教育王國
標題: 你們心目中40區的band1學校是? [打印本頁]
作者: babytowe18 時間: 09-1-29 22:46 標題: 你們心目中40區的band1學校是?
如果你對40校網區(深水埗區)有些少認識, 不坊給予該校的band, 由最好的band1至唔好的band3, 謝謝
荔枝角天主教小學
英華小學
啟基學校
保良局蔡繼有學校
聖公會基福小學
聖公會聖紀文小學
聖瑪加利男女英文中小學
德雅小學
聖方濟各英文小學
九龍禮賢學校
崇真小學暨幼稚園
聖公會聖安德烈小學
旅港開平商會學校
瑪利諾神父教會學校（上午 / 下午）
聖方濟愛德小學
作者: shirleychan 時間: 09-1-31 00:58
最好是荔天嗎？
因為有朋友住Tuen Mun ，小朋友都報荔天。
作者: MariaTsui 時間: 09-1-31 10:07
其實,樓主的list真的很難compare,因為有津校,直資和私校,直資和私校是可以自己選學生,所以在學生質素方面已經佔優,這樣學生的成績也較有保證,如果這樣比較,對津校實在太不公平。
作者: babytowe18 時間: 09-2-26 23:25
原帖由 MariaTsui 於 09-1-31 10:07 發表 
其實,樓主的list真的很難compare,因為有津校,直資和私校,直資和私校是可以自己選學生,所以在學生質素方面已經佔優,這樣學生的成績也較有保證,如果這樣比較,對津校實在太不公平。 ...
不好意思, 問題過於膚淺
咁若果分私校同直資一類, 津校一類, 咁個band又會係點分呢
作者: 123!@# 時間: 09-2-27 12:41
我覺得至top係聖芳濟各英文小學, 其次英華, 最後我會揀瑪莉諾神父.
作者: babytowe18 時間: 09-2-27 14:45
原帖由 123!@# 於 09-2-27 12:41 發表
我覺得至top係聖芳濟各英文小學, 其次英華, 最後我會揀瑪莉諾神父.
我都覺得係聖芳濟各英文小學係至top, 其次英華, 而瑪莉諾神父都唔知咩'水'
作者: silvia_ng 時間: 09-2-27 14:51
原帖由 babytowe18 於 09-2-27 14:45 發表
我都覺得係聖芳濟各英文小學係至top, 其次英華, 而瑪莉諾神父都唔知咩'水'
SFA(私校)係好呀, 不過校舍比較細, 我對呢間學校印象麻麻。但升中派位真係幾好。
英華(直資)都好呀, 校舍大, 如果小朋友可以達到佢地直通車標準, 仲可以唔洗煩多次升中。
瑪莉諾神父(津校)同荔天(津校)都係好多人選既天主教學校。佢地都好似係有BAND1中學有聯繫(如有錯請指正, 因為我冇咩睇過天主教學校)
作者: babytowe18 時間: 09-2-27 15:14
原帖由 silvia_ng 於 09-2-27 14:51 發表
SFA(私校)係好呀, 不過校舍比較細, 我對呢間學校印象麻麻。但升中派位真係幾好。
英華(直資)都好呀, 校舍大, 如果小朋友可以達到佢地直通車標準, 仲可以唔洗煩多次升中。
瑪莉諾神父(津校)同荔天(津校)都係好多 ...
咁瑪莉諾神父(津校)同荔天(津校)係咪個區band1學校呢, 仲有無其他呢
你無選天主教學校係因為咩原因呢?我都唔想選有宗教既學校
作者: silvia_ng 時間: 09-2-27 15:49
原帖由 babytowe18 於 09-2-27 15:14 發表
咁瑪莉諾神父(津校)同荔天(津校)係咪個區band1學校呢, 仲有無其他呢
你無選天主教學校係因為咩原因呢?我都唔想選有宗教既學校
其實學校冇BAND 1之分架, 只係學校入面有幾多可以升BAND 1中學既學生。所以先識下升中既方法, 再選小學會多少少幫助架。你小朋友係咪今年9月升小一? 如果唔係, 仲有時間睇下呀!
