, 我叫阿仔做功課, 佢做做下響處睇其他書, 咁我叫佢做快D, 后來比我發現佢用計數機, 佢話因為我叫佢快D枉.....所以咪用計數機LAW....
我係好嬲佢唔認 ...
咁我仔又唔敢駁我咀....但我仔都會好似你仔咁,做份功課都要周圍遊,周圍'了',所以我次次都要佢先清哂枱上面所有野,除咗功課外,唔要有其他野,咁佢至專心番D咋~同埋佢一溫書做功課,我全屋有聲既野都會熄哂,等佢可以專心一意溫書做功課.
作者: ~仔仔媽咪~ 時間: 09-6-17 17:32
原帖由 zater 於 09-6-17 16:16 發表
我已經想盡方法幫阿女溫書, 好似默書咁, 唔用課本, 用簿仔, 字咭之類, 成效係有, 但一兩次之後又要玩新花款, 暫時黎講中文默書可 keep 平均分 8x, 上學期係唔合格, 但英文默書真係搵唔到一個方法幫佢, 佢間學校每 ...
都係架...查實都好睇小朋友開竅未,好似我仔咁,我一路用差唔多既方法黎同佢溫書,佢之前咁多年黎都係照食蛋...但去到今年小三,佢無啦啦開竅,佢至讀到書記到D英文生字,又記到上當老師教佢既野,咁我至可以take action加到油同佢繼續溫咋.
訓練嗰邊我幫你問吓我朋友先啦,到時我再覆你我朋友收費係點,總之有好過無啦.
同埋專注力方面,查實日常生活都要留意下架,試下唔好俾囡囡睇電視,因為電視真係好影响專注力,之前我仔心散到無得再散,之後我直頭星期一至五都唔開電視,星期六日只係間中一兩個卡通俾佢睇,同埋俾佢早D訓(九點上床瞓),結果係明顯好咗定咗架...依家我連遊戲機同玩具都唔俾佢玩,佢又會定D無咁亂,寧願响佢休息時俾佢落街做運動去公園玩,去下圖書館睇書,反而佢會有番少少時間去冷靜自己...我覺得都有幫助.
作者: ~仔仔媽咪~ 時間: 09-6-17 17:39
原帖由 ~仔仔媽咪~ 於 09-6-17 17:32 發表
都係架...查實都好睇小朋友開竅未,好似我仔咁,我一路用差唔多既方法黎同佢溫書,佢之前咁多年黎都係照食蛋...但去到今年小三,佢無啦啦開竅,佢至讀到書記到D英文生字,又記到上當老師教佢既野,咁我至可以take action ...
zater,
我幫你問咗我朋友喇,佢話佢星期一至五就收$390一堂,每堂一小時,即係如果一個月上四堂就$1800,同埋問過佢都有密訓,一星期三堂,一星期既收費就$1260.
你睇下應唔應付得到囉...如果有需要,你可以PM話我知,我至俾我朋友個中心電話俾你,等你同佢直接傾...始終唔方便响度講太多...怕俾其他人誤會我响度做生意.^^
作者: zater 時間: 09-6-17 19:02
原帖由 77777 於 09-6-17 16:58 發表
無法啦, 都要找私家, 睇下有無D TRAINING, 或者好似仔仔媽咪咁講睇下書自己教下個仔.....其實我而家都係同阿仔默多D溫多D, 我阿仔係中文差D, 不過英文可以學下拚音, 睇下會唔會好D LAW.....
...
我試過用 phonics, 唔掂呀, 佢完全唔接受, 一個普通英文生字, 佢可以串 3 個鐘都唔記得點串
有時我會教佢, 將字拆散黎記, 好似 finish, 我教佢條魚游左入黎, fish in, 將 f in ish 咁樣, 佢會易記 d, 但係唔係個個字都拆得到...
