教育王國

標題: 09/10將入讀李小既家長....最後決定! [打印本頁]

作者: choimum 時間: 09-5-31 12:24 標題: 09/10將入讀李小既家長....最後決定!

由李小confirm咗收阿囡入讀之後,我巳經好耐無再上BK睇李小既話題喇,直至今日諗住响暑假前UPDATE吓D資料但睇完之後感覺係...好驚嚇呀!

SO, 請問各位09/10將入讀李小既家長, 請問會否繼續比囝囡入讀李小 OR 大家巳經有其他選擇呢?

作者: 小蜜蜂BB 時間: 09-5-31 23:03

有好多人等緊後備，妳唔登記早Ｄ出聲

作者: EllenBoys 時間: 09-5-31 23:28

我也在考慮中

原帖由 choimum 於 09-5-31 12:24 發表
由李小confirm咗收阿囡入讀之後,我巳經好耐無再上BK睇李小既話題喇,直至今日諗住响暑假前UPDATE吓D資料但睇完之後感覺係...好驚嚇呀!

SO, 請問各位09/10將入讀李小既家長, 請問會否繼續比囝囡入讀李小 OR 大家巳經 ...

作者: 臣媽 時間: 09-6-6 17:11

乜都唔諗, 反正李小唔係全香港最好學校, 亦唔係全港最差, 唔洗撲來撲去返學, 仲想點

作者: waiwai108 時間: 09-6-6 23:22

原帖由 choimum 於 09-5-31 12:24 發表
由李小confirm咗收阿囡入讀之後,我巳經好耐無再上BK睇李小既話題喇,直至今日諗住响暑假前UPDATE吓D資料但睇完之後感覺係...好驚嚇呀!

SO, 請問各位09/10將入讀李小既家長, 請問會否繼續比囝囡入讀李小 OR 大家巳經 ...

唔去你就笨，大把人排隊等入去讀，始終都係英文小學

作者: SZE_SZE 時間: 09-6-9 12:18

我想請問...
年尾時候唔係已經註冊咗咩.
其實仲有無其他嘢要攪埋架.

作者: wawaliluk 時間: 09-6-9 13:17

原帖由 SZE_SZE 於 09-6-9 12:18 發表
我想請問...
年尾時候唔係已經註冊咗咩.
其實仲有無其他嘢要攪埋架.

約7月頭或7月中有信通知準家長, 指定日子回校做校服, 買書, 交簿費, 訂午膳, 校巴費及9月學費。

作者: SZE_SZE 時間: 09-6-9 13:32

多謝wawaliluk既回覆,
我想請問學校有無指定要買那一種書包還是家長自行外出買.

作者: wawaliluk 時間: 09-6-9 13:41

原帖由 SZE_SZE 於 09-6-9 13:32 發表
多謝wawaliluk既回覆,
我想請問學校有無指定要買那一種書包還是家長自行外出買.

家長自行選購, 不過買護脊好d, 此終都幾多書！

作者: helloeveryone 時間: 09-6-9 14:30

原帖由 SZE_SZE 於 09-6-9 12:18 發表
我想請問...
年尾時候唔係已經註冊咗咩.
其實仲有無其他嘢要攪埋架.

上個月我幫個仔買校服嘅時候,校服呀姨話我知今年８月ｌ日會去學校賣校服.照往年嘅程序,就應該８月１日當日訂校車、買書、買校服一次過.（如果日期呀姨無被錯嘅話）買書包最好揀輕身,因小學嘅書較多,又要放file.但係唔好買太大,因為每個小朋友都有一個（白鴿洞）,有Ｄ書同file都可以擺入去!

作者: SZE_SZE 時間: 09-6-9 16:16

多謝你地既回覆,睇怕差不多開學,到時又要請教你地.

作者: helloeveryone 時間: 09-6-9 23:26

原帖由 SZE_SZE 於 09-6-9 16:16 發表
多謝你地既回覆,睇怕差不多開學,到時又要請教你地.

放心啦!隨時問,隨時答.你個小朋友一定會讀得好開心!

