教育王國
標題: plk ---天理何在 公道何在??? [打印本頁]
作者: cookingbaba 時間: 09-5-20 10:13 標題: plk ---天理何在 公道何在???
我的小朋友於數天前在校內上完音樂堂時, 跟住排隊返回自己的課室 , 他排第一行, 左手拿著老師的書本,正於他用右手開課室門時, 排在他隔離的女同學就用手按住門鎖關門並把他的手夾在門與門框之間,之後該女同學再開番度門然後入回課室,他大叫一聲後痛得哭起來, 我到左學校後見到他的右手手指公虎口位腫了起來, 痛得不能郁動及手的底面仲有兩條痕, 我立即乘的士前往法國醫院求醫, 照過 x光後醫生話好彩無傷到啲骨, 但傷左跟,暫不能郁動.校方調查左三日回覆給我的交待,你們知否是甚麼???校方強烈的說:<<由於當時並無第三目擊証人,加上該女同學哭及不承認,調查後所得的是當時該女同學為避開另一男同學的捉弄而由音樂室跑回自己課室時而間接令到意外發生 ,唔知點解度門會關上而夾到佢隻手,由於疑點歸於該女同學,表面上無人須負責 , 現校方調查到此,校方已經向該女同學及男同學作出一個警惕是不要在校內玩.>>再向校方查問,受害人已經詳細描述當時情況,為何該女同學不用負上責任, 如果下次係斷左隻手咁點 , 又係個句<<由於當時無第三目擊証人疑點歸於她....>>我話不排除向校鑒投訴,佢仲話隨便喇...最反感的是副校長說現有上訴機制,如你們發現有新疑點可以提供給學校及上訴,現我向校方申請一份報告,佢話你要黎仲咩等我問左校長先.......請各家長給予意見
作者: grace_xian 時間: 09-5-20 11:15
請問你讀保良局哪一間?
我支持你力爭, 教育局應該有關於呢方面的指引, 不妨多問問
原帖由 cookingbaba 於 09-5-20 10:13 發表 
我的小朋友於數天前在校內上完音樂堂時, 跟住排隊返回自己的課室 , 他排第一行, 左手拿著老師的書本,正於他用右手開課室門時, 排在他隔離的女同學就用手按住門鎖關門並把他的手夾在門與門框之間,之後該女同學再開番 ...
作者: BookloverJ 時間: 09-5-20 11:45
提示: 作者被禁止或刪除 內容自動屏蔽
作者: cookingbaba 時間: 09-5-20 13:16
係坑口個間,我只係要一個公道,要比小朋友知道做錯事要負責,不可推卸責任,咩係啱咩係錯,佢地要知,唔係每次做錯只係哭唔認就得,須然係學校成日都有事發生, 但今次係有人受傷,校方應認真處理,我擺個仔成日係間學校度,如下次再有類似事件發生,邊個都唔好,咁係咪要認真處理,唔好個個板本都唔同....我同校方話係咪同個小朋友講以後係學校如發生事只係哭唔好認就得,係咪咁教佢呢???校方話我地唔會阻止家長點樣教導你地自己既小朋友.既然做錯事都可以無事又唔使道歉,呢D就係教學嗎???
作者: catcatmom 時間: 09-5-20 13:42
我有點唔明, 你的仔係學校發生意外, 隻手指腫無耐, 你跟著即刻到學校? 甘其間有無老師負責, 意圖先送去醫院, 因N年前, 我個仔又發生比同學用鉛筆弄傷手, 學校好緊張, 問我送去邊間醫院, 我說:仁安啦! 但學校為了快, 話去附近診所好唔好, 我同意. 的士->乎藥->診金, 全部幫我9店!
學校仲話叫我唔好追究, 佢話個同學已經比老師訓示同見理家長, 亦都唔會講出個學生名.
學校既立場要o林: 家長交得學生來學校, 學校員工要盡心盡力保護佢係校內既安全.
而家長亦要體諒老師一個人睇唔住甘多學生.
而不是說這些意外間間學校;日日都發生,做家長就唔應該投訴,o甘就唔同意啦!
要睇番學校,事後處理的方法, 好似當年亞仔學校好緊張, 我地都算啦!係意外泥o既!但我個仔就留左d痕係隻手中心.
原帖由 cookingbaba 於 09-5-20 10:13 發表
我的小朋友於數天前在校內上完音樂堂時, 跟住排隊返回自己的課室 , 他排第一行, 左手拿著老師的書本,正於他用右手開課室門時, 排在他隔離的女同學就用手按住門鎖關門並把他的手夾在門與門框之間,之後該女同學再開番 ...
作者: BookloverJ 時間: 09-5-20 13:51
提示: 作者被禁止或刪除 內容自動屏蔽
作者: 黃巴士 時間: 09-5-20 14:06
原帖由 cookingbaba 於 09-5-20 13:16 發表
係坑口個間,我只係要一個公道,要比小朋友知道做錯事要負責,不可推卸責任,咩係啱咩係錯,佢地要知,唔係每次做錯只係哭唔認就得,須然係學校成日都有事發生, 但今次係有人受傷,校方應認真處理,我擺個仔成日係間學校度,如 ...
咁你認為要如何對待這位女同學?? 提議校方如何處理??
這位女同學是否有予你們道歉?? 她是否已知錯呢?? 你囝囝是否已原諒他呢??
作者: cookingbaba 時間: 09-5-20 14:42
學校2:30pm打比我,我用25分鐘到達, 仔仔話佢地只係用冰袋同佢膚住, 我到時都無冰袋咯 , 等埋個班主任落黎案件重演後就上番課室攞埋的書包走去醫院,仔仔話上去時班主任再叫個女同學出黎重演,佢話個女同學當時口陣陣同喊同埋係咁搣住件衫話無.跟住咪我先前講個D囉.. 而家係傷到根,下次斷左咁點算,我都唔知對方家長知唔知,校方又點同佢講,又唔比我地接觸,校方同我地講都有唔同板本喇.絕對唔係嗰位家長講碰下撞下咁簡單,須然我唔知你係咪學校既人, 但呢個係事實,我會做既係去PLK教育部同負責西貢區學校既教統局取回公道.
作者: cookingbaba 時間: 09-5-20 14:51 標題: 回覆 2# 黃巴士 的文章
都話個女同學唔認,出黎講聲對唔住都好,
校方都有問仔仔會否原諒佢, 但仔仔話睇住佢做,佢都唔認,點原諒呀???佢都唔承認自己過錯??校方都話無第三目擊者咯.....已查晒:
作者: G-Ma 時間: 09-5-20 14:57
我覺得小朋友玩有時碰撞到一定有, 案發情況既然無目擊者, 咁都係公說公有理, 婆說婆有理, 你仔仔講既版本亦未必係事實全部. 既然學校都作出左調查, 亦已經訓示過犯事既小朋友, 佢地亦唔似有心咁做, 都係大事化小咪算lor, 都係小朋友嚟je, 唔駛咁嚴重掛.