作者: zater 時間: 09-6-17 19:09
原帖由 ~仔仔媽咪~ 於 09-6-17 17:32 發表
都係架...查實都好睇小朋友開竅未,好似我仔咁,我一路用差唔多既方法黎同佢溫書,佢之前咁多年黎都係照食蛋...但去到今年小三,佢無啦啦開竅,佢至讀到書記到D英文生字,又記到上當老師教佢既野,咁我至可以take action ...
我都想佢早 d 瞓, 但未做晒功課, 又唔瞓得, 佢間學校係逐樣野同你計, 總之一夠數就小過大過咁記, 好快拜拜...
中文字已經搵到方法, 所以下學期有明顯進步, 但老師仲話佢同其他同學比有一段距離... 而事實上佢已經好努力, 雖然記憶得唔耐, 佢中默時盡量記返我講個字點寫.
今個暑假, 我會再試 phonics, 細佬同家姐一齊學, 每日學少少, 希望有成績.
作者: zater 時間: 09-6-17 19:11
原帖由 ~仔仔媽咪~ 於 09-6-17 17:39 發表
zater,
我幫你問咗我朋友喇,佢話佢星期一至五就收$390一堂,每堂一小時,即係如果一個月上四堂就$1800,同埋問過佢都有密訓,一星期三堂,一星期既收費就$1260.
你睇下應唔應付得到囉...如果有需要,你可以PM話我知,我 ...
唔該晒, 我先同老公商量下, 因為始終佢一個人搵四個人食, 而佢入息真係非常有限.
有需要我會 pm 你. Thx!
作者: ~仔仔媽咪~ 時間: 09-6-17 22:23
原帖由 zater 於 09-6-17 19:02 發表
我試過用 phonics, 唔掂呀, 佢完全唔接受, 一個普通英文生字, 佢可以串 3 個鐘都唔記得點串
有時我會教佢, 將字拆散黎記, 好似 finish, 我教佢條魚游左入黎, fish in, 將 f in ish 咁樣, 佢會易記 d, ...
國際音標就傳統D,學嗰下好悶好辛苦,但學識咗真係好幫到自己去記英文生字囉!有時拆嗰D字唔一定要跟phonics拆架!有時我幫我仔拆字,都係將個字既字母平均分幾段等佢易記入腦D...例如cinema,我會分兩個字母一組,變成ci-ne-ma,等佢背字串字時讀出聲讀到好似有beat好似唱歌咁,咁樣反而會易記D,同埋要佢記生字一定要佢邊抄邊讀邊串出聲囉,我既方法係,佢每溫完五個生字就即刻同佢默一次,錯哂都唔緊要,溫下一組五個英文生字先,每日我要佢溫廿個英文生字,嗰廿個英文生字要日日溫日日係用同樣方法係咁同佢默,默啱咗照俾分(廿分一個字,但錯咗只扣五分,等佢都無咁大打擊嘛),同一組廿個英文生字我至少要佢溫三四日(我仔老師通常預早兩個星期通知幾時默書),見佢默啱咗超過一半或以上,就開始要佢溫下一組廿個新英文生字,如此類推...咁想反而會好D...感覺上無咁多字要佢同一時間記哂,佢自己都易入腦D.
作者: ~仔仔媽咪~ 時間: 09-6-17 22:31
原帖由 zater 於 09-6-17 19:09 發表
我都想佢早 d 瞓, 但未做晒功課, 又唔瞓得, 佢間學校係逐樣野同你計, 總之一夠數就小過大過咁記, 好快拜拜...
中文字已經搵到方法, 所以下學期有明顯進步, 但老師仲話佢同其他同學比有一段距離... 而事實上佢已經 ...
查實如果我仔,我會安排佢三點半放學後番到黎就即刻做功課,先做抄寫唔駛用腦嗰D功課先,佢做哂抄寫嗰D,其他作業需要我去教既,我就全程坐响佢隔離教,教完先要佢口頭唔駛寫咁答哂成頁功課既問題,錯咗我糾正,啱就繼續,佢答哂所有問題後,我就叫佢自己寫,我至走去煮飯,佢做完就俾我check,不過我所謂check都係睇佢有無亂咁做,而唔係睇佢有無答啱,因為如果我check埋佢啱定唔啱,老師唔會知我仔識咗幾多,我頂多問多次個仔:"肯唔肯定係啱先?你駛唔駛自己check下?錯咗老師派番黎時你又要重做多次噃!"等個仔自己自行決定囉,佢要交既就照俾佢交,至少省掉同佢對答案既時間.
