教育王國
標題: 有無9月開學的小朋友媽咪入黎傾下 [打印本頁]
作者: polly0503 時間: 09-5-12 23:25 標題: 有無9月開學的小朋友媽咪入黎傾下
我個女9月返學啦! 大家對學校滿意嗎? 我覺得學校各方面都好好我好滿意.
作者: raccoon 時間: 09-7-1 13:36
我覺得學校的安排好細心,暫時都好滿意
作者: myapple 時間: 09-9-1 10:10
我個女讀上午A班, 你地小朋友呢?
作者: raccoon 時間: 09-9-2 09:59
我囝囝讀下午班
開左學一日,覺得學校如何?
大家一齊交流下
我覺得老師從第一天已經教小朋友做每件事都要守規舉,仲有已經記得部份小朋友名字,講故事令到小朋友都聽得好開心,暫時都覺得ok
作者: myapple 時間: 09-9-3 14:12
8/8個家長講座, 我曾經問過一位高班老師 (在課室協助), 我問你地會點叫小朋友個名架? 叫名字 "23", 定係叫疊字 "33", 當時個位老師話會叫全名, 點知31/8返學, 好多老師見到我個囡就叫疊名 " 33", 之後入課室, 我就請班主任叫亞囡做 "23", (因班上都有3個 "33"呀, 叫疊字好混淆架嘛!)
係呢, 你囝囝果班係咪都係 "李素娟"老師做班主任呀? 如果係我覺 李 老師都好辛苦, 要兼顧上下午班, 唔知學校係咪唔夠人手呢?
我覺得班主任睇落都幾有愛心, 把聲幾好聽, 不過經驗好似少左d.
你有無發覺呢幾日好多通告, 有d好似手冊已有, e.g. 健康/危急要送入最近醫院等, 唔知點解又要再發通告要人再簽多一次名呢?
另外, 唔知家長教師會委員要做d咩架呢? 學校又無介紹咩都無講, 又唔知會佔用幾多時間, 係咪全職媽媽先可以做? 你要唔要返工架?
老師夜晚打電話黎話最近有2個 K2 學生中左豬流感, 聽日小朋友/家長要帶口罩返學, 小心小心呀!
[ 本帖最後由 myapple 於 09-9-3 22:35 編輯 ]
作者: myapple 時間: 09-9-3 14:16
今日响學校老師教去廁所同食茶點, 大致上都OK. 好彩亞女今日肯跟姐姐返學無扭計, 希望下個星期都係咁順利.
[ 本帖最後由 myapple 於 09-9-3 14:51 編輯 ]
作者: raccoon 時間: 09-9-3 21:20
多謝你通知
囝囝的班主任都有通知我,今日全校人都帶晒口罩
我陪囝囝返左4日學,老師都係叫小朋友全名,未聽過叫小朋友疊字名;其實依家好多小朋友的名字都差不多,我個人都唔喜歡人叫囝囝疊字名,我諗你唔洗擔心
我估你應該係返緊工的媽媽對嗎?
我暫時係全職媽媽,因為仲未找到工作,所以有時間陪囝囝返學,順便觀課知道老師點樣教小朋友
我諗學校都係想確實家長知道學校對某事情發生時的處理方法,不過又真係好多通告
我囝囝班主任係劉凱睛老師,不過李素娟老師都有上下午班堂,仲有楊淑儀、賴少珊及一位莫老師共三位老師協助,唔知係咪因為下午班只有一班關係,所以有咁多老師?還是只有這幾天?
