教育王國

標題: 究竟我仔有無咩問題？ [打印本頁]

作者: loklok0104 時間: 08-12-19 14:53 標題: 究竟我仔有無咩問題？

我大仔係何文田一間好傳統既學校讀Ｐ１，前幾日收到任主任既電話，　話亞仔需要做評估（每班只有幾個要做），　因為發覺佢(1)理解方面好差，　其他小朋友可能講一次已經明白，　但佢要講幾次先明，　有時即頭覺得佢係講極都唔明，　好似發緊夢咁，　同埋老師又話佢(2)自理能力好差。

其實我好早之前(K2)已察覺到大仔既理解能力／閱讀能力係較差，佢亦有時會將Ｄ字寫錯/寫漏, 如"天空"寫成"天穿", 如"學校"既"學"字無左裡面＂爻＂，　每次同佢溫書都好辛苦，　而且好易忘記Ｄ字，　但到目前為止佢既成績我覺得都ＯＫ吖，　中文／英文默書係７５～１００，　而上個月既４科測驗佢都係算ＯＫ喎（中：６４，　英：８９　數：９４　常：７８），　但就中文閱讀理解方面好差，　幾乎錯晒。

於是我便打電話俾以前既幼稚園老師，　問吓以前大仔係學校係咪有以上既情況，　幼師既回覆係：佢係有陣時真係唔明或唔理解老師講咩, 不過可能係因為佢較心散，　專注力較低，　容易俾其他野影響，　不過又唔係好犀利，　好多小朋友都係咁，　或者幼稚園較淺，　而小學較深，　所以問題開始出離。但佢既自理能力係非常好，　好過好多其他小朋友添，　而且又整齊清潔。...............但點解小學老師會咁講既？

咁其實我個大仔係咪真係有問題呢？　我唔知佢究竟係咪有讀寫障礙, 我好擔心

請問有無媽媽可以幫到我呢！

　

作者: 414928 時間: 08-12-21 23:58

樓主唔好咁擔心,每間學校小一時政府都會安排學校把覺得有問題的學生做評估,點都好等評估結果有左再想吧,你過份擔心會影響小朋友的。

作者: man_kiu 時間: 08-12-24 22:57

我個囡囡都係在學校做左評估~
老師講俾我知評估結果同你個仔都係一樣~
我都好擔心,所以我找社工問吓....
佢叫我俾小朋友嘗試多些思考的遊戲,訓練大腦思考能力!
對佢地有幫助...

作者: Pullpull 時間: 08-12-26 21:30

原帖由 man_kiu 於 08-12-24 22:57 發表
我個囡囡都係在學校做左評估~
老師講俾我知評估結果同你個仔都係一樣~
我都好擔心,所以我找社工問吓....
佢叫我俾小朋友嘗試多些思考的遊戲,訓練大腦思考能力!
對佢地有幫助... ...

Please check pm

作者: loklok0104 時間: 08-12-30 12:05

謝謝你們的寶貴意見！

現階段唯有等學校出了報告，　才定下一步怎做.

歡迎光臨教育王國 (/)