教育王國

標題: 態度勁哀的賣校服店 [打印本頁]

作者: ry 時間: 08-11-11 10:25 標題: 態度勁哀的賣校服店

果日去左譚臣道”泰昌”買校服（其實佢唔係我學校推介），　佢ｄ質地又薄，價錢又貴，態度又勁唔掂．我仲以為自己阻住佢，後嚟同ｄ人講佢地都話個男人ｄ態度真係好哀

，你貴都算，ｄ態度真係．．．　”今時今日咁既服務態度！？” 所以以後就算周圍都冇我都唔會再幫襯佢 :;pppp:

[ 本帖最後由 ry 於 08-11-11 10:27 編輯 ]

作者: yesasiamama 時間: 08-11-11 13:33

我又遇到一間態度超差既校服店, 就係荃灣既安琪校服, 呢間係學校提供的校服商之一, 10月中訂咗冬季校服, 原本話11月6日有得攞, 後來又話要到11月13日先有, 咁訂咗就諗住算啦. 點知今個星期開始凍, 咁我噚日就打去學校, 問下佢地有無得提早派校服, 學校就話要問下校服商.

我自己等唔切, 主動打去安琪度問, 睇下有無俾我自己落去攞, 點知接聽電話個女人超無禮貌, 佢初初話唔關佢地事, 係學校遲咗俾訂貨單佢地(佢講啫), 咁就算啦, 我再問一次, 我可唔可以自己去攞, 個女人就發爛渣喇, 佢話如果個個都係咁上去攞, 佢地咪好唔得閒????

仲抵死既係, 佢話d貨已經擺係度, 要睇下佢地得唔得閒送. 做生意既野都係為顧客打開方便之門啫, 我地身為家長, 見到個仔咁凍都仲著住條短褲, 好心痛架. 如果早知佢地係咁, 我就唔係佢度訂啦. 佢地d態度好似d生意唔憂做咁, 而家市道咁差, 加上咁既服務態度, 都唔明點解呢間公司仲可以生存到.

作者: Giant 時間: 08-11-11 16:53

我都遇到一間, 響慈雲山的源x祥, d料好差, 條褲落完柔順劑都硬硬的, 線頭又唔剪; 再講態度, 畀件運動t shirt我仔試, 啱啱好貼晒身, 衫腳只去到肚池, 我話想要大一個碼, 佢死都話啱喇啱喇, 話太大件論盡喎, 大佬, 洗完縮少少水已經吊晒手喇 (後來原因係冇碼); 條褲又係畀啱啱好到腳眼, 我又係話要大一個碼, 今次佢好順咁攞過一條, 長度啱, 但褲頭鬆出4”, 仲話啱架喇, 用皮帶就ok, 大佬, 4”呀, 用皮帶都縮到一舊舊啦, 而且小一生, 攪得個皮帶扣嚟都賴鬼咗喇。
後來都係出番去金綸買, 料好手功靚, size比例仲正常番, 而且好pro, 一攞出嚟就即啱, 自動幫我預大一個碼添。

[ 本帖最後由 Giant 於 08-11-12 12:30 編輯 ]

作者: wbmom 時間: 08-11-12 09:25

Yes, I went to 金綸 yesterday and their service was ok.

原帖由 Giant 於 08-11-11 16:53 發表
我都遇到一間, 響慈雲山的源x泰, d料好差, 條褲落完柔順劑都硬硬的, 線頭又唔剪; 再講態度, 畀件運動t shirt我仔試, 啱啱好貼晒身, 衫腳只去到肚池, 我話想要大一個碼, 佢死都話啱喇啱喇, 話太大件論盡喎, 大佬, 洗 ...

歡迎光臨教育王國 (/)