作者: 黃巴士 時間: 09-5-20 15:33
原帖由 cookingbaba 於 09-5-20 14:51 發表
都話個女同學唔認,出黎講聲對唔住都好,
校方都有問仔仔會否原諒佢, 但仔仔話睇住佢做,佢都唔認,點原諒呀???佢都唔承認自己過錯??校方都話無第三目擊者咯.....已查晒: ...
如果係咁, 真係好難平息憤怒喎!! 因為都無証據指出是女同學錯.
但點都好, 係她推撞而生意外(就算是不小心, 始終是她推門的)為何女同學不道歉呢??? 先向校方要求女同學道歉, 看校方是否配合呢?? 我唸起碼都要女同學家長知道依件事. 
校方沒指引如何處理的嗎??
作者: km1357 時間: 09-5-20 15:48
不如報警啦, 傷人案, 由警方去查, 直至搵到真相, 如果係個女仔做又唔認, 查到就開除佢, 等佢無書讀, 還樓主個小朋友一個公道. 咁好嗎?
作者: Crabtree 時間: 09-5-20 16:24
我都好認同, 不是身同感受係感受唔到之痛, 講就容易, 但傷到係自己o既小朋友, 則另論. 學校處理這件事當然有不當, 不論有意或無心, 但她確實不小心傷到他人, 理應道歉. 有邊個小朋友肯坦白承認自己錯, 每次遇到事就喊便能解決問題, 他日她也會繼續這樣做下去.
作者: asinai 時間: 09-5-20 16:44
Agree! 針5吉到肉5g痛! 如果係自己小朋友一定肉赤c！我覺得就算係該女同學5小心整傷人, 起碼都要認錯 & 道歉, 而5係亁哭着5認了事.
希望樓主小朋友隻手仔快d好翻la!
原帖由 Crabtree 於 09-5-20 16:24 發表
我都好認同, 不是身同感受係感受唔到之痛, 講就容易, 但傷到係自己o既小朋友, 則另論. 學校處理這件事當然有不當, 不論有意或無心, 但她確實不小心傷到他人, 理應道歉. 有邊個小朋友肯坦白承認自己錯, 每次遇到事就 ...
[ 本帖最後由 asinai 於 09-5-20 16:46 編輯 ]
作者: 黃巴士 時間: 09-5-20 17:05
原帖由 km1357 於 09-5-20 15:48 發表
不如報警啦, 傷人案, 由警方去查, 直至搵到真相, 如果係個女仔做又唔認, 查到就開除佢, 等佢無書讀, 還樓主個小朋友一個公道. 咁好嗎?
始終樓主小朋友都係"受害人".
希望事情快些平息, 忘記些不開心事情, 小朋友快些好返啦!!!
作者: 漢堡飽 時間: 09-5-20 18:45
如果這事情實如你所說，我相信那小女孩一世都會記得，一世都會唔安樂。有無認錯是她的事，唔認，將來損失會是她。
你不需要太執著。畢竟她只個細路，她的感受及恪印絕不比你小孩細。
嘗試向你小朋友分析，事件引致的後果，同學處理的態度，自己又點去與那女孩相處等，甚至可以將這件事向好方面想。
向小朋友灌輸正面的思想，將來處事也會正面，點樣將壞事變好事，我們家長的引導好重要。
作者: IRON 時間: 09-5-20 19:38
想知小朋友係幾大哦??
樓主, 我非常明白妳既心情, 仔仔當年(k1-k2)都俾同一個小朋友成日整親, 佢係只蝦我仔仔唔係唔小心, 最後果次係仔仔眼下整左一條深痕, 差d整到眼睛, 我地真係好心痛同激氣.
作者: 漢堡飽 時間: 09-5-20 19:48
我女兒以前也被同學撞倒，要入醫院聯了幾針，眼部破了相，我們當然不開心，但我們都嘻哈面對，解釋學校小朋友會是這樣，要她以後小心照顧自己。
作者: ceomum 時間: 09-5-20 20:41
上個月呀女係學校被同學弄傷了耳仔(見血)貼了膠布，佢話訓導會罰個同學我只係同呀女講如果個同學唔係故意就同老師講返係意外。我唔係唔肉痛，係學校唔小心的意外一定會有，今次可能係同學弄傷你小朋友，但難保下次係自己個小朋友弄傷同學，同學家長又對你窮追不捨你又會有何感想。
作者: popokit 時間: 09-5-20 20:55
原帖由 cookingbaba 於 09-5-20 13:16 發表
係坑口個間,我只係要一個公道,要比小朋友知道做錯事要負責,不可推卸責任,咩係啱咩係錯,佢地要知,唔係每次做錯只係哭唔認就得,須然係學校成日都有事發生, 但今次係有人受傷,校方應認真處理,我擺個仔成日係間學校度,如 ...
我都認為該女同學需要向你的兒子道歉, 如果該女同學的說話是真的, 咁你就算係無心, 但都係弄傷了你同學呀! 點可以道歉一聲都無. 校方點樣教小朋友要做一個負責任的人? 弄傷了人都不用負責, 連最起碼的道歉都唔使, 唔係掛?!
如果該女同學是講大話, 校方更加鼓勵了她, 第日繼續講d仲大大話去逃避負任.
anyway 最起碼都需要向你兒子作一個誠意的道歉. 因為無論咩理由, 都是你弄傷同學, 好應該道歉, 和作以後要小心的警戒.
[ 本帖最後由 popokit 於 09-5-20 22:37 編輯 ]
作者: 貴花田711 時間: 09-5-20 21:53
25分鐘到達後,唔見到有冰袋, 唔出奇, 因為敷冰唔可以多過十分鐘, 因為敷冰太久會對血管有影響。
原帖由 cookingbaba 於 09-5-20 14:42 發表
學校2:30pm打比我,我用25分鐘到達, 仔仔話佢地只係用冰袋同佢膚住, 我到時都無冰袋咯 , 等埋個班主任落黎案件重演後就上番課室攞埋的書包走去醫院,仔仔話上去時班主任再叫個女同學出黎重演,佢話個女同學當時口陣陣同 ...
作者: heiheibbchu 時間: 09-5-20 21:57
我覺得應該要學校提出有什麼方法,可以避免同類事件再次發生(當然意外是預料吾到), 而不是單單控訴一個小朋友.
例如, 如果您小朋友不是左手拿著老師書本, 便可能可以擋著隻門, 那麼是否不應要學生代老師拿書本. 又或者排隊是單行, 便避免有同學手多多.
個人力量未必有用, 可以在家長會提出, 給學校壓力, 又可避免自己和學校有太大沖突.
作者: 貴花田711 時間: 09-5-20 21:58
絕對同意!