作者: 臣媽 時間: 09-6-18 15:14

好期待佢地開學的日子呀:) :) :) :) :)

作者: 唔係媽 時間: 09-6-26 12:25

Hi, 各位家長,
知唔知10-11年度入學, 幾時申請呀, 唉, 而家啲小學停課好亂...
謝謝

作者: wawaliluk 時間: 09-6-26 16:56

原帖由 唔係媽 於 09-6-26 12:25 發表
Hi, 各位家長,
知唔知10-11年度入學, 幾時申請呀, 唉, 而家啲小學停課好亂...
謝謝

約7月底至9月中, 你得閒上李小校內網頁睇睇。

作者: 小樹熊 時間: 09-6-27 11:17

原帖由 helloeveryone 於 09-6-9 14:30 發表
上個月我幫個仔買校服嘅時候,校服呀姨話我知今年８月ｌ日會去學校賣校服.照往年嘅程序,就應該８月１日當日訂校車、買書、買校服一次過.（如果日期呀姨無被錯嘅話）買書包最好揀輕身,因小學嘅書較多,又要放file.但係唔好買太大,因 ...

選護背脊的有道理，但一般都會較重，小囡 P.1 一星期有三日要帶齊中英數常及音樂書，重要加埋裝功課的功課袋，小息用的小食袋 (裝水、小食、紙巾) 因為小息時小朋友唔可以留係課室，課室會鎖門的，除非有老師留低如果唔係小朋友漏咗野想返入去拎都唔得。

仲有VA堂又要帶美勞袋，內裝T恤一件、枱墊一張、caryon一盒，呢樣我叫囡囡放係白鴿巢，係件衫同枱墊污穢先至好拎返屋企，因為好鬼重。

仲有小囡係帶飯的要加個飯袋，每日返學真係好重，如果開學後決定會訂報紙就仲慘，每日帶份報紙返屋企，內容其實又唔真係咁o岩小朋友睇的學生報 (註：內容常有露出大半身的樓盤裸女廣告，有D報導有用字粗鄙...我都好後悔同囡囡訂報~)

經驗所得書包最好係backpack式，size要放得落 A4 size的膠 file，最好有防水工能。小囡用緊 SPI 細碼背包，但其實對佢嚟講都幾重，我去接佢放學揹出揹入都覺得好重，仲有雖然佢地有白鴿巢，但係不是每班的班主任都准小朋友放其他物品入去，小囡1E班，最初執定一套後備餐具同一包紙巾及一張膠枱墊比佢lunch用，但最後打回頭因為老師只準小囡放學校files入去，後尾同老師傾過 phonics K 太重、畫具袋亦冇必要帶嚟帶去，同老師傾完後先至可以放係白鴿巢。而後備义匙就唯有放係書包、膠枱墊轉為毛巾都係每日帶。

我都想找找有冇另一款比 SPI 更輕的書包轉比小囡用，因為D書真係好重~

最後喇~ 不論書包、小息袋、lunch bag 之類小朋友要帶返學校的都記得幫小朋友加上姓名記號。我係用布的姓名織嘜鏠上去的，學校外套都記得要啊~ 開學時老師都會提呢點，因為佢地成日唔見野o架，方便老師知道邊個漏野容易D抎返~

作者: helloeveryone 時間: 09-6-27 15:33

原帖由 小樹熊 於 09-6-27 11:17 發表

選護背脊的有道理，但一般都會較重，小囡 P.1 一星期有三日要帶齊中英數常及音樂書，重要加埋裝功課的功課袋，小息用的小食袋 (裝水、小食、紙巾) 因為小息時小朋友唔可以留係課室，課室會鎖門的，除非有老師留低如果唔係小朋 ...

小樹熊睇見你寫咗咁多嘢,多感覺到你囡囡個書包真係好重,日日都好似搬屋咁.其實我都係有同樣嘅問題!我個仔比較細粒,個書包重重過佢,見到佢哋真係好辛苦,大人揹都頂唔順.不過今年我買了一個新書包給他,都係SPI,不過唔同款.這個書包比舊款輕好多,以前嗰個無書都好重,依家呢個就唔會.我嗰班都比你哋好Ｄ,例如art bag,lunch table map 都係放喺學校.英文老師叫佢哋 Phonics K 都可以唔帶返屋企.不過我就叫我個仔一定要帶,因為佢試過無書做功課.其實有問題都可以同班主任傾,佢哋都好體諒Ｄ小朋友嘅!

