教育王國

標題: 學校在明報刋登的招聘廣告 [打印本頁]

作者: 灰太狼 時間: 09-5-19 23:01 標題: 學校在明報刋登的招聘廣告

以下內容為我們學校在明報登的招聘廣告, 大家看看吧!

A Direct Subsidy Primary School in Tin Shui Wai

Invites you, teachers with a heart, to share your experience and join our team in nurturing young children, starting in September 2009.

Descriptions

Teachers of all subjects and a Teacher Librarian

We are looking for Teachers of all subjects and a Teacher Librarian

Applicants are to have an excellent command of either English or Putonghua.

Language teachers should have LPAT

A professional teaching qualification is preferred.

Native Speakers of English or Putonghua with teacher training are welcome to apply.
大家可click入下網板看原稿 :
http://jump.mingpao.com/cfm/JobSearch3.cfm?AdID=230936

請留意學校所招聘的對象為所有科目的老師, 而非特定科目, 為何呢? 莫非巧合地所有老師都要離職?

作者: 天使^^魔鬼 時間: 09-5-19 23:45

原帖由 灰太狼 於 09-5-19 23:01 發表
以下內容為我們學校在明報登的招聘廣告, 大家看看吧!

A Direct Subsidy Primary School in Tin Shui Wai

Invites you, teachers with a heart, to share your experience and join our team in nurturing young ...

咦！以我所知按照慣例，我哋啲老師如果係咁啱約滿，呢個5月份就應該同校長傾續約嘅。
但聽聞啲老師仍然未知自己有無得續約，校長又唔同佢傾。搞到都唔知點算，要放低多年係<李小>所累積的又唔捨得，錯過呢段時期唔去見工又驚下學年食穀種…………

唉！可憐．．．

作者: 貓仔媽媽 時間: 09-5-19 23:51

睇左咁耐實在忍唔住要出聲, 好心你地唔好再亂咁估, 嗡得就嗡, 登報請人有咩出奇?? 廣招人材又有咩唔岩?? 年年都差唔多係依個時候登報, 有咩奇??

從未見過有人坐係條船, 見到"好似"有鯊魚游緊黎, 自己已驚到左搖右擺不特止, 再搧動四周既人同你一齊搖, 就算船家幾努力掌舵, 隻船遲早實俾你地整反. 受害既咪又係自已.

作者: 天使^^魔鬼 時間: 09-5-20 00:22

[quote]原帖由 貓仔媽媽 於 09-5-19 23:51 發表

睇左咁耐實在忍唔住要出聲, 好心你地唔好再亂咁估, 嗡得就嗡, 登報請人有咩出奇?? 廣招人材又有咩唔岩?? 年年都差唔多係依個時候登報, 有咩奇??

從未見過有人坐係條船, 見到"好似"有鯊魚游緊黎, 自己已驚到左搖 ... [/quote

你唔好咁嬲啦！
你要明白我哋啲小朋友仲係度讀緊，所以心情有幾咁複雜同無助！

希望你能理解！

作者: 家熹媽咪 時間: 09-5-20 04:43

Dear all :

我好專重BK 或者
李宗德既家長/老師/校長等 … 但同時都好希望大家都可以互相專重 !

喺網絡世界入面 , 大家唔敢用真名 , 唔敢用自己舊A/C 去發言 ,
我絕對明白 , 你地怕校方會知 , 怕唔可以暢所欲言 …
呢一點都唔重要 , 但希望各位用新A/C 發言既家長 ,
對自己所講既說話都可以負上責任 , 如果你地所知道既事實 ,
係你地親眼見 , 親耳聽既 , 我絕對歡迎大家公開有關事項 !
就如阿KEN 一樣 , 佢選擇得將件事同大家分享 ,
就足以証明佢有晒心理準備要負責 !
有D 家長熱心 , 愛鍚老師我可以理解 ,
但事情背後係咩 ? 有冇人肯定 ? 係老師問題 , 定係校長問題 ? 邊個知 !
作為老師 , 將呢件事私下同家長講 ,
再由家長出面 , 出信 , 打去李宗德先生度 ,
平心而論 , 我會覺得好有問題 ! 但 , 以上都唔係我親眼見 , 親耳聽 , 呢d 又係傳言 …. 就如我當初所講 , 如當時人覺得佢被不公平對代 ,
有人用自己既權力去壓老師 , 迫老師做佢地唔想做既事 ,
相信 , 佢地都識得去教局或者平機會 , 再唔係搵ICAC等…部門處理 ,
而唔係將件事同家長講 , 再由一班熱心 / 單純既家長去出面 !