如果以我所知,上午班老師係班主任的話,下午班就係協助教師,反之亦然
我都覺得學校老師幾有愛心,亦幾細心,今日我都同劉老師及李老師討論過囝囝,老師都比到意見我,老師話上學期會比較注重教禮貌,規舉,亦會因材施教,我見到小朋友上堂聽故事都好有投入感,好好玩,所以都放心學校的教學方法
我今日問左老師家教會的詳細資料,家長如果被選為家教會成員,家長便可以作為其他家長代表或溝通的橋樑,給意見學校作改善的參考及參與籌辦學校部份活動,亦可以深入d了解學校及其教學方法,又可以認識其他家長;至於家教會都需要佔上時間,因為每個月都有會議,通常會議都係晚上7:00開始,開2-3個小時會議,但老師話大部份家長都會出席會議,最多都係遲到也會出席,而且仲有一些家教會活動比家長參與,我都心大心細中…
作者: myapple 時間: 09-9-3 23:09
多謝你講左咁多野我知, 我係在職媽媽, 只陪左3日, 今日就係姐姐陪, 我都唔係好知今日既詳情, 只係問番姐姐咋.
我個女班主任係李素娟老師, 協助老師反而係劉凱晴老師, 間唔中係有一位老師出現, 不過唔係好多時間, 應該係大肌肉運動時? 我都唔係好記得…. 你好犀利, 竟然記得晒邊位老師出現過, 我只係掛住望住班住任同亞女, 又要聽佢地講野, 又要叫亞女點做/守規舉, 已經忙到非起! @_@ 我好佩服老師要不停講野, 我陪亞女一堂叫佢點、點、點…. 搞到喉嚨都痛埋!
我對家長教師會好有興趣, 今朝我都打電話返學校問李小姐, 佢check完後話星期五會有一份通告, 係講家長教師會詳情, 佢今日只略略講左少少, 話有時要响office hours 開會, 因要就番校長/老師等….. 可惜我要返工, 應該唔可以參與喇, 你有時間不防考慮! (通告次序係咪掉轉左呢? 叫人報名但無人知內容)
學校有通告 e.g. 填色比賽/做花燈等…. 你會參加嘛? 我應該唔會喇, 因無天份亦都無時間, 哈哈~ 琴日份通告講今個月茶點食咩, 又幾好喎, 家長可了解多d (其實我非常concern呢part), d食物都幾健康, 好過某d園校成日食香腸/火腿 (我返 palygroup 就試過喇).
我個女好細膽又黐身, 琴日上堂已喊喇, 下星期得佢一個人返唔知會點..... 你仔仔返下午班唔洗訓晏覺咩? 睇到你條 bar, 你仔仔就黎4歲? 佢係 2005年?
[ 本帖最後由 myapple 於 09-9-4 09:17 編輯 ]
作者: jamieconnie 時間: 09-9-4 13:38
hihi,
我女係今年升小1,我女k1時都係好怕羞架,而家經過3年幼稚園生活(全日班),而家升小一,一啲問題都無,學校各位老師都好好架,放心啦,新老師唔會做班主任架,一定經過訓練架,希望你地啲小朋友開心學習
作者: myapple 時間: 09-9-4 13:57
jamieconnie,
我唔係指老師新到係第1年教, 其實當初 interview 都係李老師示範上堂...講故仔, 我己經覺得佢幾好架喇。 早2日我個女上堂喊, 佢都有抱住亞女安慰佢!
今日返學 Miss Mandy 同佢地唱歌仔, 打電話番屋企佢話今日好開心!
你個女升 P1都咁適應, 你都放晒心啦!
作者: jamieconnie 時間: 09-9-4 16:11
哦,誤會左添,喊幾日唔怕既,我個女足足喊到k2初,死未,日日番到去都喊,但我一走佢就收聲,所以老師都有得佢喊,到k2時佢突然有一日唔喊喎,
原帖由 myapple 於 09-9-4 13:57 發表 
jamieconnie,
我唔係指老師新到係第1年教, 其實當初 interview 都係李老師示範上堂...講故仔, 我己經覺得佢幾好架喇。 早2日我個女上堂喊, 佢都有抱住亞女安慰佢!
今日返學 Miss Mandy 同佢地唱歌仔, 打電話番屋 ...
作者: myapple 時間: 09-9-4 17:25
jamieconnie,
嘩~ 你個女喊到 K2初? 1年有多真係心痛死囉! 會唔會係太早起身又要行番學校 (太遠) 既關係呀?