冇選天主教係因為我偏好基督教(我而家都學習緊當中既智慧, 不過仍需努力, 呵呵), 天主教好似嚴肅D, 我D細路都幾頑皮, 怕D SISTER頂佢地唔順, LABEL左佢係百厭仔百厭女就死囉。有宗教都好既, 宗教教佢地乖JE, 不過考試要考多科囉
作者: babytowe18 時間: 09-2-27 17:59
咁40區仲有邊間比較好既小學推介呢
作者: silvia_ng 時間: 09-2-27 18:42
原帖由 babytowe18 於 09-2-27 17:59 發表
咁40區仲有邊間比較好既小學推介呢
好唔好唔敢講, 大家觀點與角度唔一樣, 不過可以話少少你知比較熱門既學校(津校咋, 直資&私校果D要你自己睇, 同埋唔一定係要深水步既):
荔天
瑪莉諾神父
基福
聖紀文
旅港開平
其他熱門我就唔係太清楚啦。另有新貴"協和", 都係今年好多人選。
作者: babytowe18 時間: 09-2-27 18:56
原帖由 silvia_ng 於 09-2-27 18:42 發表
好唔好唔敢講, 大家觀點與角度唔一樣, 不過可以話少少你知比較熱門既學校(津校咋, 直資&私校果D要你自己睇, 同埋唔一定係要深水步既):
荔天
瑪莉諾神父
基福
聖紀文
旅港開平
其他熱門我就唔係太清楚啦。另有新 ...
咁40區熱門, 但與全港學校水平比較, 係咪麻麻地呢?(因為我將會搬這區, 好擔心,請指點)
作者: babytowe18 時間: 09-2-27 18:59
原帖由 silvia_ng 於 09-2-27 18:42 發表
好唔好唔敢講, 大家觀點與角度唔一樣, 不過可以話少少你知比較熱門既學校(津校咋, 直資&私校果D要你自己睇, 同埋唔一定係要深水步既):
荔天
瑪莉諾神父
基福
聖紀文
旅港開平
其他熱門我就唔係太清楚啦。另有新 ...
如果以上呢幾間, 再細分呢, 最好至最差排位係點呢(不用負責, 只講自己心水)
作者: pipi331 時間: 09-2-27 21:06
提示: 作者被禁止或刪除 內容自動屏蔽
作者: silvia_ng 時間: 09-2-28 00:07
原帖由 babytowe18 於 09-2-27 18:56 發表
咁40區熱門, 但與全港學校水平比較, 係咪麻麻地呢?(因為我將會搬這區, 好擔心,請指點)
其實我又覺得呢區幾平均喎....如果41網果d可能只得一兩間多人提, 其餘唔知好唔好。
水平就唔識講啦, d小學黎黎去去都係用果幾間出版社既書啦。但自己小朋友係點樣, 都要睇你自己配合架。
作者: silvia_ng 時間: 09-2-28 00:13
原帖由 babytowe18 於 09-2-27 18:59 發表
如果以上呢幾間, 再細分呢, 最好至最差排位係點呢(不用負責, 只講自己心水)
如果排位都應該係咁
荔天 - 升中幾好
瑪莉諾神父 - 升中幾好
聖紀文 - 升中幾好, 但好得辛苦, 要自己同小朋友都頂得順6次考試先得。
基福 - 學生好多, 競爭激烈。但因為係新校, 未有升中派位可跟。(此校係前聖紀文下午校分支出黎變全日制, 佢地未有自己教既p1-p6學生)
旅港開平 - 有聯繫band 1英中, 但入得到既人唔多。上年聽佢地講位就有15個, 但最後只有12個學生入去讀。因為最top果d又未必選佢地既英中, 但考得後過15既中學果邊佢地又唔考慮收。校舍細。
作者: babytowe18 時間: 09-2-28 11:29
原帖由 silvia_ng 於 09-2-28 00:13 發表
如果排位都應該係咁
荔天 - 升中幾好
瑪莉諾神父 - 升中幾好
聖紀文 - 升中幾好, 但好得辛苦, 要自己同小朋友都頂得順6次考試先得。
基福 - 學生好多, 競爭激烈。但因為係新校, 未有升中派位可跟。(此校係前聖 ...
