教育王國

標題: 想不續公文數 [打印本頁]

作者: terrorist 時間: 09-5-5 11:52 標題: 想不續公文數

每日都無心機做公文數.星期六日都唔知用幾多氣先做完,一份數學平均要20-30分鐘先完成,講,鬧咩都齊都係咁,無改善.我學得好辛苦呀.想cut左佢,但又驚佢唔讀仲難跟得上.我又聽人講,並實學校都有教數學,都唔使特登讀公文數,可以cut得.我應該點做至好呢?

作者: Carman_mami 時間: 09-5-5 12:45

提示: 作者被禁止或刪除內容自動屏蔽

作者: terrorist 時間: 09-5-5 15:56

what is E.nopi?

作者: Carman_mami 時間: 09-5-5 16:29

提示: 作者被禁止或刪除內容自動屏蔽

作者: terrorist 時間: 09-5-5 16:44

many thanks. 我突然諗不如咩都唔讀,睇下佢會點.........................................................

作者: Carman_mami 時間: 09-5-5 16:57

提示: 作者被禁止或刪除內容自動屏蔽

作者: cluk15hon 時間: 09-5-5 20:40

我兒都沒有完成公文. 原因都是太多和時間問題,每天,他在學校裏巳有一定的功課,又要溫習,所以,他便嘗試學e-nopi,
因為可以做一個評估才決定. 你可以考慮.

作者: Flying-Man 時間: 09-5-6 09:13

terrorist,

我仔仔啱啱 stopped 咗公文數.舊年暑假由 7A 開始升到上個月 3A,一直都好地地嫁,但 3A 因計時嚴謹,我仔仔極唔鍾意,叫佢做練習直頭反感到叫苦連天,喊到死去活來.我見佢其實都識計 d 數,亦對數學非常有興趣,終於決定放棄公文數,無謂佢辛苦時你又辛苦.

同你一樣,我都驚佢唔讀,第日係學校先學會比較難跟或難跟得上,但都無辦法,如果再夾硬迫落去,我怕隔離隣舍聽到個仔嘅痛苦叫喊聲,會告我虐兒!!!!

作者: Sherryko9 時間: 09-5-6 10:37

無相干啦!如果小朋友已經可以應付到學校D課程,實則唔一定要學什麼東西.
詳細解釋:媽咪小朋友是學足公文3科,可能是女仔,耐性好;媽咪介紹過其他小朋友上,但亦提醒過其他媽咪,如果小朋友學校功課多,每天應付的時間剛剛好,或已覺吃力,咁就要衡量吓應否再學其他額外課程了!還回基本法,最緊要的是學校考試,如果小朋友攪掂學校課程後,已沒有多餘時間,就算了!學校考試分數是影响未來升中去向,還是"現在"是重要.
另外,囡囡有時是沒做足公文張數要求,媽咪如果覺得她很累,就會叫她停手,留待公文教室導師延遲學習進度,免得公文變成她的負累,反影她正規學習進度!另外,媽咪從沒要求囡囡跟足公文要求小朋友完成張數的時間限定;只不過,如果囡囡過份到成個鐘頭才能完成1日公文工作紙的話,媽咪會罵她,原因"不專心":;pppp:

作者: catcatmom 時間: 09-5-6 10:55

坊間有好多數學既課程, 公文好似流水作業, d老師一般, 又唔關心學生, 讀數in or 學林, 好過公文好多, 因幾個我都讀過, 過來人既經驗同你講野.

當然有d家長都覺得公文仍然唔錯,d小朋友讀得很好.
但有時個家長無讀過其他, 跟本無得比較or d 問題未發生.

甘多個最差係公文, 其實公文收一個學生番來, 甘公文機構會同佢對分一半( 大約) , 唔知數in or 學林既情況係點, 形式差不多. 但後兩間d 老師好d, 係落手落腳教, 而數in, 每星期學完, 個老師會同家長傾abt5分個小朋友學習進度.

