教育王國

標題: 請有小朋友讀緊"蔡繼有"o既媽咪幫下手！ [打印本頁]

作者: pakchunmama 時間: 09-4-14 23:45 標題: 請有小朋友讀緊"蔡繼有"o既媽咪幫下手！

上個月我同老公去咗呢間學校睇open day，睇完感覺好唔錯，我地都好鐘意，但有d o野未感受到，因為冇識人係o係入面讀o既，所以想請有小朋友o係呢間學校讀o既家長講下感受。Thanks！
1)我有朋友話聽講呢間學校d EnglishTeacher麻麻地
2)佢又話功課好多，而且係一間好push學生o既學校
3)小一入去o既學生會否感到好難適應？
4)是否小一就可以選擇讀日文/法文？而且到讀到六年班？
唔該晒！

[ 本帖最後由 pakchunmama 於 09-4-15 00:09 編輯 ]

作者: cornelius 時間: 09-4-15 02:40

會否妳是指保良局陳守仁小學呢？若是的話，我就幫不到妳了。

作者: Elona 時間: 09-4-15 10:25

我有個舊同事既仔仔係蔡繼有讀書, 佢覺得仔仔同其他小朋友讀得好開心, 仔仔做功課溫書自動波(唔知同學校有冇關係), 英文程度肯定深因為舊同事既家姐係教中學, 攞蔡繼有既 reader比中學學生睇都唔係好明, 但我覺得小朋友係一張白紙, 吸收和適應能力好強, 比多D信心同支持就ok

原帖由 pakchunmama 於 09-4-14 11:45 PM 發表
上個月我同老公去咗呢間學校睇open day，睇完感覺好唔錯，我地都好鐘意，但有d o野未感受到，因為冇識人係o係入面讀o既，所以想請有小朋友o係呢間學校讀o既家長講下感受。Thanks！
1)我有朋友話聽講呢間學校d EnglishTeacher麻麻 ...

作者: kyliema2006 時間: 09-4-15 10:52

蔡繼有上個月好像没有open day，樓主係咪講緊陳守仁？

想回應英語程度問題，蔡繼有的環境有點像國際學校，平日都需要以英語或普通話溝通，所以有很多書本不會教的英語語句，學生都會懂。生字好像好深，但是因為平日用得上，所以學生就會識。她學習的方法並不是『啃生蛇』，而是自然消化，加上學校祇著重學生的能力，而不著重分數，所以讀書壓力不大。

[ 本帖最後由 kyliema2006 於 09-4-15 10:59 編輯 ]

作者: pakchunmama 時間: 09-4-15 13:24

原帖由 kyliema2006 於 09-4-15 10:52 發表
蔡繼有上個月好像没有open day，樓主係咪講緊陳守仁？

想回應英語程度問題，蔡繼有的環境有點像國際學校，平日都需要以英語或普通話溝通，所以有很多書本不會教的英語語句，學生都會懂。生字好像好深，但是因為平日用得上，所以學生 ...

唔好意思！其實我係想問"陳守仁"至啱！不過兩間都係保良局，而且兩間我地都有興趣，所以我輪輪盡盡一時打錯咗，加上我又冇再睇一次自己打咗d乜，所以搞咗d誤會出o黎，真係唔好意思！
其實"蔡繼有"我地早兩、三個星期前都有去望過，不過入唔到去，淨係睇出面，就真係覺得好舊！我上過學校個網睇，知佢新校舍起緊，但o個日我地問學校個'實Q'，佢又話唔知幾時起好，所以暫時"陳守仁"係首選囉！

歡迎光臨教育王國 (/)