教育王國

標題: 我的兒子是否有過動症 [打印本頁]

作者: 鈞洋mama 時間: 09-5-26 15:36 標題: 我的兒子是否有過動症

我的兒子剛3歲, 2歲多D就開始返N1(半日班), 返左1個月左右, 校長就同我講, 話我兒子可能有過度活躍症, 叫我去評估, 當時我好"差耳", 回應校長, 會唔會佢仲細, 唔係o甘適應環境, 所以走來走去.

其實自從由佢識行開始, 已經好活躍, 在屋企冇時停, 由屋企行返學校短短5分鐘, 係跳住行, 成個頭濕晒, D人見到話洗完頭未抺頭呀, 又比人笑佢係跳跳虎, 小白兔, 在學校方面D老師話佢, 成日走來走去.

其實當時我聽完校長講, 我都有擔心, 我真係去健康院見姑娘同醫生, 但結果話我個仔仲細, 當時2歲半左右, 最快都要等4歲先可以測試到係唔係有過度活躍症.

早前幫兒子報讀了英文併音班 (唱遊形式), 個老師話佢唔單止唔專心, 走來走去, 仲阻礙其他小朋友上堂, 最後老師叫我停止上課, 話等他大些才報讀.

最近我又幫我個仔在社區中心, 報左一個課外活動, 逢星期六玩個半鐘, 我想比我個仔多些機會接觸唔同既人, 學唔同既野, 返了幾堂左右, 個老師(幼兒社工)同我講, 叫我帶佢做下評估, 話佢控制唔到自己, 周圍走, 完全集中唔到上堂.

一次又一次比人叫帶去做評估, 都唔知點, 我兒子今天9月讀K1啦, 好驚比人趕出校呀!

我個仔係咪真係有過渡活躍症, 要唔要搵醫生做評估呢? 出面做評估都要幾仟蚊, 有冇D平既又好既醫生介紹下?

作者: chingyeehk 時間: 09-5-26 18:35

原帖由 鈞洋mama 於 09-5-26 15:36 發表
我的兒子剛3歲, 2歲多D就開始返N1(半日班), 返左1個月左右, 校長就同我講, 話我兒子可能有過度活躍症, 叫我去評估, 當時我好"差耳", 回應校長, 會唔會佢仲細, 唔係o甘適應環境, 所以走來走去.

其實自從由佢識行開始 ...

３歲係好難做到評估的，我覺得你可以搵一個和你熟悉既兒科醫生，幫你寫介紹信去兒童評估中心排定隊先．佢地收左小朋友既ｃａｓｅ之後等幾個月會有姑娘初步同小朋友做評估先．再約見醫生．排得來４－５歲睇就差不多了．
另外想問下小朋友說話能力好嗎？

作者: 鈞洋mama 時間: 09-5-27 11:00

原帖由 chingyeehk 於 09-5-26 18:35 發表

３歲係好難做到評估的，我覺得你可以搵一個和你熟悉既兒科醫生，幫你寫介紹信去兒童評估中心排定隊先．佢地收左小朋友既ｃａｓｅ之後等幾個月會有姑娘初步同小朋友做評估先．再約見醫生．排得來４－５歲睇就差不多了．
另外想問下小朋友說話能力 ...

ching yee 多謝妳的意見呀!

係咪睇普通兒科醫生 (即係睇傷風感冒咳果d), 到時同個醫生講, 叫佢寫封介紹信去兒童評估中心就得架啦.

我個仔講野唔叻架, 都仲有d bb話, 有時佢講野, 我地都要估估下佢講嘜.

作者: someoneelse 時間: 09-5-27 11:16

普通兒科醫生都可以的...去到評估中心，首先會約見姑娘，之後才安排遲些再見醫生....唔同 case 要等唔同時間...年幾前我兒情況嚴重，只排了2個月便可見醫生....

原帖由 鈞洋mama 於 09-5-27 11:00 發表

ching yee 多謝妳的意見呀!

係咪睇普通兒科醫生 (即係睇傷風感冒咳果d), 到時同個醫生講, 叫佢寫封介紹信去兒童評估中心就得架啦.

我個仔講野唔叻架, 都仲有d bb話, 有時佢講野, 我地都要估估下佢講嘜. ...

作者: 鈞洋mama 時間: 09-5-27 11:34

原帖由 someoneelse 於 09-5-27 11:16 發表
普通兒科醫生都可以的...去到評估中心，首先會約見姑娘，之後才安排遲些再見醫生....唔同 case 要等唔同時間...年幾前我兒情況嚴重，只排了2個月便可見醫生....