好以瑪莉諾神父係英中(好似), 咁其餘2間荔天,聖紀文呢
同埋我見bk家家普遍仲意荔天多d(好似), 唔知佢地分別升中情況係點呢
作者: silvia_ng 時間: 09-2-28 12:19
原帖由 babytowe18 於 09-2-28 11:29 發表
好以瑪莉諾神父係英中(好似), 咁其餘2間荔天,聖紀文呢
同埋我見bk家家普遍仲意荔天多d(好似), 唔知佢地分別升中情況係點呢
你可以上佢地校網睇, 佢地都有post出黎架。
作者: MariaTsui 時間: 09-3-2 14:17
荔天的確不錯,最重要囝囝讀得開心。
作者: easonkinki 時間: 09-4-8 04:53
比你地講到我心思思,我而家唔係住深水步區啦!但我以前讀善導下午校,簡荔天有20分,真係唔知誇唔誇區好,不過我而家輪緊公屋,如果等深水步區的樓真係要等3,5,7年都唔知派唔派到,唔係每日小朋友就要好早起身坐校巴返學
作者: candytsy 時間: 09-4-18 10:34
如果有20分茘天同瑪莉諾神父小學比較,應該如何取捨?請指教?
作者: easonkinki 時間: 09-4-19 09:48
瑪小係咪傳統教學架?
我fd個女讀緊小二佢上學期份英文試卷好深,深到我諗我只會拎到合格,(我係個英文白痴)
而佢本身成績唔錯,但份卷得50分,佢話成班好多人死晒
作者: easonkinki 時間: 09-4-19 09:50
其實2間都係好學校,感覺瑪小的學生乖D純D,但我會簡荔天,因為瑪小我得15分仲要跨區,我唔會咁博
作者: candytsy 時間: 09-4-21 15:22
茘天同瑪小不就同一區嗎?大家都係40區校綱,如瑪小跨區茘天都應是,兩校距離都不到5分路程.
原帖由 easonkinki 於 09-4-19 09:50 發表
其實2間都係好學校,感覺瑪小的學生乖D純D,但我會簡荔天,因為瑪小我得15分仲要跨區,我唔會咁博
作者: easonkinki 時間: 09-4-21 19:34
荔天係我母校有20分
作者: tpybaby 時間: 09-4-21 22:55
九龍禮賢學校: it is good in reputation, and good band one % (70%). But not knowing details in the distribution to secondary school ?
By the way, seems many schools have quite high band one % in this school net. Any idea ?
作者: candytsy 時間: 09-4-23 17:57
哦!原來係咁!當然唔使諗都係茘天,上年去過開放日其實很鍾意,環境很好,小朋友每周都有英語日同普通話日,所有師生當天都要用該樣語言作日常會話,又有外籍英語老師,該老師看上去很有愛心同經驗,年齡都有咁上下,可惜就係中學又要煩一次,而且上英中%上年只有48%,如果小朋友成績沒到中上真係有啲擔心.
原帖由 easonkinki 於 09-4-21 19:34 發表
荔天係我母校有20分
作者: candytsy 時間: 09-4-23 18:13
禮賢不如聖方濟各,我覺得私小來講聖方濟各應係深水埗區數一數二的,而且學費又不貴,有一次在石硤尾MTR,見到幾個該校的小男孩應有10-11歲一直冇入站在飲汽水,有個同學仔問:仲唔走,他答:飲完先入會整污周圍架!在我認識的咁大男孩中好似很小有咁守規矩的,所以我覺得這校真不錯.
原帖由 tpybaby 於 09-4-21 22:55 發表
九龍禮賢學校: it is good in reputation, and good band one % (70%). But not knowing details in the distribution to secondary school ?
By the way, seems many schools have quite high band one % in this ...
作者: MariaTsui 時間: 09-4-23 20:48
講開學生,昨天我遇見這區出名直資男校的學生,都有9-10歲,態度就極有問題,大家都知道同一屋苑只有幾個上落校車的地方,我囝與該名學生是不同學校,大家的校車站,都有相隔一個班馬線加一個大花甫,他走到我囝學兄身邊,用手拍打學兄手上報紙,并警告他不可再在車上叫他"foolish",然後不停大聲責罵,當然他離開校車站,車長便過來找他,他還大大聲說學兄成績如何差,中文多少分,數學多少分,好像告訴人家學兄成績比他差,所以"foolish"不是他,應是學兄,他大聲罵完就走,學兄一直沒有說過一句話,他這樣的態度認真要不得,我打電話告訴該校訓導,訓導竟然說該校900多名學生,當然良莠不齊,言下之意,好像是意料之內,也無能為力,這刻真的慶幸我兒不是就讀該校。
作者: wynma 時間: 09-4-24 13:29
Hi Maria Tsui,
請問是那間直資男校呀? 可否告知? 如不方便公開, 請PM我啦, 謝謝!
