教育王國

標題: 輕度弱智弟弟遇壞朋友 [打印本頁]

作者: joe612 時間: 09-5-14 01:34 標題: 輕度弱智弟弟遇壞朋友

弟弟是輕度弱智人士，他是可做簡單工作，他不懂計數即普通加減也不懂，分辨是非能力較遲緩，他本於青年中心工作，不幸地他交了損友。損友問他想不想揾快錢，跑數就有錢，仲唔駛還，無事嘅。弟弟盡信，結果弟弟被損友教到尖沙咀山林道某財務公司借了錢，間財務公司出票借$8000，每7日要到公司還錢，跟住話攞錢時要有擔保人確認，財務公司硬係要揾其公司之職員（劉先生，約50歲）做擔保人，仲同埋跟弟弟去攞錢，劉先生即時扣起$5400走人，弟弟實則只得$2600，他的損友亦即時攞走埋，聲稱有急事借住先，弟弟來不及反應D人已走了，一個仙都無。
去報警，警察同弟弟傾了幾句後，又話對答清盺流利無問題，警察話無人迫他，他又唔驚，他是自願的，無得做。大佬呀！你又唔係專家，弟弟份心理評估都做咗半年先有結果，帶埋份證實輕度弱智報告去警署個警察都無睇過。我預咗錢要還，我只希望警方拉咗班損友，唔好再有人受騙，無啦啦有條數，好慘。最後警方話備案，只係金錢問題。仲話試吓問班損友攞番錢，激死！

作者: Dr.T 時間: 09-5-18 14:00

根據小弟目前有限的法律知識-

1.要告班損友唔係無可能,而係可能舉証麻煩,所以...或者搵個議員幫手會有機會"逼"到某方面郁手去查.

2.同財務公司份約基本上是民事,雖然理論上可以話係在受影響之下簽,但要打官司就要自己搵人告佢...但如果果邊有份夾埋呃令弟,就會是刑事.

再次強調小弟只要半筒水,最好找執業律師指點.

原帖由 joe612 於 09-5-14 01:34 發表
弟弟是輕度弱智人士，他是可做簡單工作，他不懂計數即普通加減也不懂，分辨是非能力較遲緩，他本於青年中心工作，不幸地他交了損友。損友問他想不想揾快錢，跑數就有錢，仲唔駛還，無事嘅。弟弟盡信，結果弟弟被損友教到尖沙咀山林道某 ...

作者: gardenwoods 時間: 09-5-18 14:53

你地去邊間警局報案？去總局會否好些？！

原帖由 joe612 於 09-5-14 01:34 發表
弟弟是輕度弱智人士，他是可做簡單工作，他不懂計數即普通加減也不懂，分辨是非能力較遲緩，他本於青年中心工作，不幸地他交了損友。損友問他想不想揾快錢，跑數就有錢，仲唔駛還，無事嘅。弟弟盡信，結果弟弟被損友教到尖沙咀山林道某 ...

[ 本帖最後由 gardenwoods 於 09-5-18 15:57 編輯 ]

作者: joe612 時間: 09-5-26 20:42

多謝你們的意見，這班人是慣匪，並無陪弟弟到財務公司，只在公司外或地下等收錢，弟弟外表跟平常人無異，只係腦袋轉數慢，報警都無用，加上最近在報紙都見到港人被騙呀！在警署內還錢給大耳隆都得啦！有咩用，希望其他人不要好似弟弟這樣的情況。

作者: ioi 時間: 09-5-27 15:00

嘩, 咁離譜, 呃人錢. 當時個擔保人和佢個衰朋友係咪一齊陪佢入去銀行攞錢架?

作者: cmaxx 時間: 09-5-28 13:31

這個世界壞人好多,政府要立法去保障能力未懂保護自己的人.
亦好希望,你地好似DR.T這樣說找下區議員幫手,做下野.

歡迎光臨教育王國 (/)