同埋一定要叫細佬唔好搞住家姐做功課囉,如果唔聽話一定要罰,等細佬都唔會影响到家姐先.都係盡量早訓啦,人一唔夠訓就好易分心同發白日夢架喇,咁對佢日頭响學校上課學習都唔好.惡性循環黎架.
作者: ~仔仔媽咪~ 時間: 09-6-17 22:31
原帖由 zater 於 09-6-17 19:11 發表
唔該晒, 我先同老公商量下, 因為始終佢一個人搵四個人食, 而佢入息真係非常有限.
有需要我會 pm 你. Thx!
OK.
作者: ~仔仔媽咪~ 時間: 09-6-17 22:36
原帖由 77777 於 09-6-17 19:17 發表
你識國際拚音係好好多law, 可以用多d時間來教....
個時我阿仔係學kumon英文, 就進步好快, 英文阿仔係好d架, 唔駛點背, 好快記得, 默書係唔駛點理.... 係中文就係弱d, 佢睇好多中文書, 不過中文作文我有時唔知佢寫mu ...
我仔中文又唔係好叻,只係好過其他科囉,之前我都以為我仔中文閱讀理解唔得,但呢次考試我朋友同我仔溫中文,俾咗成四五篇閱讀理解佢做,結果我仔係除咗初頭第一篇ON居居唔知我朋友要佢做乜外,其他嗰幾篇我仔都自行做到答啱題目...所以中文我更加唔會理,真係要專攻我仔D英文同數學囉....兩個都係C穴黎...希望真係教得掂我仔啦.
之前我都有諗幫我仔報公文英架,不過又係錢既問題,我又唔知我仔會唔會拆咗人地間公司,所以我至唔報佢,自己立心親自教仔全英咋...國際音標依家我都係試教,之前教仔英文生字實情無乜難度,但國際音標需要佢地去記額外既抽象符號,又要記音,又要記住呢個音標係通常用响邊D字母組合度...我仔都仲未明架...聽日教佢同個小朋友第二堂,我都諗住再放慢D去教,希望會好D啦.
作者: ~仔仔媽咪~ 時間: 09-6-17 22:39
原帖由 77777 於 09-6-17 19:47 發表
zater,
我個時阿仔係學公文, 佢初時k3認唔倒"it"字, 我地先比佢學, 佢係好受kumon個套由淺入深, 初時學個d係佢一定handle倒(淺d), 當中都有d phonics, 同埋老師成日讚佢(因比d好淺, 你肯一步一步跟, 唔會太難), ...
查實我都買落咗好多英文故事書俾我仔,不過我仔都係今年至開始開竅學到英文,所以依家我都頭痕緊幾時同用咩方式去教我仔睇英文書...早輪我朋友又俾咗好多本英文故事書我呀...幾句一頁都似乎幾易,希望搵到個輕鬆又有效既方法令我仔學識點去讀英文故事啦.
作者: ~仔仔媽咪~ 時間: 09-6-17 23:59
原帖由 77777 於 09-6-17 23:13 發表
你阿仔真係幾乖枉, 肯做成4, 5篇.....我阿仔佢會嘈law....而家成日同你bargain做小d....
慢慢教啦.....我個時初時教阿仔第一步真係好難...好似講極都唔明咁, 我個時一教完真係喉痛, 不過, 而家阿仔可以自己攪惦英文 ...