家長們有幾愛鍚老師 , 就呢件事去睇 , 大家絕對唔會質疑 ! 但家長有幾了解老師 ? 我唔知 , 更唔想知 !

一間學校既經營唔易 , 家長們將小事化大 , 大事化到更大會係好事咩 ?
我都睇唔出對自己同小朋友會有咩好處 ! 學校有問題係要面對 , 而唔係落井下石 ! 李小好多家長都對李小超級不滿 , 但點解會繼續留低 , 因為大家心目中都知道 , 李小唔係冇可取之處 !

大家都有自己既生活壓力 , 既然係咁 , 點解唔想方法去減壓 , 而要自制麻煩 ! 一個人既快樂唔係佢得到多少 , 而係佢計較得少 !

就算唔係BK , 可能有其他平台都會有呢D事發生 , 要明白到 , 大定只係討論 , 唔係人生攻擊 , 校長有意將數學轉中文教 , 我係有意見 , 我亦係反對人 , 較早前有家長用說笑方式表達自己既不滿 , 我覺得唔錯 , 我地不竟都係凡人 , 凡人就更係會煩腦啦 ! 我雖然叫做版主 , 但我冇權去左右言論自由 , 我只係希望大家用最平靜 , 最公平既心去討論 …
唔好再講D 唔負責任既說話 , 對校長好 , 對老師好 , 對邊個都唔公平 ! 講真 , 你地唔用真名 , 唔公開自己係邊個 , 唔代表真係可以講D唔負責任既說話 , 其他家長唔知 , 信以為真 , 最終攪到學校大地震既會係咩人 ? 心水清既人自會知道 !

在讀既家長又好 , 離開咗既家長都好 , 如果有人認為事態嚴重 , 係校長問題又好 , 係學校問題亦好 , 大家可以用最清晰既方法 , 打去教局投訴 , 但我想提提大家 , 千其唔好用無名氏打去 , 留低個人資料 , 同埋大家真係掌握倒既證據先好去打呢個電話 , 既然個個都講到校長咁差 , 又話佢覽權 , 我都好想知道事實既真相 ! 我個人信既係自己親眼見 , 親耳聽既事實 , 而唔係一個個既
收倒風 , 人地話 ..

過往李宗德既是是非非都多不聲數 , 未入嚟讀既家長考慮入唔入嚟讀 , 有一半因為校風 / 教育方針 , 另一半就係因為我地 , 家長往往開個TOPIC 話我收倒風乜 , 我收倒風物 , 最好笑係 , 大家既風未經證實就講到真既一樣 ! 其他人睇見呢 ? 如果有心想令到李宗德小學再冇人敢入嚟讀既家長 , 你地真係成功 ! 最起碼 , 我喺街度撞倒熟人 , 個個都講到佢地好似喺呢間學校讀咁 , 知道所有發生既一切 !

另外 : PDA 都係人 , 我地睇倒既 , 知道佢地做緊乜 , 出面睇唔倒既, 就話佢地無能 ! 我唔敢講自己好有修養 , 但我知道 , 大家都係成年人 , 係小朋友既榜樣 , 做咩都要對自己負責 ! PDA 同老師既流失 , 當中就哽係有人高慶有人愁 , 但我都希望大家知道 , 當事人會知道自己做緊乜 , 同做過乜 … 如果真係有PDA 或者老師咁不滿 , 我都好想借呢個平台同佢地講 : 屋寬不如心寬 !!!!!!!!

我再一次強調 , 阿寶喺BK所言既一切 , 只代表自己立場同意思 ! 而唔係大家口中所講既 => 我係校長既人 , 我係代表學校 !

唔得~ 真係好眼瞓 !! >.<

作者: 灰太狼 時間: 09-5-20 10:21

原帖由 貓仔媽媽 於 09-5-19 23:51 發表
睇左咁耐實在忍唔住要出聲, 好心你地唔好再亂咁估, 嗡得就嗡, 登報請人有咩出奇?? 廣招人材又有咩唔岩?? 年年都差唔多係依個時候登報, 有咩奇??

從未見過有人坐係條船, 見到"好似"有鯊魚游緊黎, 自己已驚到左搖 ...

此舉只是給大家從不同角度探討學校動向吧 ! 要明白校方的"三不" 政策 (不知道 / 不回答 / 不解釋) 很會煎熬人呀 !

歡迎光臨教育王國 (/)