每件事都可以有兩面睇, 我地可以從正面向小朋友教導。
原帖由 漢堡飽 於 09-5-20 18:45 發表
如果這事情實如你所說，我相信那小女孩一世都會記得，一世都會唔安樂。有無認錯是她的事，唔認，將來損失會是她。
你不需要太執著。畢竟她只個細路，她的感受及恪印絕不比你小孩細。
嘗試向你小朋友分析，事件引致的後果，同學處理 ...
作者: popokit 時間: 09-5-20 22:24
原帖由 漢堡飽 於 09-5-20 19:48 發表
我女兒以前也被同學撞倒，要入醫院聯了幾針，眼部破了相，我們當然不開心，但我們都嘻哈面對，解釋學校小朋友會是這樣，要她以後小心照顧自己。 ...
這件事是校方的處理手法出了問題, 做錯事要小朋友承認, 無論是什麼原因, 原因祇是讓這事是情有可原, 而不是不用負責.
我們明白小朋友碰碰撞撞, 總是少不免了, 每次到學校做家長義工(低年級), 見老師和主任日日叫住小朋友, 不要跑, 不要撞. 真是口水都乾埋.
但係都要繼續講, 繼續教架.
細個唔教幾時教?
上年有段新聞說一名中學生被一名在課室衝出來的同學, 撞傷頭部及一度昏迷, 送院後情況嚴重.
我把這張報紙交給學校的訓導主任, 主任回應這段新聞學校都有留意, 很多謝家長的意見. 我們會商討一如何告誡同學. 結果第二天兒子告知我, 學校在早會時講說這段新聞, 作反面教材, 告誡同學不要亂跑亂撞.
出了事更要告誡同學, 下次不要這樣, 否則可能有更嚴重的事會發生.
更要教識小朋友要做負責的, 做錯事要認, 要為自己做錯的事情而道歉, 告誡自己不要再犯.
做家長的亦要體諒和理解校方的難處, 但我絕希望是辜釋的做法. 以上的新聞就是一個很明顯的反面教材. 試想想如果撞至入醫院的小朋友是你的囝囡. 又或者撞倒人的是你的囝囝囡囡, 那又會有什麼想法? 你會否覺得學校是否不應辜釋的這樣行為? 你會否認為學校為何不早早教好同學. 還是會接受了這個result?
[ 本帖最後由 popokit 於 09-5-20 22:55 編輯 ]
作者: AnitaBao 時間: 09-5-20 22:51
提示: 作者被禁止或刪除 內容自動屏蔽
作者: popokit 時間: 09-5-20 22:52
原帖由 cookingbaba 於 09-5-20 10:13 發表
我的小朋友於數天前在校內上完音樂堂時, 跟住排隊返回自己的課室 , 他排第一行, 左手拿著老師的書本,正於他用右手開課室門時, 排在他隔離的女同學就用手按住門鎖關門並把他的手夾在門與門框之間,之後該女同學再開番 ...
不過樓主我都知你很激氣, 明知女同學講大話, 但真的苦無人証. 就算你要繼續投訴都應該無乜結果. 剛才發現原來女同學已說了對不起, 無論是否誠意, 學校祇能做到這裡.
後果:
一) 女同學變本加勵, 大話愈講愈多, 愈講愈大, 總有一天給她的大話害死自己.
二) 小朋友未必至終年紀太小, 不敢即時勇敢地承認自己的錯誤, 不過心裡知道自己錯, 以後可能會對你小朋友好d, 以感謝你小朋友對她的寬大. 事實祇有她們兩個知道, 祇要她自知自己錯, 已未嘗不是一件好事.
可以解釋給囝囝聽, 寬大有時也可以是感化別人的心, 令她知錯, 也許可以為此而多了一個知心朋友呢!
[ 本帖最後由 popokit 於 09-5-20 22:54 編輯 ]
作者: 已刪除用戶 時間: 09-5-20 23:04
學校處理過, 女同學唔認, 學校可以點? 雖然個答覆係有d官腔, 亦可以理解
如果係我, 我會要求校方認真向小朋友解釋事情嚴重性, 意外又好貪玩又好咩都好, 好應該向受傷同學道個歉, 呢個係令小朋友明白咩叫合理consequence, 另一方面, 度門夾到手可以引致嚴重效果, 老師更加應該令小朋友明白, 而家有個活生生教材可以利用tim
我唸樓主你唔好將focus放o係"天理/公理", 而家羅生門一人講一樣, 爭辯落去大家都係輸家, 不如向前看啦
原帖由 popokit 於 09-5-20 10:24 PM 發表
這件事是校方的處理手法出了問題, 做錯事要小朋友承認, 無論是什麼原因, 原因祇是讓這事是情有可原, 而不是不用負責.
我們明白小朋友碰碰撞撞, 總是少不免了, 每次到學校做家長義工(低年級), 見老師和主任日日叫 ...
作者: BookloverJ 時間: 09-5-21 11:57
提示: 作者被禁止或刪除 內容自動屏蔽
作者: G-Ma 時間: 09-5-21 12:31
退一步, 海闊天空!
作者: Skywan 時間: 09-5-21 12:58
Agreed! Booklover & G-Ma
我亦明白樓主的心情- 很激氣, 但校方也有就事件作出處理, 只是處方法未能令你釋懷!
你撫心/試想想你究竟想要什么的結果或什么的公道?
於缺第三目擊証人情況下, 吾通你真系想那個女同學被校記缺點? 大過? 又或真想報警?
如果不是, 那你於這個平台宣洩不滿及得到了各他家長的共鳴! 真的如 G-Ma "退一步, 海闊天空!", 勿再影響自己及小朋友的心情吧!
[ 本帖最後由 Skywan 於 09-5-21 12:59 編輯 ]
作者: cookingbaba 時間: 09-5-21 13:02
今次事件我都知係貪玩而發生意外,小朋友做錯事一定要比佢知道錯咩及加以指導, 如果細個唔教,等到佢成長時就好難教, 我已經教導個仔佢都係貪玩而出意外,佢承認錯失可以原諒佢,但係而家唔認同推卸責任,連受傷者眼白白見到,校方都話一定要第三証人,我個仔都有犯錯,佢都勇於承認,仔仔都問點解明明睇住佢關門夾到我受傷,佢都可以唔認??是否做錯事唔認就得,我時常都有指導教導仔仔做錯事唔緊要,但一定要認,等佢知道每件事的利與敝,下次唔好再犯, 今次我只係要番個公道,校方對呢件事處理係有問題,而家係受傷,唔係一般碰撞,小朋友的骨好脆弱,可大可小,真係針唔吉到肉唔知痛,受傷之後隻手咩都估唔到,佢自己都有唔好既情緒,睇到都好傷心好痛,如果殘廢左你話點攪 , 我日日都有同佢開解及比佢適當既指導,仲有兩年先上中一,我都唔想比佢知道老師是這樣的處理,我都唔會比佢知道去信教育署或其他部門,唔好令仔仔誤會以為有咩事發生都可以咁做就得.