作者: jamieconnie 時間: 09-9-4 22:15
唔係呀,佢7:00就起身架啦,一路行佢都不知幾開心,係入到門口先喊咋,真係頂佢唔順,放學姐姐揍佢時都不知幾開心.不過呢啲都係一種磨練,唔緊要啦
原帖由 myapple 於 09-9-4 17:25 發表
jamieconnie,
嘩~ 你個女喊到 K2初? 1年有多真係心痛死囉! 會唔會係太早起身又要行番學校 (太遠) 既關係呀?
作者: myapple 時間: 09-9-4 23:03
jamieconnie,
原先我都諗住行路返學, 撘輕鐵返屋企, 但經過第1日, 我地一齊行左20+分鐘, 雖然擔住把遮, 扐住把扇, 但我地都行到出晒汗, 所以之後都係來回撘車算喇.
作者: jamieconnie 時間: 09-9-6 08:39
你住邊頭呀,我沿住河邊行,雖然係熱到出汗,去到學校幫佢抹下汗飲下水ok呀,行去搭車既時間我都差唔多行到一半,所以除左落大雨搭taxi,我都係行路
,k2前如果落雨重要係叫姐姐咩佢
原帖由 myapple 於 09-9-4 23:03 發表
jamieconnie,
原先我都諗住行路返學, 撘輕鐵返屋企, 但經過第1日, 我地一齊行左20+分鐘, 雖然擔住把遮, 扐住把扇, 但我地都行到出晒汗, 所以之後都係來回撘車算喇. ...
作者: raccoon 時間: 09-9-6 17:20
囝囝唔會參加花燈比賽,我暫時覺得佢唔係好喜歡藝術,比佢上興趣班老師評語話佢唔肯畫,對填顏色功課都唔係好有興趣做;會試下填色比賽,不過我打定輸數
唯有遲d再參加興趣班,睇下可唔可以培養佢對藝術嘅興趣
學校發嘅餐單唔錯,我最鍾意餐單包含左有機食物
我囝囝同你個女一樣又怕羞,又細膽仲好黐身,佢上年讀K1時喊左一個月,先肯揹書包自己入學校門,老師有佢哋方法令小朋友肯返學,唔洗擔心,不過果一個月係會心痛d
上年放學後都要瞓晏覺,今年就唔......唯有早d比佢上床瞓
我囝囝係05年仲有一個星期4歲啦!因為聽左朋友的意見,想佢做大仔所以特登要佢repeat一年K1,希望佢可以去d好的小學
李老師同我講”好媽媽義工訓練課程”係一個唔錯嘅課程,可惜抽唔到時間去
你會唔會去呂祥光open day? 今日去左保良局志豪,感覺都唔錯,我唔係住該區,純粹八掛下
你哋講開行路返學,我同囝囝係行路放學,行去市中心搭車都唔錯,事關有時間可以去爬蟲館及圖書館
作者: myapple 時間: 09-9-6 23:03
jamieconnie,
可能你女女7點幾出門尚早, 太陽無咁猛烈, 今年好似特別熱 (2006年都係)! 第1日返學我地10點幾出門, 行完真係出晒汗, 我怕亞女返到學一身臭汗味, 同埋行得倦又怕無心機返學.
作者: myapple 時間: 09-9-6 23:30
raccoon,
咁你仔仔舊年係咪又讀呢間?
夜晚亞女肯早訓都好, 可惜唔得呢.... 我個女未返過興趣班, 我見好多都要 3.5 or 4歲以上先收, 不過佢都好鐘意塗鴉既!
放學更加揀撘車, 12點時烈日當空曬鬼死!! 而且仲要趕住返去煮/食lunch同訓晏覺. ^_^
[ 本帖最後由 myapple 於 10-6-22 17:38 編輯 ]
作者: myapple 時間: 09-9-6 23:37
--- deleted ---
[ 本帖最後由 myapple 於 10-6-22 17:39 編輯 ]
作者: myapple 時間: 09-9-7 13:20
我個女呢幾日响屋企同佢去vv好扭計, 又喊又發髀氣話唔去廁所, 但捉佢去佢又即刻VV架喎. 今朝返學前又係咁, 猛喊住話唔去廁所, 捉佢又喊又反抗, 咁我咪唔同佢去囉, 跟住即刻著鞋返學喇.
