教育王國

標題: 又發現阿女偷錢! [打印本頁]

作者: yeeching729 時間: 08-12-18 08:49 標題: 又發現阿女偷錢!

唉...又發現阿女偷錢，真係唔知應點教！
好心痛！

作者: MonaLeung 時間: 08-12-18 10:42

我覺得一定要同佢坐低傾下, 問清楚原因, 唔可以當冇事發生, 否則後果嚴重.

原帖由 yeeching729 於 08-12-18 08:49 發表
唉...又發現阿女偷錢，真係唔知應點教！
好心痛！

作者: ruby2004 時間: 08-12-18 10:49

要問原因呀 , 對症下藥 , 至可以解決問題 .
幾歲 ? 你又點發現 ?

作者: 88muimui 時間: 08-12-18 11:01

你同佢坐抵傾下，分析下每月所雖零用錢及其他費用，解釋偷錢是不正確行為，可能會影響未來做人態度。

原帖由 yeeching729 於 08-12-18 08:49 發表
唉...又發現阿女偷錢，真係唔知應點教！
好心痛！

作者: littleyan 時間: 08-12-18 12:30

小心處理,看看背後是否有人教唆,或誤交損友...
這些事情比起偷錢買文具更加後果嚴重.
現在經濟不景氣,最好理由減零用錢,要她知道
揾錢艱難. 但整体來講,我識的初中女孩是花錢多
過男仔,而且無セ儲錢習慣.

作者: 小鹿斑比 時間: 08-12-18 12:31

你話"又發現"即係共幾多次呀？之前你有冇同佢坐低傾下，一定要平心靜氣才可以傾，如果你自問對住阿囡會好火爆，或者試下搵人(爸爸 / 親朋好友 / 老師)同佢講，吾可以當件事冇發生。

原帖由 yeeching729 於 08-12-18 08:49 發表
唉...又發現阿女偷錢，真係唔知應點教！
好心痛！

作者: yeeching729 時間: 08-12-18 12:43 標題: 回覆 # 的文章

阿女今年中二.
中一時,都發現過佢偷錢, 原因佢話唔係攞用, 係唔想比同學覺得佢無錢駛.

今次發現佢偷錢, 原因係佢話好想買文具, 但又唔想用佢自已的錢買, (這些是利是錢,用時要記數, 定期交數給我看), 所以便偷錢.

我聽了後, 好傷心.....自問平時都有給足夠的錢比佢食飯, 買零食, 唔知點解佢仲係唔改....
都唔知可以點教佢.

作者: 小鹿斑比 時間: 08-12-18 12:59

佢間學校D校風如何？佢D同學又如何？佢D同學會吾會成身名牌，見到同學有而自己冇覺得會俾人睇吾起。囡囡已經中二，冇可能好似教小朋友咁教，你試下同佢講父母搵錢都好辛苦，如果佢覺得吾夠錢用，又需要買野，叫佢一定要同父母商量，贊成才買，如果吾係，你可以減佢零用錢，祗俾夠佢搭車返學同食飯，其餘冇得傾，因為做錯事要罰。

原帖由 yeeching729 於 08-12-18 12:43 發表
阿女今年中二.
中一時,都發現過佢偷錢, 原因佢話唔係攞用, 係唔想比同學覺得佢無錢駛.

今次發現佢偷錢, 原因係佢話好想買文具, 但又唔想用佢自已的錢買, (這些是利是錢,用時要記數, 定期交數給我看), 所以便偷錢.
...

作者: yeeching729 時間: 08-12-18 14:58 標題: 回覆 # 的文章

佢讀的是區內的 Band 1傳統名校,
聽佢講過係有些同學好炫耀物質,
但她說沒有跟哪些同學一起.

雖然現在她知錯了, 並不斷向我保證不會再有下次. 而我則罰她每天中午都要回家吃食(家距離學校約15-20分鐘), 沒錢給她.

唔知咁樣會否真的令佢改過? 重有要罰到幾時呢?

還是將件事,告知學校社工, 由社工跟進呢??
(老公長註大陸,少時間在家,無人可幫到手!)

作者: ruby2004 時間: 08-12-18 15:29

原帖由 yeeching729 於 08-12-18 12:43 發表
阿女今年中二.
中一時,都發現過佢偷錢, 原因佢話唔係攞用, 係唔想比同學覺得佢無錢駛.

今次發現佢偷錢, 原因係佢話好想買文具, 但又唔想用佢自已的錢買, (這些是利是錢,用時要記數, 定期交數給我看), 所以便偷錢.
...

父母愛錫子女,見到佢行為有偏差,經教導後又重蹈複徹,
的確令人激心.

攞左錢唔出聲(係子女面前一定唔好用個偷字,否則你講咩
佢地都聽唔入耳) ,代表佢想做嘅事,明知你地唔鍾意,而佢
又好想去做)

唔想比同學覺得佢無錢駛
我地先了解青少年時期極看重朋輩的認同 , 所以
搵個機會坐下來大家一齊傾嘅時候,當然你不要怒容滿面,
話調要柔和 , 先表示可以認同佢嘅想法,但並不認同她的行為,因為真正的友誼不是用金錢去衡量的,教導她正確的交友
觀念,慢慢灌輸,急不來的.

自問平時都有給足夠的錢比佢食飯, 買零食.今次發現佢偷錢, 原因係佢話好想買文具, 但又唔想用佢自已的錢買
重新與她再訂立規定 , 利是錢以後由你keep,她不能動用,
可以調高少少零用錢 , 叫她要儲蓄 , 以後買少量東西時,
就用她自己錢 , 你就要堅持取回利是錢的主控權 .