最終我都係想攞番個公道,亦都唔係要該女同學要記小過或大過,只係要佢知道咩叫責任.....
作者: 黃巴士 時間: 09-5-21 13:13
用別人的過錯來懲罰自己.
作者: ceomum 時間: 09-5-21 13:31
樓主只是想善意提醒你，你攪到咁大，你估老師學校會點睇，有些事情你跟唔會知道到亦控制唔到，你小朋友日後係學校的日子點過?
你都話係意外，而且又無其他人睇到，最終比你攞番個公道咁又點，可能最終你會得不嘗失。
作者: connieqwah 時間: 09-5-21 15:34
up up up up
作者: km1357 時間: 09-5-21 16:49
原帖由 ceomum 於 09-5-21 13:31 發表
樓主只是想善意提醒你，你攪到咁大，你估老師學校會點睇，有些事情你跟唔會知道到亦控制唔到，你小朋友日後係學校的日子點過?
你都話係意外，而且又無其他人睇到，最終比你攞番個公道咁又點，可能最終你會得不嘗失。 ...
Agree X2
作者: G-Ma 時間: 09-5-21 17:08
agree x 3
其實你仔仔點解會擺隻手係門邊, 呢個都係危險動作, 就算無小朋友推撞, 可能大風一吹度門都會夾到手, 趁機會要教導下仔仔下次要有d危機意識, 咁發生意外既機會就少d.
再者個女仔喊得咁厲害, 我相信佢都好驚同埋知道自己有錯.
原帖由 km1357 於 09-5-21 16:49 發表
Agree X2
[ 本帖最後由 G-Ma 於 09-5-22 11:36 編輯 ]
作者: 貴花田711 時間: 09-5-21 18:59
樓主曾經喺另一個topic提過對學校不滿, 請問樓主而家講緊嘅係咪同一間學校呢?
作者: beckhamtam 時間: 09-5-21 22:46
每次我見到我的孩子在學校受傷, 我會問為什麼?孩子通常第一句只答: 被人撞跌。跟住再問為什麼被人撞? 因為別人跑得快。
問到此;我們做家長心中已有答案,"因為其他孩子奔跑而撞倒自己的小孩 , 我的小孩是『受害者』" 但事實 - 是自己的孩子跑出班房,沒有看清楚環境,因而與同學相撞。
小朋友很聰明, 他們懂得"避重就輕"去描述事件, 雖然他有受傷,但也知自己理虧, 自然會將某些情節刪去。
每個父母都愛錫子女, 甚至要對他們作出信任, 但當有意外/事發生時, 自己又不在場, 只可以從客觀/正面去為孩子處理。意外就是意外, 我相信兩位孩子都不希望發生, 從今次的經驗, 學懂怎樣保護自己。
作者: G-Ma 時間: 09-5-22 11:46
可能兩個小朋友已經唔記得呢件事, 宜家已經做返好朋友係學校玩緊都唔定, 執著既只係大人自己而已.
作者: BookloverJ 時間: 09-5-22 12:38
提示: 作者被禁止或刪除 內容自動屏蔽
作者: KK07 時間: 09-5-22 13:00
同意同意. 何必太執着. 有時小孩子間的爭執, 讓他們自己處理, 這也是學習與人相處之道.
作者: 黃巴士 時間: 09-5-22 13:31
讓小朋友感受寬大及原諒, 不是更好嗎???
作者: dad1234 時間: 09-5-22 17:42
原帖由 cookingbaba 於 09-5-20 10:13 發表
我的小朋友於數天前在校內上完音樂堂時, 跟住排隊返回自己的課室 , 他排第一行, 左手拿著老師的書本,正於他用右手開課室門時, 排在他隔離的女同學就用手按住門鎖關門並把他的手夾在門與門框之間,之後該女同學再開番 ...
樓主只聽自已小朋友一面之詞,會唔會遲些個女同學家長又開個Topic大呼(天理何在 公道何在?)
作者: 黃巴士 時間: 09-5-22 17:58
我唸不要挖苦樓主了, 她的小朋友受傷, 已經很HARM了!!
可能這事發生在自己身上, 都會咁憤怒.
作者: sk889910 時間: 09-5-22 18:03
值得學習！
原帖由 漢堡飽 於 09-5-20 18:45 發表
如果這事情實如你所說，我相信那小女孩一世都會記得，一世都會唔安樂。有無認錯是她的事，唔認，將來損失會是她。
你不需要太執著。畢竟她只個細路，她的感受及恪印絕不比你小孩細。
嘗試向你小朋友分析，事件引致的後果，同學處理 ...
作者: BookloverJ 時間: 09-5-22 18:43
提示: 作者被禁止或刪除 內容自動屏蔽
作者: 漢堡飽 時間: 09-5-22 20:06
其實大家的看法已很清楚。樓主請不要太執著，事情之會發生，我肯定雙方都有錯。唔好以為自己的子女一定對。孩子一定話自己好乖好小心，事實是否如此，我相信你都知。
就算是真的，今次亦無法幫到孩子討回公道，亦無大不了，讓孩子體會世界就是這樣，不一定每事都公平，正義必勝。
煩悶只是家長，不是孩子！
作者: G-Ma 時間: 09-5-22 22:56
所言甚是! 學懂"放下", 生活都愉快d.
原帖由 漢堡飽 於 09-5-22 20:06 發表
其實大家的看法已很清楚。樓主請不要太執著，事情之會發生，我肯定雙方都有錯。唔好以為自己的子女一定對。孩子一定話自己好乖好小心，事實是否如此，我相信你都知。
就算是真的，今次亦無法幫到孩子討回公道，亦無大不了，讓孩子 ...
作者: 貴花田711 時間: 09-5-22 23:09
現今的孩子是幸福還是可悲??
作者: PenguinBoBo 時間: 09-5-23 03:32
提示: 作者被禁止或刪除 內容自動屏蔽
作者: cookingbaba 時間: 09-5-25 17:10
多謝各位的關心,校長已親自處理左件事,校長回覆既同當日訓導主任+副校回覆既真係大大不同,好彩有個包青天,這女同學已經承認左係佢貪玩之下發生今次意外,已同阿仔道歉及原諒佢,仔仔都原諒左佢,及叫佢以後做錯事要勇於承認,不可推卸責任.校長話會再同訓導主任及副校長溝通日後對每件事的處理情序,佢都知道今次既調查係有D問題,我地都唔須要對方賠償啲咩,希望日後校方處理事件都要認真+公平+公証...
作者: HPChingchingma 時間: 09-5-25 18:37
也不用到 < 天理何在, 公道何在 ＞ 咁樣字眼．
以為好大件事．
[ 本帖最後由 HPChingchingma 於 09-5-25 18:38 編輯 ]
作者: 貴花田711 時間: 09-5-25 19:01
原帖由 HPChingchingma 於 09-5-25 18:37 發表
也不用到 < 天理何在, 公道何在 ＞ 咁樣字眼．
以為好大件事．
唔係咁又點吸引人呀! 