我叫工人姐姐同亞女去到學校同老師講, 可唔可以讓姐姐同亞女去廁所, 但門口老師唔比, 話有老師一陣會同佢去, 點知我個工人接亞女放學, 亞女已經換左套衫, 打電話番學校問老師, 佢好nice咁解釋番比我聽, 原來係去廁所時整濕左, 老師話聽日佢會留意多一點.
[ 本帖最後由 myapple 於 09-9-7 16:36 編輯 ]
作者: 芒 時間: 09-9-7 18:00
hihi..小囡讀上k1b全日呀,我都係在職mama,所以只陪了1日返學,因為之前有俾佢返n1,so far佢今日都冇喊,老師仲讚佢叻! 我對呢間學校都幾滿意,特別係暑假每月一次既活動,每次都令我更加喜愛呢間學校.
作者: myapple 時間: 09-9-7 22:43
好搞野, 之前家長講座叫家長要預備後備衫替換, 所以亞女書包內係長期放左一套衫連內褲, 點知今日去廁所整濕左內褲同條校裙, 之後同協助老師傾電話佢好似唔知濕既程度, 只叫嬸嬸同亞女換衫, 我今晚放工返到屋企, 先知原來學校比左件舊校服裙同一條藍色運動短褲佢著, 但係無同佢著底褲, 咁都得? 叫人帶衫又唔同佢換番自己套衫? 仲要唔同人著底褲? 唔知個亞嬸/老師自己只著面褲唔著底褲有咩感受呢? 
[ 本帖最後由 myapple 於 09-9-7 22:55 編輯 ]
作者: myapple 時間: 09-9-7 22:54
原帖由 芒 於 09-9-7 18:00 發表
hihi..小囡讀上k1b全日呀,我都係在職mama,所以只陪了1日返學,因為之前有俾佢返n1,so far佢今日都冇喊,老師仲讚佢叻! 我對呢間學校都幾滿意,特別係暑假每月一次既活動,每次都令我更加喜愛呢間學校. ...
你女女適應得好好, 我個女今日都無喊, 老師都讚佢可以自己做到某d野 e.g. 响書包攞溫度表/手冊出黎等, 不過老師話要睇多3數日先叫穩定.
作者: 芒 時間: 09-9-8 15:20
你問番老師/嬸嬸,點解唔換書包果套呀?
作者: myapple 時間: 09-9-8 22:38
今日打電話問左老師喇, 佢話最近有d調動, 比較亂, 我問個亞嬸係咪新黎架? 佢話係, 不過佢地都有責任, 亦都明白做得唔好, 猛講唔好意思, 希望佢地真係有改善喇.
作者: jamieconnie 時間: 09-9-8 23:29
遲啲你重鍾意 ,我女k2去過做農夫添呀,慢慢享受呢緊3年幼稚園生活啦
原帖由 芒 於 09-9-7 18:00 發表
hihi..小囡讀上k1b全日呀,我都係在職mama,所以只陪了1日返學,因為之前有俾佢返n1,so far佢今日都冇喊,老師仲讚佢叻! 我對呢間學校都幾滿意,特別係暑假每月一次既活動,每次都令我更加喜愛呢間學校. ...
作者: 芒 時間: 09-9-10 17:06 標題: 回覆 2# myapple 的文章
哦..咁新黎既都可以原諒..一次咁多啦..!
放心啦..應該ok既
作者: 芒 時間: 09-9-10 17:09 標題: 回覆 2# jamieconnie 的文章
我今朝問呀囡,佢都冇咩野,即係ok啦..我只想佢開開心心咁渡過呢3年幼稚園炸!