作者: cathngai 時間: 08-12-20 16:58

"還是將件事,告知學校社工, 由社工跟進呢??"

千其唔好! 不要小題大做,另她反感, 到時妳便難教.
這樣可能會另學校標籤了女兒,另她難受無面,多些和她溝通,理解她的想法,跟她解釋.

原帖由 yeeching729 於 08-12-18 14:58 發表
佢讀的是區內的 Band 1傳統名校,
聽佢講過係有些同學好炫耀物質,
但她說沒有跟哪些同學一起.

雖然現在她知錯了, 並不斷向我保證不會再有下次. 而我則罰她每天中午都要回家吃食(家距離學校約15-20分鐘), 沒錢給她.
...

[ 本帖最後由 cathngai 於 08-12-20 17:13 編輯 ]

作者: blueberry123 時間: 08-12-21 10:00

初中的學生,由於開始進入青春期,性格較為反叛,亦容易受朋輩、同學影响.

首先不要責罵她,要向她好好灌輸正確的價值觀,你囡囡都說有一些同學會show off一些物質的東西,証明她不是受人梳擺,而是她自尊心作崇,籍偷錢來得到滿足或安全感.

你須替你囡囡建立一班有良好價值觀的同學,與囡囡一起成長/影响番佢.有時我地講十句,都不如佢的同學仔講一句.

而你亦須同佢有個親密的關係,伴她度過幾年的中學生活.不要灰心ｏ

作者: xmanman 時間: 08-12-22 10:22

我覺得扣零用錢唔係解決的辦法, 反而要同你女傾下是否零用錢唔夠用, 或者只夠用無得儲蓄! 另外從你女的角度看, 那些利是錢其實是她的, 她私自拿利是錢用, 應該唔算偷, 是嗎??? 只是她私自用了利是錢而沒有與你交代! 用偷的字眼太言重了!

作者: yeeching729 時間: 08-12-22 20:56 標題: 回覆 # 的文章

此事最後, 我沒有告知學校, 因為覺得她真的很害怕學校知道此事, 哀求了我很久, 並承諾以後絕不會這樣做, 如再犯先告知校方.

其實經過這段時間後, 她的表現暫時都尚可,可能她希望能使我好像真的有慘悔過, 希望她真的會改過啦...

另外一方面, 我亦在想,不給她零用錢是否是辨法呢? 但應如何給她呢? 給她多又怕佢亂用不懂珍惜, 給她少又怕佢唔夠用又再次偷. 真係唔知點才令她真的明白錢的價值?

xmanman:
她是不捨得用自已的利是錢 (可能要交數給我看, 而且我跟她說過如果用完利是錢後, 以便她買東西時,選擇權由我決定), 這樣便取了我的錢.

作者: xmanman 時間: 08-12-23 10:32

即是她已用完自己的利事錢後, 再拿你的錢嗎?? 我明白你指"偷"的意思了!!

其實給零用錢真是一門高深的學問, 我比小兒零用錢時, 我會與他相討要用幾多錢, 包括他的娛樂費, 之後我再比多小小錢給他for saving, 而這些saving 到的錢就會由得他買自己的心頭好, 而且saving 的錢我會學銀行派利息比他, saving 去買自己心頭好or saving for gain 利息都是可以training 他如果善用金錢! 而且我會向他說明, 唔夠錢用一定要同我相量!

原帖由 yeeching729 於 08-12-22 20:56 發表
此事最後, 我沒有告知學校, 因為覺得她真的很害怕學校知道此事, 哀求了我很久, 並承諾以後絕不會這樣做, 如再犯先告知校方.

其實經過這段時間後, 她的表現暫時都尚可,可能她希望能使我好像真的有慘悔過, 希望她真 ...

作者: DUMMA 時間: 08-12-23 17:15

我覺得，一開始要分開儲蓄、生活費、零用$，例如新年利是是儲蓄，坐車吃飯是生活費，洗碗獎勵計劃賺回來的零用$是用來“用”的，點用亞媽可以comment，不可control。

三樣不mix在一起，也不backup each other，否則會令小朋友混淆目的、預算、代價：儲蓄又要比佢有 look forward to 的目的，例如是他大學生活費、畢業後與同學旅遊費用；坐車吃飯生活費預算，合理地乎合家境及家庭生活習慣，而不是乎合他同學朋友水準，否則，帶他認識家境比他困難的小朋友；至於洗碗獎勵計劃是他的 effort，由他去浪費，可能學會珍惜，可能學會拚命賺錢。

像樓主女兒，時常在用不用儲蓄(利是$)中掙扎，是不必要的。plainly 告訴女兒利是$不能動，它將來的用途 + 與檢討一下平日生活費是否足夠 + 開始一些像洗碗獎勵計劃、亞媽獎學金、不生病獎勵計劃 etc.....

作者: yunman 時間: 08-12-23 21:28 標題: 回覆 # 的文章

提示: 作者被禁止或刪除內容自動屏蔽

作者: 木馬 時間: 08-12-25 08:13

提示: 作者被禁止或刪除內容自動屏蔽

作者: 大傻貓加菲 時間: 08-12-25 19:00

提示: 作者被禁止或刪除內容自動屏蔽

作者: 大傻貓加菲 時間: 08-12-25 19:02

提示: 作者被禁止或刪除內容自動屏蔽

作者: yunman 時間: 08-12-26 15:04

提示: 作者被禁止或刪除內容自動屏蔽

歡迎光臨教育王國 (/)