教育王國

標題: 遲一年讀書做大B好唔好? [打印本頁]

作者: WKA 時間: 09-1-8 21:46 標題: 遲一年讀書做大B好唔好?

因我BB是細B(06年9月), 現已交了留位費讀K1(09年9月), 但是下午班是細B.

因我聽聞如我B遲一年讀K1, 做大B頭腦是否清晰D, 比起同期同學日後成績好D?

作者: kerkermui 時間: 09-1-9 09:49

我睇過d早期教育嘅書, 話小朋友月齡相差幾個月, 能力可以相差好遠, 細仔長期處於唔能人叻嘅環境, 會影響佢對學習嘅興趣~

另外, 就係小朋友e+嘅能力去到邊, 如果佢快人3幾個月嘅, 我會俾佢讀K1, 如果佢只係一般嘅話, 我會俾佢讀N1(ie.e遲一年讀)

其實, 9月都唔算細~~

作者: PearPear 時間: 09-1-9 10:43

我都有諗個呢個問題!  我隻豬8月頭出世, 而家同佢報出年8月讀N1, 但係都係收佢下午班.  咁情況, 相信佢到k1時, 都會係下午班.

而且都有諗過可能同同年大仔比, 佢唔夠成熟, 學野慢...所以我都有諗過比佢遲一年做大仔, 但係又驚大過頭, 唔知會唔會影響佢第日心態, 會唔會覺得佢自已好似"林"左班咁, 無心機讀書.

我朋友話, 其實大,細仔分別只在幼稚園, 到小學就無分別.  佢話, 我可以比佢n1照上同年的, 然後看看佢情況, 再決定會唔會遲一年先讀K1.

我有個朋友,佢個女係9月底出世, 讀幼稚園時, 都係下午班...佢個女而家4歲, 但係成績各方面係同年的全班第一, 咁情況, 佢話好彩無比佢個女遲一年先讀書.  所以真係要睇小朋友的情況, 我諗個個都唔同.  如果小朋友跟到進度, 又不比人差, 就無須要遲一年比佢讀...我諗我會比我隻豬一年時間, 第下佢n1讀成點再算?

作者: yimchan 時間: 09-1-9 11:36

原帖由 WKA 於 09-1-8 21:46 發表
因我BB是細B(06年9月), 現已交了留位費讀K1(09年9月), 但是下午班是細B.
因我聽聞如我B遲一年讀K1, 做大B頭腦是否清晰D, 比起同期同學日後成績好D?

我同你一樣交了K1留位費,
我開頭到係為lee個問題而煩惱,而家冇咁煩lu, 我囡囡仲細(06/12),你bb有冇讀N1,而家我等囡囡2月開學讀N1之後,再睇下佢既進度,如果不太好,就等囡囡09/09讀N1.

歡迎光臨教育王國 (/)