教育王國

標題: 灣仔協康or柴灣協康, 應該點揀好 [打印本頁]

作者: simon612 時間: 09-2-12 21:18 標題: 灣仔協康or柴灣協康, 應該點揀好

我諗住九月同我個小朋友轉校, 佢而家三歲都仲未識講野, 咁應該揀灣仔協康好丫, 定係柴灣協康好呢?

有邊位家長可以分享一下呀, 唔該晒!!

作者: sharon26788 時間: 09-2-12 21:59

柴灣協康既情況就唔係好清楚

灣仔果間我就參觀過,環境就不過不失啦,畢竟有番咁上下時間,呢樣野我覺得唔係好緊要,最主要就係睇入邊既主任同老師,師資最緊要嘛.聽果邊既媽咪講,在圍內口碑都唔錯架.

講真,我都差d選擇左呢間,不過係第三志願,因為我住九龍.

建議你打電話去呢兩間約下時間,可以去參觀下,同d社工或主任傾下,應該可以做出選擇

作者: simon612 時間: 09-2-13 07:22 標題: 回覆 #2 的文章

兩間都睇過, 兩間都係叮噹馬頭, 先至唔知點揀好, 灣仔個間主張用佢地既服務到6歲先至返回主流學校, 而柴灣個間主張將個小朋友訓練到正常就返回主流學校, 而我又住柴灣既, 講地理就當然揀柴灣啦, 但而家係為個小朋友去諗丫嘛, 都唔知可以點揀

作者: hinhinmummy 時間: 09-2-13 09:37

原帖由 simon612 於 09-2-13 07:22 發表
兩間都睇過, 兩間都係叮噹馬頭, 先至唔知點揀好, 灣仔個間主張用佢地既服務到6歲先至返回主流學校, 而柴灣個間主張將個小朋友訓練到正常就返回主流學校, 而我又住柴灣既, 講地理就當然揀柴灣啦, 但而家係為個小朋友 ...

absolutely 灣仔............

主張用佢地既服務到6歲先至返回主流學校,
-呢個係主任/老師的金句, 因為出邊每一個t 的service 都好貴, 有得用點解吾用到盡?

而柴灣個間主張將個小朋友訓練到正常就返回主流學校
- 就算你係灣仔讀, 你覺得小朋友已經追返好多, 你要出返黎讀, 佢地都吾會阻止你

作者: cecilau 時間: 09-2-13 10:25

我仔仔返緊灣仔協康, 入學前講野都係麻麻, 而家返左4個月學, 而家識得講自己個名啦. 識講少少sentence 啦. 老師好有心機一個個字咁教佢講野呀. 老師同主任都係一流好有愛心呀. 仲俾好多機會小朋友出去參觀呀.

原帖由 simon612 於 09-2-12 21:18 發表
我諗住九月同我個小朋友轉校, 佢而家三歲都仲未識講野, 咁應該揀灣仔協康好丫, 定係柴灣協康好呢?

有邊位家長可以分享一下呀, 唔該晒!!

作者: simon612 時間: 09-2-13 16:43

睇黎都好多人揀灣仔個間喎, 咁有冇柴灣個間既評語呀?

歡迎光臨教育王國 (/)