我仔要做咁多篇野,佢都會扭計發爛渣架!不過我地企硬一定要佢做,佢又細膽驚我地鬧,所以至死死地氣咁做哂佢咋!查實依家逢星期一至四都要佢去我朋友度補習兩個鐘,係咁做數,我都幾登佢辛苦架...不過無計,唔咁谷佢,佢一路都係本PEA唔學又唔識,始終佢都大喇,成十歲仔,黎緊又升小四,真係唔可以好似BB咁就得佢咁緊要,始終我地知個仔既難處响邊,但呢個地球都係轉得咁快,無可能要學校甚至乎每位老師就哂佢一個,佢跟唔到日後仲更加難追得上去,怕佢第時真係派咗去唔好既學校,到時佢仲辛苦.
係架,我教我仔數學咪係咁囉!以前迫住要我自己教,老師唔幫唔體諒,自己又急喎,又眼見個仔連一加一等於幾多都要數手指仲要計錯,嗰下真係壓力好大囉!仲要用盡好多方法都教唔明佢,又睇住個仔壓力大到腦一片空白又亂咁答你問題,嗰陣我真係炆到大力拍枱架!但個心又好知無計,都唔關佢事,佢蠢佢都唔想嘛,好彩今年小三班老師個個都好體諒又肯同我一齊分擔一齊合作,我淨係專注教仔英文,其他科由老師教我仔去跟,咁我至壓力少咗好多咋...咁學似我仔個班主任咁話,俾個仔專注叻响一科總好過頭頭唔到岸囉!至少依家我仔英文默書次次合格仲要七十幾八十幾分咁攞,我仔都開始有番D自信心,開始有HEART去溫好讀好D書,而唔係之前嗰隻完全放棄狀態,我覺得已經算係咁.所以我呢個暑假自己都係專注教我仔英文,希望真係順利啦.
作者: Kellyaugust2004 時間: 09-6-18 13:04
大家好
多謝當媽回答
my son is taking concerta 18mg since last sept.
but his weight didn't gain much , very very little
so, dr decided to change to Strattera 10mg, we started this last night.
but my son's behavoir is really bad this two days. i really can't stand anymore.
as i need to take care a 6 months old bb without a helper, my elder son requested tv, computer games these days (this few days, since no school and homework, as he didn't have this two things during school days) .
but his seld-control is very low.
so , we've many flights ....................
i'm worried and afraid strattera is not good, or it takes a few weeks to see the effect..
so , i need to stand for a few weeks! ?
very harsh for me.
don't know who can help me.原帖由 77777 於 09-6-18 07:46 發表
係呀, 其實呢個暑假真係一個好好的機會比你阿仔溫返d野架, 起碼唔洗擔心學校d功課, 可以靈活d咁教佢.....你阿仔d英文可以有7x, 8x真係唔錯, 你真係應該好欣慰, 同埋讚下佢付出過的努力, 真係唔簡單架....聽倒都登你 ...
作者: ~仔仔媽咪~ 時間: 09-6-18 18:26
原帖由 77777 於 09-6-18 07:46 發表
係呀, 其實呢個暑假真係一個好好的機會比你阿仔溫返d野架, 起碼唔洗擔心學校d功課, 可以靈活d咁教佢.....你阿仔d英文可以有7x, 8x真係唔錯, 你真係應該好欣慰, 同埋讚下佢付出過的努力, 真係唔簡單架....聽倒都登你 ...
查實我仔學校老師俾分係用加分制黎同佢計分架,即係佢每寫啱一個字就加分,而唔係錯一個字就扣分,但我諗佢咁樣都能夠攞到七八十分,都應該一般計分方法都係合格囉...實情真係只要見佢真係有擺個心出黎學野同有認真努力過,呢D已經足夠.