...

someoneelse 多謝妳的意見.

妳的兒子有幾大呀, 情況有幾嚴重, 見了醫生現時情況有沒有好轉,可否分享下.

作者: someoneelse 時間: 09-5-27 11:46

其實我估你兒可能是發展遲緩...很多這樣的小朋友都會坐不定，因為根本都不知要坐定嘛？！為什麼要坐定呢？！都不知你們在做什麼？！所以常常按自己喜好做事囉...至少，我兒當年是這樣！
他經了一整年的訓練+學習，現3.5歲，已好了很多...剛做了評估，能力上已達標...現只差語言慢了半年...

原帖由 鈞洋mama 於 09-5-27 11:34 發表

someoneelse 多謝妳的意見.

妳的兒子有幾大呀, 情況有幾嚴重, 見了醫生現時情況有沒有好轉,可否分享下.

作者: 鈞洋mama 時間: 09-5-27 11:57

原帖由 someoneelse 於 09-5-27 11:46 發表
其實我估你兒可能是發展遲緩...很多這樣的小朋友都會坐不定，因為根本都不知要坐定嘛？！為什麼要坐定呢？！都不知你們在做什麼？！所以常常按自己喜好做事囉...至少，我兒當年是這樣！
他經了一整年的訓練+學習，現3.5歲，已好了很多...剛 ...

someoneelse 多謝妳的意見及分享呀!

下.... 發展遲緩...

, 我唸我而家既決定, 先要帶佢去普遍科, 問醫生囉張介紹信到兒童評估中心睇下, check 下佢係有咩問題, 然後對症下藥.

作者: chingyeehk 時間: 09-5-27 12:01

原帖由 鈞洋mama 於 09-5-27 11:00 發表

ching yee 多謝妳的意見呀!

係咪睇普通兒科醫生 (即係睇傷風感冒咳果d), 到時同個醫生講, 叫佢寫封介紹信去兒童評估中心就得架啦.

我個仔講野唔叻架, 都仲有d bb話, 有時佢講野, 我地都要估估下佢講嘜. ...

係呀 !普通科都可以了.
講野果part健康院姑娘有無講過發展遲左少少呢 ?

作者: 鈞洋mama 時間: 09-5-27 12:14

原帖由 chingyeehk 於 09-5-27 12:01 發表

係呀 !普通科都可以了.
講野果part健康院姑娘有無講過發展遲左少少呢 ?

2歲半果陣去過健康阮比姑娘check過, 冇話佢講野有問題呀, 不過佢由細係比印印姐姐湊的, 會唔會屋企冇大人同佢講野, 好差d呢?

不過點都好, 我都會再搵醫生幫佢做評估, 起碼唔駛樣樣估估下.

作者: chingyeehk 時間: 09-5-27 15:20

原帖由 鈞洋mama 於 09-5-27 11:00 發表

ching yee 多謝妳的意見呀!

係咪睇普通兒科醫生 (即係睇傷風感冒咳果d), 到時同個醫生講, 叫佢寫封介紹信去兒童評估中心就得架啦.

我個仔講野唔叻架, 都仲有d bb話, 有時佢講野, 我地都要估估下佢講嘜. ...

係呀 !普通科都可以了.
講野果part健康院姑娘有無講過發展遲左少少呢 ?

作者: chingyeehk 時間: 09-5-27 15:24

原帖由 鈞洋mama 於 09-5-27 12:14 發表

2歲半果陣去過健康阮比姑娘check過, 冇話佢講野有問題呀, 不過佢由細係比印印姐姐湊的, 會唔會屋企冇大人同佢講野, 好差d呢?

不過點都好, 我都會再搵醫生幫佢做評估, 起碼唔駛樣樣估估下. ...

原來係咁,係啦 !搵醫生睇左先啦 ! 而且小朋友都細仲有好多變數.

作者: MARSTEN 時間: 09-5-30 15:34

你仔仔同我仔仔細個好似,佢到而家都成日跳住行,我仔仔2歲幾係評估中心評為發展遲緩,果時俾左幾條路我選,我選左去協康做訓練,好快又已經3年,仔仔上埋7月就無得上,要上都要俾幾百蚊一個鐘

仔仔都係去過學野,又係一堂就俾人叫走,因為佢地既專注力真係好差,而且佢地過份敏感,少少野可以令佢地好興奮

你最好同仔仔入一d有I位既幼稚園,因為果d學校先明白呢類學生既需要,如果唔係只會一日見家長見到黑(我是過來人)

你而家要做既就係帶仔仔做test,睇下佢邊方面有需要,盡早對症下藥,如果唔係對佢學習及認知好有阻礙的

原帖由 鈞洋mama 於 09-5-26 15:36 發表
我的兒子剛3歲, 2歲多D就開始返N1(半日班), 返左1個月左右, 校長就同我講, 話我兒子可能有過度活躍症, 叫我去評估, 當時我好"差耳", 回應校長, 會唔會佢仲細, 唔係o甘適應環境, 所以走來走去.

