教育王國

標題: 幾多歲開始 "串字" ??? [打印本頁]

作者: ladykin 時間: 08-11-30 22:45 標題: 幾多歲開始 "串字" ???

請問小朋友幾多歲開始串簡單既生字呢? (例如 face, nose, eye etc.)

另外, 點教佢可以令佢哋有興趣串生字呢?

作者: Chens 時間: 08-12-4 11:57

I teach her during age 2 only

作者: Yau_Cheung 時間: 08-12-12 19:20

5 years old.

作者: JitMom 時間: 08-12-16 11:47

I teach my son spelling words from 3 years old. Now, he is 5 years old and can spell many words

作者: winchoy16888 時間: 09-1-13 20:54

2years old

作者: BBR 時間: 09-1-14 15:52

3歲開始,宜家5歲識串千幾個字

作者: pui5867 時間: 09-1-14 19:52

我沒有迫囡囡串字，我首先幫她找了個ｐｈｏｎｉｃｓ老師
希望將來拼音有助她串字，

作者: BBR 時間: 09-1-15 09:56

其實唔駛點迫,當一齊睇書時佢有字唔明你同佢解釋完跟住叫佢不如串左佢,當下次佢見到同一個字識串同讀時佢會好開心,你讚多佢幾句叻自己識睇咁佢就會有動力串字,所以我個女串到咁多字,佢宜家自己識睇好多書,成日話自己識好多字,我米同佢講係呀,因為你成日都會串左D字所以一望你就識D字,咁佢就好開心.

作者: idy926 時間: 09-1-15 15:25

你個女好受教啊，我個女吾係咁易受我"昆“，真慘...4歲la,佢睇學校既story book認得D字我都ok la.
spelling 我試過佢真係無mug興趣，佢最怕悶，吾知仲有無funny方法啟發到興趣？

原帖由 BBR 於 09-1-15 09:56 發表
其實唔駛點迫,當一齊睇書時佢有字唔明你同佢解釋完跟住叫佢不如串左佢,當下次佢見到同一個字識串同讀時佢會好開心,你讚多佢幾句叻自己識睇咁佢就會有動力串字,所以我個女串到咁多字,佢宜家自己識睇好多書,成日話自己 ...

[ 本帖最後由 idy926 於 09-1-15 15:38 編輯 ]

作者: BBR 時間: 09-1-15 19:33

我花左好多時間,要佢跟時間表溫習,初初幾個月攪左好耐,但當佢將溫習變成習慣時就好易教,我同佢搏鬥左幾個月架

,我個女永遠坐唔定,學校成日投訴,又唔專心,咁我米set個時間表比佢,初初唔跟,攪左幾個月,只要佢肯坐定就算5分鐘都好,要佢學識專心,初初佢唔得,一聽到聲就心散,我米成日整佢,當佢睇書時我响到發出聲音,佢一望我就話佢唔專心,佢宜家就好左好多,好多時有聲佢都唔理照溫書,宜家可以一坐就兩,三個鍾溫書都無野,當然見佢咁乘我會獎佢. 我諗你個女一定唔夠我個女百厭,佢係一個唔瞓覺,一日講野唔停口,不停跳的人,但我用左好多時間令佢一溫書就要坐定同專心.

原帖由 idy926 於 09-1-15 15:25 發表
你個女好受教啊，我個女吾係咁易受我"昆“，真慘...4歲la,佢睇學校既story book認得D字我都ok la.
spelling 我試過佢真係無mug興趣，佢最怕悶，吾知仲有無funny方法啟發到興趣？

...

作者: Siu-dor 時間: 09-1-23 12:33

原帖由 BBR 於 09-1-15 07:33 PM 發表
我花左好多時間,要佢跟時間表溫習,初初幾個月攪左好耐,但當佢將溫習變成習慣時就好易教,我同佢搏鬥左幾個月架 ,我個女永遠坐唔定,學校成日投訴,又唔專心,咁我米set個時間表比佢,初初唔跟,攪左幾個月,只要佢 ...