其實樓主係另一個topic 講過佢個小朋友間學校 (如果係同一間), 樓主有表達過佢對學校嘅訓導主任不滿, 
自然佢同樓主講啲mud , 點樣解釋, 樓主都有可能認為唔滿意, 咁嘅情況下,當然要最高領導人出來調解, 先至可以令樓主滿意la!
不過又好難講嘅, 有時我哋去酒樓食飯, 遇到個侍應唔好, 都會話"叫你經理出黎"見我
據我所知,樓主個小朋友讀嗰間學校(如果仍然係同一間)喺區內都好搶手, 既然樓主當日幫個小朋友插班,理應先了解過學校嘅教育理念,認同學校先至會幫個小朋友轉校,絕對唔會貿貿然走去考??
點解會咁多不滿, 其實樓主有無後悔過呢??????
作者: 277177 時間: 09-5-26 16:33
提示: 作者被禁止或刪除 內容自動屏蔽
作者: Reximom 時間: 09-5-26 16:50
提示: 作者被禁止或刪除 內容自動屏蔽
作者: peggylee123456 時間: 09-5-26 17:03
去年家長會，校長己花了時間談及在令公子的事件，我覺得校方並無不妥，可能你在入學前不知道學校注重紀律，你揀錯學校了，我囝囝和其他同學一樣經常被警告，但囝囝和其他同學眞係做錯事或頑皮，有人教我個囝囝向好，求之不得。
令公子這次受傷，是否要有人頭落地？
天理何在 公道何在，語氣是否過重了。
作者: popokit 時間: 09-5-26 18:03
有時想.....妥協也倒是一種藝術, 改變不到的事情也得要接受, 問題是你是否有盡過力去改變.
其實我很欣賞樓主的那份執著, 堅持是要付出代價的. 為自己認為對的事而堅持, 讓囝囝學到不平則鳴的道理, 也不要退縮. 這件事若不是樓主堅持下去, 可能也是不了了之. 真正的真相永遠埋葬.
可能樓主這份執著會感染了囝囝日後的想法, 伸延至為其他不平的事也會抱不平, 說不定他日囝囝會當我們的領袖, 為我們的老伯姓發聲, 為我們而堅持.
[ 本帖最後由 popokit 於 09-5-26 18:05 編輯 ]
作者: 貴花田711 時間: 09-5-26 19:09
原帖由 popokit 於 09-5-26 18:03 發表
有時想.....妥協也倒是一種藝術, 改變不到的事情也得要接受, 問題是你是否有盡過力去改變.
其實我很欣賞樓主的那份執著, 堅持是要付出代價的. 為自己認為對的事而堅持, 讓囝囝學到不平則鳴的道理, 也不要退縮. ...
如果真是『不平則鳴』就最好,但 .......真正的答案似乎無人會知道:idea: :idea:
作者: Homade 時間: 09-5-27 00:33
我覺得樓主嘅處理手法都係人之常情啫，有好多家長都覺得樓主太激，我覺得樓主冇乜野呀，佢都只係想為自己個仔取番個公道啫，咁都唔得。今次嘅意外算是好彩，冇斷手斷腳，如果個女仔第日又掛住玩整傷人，不過今劑大劑D，
身體傷殘，咁我地係唔係又大方D原諒個女仔，唔好叫佢向受害者道歉，又或者唔好好地教導佢，費時又嚇到佢喊，咁又係唔係一個正確嘅處理手法。正所謂勤有功，戲無益，無論有心或無意，整傷人就要反省，細嘅唔識，做大嘅都應該教導吓個細，掉轉如果個受害者係自己個囝囡，咁係唔係就當自己個囝囡唔好彩，下世投胎再做返個完整嘅人。
作者: HPChingchingma 時間: 09-5-27 00:50
其實我唔係好關心這件事咋的.
只係見到 ＰＬＫ 邊間咁無天理學校而已.
老實講 , 我仔仔也遇到差不多的事件.
話說有一次亞仔向老師位交功課 ,
就撞正一回頭的女同學咀下唇.
而我亞仔個額都有損傷
果位家長那幾天不停向校長投訴
指為何沒有按排我方當天到醫院,
向他的和女兒道歉
又話要投訴老師為何要同學行出去交功課
老師維持班房秩序有問題
太遲通知佢才按佢意思去急証
亞女日後有破傷要賠償
要求校長交報告 .....
後來校長叫我地 2 公婆到學校詳談才知咁多事.
其實當天己知出事, 只不過老師沒有在電話講咁多
我地就話, 不如由我地 call 佢, 講< 對唔住 >先.
其他的投訴, 由校方負責
講真 , 唔連針仲好過連 , 口部的損傷自行埋口靚好多.
校長在處理這件事手法是非常好.
記得校長係有去到醫院
因她覺得那時大家都未了解成件事.
我方又未必要在那一刻要到醫院迎候
故她自己先行動而避了家長的發難
校長說調查成件事中,
同學仔都知我仔仔不是有心 開快車 .
過程中, 我個仔仲嚇得面青青 , 口震震 .
校長都說我個仔也是傷者 .
反而安排我個仔要做輔導.
有時真好怕一些敏感家長 .
不要令校方和另一方家長難做, 難堪
所以我們不要緊張到而忙亂出錯 , 待靜思後才自得
講講下, 講左自己的 case .
sorry !
作者: dad1234 時間: 09-5-27 02:47
原帖由 popokit 於 09-5-26 18:03 發表
有時想.....妥協也倒是一種藝術, 改變不到的事情也得要接受, 問題是你是否有盡過力去改變.
其實我很欣賞樓主的那份執著, 堅持是要付出代價的. 為自己認為對的事而堅持, 讓囝囝學到不平則鳴的道理, 也不要退縮. ...
係真相定係息事寧人?重係未知之數
作者: 貴花田711 時間: 09-5-27 09:23
原帖由 Homade 於 09-5-27 00:33 發表
我覺得樓主嘅處理手法都係人之常情啫，有好多家長都覺得樓主太激，我覺得樓主冇乜野呀，佢都只係想為自己個仔取番個公道啫，咁都唔得。今次嘅意外算是好彩，冇斷手斷腳，如果個女仔第日又掛住玩整傷人，不過今劑大劑D，
身體傷殘，咁我 ...
成件事只有樓主個小朋友與另一位女同學在場, 樓主只聽自己個小朋友講事發經過, 見到嘅只係個結果『個小朋友隻手受左傷』,但成個過程究竟係點? 只要是但一方講大話, 就永遠無人知道真相。
小朋友係要教, 但唔係淨係教人地個小朋友,係要教自己個小朋友要小心保護自己, 有事發生要誠實報告真相, 就算係人地唔o岩,都要學懂大方d， 將來出來社會做事對自己都有益處。
作者: 貴花田711 時間: 09-5-27 09:27
原帖由 dad1234 於 09-5-27 02:47 發表
係真相定係息事寧人?重係未知之數
可能係息事寧人, 可能係............