今日我仔响我朋友度發好大脾氣呀,計數成日發夢亂咁計,同一條三位數既加數,佢都可以前半part用加法,後半PART無啦啦計咗減法...結果我朋友係咁話佢,我仔發哂癲咁又喊又鬧,仲起勢想打我朋友添.我朋友都話佢咁樣日後番邊間學校都會出事,始終我仔又有番咁上下大隻呢...所以我朋友都話想用呢個暑假黎訓練我仔D脾氣,呢個暑假我朋友會專登激佢,激到佢之後點激都唔會再咁大反應...希望呢個方法得啦...之前我地用開個方法係唔好激得佢咁緊要,咩都要正面,但始終正如我朋友所言,依家香港地D細路一係見你叻咪同你做朋友囉,但你稍為蠢D就會蝦你,你無禮貌或者整親人,乖嗰班小朋友又唔會同你做朋友既,所以都要睇番個現實,要個仔真係要學識點去控制自己情緒同行為.
同埋我今日都有問開朋友關於我仔去唔去新嗰間學校讀書好,我朋友既見解都話實情我仔嗰隻style係可以俾老師教得惡D同嚴D係無問題架,始終我地唔要求學校過份就佢,而且我仔呢類型真係好需要學點守紀律,甚至乎我同我朋友都覺得我仔係要鬧下反而係好架.所以睇下啦,如果咁都俾我仔考到,我再同呢間學校老師傾,如果大家都有共識,佢地都仲有心想試下教好我仔,我就俾個仔轉,否則我諗我都要幫我仔搵其他學校.
你都好過我,我仔嗰時連一粒字都唔肯學講,同佢無得交流,同我仔講野只係單向,我有我講,佢有佢活响自己既世界裡面,我仔都係去到小一下學期至開龍雀,隔年暑假至開始同我講野有來有往...上年遇着個唔好既班主任搞到浪費咗一年,係得今年小三至可以教到我仔讀書同其他野...所以佢第一次英文默書合格,我真係開心到喊埋出黎,開心到莫明奇妙,直頭開心到好似中咗頭奬開心到傻咗~!始終之前我個心都一早打定輸數,我仔至少成個小學生涯中無可能英文有分,莫講話合格...所以呢下都幾証明到我地既仔真係唔可以睇少,呢刻可能我覺得佢低智能,但下一刻佢可能可以做到D好成績出黎証明佢唔係蠢蛋...所以我地父母至更加要KEEP住繼續努力.
呢刻我既target永遠都係希望可以盡快教到個仔唔好再發脾氣打人...佢唔再打人,查實一切事情都好容易解決.我只希望個仔唔好再打人.
作者: ~仔仔媽咪~ 時間: 09-6-18 18:36
原帖由 Kellyaugust2004 於 09-6-18 13:04 發表
大家好
多謝當媽回答
my son is taking concerta 18mg since last sept.
but his weight didn't gain much , very very little
so, dr decided to change to Strattera 10mg, we started this last night.
but m ...
試下睇多幾個星期先啦,始終依家又遇啱突然停課,查實莫講話你囝囝會唔識得自制,成個心諗住玩,我仔亦都係,只係我禁止我仔去觸碰佢堆玩具同VCD,遊戲機我直頭將條電線掟上天花板櫃,要求個仔呢個暑假要好好溫習功課同埋學習改善脾氣,我講到明要求佢開學後都無投訴,我至會星期六或日俾佢玩玩具或者遊戲機...查實我仔都會扭架!又會求我,嗰刻我都會有D心軟...但一諗到呢堆玩具係直接影响到佢成個人同思維,我就要自己硬係心腸囉.佢扭都無作用,我話咗唔俾就係唔俾,佢再扭咪將D玩具俾哂人地囉.
始終我地班仔個個特質都唔同,又好難一概而論既,不過我都覺得你可以試下咁做,試下管番個仔轉頭,預備D習作同溫書佢去做,你全程睇實佢去做,睇下佢食咗葯後同無食葯時咁做同一件事情,佢既反應係點,如果真係無效果出黎,你就要第一時間同醫生講番個情況,等醫生再研究下用咩方法去解決.
放鬆D啦,唔駛俾太大壓力自己,始終佢都只係一個小孩子黎,plan A用唔着咪試下plan B囉,再無效,仲有好多方法可以再試再去諗.始終我地依家班父母咁努力都係想佢地好好利用佢地既童年而唔係因為個症影响佢地搞到白白浪費咗佢地既童年.至緊要都係想佢地學到野,大個咗可以照顧到自己啫.
