教育王國

標題: 已決定退學 [打印本頁]

作者: 靚媽唔易做 時間: 09-4-16 12:10 標題: 已決定退學

之前已在這裏發表過阿女返學後成日病既文章, 但一直堅持沒有退學, 因諗囡囡病咁多次應該d抵抗力會越來越好掛.....記得囡囡easter假期前都仲有咳(應該話係屋企無咳, 但係學校有).......好神期地easter o個4日假佢一次都無咳, 無病無痛.........直至今個星期2再返學, 夜晚開始發燒, 成晚訓唔到, 尋日下晝仲燒到105度, 佢既精神亦比之前發燒時差, 成日好攰想訓.

我一直十五十六退唔退學係因為我覺得佢係學校點都開心過齌對住姐姐的, 同埋都只係仲有幾個月時間就轉另一間學校, 但又再諗深一層, 佢返咗8個月學但病足6個月真係乜都夠啦, 我唔想佢同我再咁痛苦啊, 真係好矛盾~~希望佢9月份返o個間唔好再成日病啦~

作者: catandpig 時間: 09-4-16 13:38

請問你個囡幾大讀咩班呢 ? 學校好多人都病嗎 ?

原帖由 靚媽唔易做 於 09-4-16 12:10 發表
之前已在這裏發表過阿女返學後成日病既文章, 但一直堅持沒有退學, 因諗囡囡病咁多次應該d抵抗力會越來越好掛.....記得囡囡easter假期前都仲有咳(應該話係屋企無咳, 但係學校有).......好神期地easter o個4日假佢一次 ...

作者: anixon 時間: 09-4-16 13:58 標題: 好多病

我大女番 playgroup 都係一半時間生病ga.

而家都打算唔比細女讀 playgroup, 第二年直上 K1.

作者: 靚媽唔易做 時間: 09-4-16 14:00

佢3歲3個月多d啦, 依家讀緊n班.

打去問老師, 老師梗話唔多人病, 就算病都係傷風咳姐......但如果真係咁少事佢點會成日發燒呢?

聽另一位家長講d老師可能唔夠細心, 就算d小朋友病都照比佢地返學, 咁咪成日交叉感染囉.

作者: wttcly 時間: 09-4-16 14:09

呢個都係我不給囝囝返nursery的原因.

希望囡囡快啲好返啦.

作者: catandpig 時間: 09-4-16 22:42

oic ~~

希望你囡囡快D好返喇

原帖由 靚媽唔易做 於 09-4-16 14:00 發表
佢3歲3個月多d啦, 依家讀緊n班.

打去問老師, 老師梗話唔多人病, 就算病都係傷風咳姐......但如果真係咁少事佢點會成日發燒呢?

聽另一位家長講d老師可能唔夠細心, 就算d小朋友病都照比佢地返學, 咁咪成日交叉感染囉 ...

作者: tabodaisy 時間: 09-4-18 23:40

希望妳b女快d好番

作者: 靚媽唔易做 時間: 09-4-19 00:09

多謝咁多位關心我囡既媽咪, 到今日為止佢已經好返好多了, 唯獨是都有仲有1,2次痾, 希望佢過2日會好返.......

好好笑, 佢平時個肚腩頗大, 但手腳唔肥, 經過今次病後, 佢個肚腩即刻唔見咗, 真係心都痛埋, 但依家精神好好大都叫鬆咗一口氣.

作者: rainring 時間: 09-4-19 09:25

我個囡都係咳, 由10月始斷斷續續病吓好吓咁到今時今日都仲有咳, 中西醫都睇過, 除左1月份同佢停學正式好番之外, 其餘日子都係咳, 故決定6月開始唔再番學等9月正式開學, 暑假會學游水, 希望真係會好番啦

作者: winchoy16888 時間: 09-4-19 15:56

你要同小朋友帶口罩、須然辛苦Ｄ、但好過在感染。

作者: ireneyklo 時間: 09-4-20 02:25

其實ｄ學生都是父母要返工無人照顧小朋友所以去返ｎ班，我同囡囡ｉｎ學校的時候，問校長如小朋友ｓｉｃｋ是否可以照上學佢話是（可以的）。所以小朋友返ｎ班點會唔病呀？

作者: Sorb 時間: 09-4-21 12:09 標題: 回覆 # 的文章

I think this is a kind of trade off.......no PN, your child may not perform well in KG interview. So, if you already have a KG place, why not quit the PN class now so that your child can build up a stronger body to fight against the diseass/virus in KG later.

歡迎光臨教育王國 (/)