如果真係為咗息事寧人, 咁咪縱容咗某d人
作者: Reximom 時間: 09-5-27 09:34
提示: 作者被禁止或刪除 內容自動屏蔽
作者: Homade 時間: 09-5-27 09:58
原帖由 Reximom 於 09-5-27 09:34 發表
開個新名呢撐自己, 呢個樓主真騎呢!
樓主,
細路仔絕大部分玩起上呢都會忘哂形架, 個女仔今日道左歉, 明日可能已經唔記得, 而且學校仲有過千個未俾你教導過既細路, 令公子係學校真係危機四伏架, 點止會 ...
最討厭有D人成日話人另開個新account出文，唔通新人開個account入嚟討論都要舊人批準咁霸道。
你唔鍾意樓主嘅論文係你嘅事，唔關我事，唔好新人一出文就話人換新份。
作者: davidmimi 時間: 09-5-27 10:11
原帖由 Reximom 於 09-5-26 10:51 發表
人地問資深的 BK fans 噃, 你登記BK得幾個月貨仔又學人答!
鬼叫你成日改名扮第二個人上BK咩, 你用番minicat個名咪可以做番資深的 BK fans 囉!
...
原帖由 Reximom 於 09-5-18 11:50 發表
davidmimi/ minicat/akina123/ Johnny_cytang/ easycome....(佢既變名繁衍, 恕未盡錄),
b-7 既言論有時係過火d, 不過都唔及你咁差, 係一個topic 開幾個名呢愚弄其他家長...
我都係受害者!!!!
作者: peggylee123456 時間: 09-5-27 10:14
原帖由 davidmimi 於 09-5-27 10:11 發表
我都係受害者!!!!
作者: peggylee123456 時間: 09-5-27 10:24
原帖由 Reximom 於 09-5-26 16:50 發表
依家最後悔既可能係收佢插班既校長, 收左個有鋪投訴癮既家長, 簡直自找麻煩, 捉左隻老鼠入自己米缸!
成件事都是意外，校方都係找一個平衡點。
個小朋友長大後有陰影。
我 P1 時整傷個同學，現仍記得。
作者: davidmimi 時間: 09-5-27 10:27
佢成日都話我係minicat....我已經當佢透明,一定唔會直接回佢,佢只係想吵架...我唔會中佢計.
作者: Reximom 時間: 09-5-27 10:28
提示: 作者被禁止或刪除 內容自動屏蔽
作者: Reximom 時間: 09-5-27 10:42
提示: 作者被禁止或刪除 內容自動屏蔽
作者: Homade 時間: 09-5-27 20:27
原帖由 Reximom 於 09-5-27 10:42 發表
又難怪你覺得討厭既, 俾人踢爆嗎, 係我都唔happy啦!
好心唔好係度扮醒目啦，成日話人扮呢個，扮嗰個，話之你繼續鬧樓主，總之唔好係度撩事鬥非，硬話我係樓主化身，你有你講，我有我講，唔好講到自己好醒咁，博出位呀！
作者: Homade 時間: 09-5-27 20:39
最衰你呢種人，人地個個家長都係度互相交流自己嘅見解，係你咁無聊成日話人交換身份，如果我係樓主化身都無所謂，但係我唔係呢，你知唔知你咁樣講已經得失幾個人，積吓口德啦！
作者: 貴花田711 時間: 09-5-28 11:23
原帖由 cookingbaba 於 09-5-25 17:10 發表
多謝各位的關心,校長已親自處理左件事,校長回覆既同當日訓導主任+副校回覆既真係大大不同,好彩有個包青天...
我覺得大家無需再為這個題目討論,因為樓主已經達到佢嘅目的 ~ 校長已親自處理左件事,樓主都係想借呢個平台要學校比啲反應佢, 既然校長已親自安撫咗呢位家長,我相信再有任何討論, 樓主都唔會有回應
不過我反而替有關校長擔心, 日後再有啲mud嘢發生, 家長們一定會『有樣學樣 』上嚟bk嘈一餐, 鬧一餐, 個個都話要~校長已親自處理左件事, 咁樣校長要派籌接見至得law, 學校其他嘢就唔使理 最終........唉....
作者: peggylee123456 時間: 09-5-28 12:15 標題: #74
上次家長會，校長說佢信任下屬工作能力，包括老師，主任，副校長等。
好多家長都明白事理，具獨立分析能力嘅。不會有任何事情都話要去教育局解决。
杯茶凍咗都要見酒樓經理。
將來小朋友成長後，要見警務處長解决。
作者: peggylee123456 時間: 09-5-28 23:29
每個月如果比風紀摘名12次記一缺點,三缺點一小過,三小過一大過.....已有很多學生都有缺點及小過,不是嚴是要求太高,以我所知有一小一學生其中一個月內已經摘左60次名...20日學平均一日3次,我的小朋友已足足罰左兩個月都全無小息及午間活動,輪住比各科老師罰, 時常話佢表現不佳等等...用左呢個方法罰左咁耐如無改善應改用其他教學方法....一味困住佢攪到佢都唔想番學及出現左想尋x的方法...後同校方討論情況,校方又給該位小朋友一張每天上堂的表現記錄表,最高5分,取得全日8成可享有第二日的小息,第一天開始所得的分數是5分4.5分4分等等,往後數日分數都相差不多,如是這樣,為何要困住兩個月呢??或是否聽到小朋友的有所思想,驚有事發生才這樣做呢??相信要他們才知道,本人不排除會保留向教統局及有關部門投訴..
以上是樓主前一次的投訴，我 copy & paste 過這一版，似是三句講唔埋，就会用向教統局及有關部門投訴.....殺手鐧去壓人。
我係佢老師，都感到氣餒。
家校合作，不再存在。
相信還有許多次投訴，才能完成小學課程。如: 未能入精英班，冇獎攞，我个仔失去珍貴財物，被同學欺凌，在校被岐視，个座位太後，不是大堂中座等
作者: CHUCHU 時間: 09-5-29 01:04
細時,如果同小朋友爭吵等,無論是否對錯,母親定必先向人家道歉,然後回家才安慰我,當時我感到很不憤氣,後來一路成長反而漸漸欣賞母親的做法.
現在的母親很少很少會這樣做了!
定必追究到底..................呢!
要學寬恕吧!
作者: HPChingchingma 時間: 09-5-29 18:20
原帖由 貴花田711 於 09-5-28 11:23 發表
我覺得大家無需再為這個題目討論,因為樓主已經達到佢嘅目的 ~ 校長已親自處理左件事,樓主都係想借呢個平台要學校比啲反應佢, 既然校長已親自安撫咗呢位家長,我相信再有任何討論, 樓主都唔會有回應
不過我反而替有關校長擔心, 日後再有啲mud嘢發生, 家長們一定會『有樣學樣 』上嚟bk嘈一餐, 鬧一餐, 個個都話要~校長已親自處理左件事, 咁樣校長要派籌接見至得law, 學校其他嘢就唔使理 最終........唉....
