教育王國

標題: K1課程（3歲應該學啲乜最啱）！！！ [打印本頁]

作者: venuscc 時間: 08-11-6 13:23 標題: K1課程（3歲應該學啲乜最啱）！！！

其實系咪所有幼稚園K1啲課程都差唔多呢，私校就一定唔咯啦，咁教育局監管個啲呢？有啲就話課本內容差唔多，只系教學方式唔同！
不過我“研究”過就唔系啦，有啲開左學兩個月學左幾個大楷字母，中文字未學，數緊123，主要學下返學有啲乜要做，自己食野訓覺等生活常識，認下紅黃綠，唔使執筆，無家課；有啲就好似話學得幾深，小朋友日日上課聽課，唔適應；我女間學校都系多元教育為主，小朋友好多野玩，但又學好多野下（我唔知系正常定系深，所以開個TPC等大家一齊分享下）
9月其實正式上課得半個月，到而家大約兩個月時間到，學左啲野大概系：英文（好多本書)有PHONIC(學緊單音A-J),MELS系列書（已學完兩本）包括：LISTENING,SPEAKING,READING,WRITING,完成左BRONZE LEVEL.
仲有好似好多學校都用嘅RHYMES（已經學完第一本共七首英文歌）同PLAYTIME ENG呢兩本算最淺，只系大細楷字字母同相關單詞短語：Aa~Zz）另一本系學校自己出嘅，已經學完一本（發另一本），系CONVERSATIOM呢家，全部都系對話式，如How many apples are there?There are two apples. Excuse me.may i come in?yes,of course....；
                  中文字同詞一齊學，好似睡覺，眼睛，鼻子，花草樹木，學校，洗臉(用左十日就學晒啦，不過只要求用食指寫同認讀)；
                  普通話我就認為一般，淨系唱左8首歌同認讀詞組十幾個；
                  家課日日都會要求做（都系學校自己出家好大本內容都幾深，包括綫條，塗色練習等）；
                  仲有學左兩個主題：上學了，我做得到。老師會比色彩佢地塗烏，教佢基本畫功做小手藝同生活自理等。
我自己就覺（當然系比起我細個時系勁深）深左啲，唔知小朋友長期咁會唔會消化唔到（而家暫時可以，只系因為有少少底），大家不如交流下意見，得大家分析下各幼稚園程度，研究下乜野先系最適合3歲小朋友學嘅野啦！！

[ 本帖最後由 venuscc 於 08-11-6 13:34 編輯 ]

歡迎光臨教育王國 (/)