原帖由 MariaTsui 於 09-4-23 20:48 發表
講開學生,昨天我遇見這區出名直資男校的學生,都有9-10歲,態度就極有問題,大家都知道同一屋苑只有幾個上落校車的地方,我囝與該名學生是不同學校,大家的校車站,都有相隔一個班馬線加一個大花甫,他走到我囝學兄身邊,用 ...
作者: laiheiyau 時間: 09-4-26 23:23
瑪莉諾神父
作者: Fion_Chan 時間: 09-4-28 14:01
有以下意見：如果諗埋中學唔使煩，我會揀有一條龍/直屬/聯繫中學既小學：
英華小學(男校) - 一條龍直資，中學top band 1
保良局蔡繼有學校 - 一條龍私立，中學...太新未見成績(我對未夠10年歷史的新校有保留)；
聖瑪加利男女英文中小學 - 一條龍直資，中學...太新未見成績；
德雅小學(女校) - 津校，直屬中學band 1
九龍禮賢學校 - 小學私立，中學彭學高，好似band 3喎，當然佢地小學生成績好好，好多升去其他band1中學；
崇真小學暨幼稚園 - 私立，中學好新，未有會考成績
旅港開平商會學校 - 津校，聯繫中學band 1(但派到上中學比率好似得20%)
瑪利諾神父教會學校（上午 / 下午）津校，直屬中學band 1
聖方濟愛德小學 - 聯繫中學(長沙灣天主教-男校)，band 1(但派到上中學比率都係好似得20%)
咁，我會揀：
英華(男校)、德雅小學(女校)、旅港開平、瑪利諾神父、聖方濟愛德小學(雖小學係男女，但長天係男校)，
而想升上band 1中學機會再穩陣D：
英華(男校)、德雅小學(女校)、瑪利諾神父(男女)
總結：如果基於穩陣升上band 1中學機會，40網男仔我會建議必考英華(英華係直資)，報瑪利諾神父，女仔就係報德雅或瑪利諾神父。
(申報：我係瑪利諾神父家長)
如有錯漏，請指正。
作者: wince_612 時間: 09-5-2 16:03
瑪莉諾神父中學係Band 1. 我小朋友係讀緊York, york校長話瑪莉諾神父小學校風比較純樸, 所以我自行收生都择左同收左. 原因係我小朋友比較文靜同怕羞, 所以校風對我來說十分重要, 而且我唔想小朋友p6再煩, 只要小朋友Keep住校內成績中上, 仍然可讀回原校, 大人小朋友都唔需要煩, 小朋友仲有一班一齊長大的好朋友, 所以都係一個唔錯的選舉(個人意見)!
作者: yenwong965 時間: 09-5-6 09:56
我成日聽到D家長話，有小朋友在旅港開平，讀得幾好同唔錯，其實佢有D咩好呢，課程又深唔深呢？有無人知道？？？ thx
作者: smallmama 時間: 09-5-6 11:59
我相信就算一間學校點好點優, 一定會有一些不好既同學在內也不出奇, 因為學校就係社會既縮影, 既然你囝囝不是該校學生, 又怎知那所學校是怎樣教, 用一個小朋友既行為便用慶幸我兒不是就讀該校, 會否過咗小小火呢, 你又怎知他們2人之間是否曾有口角, 所以那位小朋友才用這麼激進的方法對待. 不啱聽可以不理我.
原帖由 MariaTsui 於 09-4-23 20:48 發表
講開學生,昨天我遇見這區出名直資男校的學生,都有9-10歲,態度就極有問題,大家都知道同一屋苑只有幾個上落校車的地方,我囝與該名學生是不同學校,大家的校車站,都有相隔一個班馬線加一個大花甫,他走到我囝學兄身邊,用 ...
作者: winniem 時間: 09-5-6 13:34
i'll choose Ying Wah or St Francis. but Ying Wah is not easy to get into.