所以,你都要加油!
作者: ~仔仔媽咪~ 時間: 09-6-18 19:51
原帖由 77777 於 09-6-18 19:16 發表
其實好多學校都係加分制, mud制都無所謂, 你阿仔肯比心機, 其實已經係佢一大進步啦.....起碼佢証明比你睇佢係得, 亦証明你的努力係無白費架.....已經係最令我地最鼓舞的一樣野....
你朋友係呢方面的專業人仕, 而且 ...
查實我都唔知架...不過見我朋友都咁講,我至想試下...咁寧願老師惡都好過全校既學生係曳囉!今日我都同我仔講,莫講話係佢有時俾同學激到想打人,我話連媽咪都係!我又講番上年佢班小二同學仔响早會度唔排隊走黎擺黑社會陣圍住我同個仔,又踢我仔書包幾下,叫我丟咗我仔個書包嗰單野,我同個仔講話嗰次媽咪第一次遇到D咁壞既學生,媽咪都好鬼嬲嗰刻真係嬲到想打扁嗰幾個同學架,但嗰時媽咪最終都無出手打人地D仔囉!我問番我仔事後媽咪點處理件事,我仔當然唔記得啦,我就話當時我又唔同嗰班同學仔嘈又唔打佢地,淨係好冷靜講咗句:"我會同老師講番你地咁樣做囉"當時班學生都係好寸咁答:"老師?你咪告我囉!我都唔驚老師!"跟住我咪走去同班主任同訓導主任投訴囉!結果第二日既早會,個訓導主任咪一野捉住個同學仔頭目出黎照肺,要佢正式向我道歉,個同學咪低哂頭咁同我道歉囉.我就同個仔講,駛唔駛郁手打人先?你响學校俾人蝦,你直接搵老師幫忙,老師一定會處理好,你私底下打人,就算先前人地係點蝦你,就係因為你事後打咗人,結果罰既只係得你,係咪好唔抵...?暫時我都係咁同個仔講...不過我仔明白係一件事,但實際情形佢仲係未識點處理到囉.我朋友就係話我仔次次都係响呢樹KICK住...所以呢個暑假就要幫佢,等佢唔會成日KICK住响度,唔知點算繼而郁手打人.
希望啦...可能我本身又幾鐘意呢間學校,唔多唔少都對呢間學校有期望,我都知我依家呢個心態唔太好,我都會盡量平常心去調節一下自己.費時到時失望越大啦.
作者: ~仔仔媽咪~ 時間: 09-6-18 21:49
原帖由 77777 於 09-6-18 21:05 發表
唉, 聽完你咁講, d小朋友可以連大人響度都咁鬼曳, 我更加明白點解你會咁想個仔轉校, 坦白講, 如果我個仔d同學仔係咁, 我都會好想law.....你可想而知, 你阿仔平日d同學仔係點蝦人.....
不過, 我雖然話而家d小朋友係 ...
查實比着大人EQ點好點高,嗰刻遇到咁既情形都好難唔火囉!只係我地大人可以禁得住自己行為,唔會真係出手打埋去,但嗰刻我真係嬲到好有打人既衝動!仲要個腦响樹諗,佢地班人仔對住人家亞媽都可以蝦蝦霸霸無禮貌成咁,平時個仔番學,亞仔唔响身邊咪仲更加嚴重?嗰下真係嬲到個心都負荷唔到,所以我一直咁想轉校都係因為咁.
