教育王國

標題: 施總父女兵為自閉童出力(明報) [打印本頁]

作者: kmwun 時間: 09-5-5 11:00 標題: 施總父女兵為自閉童出力(明報)

施總父女兵為自閉童出力
(明報)5月5日星期二 05:05

【明報專訊】前高官施祖祥絕對係退而不休嘅成功例子，佢喺1996年離開官場後，無幾耐就加入貿易發展局做全職總裁，一做8年，直至5年前先真正退休。

不過，施總服務社會嘅心始終如一，噚日Emily收到佢嘅電郵先知道，原來佢近日正落力協助鄰舍輔導會籌辦嘅社會企業，專門協助[url=]自閉症
[/url]兒童。施總除咗為呢家社企籌款，仲動員已貴為臨牀心理學家嘅愛女施敏珊博士到呢家社企幫手。

愛女係臨牀心理學家

雖然呢家名為「PRTA專門店」嘅社企本月20日才正式開幕，但會率先喺5月13日及20日連續兩個星期三，由早上10時至下午1時，免費為年齡18個月至5歲、懷疑患有自閉症及相關溝通障礙的兒童，提供15至30分鐘免費初步評估。有需要的父母可致電2511 0770或電郵[email protected]預約。

施博士話，3歲前係自閉症患者接受訓練嘅黃金期，如果錯過咗，將來小朋友好大機會有情緒行為問題。今次係有疑慮家長嘅好機會，因為初步評估係完全免費，若果需要更全面嘅深入評估，以PRTA為例，收費約5000至12,000元不等。

始終社企要自負盈虧，所以PRTA唔可以所有服務都免費，不過佢哋會提供相關評估服務機構資料畀家長，如[url=]衛生署
[/url]嘅兒童體能智力測驗服務等，等家長自行「格價」，豐儉由人。

歡迎光臨教育王國 (/)