[ 本帖最後由 catcatmom 於 09-5-6 15:10 編輯 ]

作者: qkhui 時間: 09-5-6 11:08

HI, 你小朋友有幾大ar? 我仔仔現在小1, k3時都有報公文英/中, 仔仔係個絕對唔喜歡不停重覆去做的小朋友, 你叫佢聽/講都沒有問題, 但你叫佢要填公文exe, 佢好反感, 每次都喊, 好辛苦, 好抗拒, 老師同我講, 其實是想訓練他們自律, 初初我都好堅持要比佢去讀, even 佢唔開心, 喊, 但慢慢我發覺, 原來公文對我自己小朋友係沒有幫助, 於是我cut 晒所有, 我初初都會擔心, 他升上小一會不會比另人落後, 因為我見好多朋友都有給小朋友去讀公文, 但我發覺原本不會的, 我有一朋友, 小朋友讀了公文英/數都有2年時間, 他在公文的紀錄, 是巳超過小1所學的level, 但其實仔仔跟他不是相差很遠.
而且, 我自己叫仔仔做exe, 他反而會自動自覺去做, 比起做公文exe, 真的差好遠, 而公文數好像沒有太多文字題, 現在小1的課程, 巳有大量的文字題需要去理解, 所以我覺得公文數不是太合適.
最終真的要看小朋友接受什麼? 真的不要見其他小朋友去學, 怕落後而迫自己小朋友去, 這真是弄巧成拙

作者: mmak 時間: 09-5-6 13:50

catcatmom,

可否講解吓.. 咩係 "數in" ??

[ 本帖最後由 mmak 於 09-5-7 11:26 編輯 ]

作者: G-Ma 時間: 09-5-7 14:58

其實公文只係額外既練習, 真係幾花時間, 如果小朋友唔鍾意, 要迫既話只會學到事倍功半.

作者: popokit 時間: 09-5-7 22:45

我都Cut , 因為唔跟學校課程, 囝囝無心機做, 同埋好多好煩, 做完又要再做, 正常人都無乜心機, 浪費大家時間, 仲可能會失去對數學興趣.

[ 本帖最後由 popokit 於 09-5-7 22:47 編輯 ]

作者: Heidi媽 時間: 09-5-8 07:59

提示: 作者被禁止或刪除內容自動屏蔽

作者: qkhui 時間: 09-5-8 14:14

係, 現在真係思考o既野多好多, 你唔明白, 計得多快都無用.

作者: ssaa 時間: 09-5-8 18:07

我個人覺得數研數學同學林數學都好相近。主要都係教文字題！

作者: maglam1985 時間: 09-5-8 22:31

我個仔三年級下學期試過去報公文數, 佢哋俾個測驗佢做, 做完就話要由程度淺好多嘅課程開始, 只係一年級嘅加減數, 老實講, 我個仔最強係數學, 佢想讀公文嘅目的係想學深啲嘅課程。個導師強調話訓練自律, 每星期只有半個鐘去上堂, 唔識先問, 我諗冇人教又點會識喎, 而如果每日淨係操練加減乘除數, 冇思考訓練, 讀嚟都冇用, 結果當然冇讀。
到四年級上學期同個仔報咗奧數, 一直讀到而家六年級, 佢連奧數金獎都攞埋, 而學校數學考試次次都唔駛温, 每次只係唔小心先冇100分。我建議初小讀學林, 高小讀奧數, 其它學數學嘅學校或類別就唔幾知。我覺得讀公文數, 只會浪費時間, 公文嘅英文或中文就可能有幫助。

個人愚見!

[ 本帖最後由 maglam1985 於 09-5-9 14:22 編輯 ]

作者: working 時間: 09-5-9 10:30

HI Terrorist

我小朋友和您的case 差不多!  我一向認為學習數學是應該著重思考而不是機械操作訓練. 所以小朋友在幼稚園階段我沒有考慮學公文數 .

上了小學,發覺孩子計數比同班同學慢. 那時還可以接受. 慢就慢啦, (可能班上的小朋友大部有學公文)  只要識做和做對答案便算吧!

漸漸地那些文字題又要教, 那些借位退位的加減數又要叮嚀他小心.
加減乘除的四式運算, 明就明了, 只是不小心和大意.  再遇上有難道些少的文字題.於是全份paper 左扣右扣下, 分數就會像坐過山車一樣.

平日的溫習我也給他做回一些加減數, 但是給他做20條,已經很不樂意.

最後我嘗試學公文數,  由低學起! 現在每天做200條
10-15 分鐘完成. 而別人給他做,他又肯死死地氣做. (當然不是一次的順利, 是經過數個月後訓練)

經過時間的磨練,慢慢地他已習慣當公文數是功課的一部份. 晚上回家,我只會和他重點溫習在理解方便的題目,

他現在計數快了和準確性比以前高, 我認為不是他小心左.  而是經過操練轉化為純熟. <工多藝熟吧>.