作者: 小樹熊 時間: 09-6-28 16:01

原帖由 helloeveryone 於 09-6-27 15:33 發表
小樹熊睇見你寫咗咁多嘢,多感覺到你囡囡個書包真係好重,日日都好似搬屋咁.其實我都係有同樣嘅問題!我個仔比較細粒,個書包重重過佢,見到佢哋真係好辛苦,大人揹都頂唔順.不過今年我買了一個新書包給他,都係SPI,不過 ...

係啦 phonics K 很重，我要囡囡果日上完就要帶返屋企，第二日又帶返去，大約一星期搬一次咁啦~

不過之前家熹媽咪都有提過唔建議買有碌的背包，因為加埋個碌仲重咁話!~

我鄰居最近都見佢幫囡囡換咗個有碌O既拉出拉入，佢話放學要同囡囡去學琴、補習所以有碌方便D (方便媽咪拉書包) ，但我囡囡都係學校門口操場上課室條路要揹書包O者，咁都唔打算買有碌的，因為加埋個碌真係重到想死。

我重未抎啱心水，請問妳果隻新款係點O架?

作者: helloeveryone 時間: 09-6-28 17:45

原帖由 小樹熊 於 09-6-28 16:01 發表

係啦 phonics K 很重，我要囡囡果日上完就要帶返屋企，第二日又帶返去，大約一星期搬一次咁啦~

不過之前家熹媽咪都有提過唔建議買有碌的背包，因為加埋個碌仲重咁話!~

我鄰居最近都見佢幫囡囡換咗個有碌O既拉出拉入，佢話 ...

其實佢哋揹書包嘅時間唔長,我唔建議用有碌嘅書包,因為拉書包嘅時候膊頭會側,長時間用唔係咁好.其次就係上樓梯嘅時候有困難,二年級要上兩層樓,用手攞書包比用膊頭揹係重好多!得閒上去SPI 個網睇吓吖,我個仔之前用嘅款係 Get Set 系列.不過好鬼重.依家換咗 Erog Gear 輕好多,不過都幾貴.你有無見過有學生用緊好大個SPI 字嗰隻款嘅書包呀?嗰隻款係最輕又底用!但SPI 網就無呢個款.如果你住元朗嘅,得閒可以去英藝幼稚園對面,有間賣旅行袋嘅鋪頭,有實物可以試吓.真係好輕!

作者: 臣媽 時間: 09-7-2 21:41

今日啱啱收到學校通知, 8月1日去搞埋D 手尾, 計一計都要二千八百幾, 仲未計D英文書

作者: SZE_SZE 時間: 09-7-4 09:59

各位,

因兒子九月入學,請問各位開學要準備什麼東西,
現在我只買了書包,其他都未買,如午飯要用的物件等,
可否提供詳細清單給我.謝謝您們.

作者: ChristLS 時間: 09-7-4 20:04

妳好,

妳還要和囝囝買餐具, 最好不要用膠盒及膠餐具, 因為膠盒會領他書包更加重, 和膠餐具又不環保. 其他如校服, 書本可在八月一日回學校買, 不要擔心.

一個歡迎妳們的家長.

作者: bakers 時間: 09-7-5 14:15

原帖由 SZE_SZE 於 4-7-2009 09:59 AM 發表
各位,

因兒子九月入學,請問各位開學要準備什麼東西,
現在我只買了書包,其他都未買,如午飯要用的物件等,
可否提供詳細清單給我.謝謝您們.

以下是從家長們中搜集得來的小貼士，只供參考。希望能給予小一家長一些啟示。

校服
可為孩子選購大一碼校服，但注意勿過長，尤其是外套
為男生準備皮帶

可為女孩購買大一個碼的校裙
每天帶備小手帕及紙巾
避免穿綁帶鞋
校服供應商有兩款外套可供選擇，較薄之線質外套較適合夏天開冷氣時使用，亦有較保暖的羊毛外套，可向供應商查詢

午膳安排
用膳時間 – 30分鐘
可訂飯盒或自備送遞到校
一年級每班均有午膳爸媽 (義工) 協助學生
午餐不可與同學分享

訂購飯盒
每月月中，午膳供應商會派發下月飯單給家長及學生選購，學生需於指定日期前繳款後將飯單交回班主任
建議家長與小朋友一起選擇每天餐款，避免偏食之餘亦要尊重小朋友之喜好
須全月訂購，有退飯安排，可與供應商查詢