查實上年我都諗住轉校架喇,但係見到小三位班主任真係好有心又好主動咁同我溝通,見佢咁有誠意想教好我仔,我至留低一年當俾大家一個機會去試去做,查實今年我真係好欣慰,因為今年我同個仔真係遇到班好老師,依家唔捨得轉校都係唔捨得呢班好老師同埋依家真係同學校有好好既關係.但個仔如果一直仲同呢班學生一齊,我真係會好擔心,個仔一方面無EQ又控制唔到自己成日會打人還拖,另一方面今年都已經見到我仔開始為咗埋堆以為埋堆可以令到D同學當佢係朋友唔再蝦佢(咁當然係唔work啦),結果又出現精人出口笨人出手呢樣野,今年連訓導主任都發覺有時我仔做出D唔好既行為都係有同學叫我仔咁做,例如同我仔講:"呢個女同學好樣衰",叫我仔埋去恰個女仔,唔知當中我仔諗咩啦,佢可能覺得聽呢班同學仔話去做,做咗佢地會讚佢會同佢做朋友,結果我仔真係走埋去吐兩啖口水兼伸人兩腳咁蝦個女同學,仲有其他事件,結果連老師都擔心埋一份,一方面想我仔試下同班正常又乖D既同學玩/做朋友,但事實又知道我仔有咁多特殊問題根本無可能同正常小朋友玩,就算班小朋友唔介意我仔會整親佢,但人地家長會好介意囉...所以嗰種無奈真係非筆墨能夠形容.
我仔頭先都話好想考好呢個test佢,好想試下轉讀呢間新學校...聽佢又見佢真係咁有期望真係咁想讀,搞到我都好想佢考到同入到呢間學校...如果真係咁符碌考到,真係希望到時班老師可以願意同我多D溝通同合作.等我仔可以改善到自己既情緒同行為,可以好好地享受番小學既生活.
作者: zater 時間: 09-6-18 22:43
原帖由 77777 於 09-6-17 19:47 發表
zater,
我個時阿仔係學公文, 佢初時k3認唔倒"it"字, 我地先比佢學, 佢係好受kumon個套由淺入深, 初時學個d係佢一定handle倒(淺d), 當中都有d phonics, 同埋老師成日讚佢(因比d好淺, 你肯一步一步跟, 唔會太難), ...
公文式我都有諗過, 佢地好似有試堂, 下次如果有試堂比阿女試下先, 唔知佢受唔受.
作者: zater 時間: 09-6-18 22:50
原帖由 ~仔仔媽咪~ 於 09-6-17 22:23 發表
國際音標就傳統D,學嗰下好悶好辛苦,但學識咗真係好幫到自己去記英文生字囉!有時拆嗰D字唔一定要跟phonics拆架!有時我幫我仔拆字,都係將個字既字母平均分幾段等佢易記入腦D...例如cinema,我會分兩個字母一組,變成ci ...
ipa 我自己都未識, 真係唔知點教佢好 但係學識真係好有用.
你呢個方法我曾經試過, 不過無你咁大手筆, 串啱 20 分錯扣 5 分 我都要求阿女一邊字一邊讀, 但佢唔肯, 就算讀出聲都係遊雲咁
作者: zater 時間: 09-6-18 23:00
原帖由 ~仔仔媽咪~ 於 09-6-17 22:31 發表
查實如果我仔,我會安排佢三點半放學後番到黎就即刻做功課,先做抄寫唔駛用腦嗰D功課先,佢做哂抄寫嗰D,其他作業需要我去教既,我就全程坐响佢隔離教,教完先要佢口頭唔駛寫咁答哂成頁功課既問題,錯咗我糾正,啱就繼續, ...
阿女四點幾返到屋企, 我都係要求佢開始做功課, 其實阿女係要一個人全程陪住佢做, 但我做唔到囉, 細佬遲佢大約一個鐘返到屋企, 細佬最叻就係放學返黎好快做晒功課就去搞家姐, 當我顧住 stop 細佬時, 家姐就會瞓左, 次次都係咁, 當我叫醒家姐繼續做功課, 細佬又黎搞過, 我真係分唔到身
當我要煮飯時, 細佬會企係廚房門口睇我, 但果時家姐又係瞓左 ........
| 歡迎光臨 教育王國 (/) |
Powered by Discuz! X1.5 |