教育王國

標題: 如果係你,你會點做? [打印本頁]

作者: bryanssf 時間: 09-2-7 15:34 標題: 如果係你,你會點做?

尋晚同囡囡傾計,她對我說係小息時,她班中有位小朋友很嘈吵,風紀叫這位小朋友安靜,但小朋友並沒有理會,繼續嘈,之後,風紀用了一條膠紙封住小朋友的咀,而小息完結,風紀返回自己課室,小朋友就自行將膠紙撕掉.我跟住問囡囡其他小朋友有冇看見,佢話有.

聽完囡囡所講,我心想個風紀咁樣做,唔係太好.

其實囡囡所提及的風紀行為都有些問題的.事情是每日各位小朋友都會帶小食回校,到小息時,各小朋友會各自吃這些小食,而這位風紀時時攞小朋友的小食,有一次,她攞完我囡囡的小食後,同我囡囡講好好食,叫我囡囡下次帶多d;之後,囡囡好唔開心同我講這事,自此之後,當囡囡知道那一天是這位風紀當值的,囡囡就不會好味的食物回校,只是帶幾塊餅乾.當時我同老公講不如同班主任反映,但當我地決定反映時,囡囡又再同我講唔知係有其他小朋友的家長已經反映了,這位風紀沒有再攞小朋友的小食.而我地覺得囡囡冇再提及此事,我地又再去反映.

今次囡囡同我傾談此事,我應否同班主任反映好,定再留意囡囡再有冇這些事發生?

作者: 麟媽媽 時間: 09-2-7 15:41

先通知被風紀封口既同學家長，
等佢問吓自己個小朋友當時情況，
再由呢位家長向校方反映比較合適。

作者: Mary媽咪 時間: 09-2-7 17:20

我覺得應該同老師講，叫老師去理解下呢位風紀...

作者: bryanssf 時間: 09-2-7 18:24

原帖由 麟媽媽 於 09-2-7 15:41 發表
先通知被風紀封口既同學家長，
等佢問吓自己個小朋友當時情況，
再由呢位家長向校方反映比較合適。

本人是位在職媽媽,對囡囡的同學的家長沒有多接觸及認識,不知從何入手,我這樣做好似揭穿這位同學(被貼膠紙)在校的頑皮,會否覺得我多事?

作者: goodmama2003 時間: 09-2-7 22:05

提示: 作者被禁止或刪除內容自動屏蔽

作者: sallytamsh 時間: 09-2-7 23:14

我覺得不宜與那風紀的家長傾談, 以免因誤會而出現爭執.
最好是將此事告知負責風紀的老師或班主任, 由他們去了解因由. 若屬真的, 便請老師教導那位風紀.
雖然風紀是學校的哥哥姐姐, 應愛護弟妹, 但風紀也是小朋友, 俾機會他們, 並請老師教導他們改過.
此外, 家長都要留意自己小朋友會否因風紀一事而不開心或受影響, 並教導他們若下次出現此事, 便要告知老師及父母.

歡迎光臨教育王國 (/)