自備飯盒/壺、飯盒袋
送遞程序 – 根據學校通告規定時限，將自備飯盒/壺送到校園指定地點，午膳供應商職員會根據班別及名稱送到課室
準時交來自備飯盒，以免錯過送遞時間
請緊記在飯盒袋上繫上學生名牌，寫上名字、學號、班別
基於衛生理由，切勿將非食物之物品與飯盒放在一起水壺

餐具
每天都要帶備餐具，為嚮應環保，供應商不會提供即棄餐具

選購飯盒
可選擇有保暖功能的飯壺/將餐盒放在保暖袋內保暖
留意及提醒傭人/小朋友必須每天清洗餐具，亦要教導及培養小朋友自發提醒/清洗

份量
以家中吃飯分量為準，可用家中飯碗量度，但要留意進膳時間或較在家中短
避免帶流質食物，如湯類食品，如需帶湯，可先放涼少許才入盒，以免灼傷;太熱之食物亦可能導致難以開啟飯盒(口述由於蒸氣導致)

茶點份量及種類
建議給水果，乾果或麵包，餅乾等健康小食(低糖、低鹽、低脂、高纖)，約2-3塊餅乾、迷你麵包一個，如小食過量會使小朋友沒有胃口進食午餐(小息與午膳時間相隔2小時)
如帶水果，應避免帶已去皮的水果，因已去皮的水果在室溫下容易滋生細菌
教導小朋友分享小食應注意衛生常識，如有需要可選擇獨立包裝的食物
校內有過濾水供應，可作補充，水壺容量約350 毫升已足夠
留意水壺會否溢漏
小一生可選購可吸啜的水壺/水樽,避免需倒出飲用
觀察小朋友每天在校飲水份量，鼓勵他們多飲水，勿帶汽水

零用錢
無需要，一二年級生不能到小食部買食物

收拾書包
根據每天上課時間表，教導小孩自己執拾書包，將當日不需用的書本放在家中，以免書包過重
課室內有個人書格，可擺放一些在校常用的用具或書本，如字典、顏色筆、美勞用品等
家長應每天為小朋友簽手冊/通告
準備有封口(扭扣/拉鍊)的文件膠套，將每天應交之功課/通告/款項放好

付款
留下一些舊信封作日後付款用
在封面寫下學生名字，班級及付款用途

個人物品寫名
建議在所有衣物及文具上都寫上學生名字，或用標貼，遺失後較為容易尋回.

文具
孩子容易遺失東西，建議不用買昂貴的文具
文具樸素實用為原則，避免花巧影響集中力
筆袋較筆盒輕
每天準備3-4枝鉛筆替換，不用在校刨鉛筆

書包
拖拉式書包較重身，學生需走樓梯上課室，會較吃力
一年級生只適用細碼書包
選擇護脊書包較理想

如廁問題
將紙巾放在小朋友褲袋/裙袋內，以免他們忘記帶紙巾上廁所
預早在暑假的時候，訓練小孩在如廁後自己清潔的技能
在有需要去洗手間時，舉手向老師表達
教導小朋友妥善使用洗手間，尤其是蹲廁

校服弄髒後的處理
有「後備校服」給學生替換，校工姨姨會協助學生更換及清潔

家長需回家洗淨「後備校服」後，翌日帶回學校
有全新內褲供應,每條約$5

[ 本帖最後由 bakers 於 09-7-5 14:17 編輯 ]

作者: WikMa 時間: 09-7-6 14:19 標題: 回覆 1# bakers 的文章

謝謝baker, 很詳細的資料!

本來學校取消了小一座談會, 自己都很茫然, 還好有BK這個平台, 不知有沒有家教會的成員在, 是否可以搞個"網上小一座談會", 指點一下小一家長們?

自己也想知道新校長上任了嗎? 對學校的和學生的期望是什麼? 另見到書單高年班上有science一科, 那小一有嗎? 請問學校是根據什麼分班的??

小一生對校園難免會感到陌生, 開學初期會怎樣安排他們認識新校園呢? 每天有多少個小息及時間有多長? 其實午膳時間我有些擔心呢, 因家中"大少"平時"嘆慣飯"; 無一粒鍾都食唔完

其他如課外活動, 參觀活動和校外比賽方面不知有資料否? (因學校網頁實在很少update 這方面的資料, 希望新校長會改善家校溝通吧!)

對不起問題那麼多, 希望各位李宗德家長們多多指點! 謝謝!