作者: samjoalvin 時間: 09-9-17 17:11
李素娟老師
IS GOOD TEACHER 佢好注重小朋友品德.
e 暑學校出名多通告...haha
我好滿意佢地d 餐單...食到我仔好肥...haha
作者: raccoon 時間: 09-9-18 09:38
myapple,
好耐無上嚟添
我舊年年尾先搬來屯門,因為無校車往返舊校,自己接送又要花上不少時間,輕鐵又迫,阿仔果時仲要一放學就瞓覺,所以迫於無奈同佢轉校;囝囝係舊學校讀得好開心,所以依家仲擔心要用幾多時間適應新的學校環境,前日同昨日都唔肯入課室,仲喊足15分鐘,但係大李老師話,我一走左收聲都收唔切,連賴老師都話佢滑頭,前日喊完口喝叫佢飲水,佢話學校d水好好味,真係比佢氣壞
如果照兩位老師講,我擔心都係有d多餘
係喎忘記你囡囡讀上午班,情況有所不同,難怪難怪
哎呀你囡囡都好呀鐘意塗鴉,阿仔一味畫圈圈同我講係行車路,我諗佢都係無藝術氣質~~投降
其實我對屯門小學毫無頭緒,真係唔知band幾同邊間好d,得閒向你請教下可以嗎?
如果小學有開放日有時間都想去參觀比較下,攞多d資料
志豪聽人講幾好, 校舍幾大幾新(不過我對小學校舍的標準仲未有資料),學校設施及課外活動好多樣化,令我有d意外可能我見識少,見到學生都幾聽話,老師對學生態度都好好,當日仲有教學示範,我覺得佢哋英文教學示範好活,仲有興趣班及功課輔導班比小朋友讀,如果唔遠我諗我都會考慮下呢間學校,經過寶田邨又未見過道友,不過成十幾個好似無業中年男子係商場門外(無所事事可能係星期日關係吧)見到女人經過就昅,又真係唔係咁好
其實我都係想囝囝可以入到何日東,希望佢得啦
原來學校仲未有茶點時間比學生,唔知係咪28號先回復正常的上課程序呢?
[ 本帖最後由 raccoon 於 09-9-19 09:10 編輯 ]
作者: raccoon 時間: 09-9-18 10:03
係就好喇!我囝囝病左一轉又瘦左好多
,你囝囝讀k2定k3呀?
作者: myapple 時間: 09-9-18 13:23
raccoon,
亞女只係填顏色, 塗到出晒界, 佢鐘意咪比佢劃囉, 唔洗一定係好完整既, 我諗呢個階段都係亂劃線條, 劃唔到D咩, 比佢地嘗試下, 讚下佢地, 佢地都會好開心架, 有無藝術天份我都唔係好介意.
亞女返幼稚園都未適應架, 上堂時都會喊一陣, 最弊係聽故事時間佢就好驚, 喊住走出班房好大反應, 我發覺佢好驚 “烏龜”果本書, 唔知點解救!
茶點時間會唔會今個星期開始呀? (返3個鐘咁多時間, 無理由無野食下話) 我只知 28/9 上課正式教書.
屯門小學我都唔識架, 有料一齊分享下啦! 讀到書既, 梗係想亞女讀 BAND 1學校啦, 但我發覺佢好唔專心同無耐性, 睇佢呢2年表現如何再作決定.
上個星期六去左2個OPEN DAY, 亞女好開心好鐘意, 有得睇圖書, 又有得玩. 不過2個校長講座我全部都無聽, 因為我只係去左一陣, 而且小朋友又坐唔定.
(1) 華都鄭任安
亞女响英文室睇英文故事書睇到唔捨走, 當時有個華人老師 同佢講故事, (又係 BROWN BEAR BROWN, WHAT DO YOU SEE?). 去到主要係參觀課室同睇小學生表演, 由老師介紹, 校舍都算大 (有比較下).
(2) 保記梁周順琴
佢地間校舍係舊d細d, 光線好似暗d, 但佢地既小朋友好獨立, 課室裡的攤位遊戲係佢地主持架, 亞女唔識玩遊戲, 當然係我同佢一齊玩, 所有遊戲都係學習既一環!! 需要從你既知識、常識、/語言 — “普通話/英文”、 中文字部首、大肌肉 “拋豆袋”等等去玩架, 又有 English story & English drama, 接觸既老師 (?)都好nice.
