教育王國

標題: 睇緊YBCR的媽媽點教bb？ [打印本頁]

作者: tww 時間: 09-4-14 10:47 標題: 睇緊YBCR的媽媽點教bb？

我想問下bb睇緊Your baby can read的媽媽，在YBCR 裏面d生字(e.g. head, eyes, dog, cat...)在video and play cards時當然用英文教。但在日常生活中其他人e.g.公公婆婆會用中文同bb講，咁你地會唔會堅持只用英文同bb講？bb會唔會confuse同一件物件的中文同英文？

另外，如果bb仲未識自己坐,你地會抱住佢睇和捉往佢隻手做動作,or俾其他人抱住佢而你面向佢做動作？邊樣效果好d？我得自己一個人教，諗緊弟日佢識自己坐之後應該抱住佢睇定係面向佢做動作

作者: Pertra 時間: 09-4-14 22:08

提示: 作者被禁止或刪除內容自動屏蔽

作者: jeanreno 時間: 09-4-16 14:45

我個人好唔同意有人話，用唔同語言同BB講野會令BB confused，我隻B就黎三歲，佢自小接觸五種語言，我完全唔覺得佢亂，當然佢周圍環境係廣東話居多，佢primary language一定係廣東話，但佢亦可以自己講出全句英文同日文。關鍵係：

一、媽咪無論用咩語言同BB講野，一定要全句用該種語言講。

二、同BB講野要用正常大人語法，戒絕BB話。

三、持續每天講，語氣愉快輕鬆自然。

四、BB講錯不糾正，只向BB說正確發音。

當然以上只係個人經驗，如非有心在語言方面重點培育小孩的，沒有必要理會，就算講BB話，佢地大左都一樣識講野，只不過可能會遲少少同慢少少。

至於抱唔抱佢睇，點抱住佢睇，由邊個抱住佢睇，我建議你樣樣試下，因為每個BB性格都唔同，感受亦唔同，唔試唔知點先舒服，有時你舒服佢唔舒服，有時佢舒服你卻辛苦，為人父母都係邊做邊學，試多幾次自然搵到一個optimum位。我自己就由得佢坐響度睇，熄左電視之後抽時間自己做俾佢睇。我都係自己一個人教，經常回顧同展望點樣會令佢學得好dd，盡力而為啦，BB會同你一齊開心學習架！加油！！

歡迎光臨教育王國 (/)