作者: waiwai108 時間: 09-7-7 00:45

原帖由 WikMa 於 09-7-6 14:19 發表
謝謝baker, 很詳細的資料!
本來學校取消了小一座談會, 自己都很茫然, 還好有BK這個平台, 不知有沒有家教會的成員在, 是否可以搞個"網上小一座談會", 指點一下小一家長們?

自己也想知道新校長上任了嗎? ...

如無意外，學校小一座談會在8月22日(星期六)下午二時舉行，敬請留意

作者: Didi711 時間: 09-7-7 07:55

Hi,我囝囝暑假後就K3,我想幫佢報李小,我應該點做,有冇mami可以教吓我,Thank you~

作者: waiwai108 時間: 09-7-7 11:37

原帖由 Didi711 於 09-7-7 07:55 發表
Hi,我囝囝暑假後就K3,我想幫佢報李小,我應該點做,有冇mami可以教吓我,Thank you~

Didi711 你可以留意李小網址:
http://www.wfjlps.edu.hk/

以往8月份學校會公佈有關入學事宜，download 張入學申請表格(2010/2011)墳好交回學校等面試通知便可

作者: Emily_Wah 時間: 09-7-7 12:22

bakers~thank you very much~

作者: helloeveryone 時間: 09-7-7 17:44

原帖由 Didi711 於 09-7-7 07:55 發表
Hi,我囝囝暑假後就K3,我想幫佢報李小,我應該點做,有冇mami可以教吓我,Thank you~

其實面試無乜特別貼士,最緊要唔好俾壓力個小朋友,等佢可以用最自然嘅一面去面試.如果真係咁唔好彩考唔到,只要有誠意寫封信去學校,應該問題不大.我識幾個考唔到嘅學生,父母寫信後,最終都可入讀.放心啦!

作者: helloeveryone 時間: 09-7-7 18:30

原帖由 WikMa 於 09-7-6 14:19 發表
謝謝baker, 很詳細的資料!
本來學校取消了小一座談會, 自己都很茫然, 還好有BK這個平台, 不知有沒有家教會的成員在, 是否可以搞個"網上小一座談會", 指點一下小一家長們?

自己也想知道新校長上任了嗎? ...

Wik Ma 你對學校課程嘅資料搜集唔多足夠喎.

講笑咋.小一已經有Sci 教,不過無書嘅,一年級係教植物,磁石,爬蟲類勳物及怎樣節約用水.（如果課程無变嘅話）功課唔多!一年級常識同Sci係唔會考試嘅.學校話唔會用成績嚟分班嘅.一年級嘅學生如果來自同一間幼稚園,學校會將佢哋分散去唔同班.致於小息,每日10:20am-10:50am,只有一個小息.12:50pm-1:20pm就係lunch time,1:20pm-1:40pm就係閱讀圖書時間,不過唔使担心,通常一年級都係食得比較慢,所以多數連閱讀時間都重食緊.下學期嘅時候情況就好Ｄ!佢地會慢慢習慣.（因為我係午膳姨姨,所以會見到佢地食飯嘅情況）學校一向都希望小朋友自學,不太喜歡家長過份幫忙.（由其是幫小朋友做功課）開學第一個星期老師會介紹佢地識學校,最重要係唔好同小朋友講咁多負面嘅事情,例如:小學唔同幼稚園呀,老師好惡,會罰你.鼓勵佢唔明就問,（不過一定要舉手）重有就係好多一年級生驚到唔敢話俾老師聽急尿,所以好多小朋友都會"賴"尿,我個仔都係其中一份子.小一生係雖要較多時間去適應.不過我地做家長嘅都係時候調較下自己啦,放心俾佢哋自己處理啦,你會慢慢發覺佢哋真係大個啦,佢哋真係OK!

作者: yandy 時間: 09-7-8 10:31

我想問一星期有幾多日著體育衫架??因我想預計要買一套校服定二套給仔仔!!thx!!

作者: WikMa 時間: 09-7-8 11:36 標題: 回覆 2# helloeveryone 的文章

嘩非常謝謝helloeveryone詳盡的解答, 本人仍"超級大頭蝦"一名, 囝囝成日笑我是"Ms Forgetful"

相信開學初期難免會出現混亂, 在此再次謝謝各位熱心家長提供各項"貼士", 以減低出錯機會.

(另外知道小一座談會會如常舉行心裡也比較踏實些...)