都不會吧 !
始終係有家長企在客觀的線上發言.
but 都係嘈左一餐先, 不歡而散.
作者: HPChingchingma 時間: 09-5-29 18:33
原帖由 CHUCHU 於 09-5-29 01:04 發表
細時,如果同小朋友爭吵等,無論是否對錯,母親定必先向人家道歉,然後回家才安慰我,當時我感到很不憤氣,後來一路成長反而漸漸欣賞母親的做法.
現在的母親很少很少會這樣做了!
定必追究到底.................. ...
你的見地跟我一樣.可是現在一定追究到底的家長佔大大大多數.而令此樣的行為日漸變為大眾的正確想法 .
又比如小朋友是喜歡跑跑跳跳的 ,
只要教曉小朋友小心及看環境便可,
可是真有家長視此小朋為壞樣
而要跟此小朋友疏遠.
真悲哀 !
大人錯誤的價值觀己日漸浸染給小朋友.
作者: Reximom 時間: 09-5-29 22:50
提示: 作者被禁止或刪除 內容自動屏蔽
作者: Reximom 時間: 09-5-29 22:57
提示: 作者被禁止或刪除 內容自動屏蔽
作者: Homade 時間: 09-5-30 01:15
原帖由 Reximom 於 09-5-29 22:57 發表
SO WHAT?
你咁火滾, 就更加証朋你係樓主啦!
每討論一件事情，梗係有正面同反面嘅見解，我企係另一邊唔代表我支持樓主，至於好似你呢種小人，咁鍾意屈人食死貓，我就睇唔出你會點教得好你d小朋友，因為物似主人形， 我唸你d囝囡都會好似你咁屈得就屈， 我估你係一個牆頭草嘅人，邊度多人支持就去邊度，我估你做人一定冇原則，連教你嘅小朋友都係斷估，我估你精神有d問題，鍾意疑神疑鬼，成日懷疑呢個懷疑嗰個，嗱！我咁多斷估你係唔係好鐘意呢，如果我係估錯咗你，你都唔好嬲喎，因為你都係咁估人！ 重有，我平時都有入開嚟睇文，不過就冇註冊到，只係今次路過見到這個topic，想入嚟講幾句，未見過d家長好似你咁衰，亂攞人個id玩針對，犯晒版規，我有得罪你咩，先撩者賤，你唔同意樓主嘅說話，可以向樓主挑戰，唔關我事，唔好再攞我個id同樓主扯上任何關係，唔好再撩是鬥非，你係度扮咩啫，係咪想話俾人聽你係度嘅江湖地位，你係唔係儍架！:;pppp::;pppp::;pppp:
作者: davidmimi 時間: 09-5-30 08:25
http://forum.edu-kingdom.com/vie ... &page=2#pid26416513
佢不止一次,而係經常...search下找到了,無謂同佢拗....盞中佢計!!
分身呢招佢用得最多...有親佢的post,就自然會有xx & yy..!!
這裡係討論子女學業的,當佢透明吧...
作者: davidmimi 時間: 09-5-30 08:42
樓主,
1個角度講..你是在維護公義...
但另1個角度...你是扭曲緊子女的校園生活...
有冇同學願意和"玻璃孩子"做朋友呢? 我常教導女兒,你可以同成績差/操行差的同學玩,揀朋友不用太勢利,但不可與"玻璃孩子"玩,我唔想下下去學校幫你解圍...
作者: Reximom 時間: 09-5-30 09:23
提示: 作者被禁止或刪除 內容自動屏蔽
作者: cookingbaba 時間: 09-5-30 15:38
原帖由 Homade 於 09-5-27 09:58 發表
最討厭有D人成日話人另開個新account出文，唔通新人開個account入嚟討論都要舊人批準咁霸道。
你唔鍾意樓主嘅論文係你嘅事，唔關我事，唔好新人一出文就話人換新份。 ...
各位,唔使咁勞氣,每人都有唔同既方法角度去教導及愛自己仔女,睇完唔啱既可以唔使理佢,我地有我地討論,由得佢自已講....另一位樓主都講你回應佢就仲左佢計.例子:我個朋友住係天水圍,佢個仔係一年級(即六歲)已經由得佢自己係天水圍過幾條馬路之後再坐輕鐵番元朗學校,番放都係一樣,你們放心嗎?我地只係用呢度黎傾訴下,討論下,唔好評擊其他人的文章,每人的觀點角度不同,保持和諧的討論:loveliness:
作者: MANFUN2010 時間: 09-5-30 16:39
我反思了一點點...
如果弄傷你仔的女孩是你的親戚, 相信樓主的態度會截然不同, 對嗎 ?
作者: popokit 時間: 09-5-30 20:40
原帖由 MANFUN2010 於 09-5-30 16:39 發表
我反思了一點點...
如果弄傷你仔的女孩是你的親戚, 相信樓主的態度會截然不同, 對嗎 ?
我唔知樓主是否會截然不同的處理。 如果女孩是我的親戚, 我更加會咁做, 因為我係更加愛佢, 我更要佢做一個有承擔和負責任的人。
[ 本帖最後由 popokit 於 09-5-30 21:04 編輯 ]
作者: 貴花田711 時間: 09-5-30 23:32
原帖由 cookingbaba 於 09-5-30 15:38 發表 每人的觀點角度不同,保持和諧的討論
.
既然樓主咁講, 又點解會用到『plk ---天理何在 公道何在???』咁誇張嘅字句???
既然樓主咁講, 又點解唔可以『保持和諧的討論』同學校溝通???
既然樓主咁講,又點解唔每次都話要保留追求權利???
作者: Homade 時間: 09-5-31 01:39
原帖由 Reximom 於 09-5-30 09:23 發表
俾我踢爆左分身, 樓主, 你依家係惱羞成怒到極點!
我再唔回你啦, 費事俾你可以轉移視線, 拉開話題, 以爛呢遮醜啦!
我嬲咩啫，不過就覺得你幾攪笑，認屎認屁，死唔認衰，成日扮醒目，衰咗就要認，向我道歉一聲咪得囉，咁簡單都唔識。
呀！不如封你做「叻唔切」都好喎，等你第日一出封號咪係人都知你係乜水囉，駛乜成日係度屈人咁辛苦博出位呀。
係囉，學乖d，唔好再同我嘈啦，好似你d咁嘅人，有乜本事啫，只係識得係度屈吓人，自得其樂，再同你嘈，咪盞你自暴其短。
（以上被Reximom所屈嘅樓主，唔係我想同佢嘈，只係呢d衰人係唔可以放過，而且我都係做緊善事咋，費時佢越玩越過隱，將佢d下一代教到個個好似無賴咁，只係識得強詞奪理，含血噴人，咁就無晒前途，無晒希望啦！）
作者: MANFUN2010 時間: 09-5-31 11:37
我想問版主, 呢個topic係比人用來討論問題, 還是用作罵戰, 好煩 !