BBR
我想你必定花左好多心機&時間係你小朋友身上, 我非常欣賞你. 請問你幾時開始train佢呢? 我小朋友而家K1, 我又唔係全職媽媽, 真係覺得好困難.
謝謝分享!!

作者: BBR 時間: 09-1-30 19:33

K2開始,初初每朝起身溫習大約15分鐘,之後一路加,而家星期一至五都係早上起身溫,大約1至兩個鍾,時間唔定,因為佢宜家係做練習(小學一年級練習,中,英數),做得快就快D收野,慢就耐D收野,不過我已經冇同佢溫,要佢自己做,做完我對.
星期六日就同佢去玩.

原帖由 Siu-dor 於 09-1-23 12:33 發表

BBR
我想你必定花左好多心機&時間係你小朋友身上, 我非常欣賞你. 請問你幾時開始train佢呢? 我小朋友而家K1, 我又唔係全職媽媽, 真係覺得好困難.
謝謝分享!! ...

作者: kerkermui 時間: 09-2-2 17:22

我未教阿仔串字
不過佢會自己用字母响白板拼字 (e+ 22mth)
係咪睇多d自然識架???

作者: BBR 時間: 09-2-3 13:51

咁就唔知係米睇多Ｄ會識，我初初比個女串係Ｄ好簡單的字，每日一個，有時兩個，識左就寫响本簿到，平時會叫佢自己溫返，而家本簿有千幾個生字佢係識串同解，所以好多書佢自己識睇。其實每日一個唔算多，又唔駛用好多時間。

原帖由 kerkermui 於 09-2-2 17:22 發表
我未教阿仔串字
不過佢會自己用字母响白板拼字 (e+ 22mth)
係咪睇多d自然識架???

作者: idy926 時間: 09-2-10 11:38

無得迫既情況下，女女4歲1,進入K2下學期，前幾日放學返來，忽然開始要寫英文生字兼畫埋個公字係旁，女女又幾like,就開始左接受spelling了（之前自己係屋企教佢都吾so我，真係學校放督x都香D...）而家我時不時問下佢咁囉佢都答倒，hope keep住la.
第一個字係ship,因為phonics teach "ip"

[ 本帖最後由 idy926 於 09-2-10 11:40 編輯 ]

作者: jumbo_mandy 時間: 09-2-10 12:23

原帖由 BBR 於 09-2-3 13:51 發表
咁就唔知係米睇多Ｄ會識，我初初比個女串係Ｄ好簡單的字，每日一個，有時兩個，識左就寫响本簿到，平時會叫佢自己溫返，而家本簿有千幾個生字佢係識串同解，所以好多書佢自己識睇。其實每日一個唔算多，又唔駛用好多時間。

...

BBR,

多謝妳嘅分享, 我效法左妳嘅做法, 呢個星期開左本新單行簿, 叫佢將識得串嘅英文字寫上去, 之前我冇刻意教佢串字, 佢原來不知不覺都寫得出5x個, 比左個surprise我, 當然大部份都係好淺果d, e.g. my, no, yes, he, she, book etc, 深就少d, e.g. rainbow, postman etc.., 所以我都相信睇得多就容易記得。而家我同佢講, 叫佢每日係佢書架d書度, 揾d佢識得嘅字, 學串一、兩個字, 但第二日仲記得先準寫落簿, 儲齊10個字就有一個sticker, 10 stickers就有得去disneyland, 佢好開心, 暫時實行左幾日, 前日仲叫我開多本寫中文嘅比佢儲sticker, 不過中文只寫到1x個字, 加油中, 希望佢keep到啦, 所以想係度多謝妳嘅分享。