補充: 每個小朋友的需要不同, 因材施教. 有些小朋友本身對數字敏感, 轉數較快加上細心 . 無需要用公文數的訓練.  若硬要他們做重複的練習, 真的是浪費時間,倒不如用時間學習其他 (奧數/學林...等等)

而我的小朋友對數字不敏感,轉數也不快, 加上不小心和大意. 可以說公文數暫時對他有幫助.  當然不等如他在數學上,沒有其他問題了! 大家都明白. 數學的範疇瀇濶無邊.
我仍然每晚都教他數學, 只是他計算上比起以前快和準了, 但文字理解仍然要下苦功.

有天我都會cut 公文數, 不過現在他還可以應付.就由他吧!
應否學公文數個人認為要看自己需要 .

現階段公文數對我小朋友是有幫助,但不久可能它的幫助會較少呢! 那時, 是時候要轉換其他課程.

[ 本帖最後由 working 於 09-5-9 10:56 編輯 ]

作者: happypiano 時間: 09-5-9 11:05

請問你仔仔係讀間讀緊奧數呀? thx

作者: maglam1985 時間: 09-5-9 14:25

你係咪問我呀?

[ 本帖最後由 maglam1985 於 09-5-9 14:31 編輯 ]

作者: maglam1985 時間: 09-5-9 14:31

我都同意的嘅講法, 咁其他家長都可以試吓, 不過正如你所講, 去到咁上吓就要轉, 因為單靠計得快到高年班時係唔夠嘅! 我唔記得講我個你糼稚園高班至小二有學史丰收速算, 對於一二年級時計數有幫助。

作者: 漢堡飽 時間: 09-5-9 15:30

我認為學數學第一是睇資質。
小朋友對數學無興趣，學什麼數學都無用。
唔好以為補習就可以解決，我認為只是家長一廂情願而已。
小朋友資質好，學那一種數學都會好。
公文是一種好悶的課程，機械式，但不等於無用，它教的東西全部都在中小學的課程內，只是遲學或早學而已，你唔好以為唔讀公文就不會學那些數。如果孩子資質好，有耐性，他一定會學到比一般學年高的課程。
數研是名符其實的補習，只適合一般程序的學生，對資質好的學生是浪費，對家長是白花金錢。
奧數是另一種的數學，只適合資質好的同學，一般家長以為學奧數會對數學有進步，我不認為，它只會令一些一般的學生更害怕計數。奧數是一項拔尖的課程，會幫叻的學生更上一層樓。其他的...唔好呃自己。
如果想追到學校課程，報數研。面對現實。小孩子的資質好重要。這是我做人父母多年觀察到的。
做家長的是令小孩子們在他能力可到的幫他一把，使他開心愉快學習，不是要勉強他們做或學一些家長以為得，而小朋友可能做不到的事情上。

作者: Fion_Chan 時間: 09-5-11 01:36

我揀左公文比兩個仔，其實第一最主要我個人以為要數好離不開操數(雖然好可能只係我自己受填鴨教育涂毒下之愚見)，反正我會買好多補充(都係D重重覆覆既題目)比仔做，不如等公文調節佢地進度來比功課。第二係公文真係梗有一間係左近，每間教室都有一定水準，公文課程設計本來就不用老師教，師資如何講真對學習影響不大；我實在喜歡它上課不費時，做得快20分鐘可以走人，前後返到屋企半個鐘攪掂。可能有人覺得唔抵，比同樣咁多錢，老師又唔教、眨下眼又話上完堂，但我覺得值錢都係個疊按步就班既功課，同埋評估制度。

當然日日要花20分鐘做功課真係幾辣。

當我仔超左學年之後，和學校學緊既越來越遠時，現在真係要當興趣班看待，即有興趣至好繼續lor。但我仔仲係好有興趣wor。

作者: Heidi媽 時間: 09-5-11 07:33

提示: 作者被禁止或刪除內容自動屏蔽

作者: 漢堡飽 時間: 09-5-11 09:02

其實我女兒數研、奧數、公文數都學過，但最後女兒都選擇公文數，因為超越學年對她是很吸引。

歡迎光臨教育王國 (/)