作者: helloeveryone 時間: 09-7-8 16:02

原帖由 yandy 於 09-7-8 10:31 發表
我想問一星期有幾多日著體育衫架??因我想預計要買一套校服定二套給仔仔!!thx!!

每星期有一次PE堂,但係李小有多元智能課（MI堂）可能要着運動衫.不過最好買兩套,如果連續兩日着都有得替換,你知小一生食飯有時會弄汚校服.唔好買到啱啱好,因為兩個月後又換冬季,出年又唔啱着.俾多小小貼士男孩子嘅家長,如果要買男裝皮帶,最好幫襯羅莎,因為皮帶扣可以"賊"出嚟,如果條皮帶太長,可以自己 cut 短然後裝番個扣.但係維多利亚嗰間嘅皮帶就無得 cut 短,只可打噥.買校服嘅時候唔好咁心急,睇晒三間比較下Ｄ質枓先.因為有Ｄ校服OK 但運動衫又唔OK!有Ｄ又相反!如果幫襯羅莎嘅家長,最好現場 check 清楚,因為有問題要換嘅話,要去太子先可以換!

作者: yandy 時間: 09-7-8 22:59 標題: 回覆 1# helloeveryone 的文章

唔該哂.....你既答覆...非常詳盡!!謝謝!!

作者: 煒良媽咪 時間: 09-7-9 14:49

原帖由 helloeveryone 於 09-7-8 16:02 發表
每星期有一次PE堂,但係李小有多元智能課（MI堂）可能要着運動衫.不過最好買兩套,如果連續兩日着都有得替換,你知小一生食飯有時會弄汚校服.唔好買到啱啱好,因為兩個月後又換冬季,出年又唔啱着.俾多小小貼士男孩子嘅家長, ...

今年度既校服商只有豐昌順!

作者: 臣媽 時間: 09-7-10 21:35

好勁呀, 多謝幾位家長咁詳細的資料, 我地得你地指點呀, 個心都安樂好多

作者: helloeveryone 時間: 09-7-11 21:37

原帖由 煒良媽咪 於 09-7-9 14:49 發表

今年度既校服商只有豐昌順!

無錯!今年校服商係丰昌順,不過當日羅莎和維多利都會到場,可以睇下八月及九月備忘嗰份通告巳經寫咗!

作者: helloeveryone 時間: 09-7-11 21:44

原帖由臣媽於 09-7-10 21:35 發表
好勁呀, 多謝幾位家長咁詳細的資料, 我地得你地指點呀, 個心都安樂好多

放鬆心情迎接新學年啦!好好享受呢個漫長嘅假期吧!因為九月又要埋頭苦幹地過黑版式嘅生活啦!

作者: budbud1 時間: 09-7-15 19:38

請問是否需要買張食飯墊﹐以前聽過好似要預備﹖﹖﹖﹖﹖

如果要﹐又是什麼size呢﹖﹖

謝謝

作者: helloeveryone 時間: 09-7-17 00:05

原帖由 budbud1 於 09-7-15 19:38 發表
請問是否需要買張食飯墊﹐以前聽過好似要預備﹖﹖﹖﹖﹖

如果要﹐又是什麼size呢﹖﹖

謝謝

如果是自己帶飯不是訂學校飯的,可以買一張枱墊,無特別規定什麽size,最緊要容易清潔.如在學校訂飯的話,就不用買,因為舊飯商會供托盤(新飯商就未知有無).其實買定都無壞,因為小朋友上美勞課時都會用.

作者: LLMUMMY 時間: 09-7-17 10:11

請問新學年是否轉校長? 教育方針有否改變?

原帖由臣媽於 09-6-6 17:11 發表
乜都唔諗, 反正李小唔係全香港最好學校, 亦唔係全港最差, 唔洗撲來撲去返學, 仲想點

作者: budbud1 時間: 09-7-17 16:12

原帖由 helloeveryone 於 09-7-17 00:05 發表
如果是自己帶飯不是訂學校飯的,可以買一張枱墊,無特別規定什麽size,最緊要容易清潔.如在學校訂飯的話,就不用買,因為舊飯商會供托盤(新飯商就未知有無).其實買定都無壞,因為小朋友上美勞課時都會用.:wave: ...

收到。謝謝helloeveryone。

o甘美勞課時又是否需自備檯墊呢﹖

歡迎光臨教育王國 (/)