其實自從由佢識行開始 ...

作者: 鈞洋mama 時間: 09-6-1 12:23

原帖由 MARSTEN 於 09-5-30 15:34 發表
你仔仔同我仔仔細個好似,佢到而家都成日跳住行,我仔仔2歲幾係評估中心評為發展遲緩,果時俾左幾條路我選,我選左去協康做訓練,好快又已經3年,仔仔上埋7月就無得上,要上都要俾幾百蚊一個鐘

仔仔都係去過學野,又係一堂 ...

Marsten 多謝妳的意見及分享呀.

我係住青衣區, 青衣都有間協康, 唔知有冇呢種訓練呢

作者: MARSTEN 時間: 09-6-1 12:38

你去完評估佢會俾你選想去邊區上training的,有d旺區排得耐d,遠d既就少人去d...

原帖由 鈞洋mama 於 09-6-1 12:23 發表

Marsten 多謝妳的意見及分享呀.
我係住青衣區, 青衣都有間協康, 唔知有冇呢種訓練呢

作者: miningg 時間: 09-6-12 11:44

hi , 我個女 2歲２個月..same case . 可否一起交流下 . Thanks

作者: 鈞洋mama 時間: 09-6-18 11:17

我個仔尋日去左健康院見醫生啦 , 個醫生同我個仔玩, 同埋傾左半個鐘左右, 做一些 test, 話佢既進度係屬於3歲兒童範圍之內, 沒有問題, 冇一些過度活躍既象徵, 又話如果有活躍症既小朋友, 唔會坐定定做到test, 會走來走去, 所以我而家放心晒啦.

如果妳地懷疑小朋友有過度活躍或有其他問題, 真係要及早診治呀, 緊記唔好估估下呀, 我之前可能就係太緊張啦, 搞到我有"抑鬱病"呀.

作者: 502 時間: 09-6-18 12:49

不是故意說相反的話，不過希望你不要爲了健康院醫生的一番話而掉以輕心，就算現在健康院醫生說沒事，你最好還是留意一下！

有些健康院醫生的水平可能。。。。畢竟最瞭解孩子的是父母

我個仔見學童保健醫生夠開口就叫他減肥，原來他的意思只是亞仔的體高和體重相比不對稱，不是要減肥而是要增高！单信他一句就死定！

原帖由 鈞洋mama 於 09-6-18 11:17 發表
我個仔尋日去左健康院見醫生啦 , 個醫生同我個仔玩, 同埋傾左半個鐘左右, 做一些 test, 話佢既進度係屬於3歲兒童範圍之內, 沒有問題, 冇一些過度活躍既象徵, 又話如果有活躍症既小朋友, 唔會坐定定做到test, 會走來 ...

作者: 鈞洋mama 時間: 09-6-18 16:53

原帖由 502 於 09-6-18 12:49 發表
不是故意說相反的話，不過希望你不要爲了健康院醫生的一番話而掉以輕心，就算現在健康院醫生說沒事，你最好還是留意一下！

有些健康院醫生的水平可能。。。。畢竟最瞭解孩子的是父母

我個仔見學童保健醫生夠開口就叫他 ...

多謝502的意見

我都會繼續留意小朋友的行為, 若上了K1, 看老師有沒有投訴或給予甚麼意見, 目前唯有見步行步啦.

作者: 常在坤 時間: 09-6-23 03:53

通常要到小一至可以確診,同埋盡量比多D需要專注力既野佢做下

原帖由 鈞洋mama 於 09-6-18 16:53 發表

多謝502的意見

我都會繼續留意小朋友的行為, 若上了K1, 看老師有沒有投訴或給予甚麼意見, 目前唯有見步行步啦.

作者: 鈞洋mama 時間: 09-6-23 13:56

原帖由 常在坤 於 09-6-23 03:53 發表
通常要到小一至可以確診,同埋盡量比多D需要專注力既野佢做下

多謝常在坤的意見.

有d 咩野係可以訓練佢地既專注力架.

歡迎光臨教育王國 (/)