Open Day真係好好玩架, 星期六晚訓覺亞女仲同我講聽日去 OPEN DAY 呀. (唔知係咪重覆我星期五晚臨訓前同佢講既野).
20/9 (Sun) 華都鄭任安又有OPEN DAY, 本來想同亞女再去過, 因為佢好鐘意果個英文室, 但佢依家感冒未好都係唔帶佢去啦.
19/9 (Sat) 何日東下午 open day, 你有興趣都可以去.
呂祥光你有無去呀? 呢2日好似鄧肇堅呀~
志豪太遠喇, 其實黃金海岸我都覺得遠, 最好係唔洗撘校車架啦!
作者: raccoon 時間: 09-9-18 22:53
myapple,
你囡囡怕烏龜,咁其他烏龜故事書有冇一樣反應呢?我諗先了解左小朋友怕烏龜的原因,然後帶佢去金魚街順便比佢睇下龜仔有興趣仲可以養隻烏龜仔做寵物,再唔係帶佢去爬蟲館,館內有好多大小烏龜,比佢了解多d,又係親子活動,囝囝每日放學都要去一次,同班的同學仔同囝囝都睇得好開心
今日囝囝入班房雖然都係喊但時間少左,有進步! 呂主任同我傾左兩句,我發覺唔知係咪成日唔肯入學校,所以d老師特別留意佢
我同你諗法一樣, 三個鐘咁長應該有茶點堂,但前兩日都係比小朋友攞住個包放學,昨日問左劉老師話現在未有茶點堂,今日都仍然係攞住個包放學,我估會唔會係28號上課正式教書時先回復正常上課程序呢
嘩!你真係好叻,知道咁多學校 Open Day,何日東,鄧肇堅及華都鄭任安都想去睇下,可以話我知時間嗎?
呂祥光係19/9 星期六 10:00-11:40
保記梁周順琴聽講好好,但係對我來講真係幾遠,唔知錯過左仲會唔會有另外一次Open Day呢?
鄧肇堅聽講愈來愈好,有日碰到位鄰居個孫仔讀緊鄧肇堅,話學校唔錯功課唔多,校長每年都親自來幼稚園挑選學生入鄧肇堅,所以都好想去參觀一下
作者: myapple 時間: 09-9-18 23:33
激死呀! 成日要人登録, 打左成篇野又要人再登録跟住無晒!!
http://apps.hkedcity.net/mcal/mcal_search_schOpenDay.php?in_level=P#
2009/2010 學校開放日
何日東 19/9 (Sat) 14:15 - 15:xx
華都鄭任安 20/9 (Sun) 9:30 - 11:30
梁周順琴 (上下午校) 都完左.
鄧肇堅: 唔清楚完左未, 打左2次電話查詢, 留低聯絡電話又無覆, 第1次仲問我邊間幼稚園, 對呢間行政麻麻!
鄭任安千禧: 同華都鄭任安差不多, 唔知今個星期六/日仲有無.
青山天主教小學 - 開放日 19/9
[ 本帖最後由 myapple 於 09-9-18 23:36 編輯 ]
作者: myapple 時間: 09-9-18 23:46
我今年早前同亞女去過幾次爬蟲館, 但佢唔鐘意, 問親佢佢都話唔去, 寧願去圖書館或玩具反斗城!
我記得第2個星期老師打電話黎話: 校長話依家仲係適應週, 所以無茶點時間, 放學時會比個包仔小朋友帶返屋企, 我當時諗適應週時間咁短, 得1-2個鐘, 所以無時間食茶點, 點知 11/9 開生日會, 都係無野食, 只係玩遊戲. 我諗係學校呢輪好忙好亂, 無時間兼顧, 又怕小朋友感染, 真係唔知幾時先有茶點喎.
