教育王國

標題: 好唔開心... [打印本頁]

作者: jor_mankiu 時間: 09-2-2 01:14 標題: 好唔開心...

我是特殊教育板的稀客, 雖然我bb因早產有腦創(腦部有雞蛋咁大的組織壞死), 但我一直都當佢普遍bb看待, 希望佢吉人天相, 而事實是佢發展屬偏慢, 但so far 唔算好嚴重, 只喺小肌肉同吞嚥比較渣, 宜家更正年齡剛好1歲, 但未識手指指, pincer grip唔合格, 吞嘢吞得唔好, 但已經個個禮拜做pt, 下個禮拜搵st做評估.

前幾日帶bb去拜年, 見我姑姐, 第一件事就比佢鬧點解佢仲唔喺自己喳住杯飲, 點解bb 仲要我餵, bb自己扶都唔扶住個杯, 食嘢又唔識自己郁手, 全程要我餵, 成個皇帝仔咁比人縱壞晒, 佢自己唔乍住咪唔比佢食, 佢餓就自然識…

我知佢講呢番說話無心, 但喺我bb出世得唔夠兩磅, 宜家一直underweight, 又唔肯食嘢, 好辛苦先令都佢食多幾啖,我又已經每日都同佢做緊訓練, 練手’瀝’食物放入口, 練’咋’杯, 練用sippy cup, straw, 但佢仍然一啲意識到無… 我個朋友個仔8個月已經識飲sippy cup, 自己放食物入口, 但我bb就乜都未識…

我知我可能太心急, 但喺我可以foresee到日後嘅日子喺漫長的, 成日會聽到人講點解bb乜都未識, 喺埋我縱佢縱得太犀利…

希望各位發展遲緩媽媽都繼續努力, 排除萬難好好堅持落去啦!!

作者: ndw 時間: 09-2-2 09:00

樓主，謝謝你的肺腑之言。
我可想到在這特殊教育篇裡的父母常會遇到類似的這種不公平的被別人批判的指指點點的語言和眼光。
在外面的陌生人前，我就一笑而之。在親戚朋友前，我就不停的提醒他們我女兒的腦部的發展不正常，還會搬來兒童腦神經科醫生的專家意見與看法去試試能否堵住這些自以為懂的口。還說，我的女兒已有很大的進步啦。從不能吃到能吃已是一個神跡（不信神的，就是好運氣。）日後還會按她自己的步伐繼續有進步。我們做父母的，天天看顧我們的兒女，兒女在發展上的需要我們是最清楚不過的。連兒童腦神經科醫生的專家， PT,OT 都認同我們身為父母對我們的特殊兒女們的特別功用。我們的兒女真的需要我們做父母的特別教管，照顧，要不然，我們的兒女就更難有發展了。
最後，不要理會一些無知的話語。你是一位好父母。也無須被這旁人的言語影響心志。再不可以撐下去就少見些。等你心志強壯時才在接觸。
努力！加油！

作者: January 時間: 09-2-2 15:41

hi jor_mankiu,
我地小朋友仲細, 真係仲有慢慢長路, 吾駛理人地, 試下同自己比較, 進步左幾多, 再去下一個目標. 咁對我地既小朋友都公平d, 我地亦會積極d開心d :), 最緊要係有進步, 多d鼓勵佢地做得更好有更多既進步. 加油呀!

原帖由 jor_mankiu 於 09-2-2 01:14 發表
我是特殊教育板的稀客, 雖然我bb因早產有腦創(腦部有雞蛋咁大的組織壞死), 但我一直都當佢普遍bb看待, 希望佢吉人天相, 而事實是佢發展屬偏慢, 但so far 唔算好嚴重, 只喺小肌肉同吞嚥比較渣, 宜家更正年齡剛好1歲, ...

作者: bridge 時間: 09-2-2 22:40 標題: 回覆 # 的文章

雖然我是不認識你，但看到你所寫的，也替你不開心，不過，我很相信你是一個好父母，不要為別人的誤解而不開心，小朋友的成長是很奇妙的，今天不懂，只是時候未到，終有一天會有進步，不要灰心，天父會看顧每一個小孩子!!為你祈禱

作者: TommyGirl 時間: 09-2-3 00:47

每個小朋友有唔同的進度,最了解自已孩子的就是父母自己,唔好因為一些唔了解自己孩子情況的人指指點點而唔開心,最重要是父母懂得欣賞孩子有進步,了解孩子進度,慢慢教導,揠苗助長,沒有好處。
其實,樓主已經好叻,將一個5夠2磅BB凑大,遲緩只係遲,係時間問題,即係話BB最終會做到,加油!

作者: JUNEYEUNG 時間: 09-2-3 01:41 標題: 我都有同感

我BB 言語遲緩1年, 同D朋友聚會, 每次都要解釋點解講野咁得意講咁短, 對答又唔好, 又成日詞不達意, 佢地又唔知呢一年我用左幾多心機佢先講咁多野,(仔仔3YR+6) , 仲有時其他朋友的BB仲細過佢, 講野又叻過佢, D MAMI 又會用D奇異眼神望你, 唉....我現在都習慣咗啦, 總之自己覺得BB OK 就算啦:;pppp:

作者: owl_2046 時間: 09-2-3 17:53

我都係咁話, 最緊要自己感到自己仔女有進步就得啦.
我身邊親人,老闆, 同事及朋友甚至鄰居都好支持我及亞仔.
人地點睇我地無法控制, 佢地指指點點只係佢地無知(唔知)
漫漫長路, 下下比人地D說話打殘自己唔掂喎, 大家一齊努力向前, 我地仔女一定得

作者: jor_mankiu 時間: 09-2-4 00:44

好多謝你嘅安慰, 我會學得睇開啲同'硬正'啲喇!

今日第一次見speech therapist, 佢話佢oral hyposensitive, 仲比啲訓練我地做, 希望佢繼續進步啦!

作者: owl_2046 時間: 09-2-4 14:34

係啦, 向前望, 大家囝囡一齊進步..

原帖由 jor_mankiu 於 09-2-4 00:44 發表
好多謝你嘅安慰, 我會學得睇開啲同'硬正'啲喇!

今日第一次見speech therapist, 佢話佢oral hyposensitive, 仲比啲訓練我地做, 希望佢繼續進步啦!

歡迎光臨教育王國 (/)