如果要玩罵戰, 就自己開個topic玩, 唔好係呢度搞搞陣 !
超討厭, 有品就好收工哪 !
作者: MANFUN2010 時間: 09-5-31 12:00
站在我的立場, 小朋友一起玩耍, "間中"的受傷難免的了, 在我的家族裡也屢見不鮮, 周時為爭一個玩具, 你一搥, 我一腳, 幾個小朋友放喉大哭, 互數對方不是, 我們都只會立即把自己的小朋友拉開, 斥責自己的小朋友, 向他們說不對的地方. 並要他們承認錯誤...
但很多時, 這個寬容未必可以一視同仁, 總覺得給人家抓了一把很倒氣, 不弄個交待及懲罰難洩心頭之憤.
那年我女p4, 學校突然打了個電話來, 說她被一個同學撞倒在地上, 有流鼻血及暈眩, 經過兩小時的觀察, 她沒有嘔吐及暈眩, 老師問我需否去看醫生, 當時我說了放學後會帶她去看, 後來老師跟我說已警戒了那個同學, 而我也相信學校的管治能力, 我沒有追究, 畢竟大家都是小學生, 玩起上來顛狂一點倒會, 我亦多加警惕女兒, 要防範這些頑皮的同學.
原帖由 popokit 於 09-5-30 20:40 發表
我唔知樓主是否會截然不同的處理。 如果女孩是我的親戚, 我更加會咁做, 因為我係更加愛佢, 我更要佢做一個有承擔和負責任的人。
[ 本帖最後由 MANFUN2010 於 09-5-31 12:01 編輯 ]
作者: Homade 時間: 09-5-31 12:55
原帖由 MANFUN2010 於 09-5-31 11:37 發表
我想問版主, 呢個topic係比人用來討論問題, 還是用作罵戰, 好煩 !
如果要玩罵戰, 就自己開個topic玩, 唔好係呢度搞搞陣 !
超討厭, 有品就好收工哪 !
乜我冇討論問題咩，只係有人覺得人地持相反意見便亂扣人帽子，究竟邊個係度搞搞顫搞人先，有品嘅和有分析能力嘅家長都唔會咁做，先撩者賤，我做人係有原則嘅，我完全冇扮另一個人，做乜要俾佢指指點點，人身攻擊啫。你講得冇錯丫，呢度係用嚟俾人討論問題嘅，我唔會理人開千個、萬個account來出文，話之佢亦正亦邪，我只會依文來討論，犯不著去攻擊人撩交嗌，所以並唔係凡事都啞忍就好，要適當時候做番d適當嘅嘢。
作者: Homade 時間: 09-5-31 13:17
重有再想講多句，就係因為有Reximom呢種無聊人，令到一d真係新人開個account入嚟討論，就俾人當作別人分身，幾無癮，重有我唔想俾人亂扣帽子，唔想俾人當作樓主嘅言論就係我嘅言論，樓主嘅為人就係我嘅為人，唔好以為我持相反意見，就代表我完全support樓主，因為有d人只會道聽途說，人地話乜就信乜，自己完全冇去揾過證據就信晒人，變晒做幫兇，咁你地話重有冇新人想入嚟討論吓，將心比己，你自己係唔係又咁鍾意比人屈呢，所以呢種風氣絕對唔可以鼓吹。
[ 本帖最後由 Homade 於 09-5-31 14:09 編輯 ]
作者: peggylee123456 時間: 09-5-31 13:34
原帖由 貴花田711 於 09-5-30 23:32 發表
既然樓主咁講, 又點解會用到『plk ---天理何在 公道何在???』咁誇張嘅字句???
既然樓主咁講, 又點解唔可以『保持和諧的討論』同學校溝通???
既然樓主咁講,又點解唔每次都話要保留追求權利??? ...
尊師重道是說不上了，視師長如僕役，你唔聽我個套，我就去投訴你。
你話佢個女同學頑劣，佢都係避開其他同學捉弄，當時佢不清楚自巳做緊什麼至令貴公子受傷。
家校合作，不知從何說起。
如果我係老師，都會將令公子合法地邊緣化。
免得佢將來受傷，又被投訴。
作者: ceomum 時間: 09-5-31 18:59
原帖由 peggylee123456 於 09-5-31 13:34 發表
Agree, 樓主嘅態度真係有問題，每次都話要保留追求權利，三句未講埋，就話要去教統局，保良局教育部去投訴，用說話去壓人，學校怕佢，息事寧人，順吓佢意，得寸進尺。
尊師重道是說不上了，視師長如僕役，你唔聽我個套，我就去投訴你。
你話 ...
非常讚同
作者: G-Ma 時間: 09-5-31 21:31
大家都退一步吧!
作者: Homade 時間: 09-5-31 21:59
只要佢再唔撩是鬥非，我退一步有咩所謂啫。
作者: 漢堡飽 時間: 09-5-31 22:12
我覺得大家討論開始過了火位。
樓主已解決問題，這件事可說是了結。他自己亦滿意校方安排。
我們只表示表達意見，而不是硬要說他的做法有問題。
另外又有人在這裡無事生非，另好好的討論失去意義。
我覺得大家應該停止了。這個題目應該完了。
作者: peggylee123456 時間: 09-5-31 23:39
原帖由 漢堡飽 於 09-5-31 22:12 發表
我覺得大家討論開始過了火位。
樓主已解決問題，這件事可說是了結。他自己亦滿意校方安排。
我們只表示表達意見，而不是硬要說他的做法有問題。
另外又有人在這裡無事生非，另好好的討論失去意義。
我覺得大家應該停止了 ...
以上是樓主的發表。
所以我對樓主的言論反感，他幾時有對過學校保持和諧的討論呢? 我要保留追究權利，要去教統局 和PLK 教育部投訴，這就是樓主的殺手鐧。
這間學校超難入，樓主都是慕名而來去安排貴子弟做插班生，校長是一個有非常進取心的教育專業人仕，我多次聽他的演說，非常認同和感動。
身為家長理應愛護學校，珍惜學校聲譽，不是拆爛污。
其實 TKO 有許多好小學，你何必一定要讀 PLK，再轉多一次校豈不更佳，咁咪唔使勞氣。( 這一段學校不夠胆講，但是學校的心底話，我代佢地講 )
上次樓主去 BK 的全港小學區 貼 post 投訴，但那邊人氣遠不及 小學雜談，這可見樓主的工於心計。
網絡虛擬，一人化幾多十身，己不重要，道理只得一條，
希望樓主回應你點解咁做。
事情相信未了結，樓主這一次並不是最後一次投訴。
[ 本帖最後由 peggylee123456 於 09-6-1 06:38 編輯 ]
| 歡迎光臨 教育王國 (/) |
Powered by Discuz! X1.5 |