作者: raccoon 時間: 09-9-18 23:51
多謝你報料
我試過一次你的情況,所以依家用word打完再paste落去
作者: myapple 時間: 09-9-18 23:56
原帖由 raccoon 於 09-9-18 23:51 發表
多謝你報料
我試過一次你的情況,所以依家用word打完再paste落去
我都會係咁, 或者有時 send之前 copy定, 頭先唔記得左, 入房睇亞女出黎篇野無左, 唉!!
第1次係打多d野架, 無晒無心機再打, 第2次打少d你又睇少d, 嘻嘻~ 
作者: raccoon 時間: 09-9-19 09:14
鄧肇堅過左啦,唔洗再打電話去
今日係鄭任安千禧 9-12點
作者: myapple 時間: 09-9-28 17:30
請問你地小朋友放假時會去邊到玩?
作者: 芒 時間: 09-9-29 12:20
放假..係咪指SAT & SUN?
SAT 上午返興趣班，下午搵公公婆婆（即係我返呀媽度食飯）
SUN 上午公園玩，下午返興趣班
多幾日假期會去下燒野食，游水，來來去去都係果Ｄ野炸
作者: myapple 時間: 09-9-29 23:07
芒,
你女女唔洗返晏就覺? 我都想比亞女擴濶視野, 不過唔知學咩好, 佢每日又要訓晏覺, d時間好似唔係好夠用.
作者: 芒 時間: 09-10-2 13:40
佢有野做真係可以唔駛訓架！但有時係屋企得我同佢，佢都係會4點左右先訓（約兩個鐘），如果要訓晏覺，咪睇下可唔可以安排係假日上午？
作者: alysiayip 時間: 09-10-6 11:59
大家好, 我打算下年讀高德根, 我有 2 個問題想問:
1) interview 是會用什麼型式?
2) 學校有無校巴? 因為我住碼頭, 無人帶佢返學.
作者: 芒 時間: 09-10-6 14:25
原帖由 alysiayip 於 09-10-6 11:59 發表
大家好, 我打算下年讀高德根, 我有 2 個問題想問:
1) interview 是會用什麼型式?
2) 學校有無校巴? 因為我住碼頭, 無人帶佢返學.
1)我同呀囡一齊入課室,一個老師問間題,d問題問我多d囉,係同呀囡傾咗一兩包
2)有校車,呀囡下個月都會坐校車
作者: myapple 時間: 09-10-8 23:11
你地有無訂CD & VCD? 亞女星期二無返學, 收唔到通告, 星期三老師唔記得派, 响電話到講XXXX, 聽日要帶錢買, 今日叫工人買上下學期, 點知買得上學期2隻, 佢話個sales 話下學期唔洗依家買, 唔係好明係點.
作者: 芒 時間: 09-10-9 12:21
吓,我冇買喎,一定要買架咩?
作者: myapple 時間: 09-10-9 17:19
我都唔知呀, 老師話要帶錢買, 咪照買囉, 我都唔知d教材重唔重要. 原來琴日個書商唔記得帶下學期既碟, 所要無得買, 其實買晒要 $2-3百蚊都好貴!
係呢, 你買左三角型木顏色筆未? 我以為係要粗既三角型铅筆, 所以買左後者.
作者: myapple 時間: 09-10-12 13:44
你地有無去open day 呀? 我個女唔適應喊呀!!
作者: 芒 時間: 09-10-15 12:21
買咗顏色筆,未買pencil..不過同事俾咗一舊三角形既膠我,佢係套係其他筆就可以當係三角形用,都ok
呀囡同麻麻去呀,佢玩得好開心
作者: myapple 時間: 09-11-2 17:33
聽朝會跌到17度, 但仲未有冬季校服, 我頭先打電話去學校查詢, 李小姐話可以著便服加學校外套喎!
[ 本帖最後由 myapple 於 09-11-2 17:34 編輯 ]
作者: myapple 時間: 09-11-28 19:53
琴日收到通告出年一月份有4堂英語 play group, 我報左名啦, 唔知係咪所有 K1都有份呢?
[ 本帖最後由 myapple 於 10-2-22 14:16 編輯 ]
| 歡迎光臨 教育王國 (/) |
Powered by Discuz! X1.5 |