作者: BBR 時間: 09-2-10 15:23

係呀,比D原動力等佢可以自動自覺做係好架,不過寫左落簿到你得閒都要問下佢點串,米好易唔記得.其實好多時唔一定要迫,因為你可以將學習變成一種樂趣,好似中文咁,我會同佢一齊讀中文故事書,叫佢拎住鉛筆,唔識個D就圈住佢,我每次唔會同佢讀好多,咁我會响圈出個堆字中搵一,兩個教佢,又寫低响簿到,佢識左會叫佢擦左個圈,睇佢可以幾時擦哂D圈,不過有時中文字你未必一定要佢識寫,只要佢記得個字點讀就得,都照寫响簿到,要佢成日拎出黎讀下(不過唔建議寫詞語,因為佢地會混淆,例如樹,你寫左樹林,佢地就會有時讀樹變左林字,你可以話個詞語比佢聽等佢易記,但唔好寫成個詞語落去,要佢記得個樹字就ok),佢一認到個字就寫低,我個女我會日日叫佢拎出黎讀下小小,佢睇得多自己會記得個字點寫,因為我個女宜家做緊重組句子,佢每日都寫到中文,所以好自然我唔叫佢寫佢都記得D字點寫,所以中文佢都認到8百幾個字.英文就大約千幾個,不過隔一段時間你要停一停幾日比佢消化下,個幾日淨係叫佢拎返出黎讀,唔記得個D就要問你. 當佢月識月多字時佢就會好有興趣自己睇書,我有時叫佢睇完講返比我聽,只要佢講到我係唔係都會讚佢,同佢講佢講得好好係因為佢識好多字,所以要keep going. 你又可以買D練習比佢做,有好多好似遊戲的練習,佢做得多寫得多就自然有好大進步,我個女日日都做(每次唔會好多),佢做得好我會讚佢,一定要勁讚個隻,咁佢好多時主動話要做多D,唔好比佢覺得學習係一種壓力佢自然自己會做,只要你引渡得對.比一個時間表佢,例如每日15分鍾,佢習慣左有個讀書時間表就會學到專心坐定定,學野都特別快.

原帖由 jumbo_mandy 於 09-2-10 12:23 發表

BBR,

多謝妳嘅分享, 我效法左妳嘅做法, 呢個星期開左本新單行簿, 叫佢將識得串嘅英文字寫上去, 之前我冇刻意教佢串字, 佢原來不知不覺都寫得出5x個, 比左個surprise我, 當然大部份都係好淺果d, e.g. my, no, yes, ...

[ 本帖最後由 BBR 於 09-2-11 15:50 編輯 ]

作者: BBR 時間: 09-2-10 17:51

唔駛迫架,你一定要將學習變成一種遊戲咁佢自然就會想學,從小開始令佢鐘意學習咁上到小學就唔會咁辛苦.

原帖由 idy926 於 09-2-10 11:38 發表
無得迫既情況下，女女4歲1,進入K2下學期，前幾日放學返來，忽然開始要寫英文生字兼畫埋個公字係旁，女女又幾like,就開始左接受spelling了（之前自己係屋企教佢都吾so我，真係學校放督x都香D...）而家我時不時問下佢咁囉佢都答倒，hop ...

作者: vincat 時間: 09-2-13 14:05

我想問一下我個女係學校已經學緊PHONICS, 咁係唔係唔使迫佢SPELLING? 係唔係佢遲D可以用PHONICS返出黎?

作者: BBR 時間: 09-2-13 15:54

學左phonics唔一定可以全部字拼到出黎串架喎,phonics至不過係一個輔助幫佢地容易D記得D字點串或容易D讀到D字出黎.

原帖由 vincat 於 09-2-13 14:05 發表
我想問一下我個女係學校已經學緊PHONICS, 咁係唔係唔使迫佢SPELLING? 係唔係佢遲D可以用PHONICS返出黎?

作者: MAMAMEEE 時間: 09-6-4 00:11

有人話比bb先學 abc 細楷先, 而非大楷ABC. 有助佢地串字能力, 同意嗎?

歡迎光臨教育王國 (/)