教育王國

標題: 成功入讀海壩街官小 [打印本頁]

作者: icytam41 時間: 08-12-21 21:09 標題: 成功入讀海壩街官小

大家好,

只想說成功入讀了海壩街官小了. 只因爸爸是舊生. 2009年9月就入小一了, 上次有個講座, 聽到校長說話, 感覺都好舒服, 好友善, 感覺:好為學校及園生及家長. 以我所知, 來年是小班, 25人為一班, 仲有兩班是全普通話教授.

基本上對這校都算正面的, 但今天聽到另一位女士說此校已不好了, 但我相信校長, 一定能越做越好的..

小小分享!

作者: Lovely媽咪 時間: 08-12-23 10:43

俾啲信心,我都相信現任校長會將間學校攪番好

作者: kimami 時間: 09-1-18 18:13

我都相信而家呢個校長會攪好呢間學校

作者: hk2009baby 時間: 09-4-29 18:25

仲有無知道呢間小學d 嘢...因我幫仔仔報左呢間學校想知多 d 關於呢間學校呀!
thanks

作者: yanyuho629 時間: 09-5-24 11:33

我以前都係呢間讀架

宜家係應屆會考生讀荃官
不過以前個校長mama 地
好多好ge 老師都比以前個校長逼走左

作者: icytam41 時間: 09-6-7 00:02

點解好似好少人來討論的呢??

作者: blytheBB 時間: 09-8-24 22:31

提示: 作者被禁止或刪除內容自動屏蔽

作者: Lovely媽咪 時間: 09-8-27 12:55

功課多唔多就好睇人la,有人得3、4樣都話多,有人成8、9樣功課都話唔夠

只可以講係介於傳統教學與活動教學2者,因始終係官校,有好多嘢想做但做唔到,但校長已好盡力去變成活動教學,但最主要都係睇你小朋友遇唔遇到一個好老師啦

呢幾年我真係越嚟越覺得咩學校都好,最緊要係遇唔遇到好老師,老師好唔好足以影響個小朋友那一料的成績

作者: chanmeow 時間: 09-11-28 00:34

我以前係個度讀書，諗返唔知d老師好係邊，填鴨教育，大部份師範，一係就黑面、一係就罰抄幾百次，一係就體罰，d練習重覆做，寫copy book年年都寫機械人，考試全部都背。班老師都係打分工，無愛心，當年只有精英班派band1同2，其他派的學校都係一般...小六凌文漢班主任同人地啊媽講個小朋友資質差應該去以荃灣官立工業中學作第一志願，結果個啊媽好傷心，小朋友好無奈，明明係band 1生，點會讀工業中學?唔信老師好升到一間band1中學見到一班有抱負有愛心的老師有教無類，雖然都係資質咁差，但會考幾條火箭讀到港大碩士畢業。偶而諗起凌老師，都會有d感概。

姓應的就專門打人手板，教音樂的長期黑面。公務員教學，做36唔做36你想有幾好?

如果個班大帝俾人趕走，咁個舊校長做得好..
真心，係要換血，因為班人真係無愛心，唔多似做教育。如果你有去醫院攞藥，有時見到個d雙眼無神講野大大聲藥房派藥就係呢d人..
但係睇個呢家老師的profile，好多大學程度，舊個班似乎只係留好少人係度。唔知呢家點呢?希望進步左啦...

作者: helenli 時間: 10-1-28 01:59

你好, 我都係海壩街舊生, 你所講的凌sir, 應sir, 和黑面的音樂先生, 我都知道, 我想你和我係同期的, 我無比應sir打過手板, 但二年班比教英文的何慶海用膠間尺打到手板紅晒, 因為我唔識串finger, 仲有一次體育堂因和同學推撞比代課老師摑左一把....

呢d傷心往事記憶猶新, 以前小朋友被體罰唔敢出聲, 家陣唔會有呢支歌唱, 個仔被打, 聽日蘋果上頭條, 舊式教育已經過去, 舊老師都已告老還鄉...

我入來呢個討論區係想睇下現在海壩街的評語,考慮緊比唔比小朋友讀, 因為我地舊生, 好似有五分加, 是嗎? 但今時今日的官校搞成點我真係唔多清楚, 要了解一下先.

原帖由 chanmeow 於 09-11-28 00:34 發表
我以前係個度讀書，諗返唔知d老師好係邊，填鴨教育，大部份師範，一係就黑面、一係就罰抄幾百次，一係就體罰，d練習重覆做，寫copy book年年都寫機械人，考試全部都背。班老師都係打分工，無愛心，當年只有精英班派band1同2，其他派的學校 ...

作者: kiukiuleung 時間: 10-1-31 23:04

你們好!
就你們提及的事,我想2000年後或之前所有school都不能這樣對學生.小兒就讀該校已三年級,ok架!
我覺得小兒讀得happy,無乜壓力.可能該校用活動式教學la!
但我認為有加少少壓力比較好,孩子會主動D!
總結這是一間不錯的school,但不容易入,因為本年度已小班教,很多已比有20分佔晒,叩門位不多.
祝你們能選倒心儀school

原帖由 helenli 於 10-1-28 01:59 發表
你好, 我都係海壩街舊生, 你所講的凌sir, 應sir, 和黑面的音樂先生, 我都知道, 我想你和我係同期的, 我無比應sir打過手板, 但二年班比教英文的何慶海用膠間尺打到手板紅晒, 因為我唔識串finger, 仲有一次體育堂因和 ...

作者: lawwin 時間: 10-2-2 22:00

最緊要係今年校長有新搞作,
上年個校長迫走左好多好老師,
差d 連入名校率都搞衰哂,
我諗今年佢地肯搞番英文班,
應該會勁過以前好多.

作者: miriam 時間: 10-2-23 17:13

有朋友對仔女係度讀緊, 佢話成個課程淺左, 將以前既小一卷同今年既小一卷作對比, 淺左一截.

點解會咁, 各位自己諗下喇.

作者: chanmeow 時間: 10-9-19 20:41 標題: 回覆 10# helenli 的文章

居然有校友識佢地!證明我唔係吹水。不過教音樂/應生咁出名，我諗無人唔識得佢地。應生打過我一次，佢兇恨的眼神我仲記得。

返過一次簡介會，我覺得好多野都無變，包括文化禮堂等，好彩仲有聯系中學。

如果妳可以有資源自己教女的話，揀呢間後自己教。

作者: suiqq 時間: 10-11-26 14:42

我好開心呀.自行派位收左我個女呀.好似中左六合彩甘呀

作者: fatfatguy 時間: 10-11-29 14:45

Did you get 15 or 20 marks?

歡迎光臨教育王國 (/)