作者: MariaTsui 時間: 09-5-6 18:19
我在此說出當日所見的事,只是純個人感受,因為是一大清早,校車隧還沒有太多學生,我只與囝囝說話,突然被一把很大,很囂張的聲音打斷,這才引起我的注意,我也不是特別評擊某學校,我也明白每間學校多數會良莠不齊,但當我與學校訓導談話之後,我心中的確響起"慶幸我兒不在該校就讀",這只是純個人感覺,可能我當時在現場感覺大一點,但我不覺得"過火小小",我沒有要求任何人認同,只是純個人的表達而已。
我記得兒時的老師也有教導校服就代表學校,當穿著校服在校外所有一切的行為也可反映學校的教導,可能我比較古板,我也有這樣教導我兒,穿著校服時要特別檢點,這不但影響學校形像,也影響學校其他學生形像,這些都是個人感覺,沒有特別意思,以免讓人覺得"我特別誇張"。
作者: easonkinki 時間: 09-5-8 21:36
原帖由 shirleychan 於 09-1-31 00:58 發表
最好是荔天嗎？
因為有朋友住Tuen Mun ，小朋友都報荔天。
作者: MimiCactus 時間: 09-5-11 16:11
一個簡單的答案, 從孩子的言行舉動就會知道小朋友出於何處! 小兒是K3學生, 有時在家中玩老師和學生遊戲, 假如我扮作做不到, 他會鼓勵我答道: 唔緊要, 再試下. 可想而知, 小兒在一間充滿愛心和鼓勵聲中的學習環境成長. 一個學生假如在大庭廣眾, 聲大大話人, 可想而知問題一係出於學校怎樣教育, 家庭如何定位. 本人相信已估到該間直資學校是那所, 亦明白德育是何等重要. 小時自己在九龍城順風街一所中上小學就讀, 記得葉Sir話,你們穿著我們呢間學校校服, 就是學校一份子, 街外人認識我們, 就靠你們的言行舉止, 幸好, 多年來的師弟妹一直愛護學校, 名聲校風依舊撲實. 自己亦曾有投訴其他學校的經驗, 一間是粉嶺官立小學, 另一間是Causeway 專收小數族裔, 兩間學校並非brand one 小學, 但老師處事態度認真及誠懇, 令我印象難忘. 做家長教仔女不是要教小朋友有禮貌和有規舉嗎?原帖由 smallmama 於 09-5-6 11:59 發表
我相信就算一間學校點好點優, 一定會有一些不好既同學在內也不出奇, 因為學校就係社會既縮影, 既然你囝囝不是該校學生, 又怎知那所學校是怎樣教, 用一個小朋友既行為便用慶幸我兒不是就讀該校, 會否過咗小小火呢, 你 ...
作者: MimiCactus 時間: 09-5-11 18:49
請見諒本人長氣, 記得投訴粉嶺小學一事, 老師的愛心和忍耐令我印象難忘. 那天, 我和小兒(歲半)去粉嶺圖書館, 和一群約九或十歲身穿校服的小朋友同lift. 他們高談闊論, 初時, 只覺他們好動, 但之後他們竟同一個歲半小朋友爭位坐,又說老師教既的說話來單打本人時, 當時心想, 咩學生呀? 邊間學校? 更差架. 之後打電話去該校, 他們的老師有禮地回覆本人. 並答謝本人的complaint和會跟進事件. 原來該名學生是成績卓越的好學生, 在老師眼中是品學兼優的好孩子. 老師說多謝我的電話, 令他們可以更了解學生, 不致那學生聰明反被聰明誤, 他日走上歧途. 做老師大有人在, 有人睇錢打工, 有人只為出名, 又有幾多位老師是用心愛學生呢? 原帖由 MimiCactus 於 09-5-11 16:11 發表
一個簡單的答案, 從孩子的言行舉動就會知道小朋友出於何處! 小兒是K3學生, 有時在家中玩老師和學生遊戲, 假如我扮作做不到, 他會鼓勵我答道: 唔緊要, 再試下. 可想而知, 小兒在一間充滿愛心和鼓勵聲中的學習環境成 ...
| 歡迎光臨 教育王國 (/) |
Powered by Discuz! X1.5 |