教育王國
標題: 校園暴力 [打印本頁]
作者: onetiger 時間: 08-11-4 22:43 標題: 校園暴力
今日聽倒Rachel講Christy比一個高年班學生打左一巴 , 希望沒有什麼大外 , 這種校園暴力一定要制止。
作者: 家熹媽咪 時間: 08-11-4 23:14
原帖由 onetiger 於 08-11-4 22:43 發表 
今日聽倒Rachel講Christy比一個高年班學生打左一巴 , 希望沒有什麼大外 , 這種校園暴力一定要制止。
Ken :
阿女有冇話係邊班 , 幾時 ? 有冇老師在場 ? 遇上呢d問題 , 可以叫佢同老師講返 , 如果你識當時人 , 更加可以了解一下 !
作者: wawaliluk 時間: 08-11-5 11:26
原帖由 onetiger 於 08-11-4 22:43 發表
今日聽倒Rachel講Christy比一個高年班學生打左一巴 , 希望沒有什麼大外 , 這種校園暴力一定要制止。
若真有此事發生, 受害人應立即向老師報告, 無論任何原因, 出手打人的行為都是要不得的, 老師與雙方家長應立即處理問題, 了解事件發生的經過, 教導孩子怎樣面對爭拗, 應持理性態度去面對, 控制衝動行為, 希望事件能完滿解決。
作者: 小樹熊 時間: 08-11-5 14:33
各位家長,
其實上個星期五果日放學時 Christy 已經即刻講咗比我知道喇，佢所講o既情況係堂時小息佢同Rachel同埋Grace一齊，係佢前面見到個大哥哥，Christy 以為係風紀，咁就埋去同佢傾計，誰不知 Christy 只講完一句說話，那個大哥哥就打了她面一吓，仲一"權"揼落佢肚仔度，Christy 即刻痛到喊，而側邊就走咗個真正的風紀出嚟話：喂~ 你唔可以打人喎!~
然後係註一樓的堂值老師埋嚟帶咗果個男仔同埋 Christy 落去校務處，Christy 係校務處有姐姐幫佢搽咗D油問佢覺得好唔好D，而當 Christy 休息緊時話見到校長同個男仔講，如果佢唔改仲係咁打人就唔比佢係度讀...云云。
我星期五打去學校時冇人聽，星期一再打去抎 Miss Miu，佢夜晚覆我時我同佢講的佢好似全不知情咁，佢話要比D時間佢了解吓，琴日至今仍未有電話回覆，我一陣都會再打去問，因為我 hubby 琴晚返咗香港，早幾日佢知道時已經話要追學校解釋，但我見同 Miss Miu 講時佢真係好似唔知乜事咁，所以都想佢了解咗先覆我，一陣打佢睇吓 Miss Miu 點講，當然唔排除同 hubby 真接入去學校了解。
知道發生咁O既事係自己小朋友身上當然唔開心，而且係好奇怪點解高年班O既會落咗去 1/F，我都有問過 Christy 點解會走去同風紀傾計，佢話覺得風紀要小息落去當值好慘，冇得同小朋友玩，所以之前佢都試過好幾次同佢果層樓當值果個風紀傾計，唔等佢唔駛咁可憐......
但係當時問佢邊度比人打親時，佢就話校務處話佢塊面有個掌印，同埋佢肚仔好痛時，當然覺得難受......
我都好想快D攪清楚發生乜野事，亦都想知道究竟學校做咗D比 野 follow-up action!
[ 本帖最後由 小樹熊 於 08-11-5 14:34 編輯 ]
作者: wawaliluk 時間: 08-11-5 15:09
小樹熊,
那christy 現在好番嗎? 還有沒有唔開心? 此終她想向那高年班同學表示關懷, 換來一個暴力對待, 你要好好地開解她。
我想學校、家長與社工真是要坐下來了解那個高年班同學最近行為, 家庭情況, 結識的朋友等, 了解他今次的行為, 才可幫助他。
作者: 晴晴的媽媽 時間: 08-11-5 16:58
原帖由 小樹熊 於 08-11-5 14:33 發表
各位家長,
其實上個星期五果日放學時 Christy 已經即刻講咗比我知道喇，佢所講o既情況係堂時小息佢同Rachel同埋Grace一齊，係佢前面見到個大哥哥，Christy 以為係風紀，咁就埋去同佢傾計，誰不知 Christy 只講完一句說話，那個 ...
小樹熊，
有關此事,我都覺得真係要要求學校正視問題！要攪清楚件事，高年班的學生竟然可以禁樣對低年班的學生，點可以呀！校長在開學時都承諾過，在學校一定唔會容許有打人事件發生，在校車上就唔包！點解而家可以當無事發生！
另外，昨天grace帶了兩隻cd回家，上面寫住中文，佢話是christy俾佢喎？請問是否弄錯了！我明天叫grace交回給christy 好嗎?
晴晴的媽媽
作者: 小樹熊 時間: 08-11-5 17:49
剛剛同 Miss Miu 傾咗一陣電話，我問返佢跟進成點，佢話佢同 Miss Mok 抎咗 Rachel 同埋 Grace 及 Christy 佢地一齊問過，咁 Rachel 同 Grace 話果日淨係一放小息就去咗圖書館，而再問 Christy 就話佢一時又話係 1 樓、一時又話係台前，而且個過情仲講到一忽忽，咁我聽到 Miss Miu 咁講就問佢，如果係咁請問有冇問過校務處吖，校務處一定有紀錄o架嘛，仲有果日當值個位風紀呢?? 果日一樓當值果位老師呢?? 而且仲有 Christy 提過果日校長係o係校務處同果個男仔講過野，就算我囡囡講得唔好、記得唔好，咁涉及o既其他人都應該可以講多D當日佢地見到、睇到O既野O掛??
我同 Miss Miu 講發生咗呢件事我真係好想知道學校係點處理，如果 Miss Miu 了解唔到，咁我唯有直接去學校了解!
講真我覺得發生咗呢D事，最基本校務處都要即時通知班主任，等班主任可以係果一日餘下時間留意吓學童仲有冇唔舒服，而且亦應該即日通知返家長曾經發生過件咁O既事，唔係話追唔追究，我自己係講道理O既人，身為家長我亦有權知道小囡係學校發生過D咁O既事，除咗要了解事件經過外，至少我都要留意吓 Christy 會唔會仲有唔舒服o架? 係咪?!~
我呢兩日都有問 Christy 佢依家覺得點，仲有冇痛，亦都有問老師有冇同佢跟進返，但可能 Christy 聽過我講話會打比 Miss 同埋有機會去學校問，佢返而同我講：媽咪~ 我依家都唔痛喇，唔駛啦" 佢係似乎怕我會去學校......
都係果句，我只想攪清楚件事，我循正常途徑問，老師亦應該正面地回答返我，如果佢地了解完都應該要覆返我電話，我唔想做到吓吓走去學校、去校務處抎人，我都想囡囡係度快快樂樂亦順順利利完成佢小學階段，盡量溫和D去處理，唔想 Christy 比心 label 咗係邊一類人咁......
我比都日去等，希望嚟緊個答覆會完整同合理D啦!!:;pppp:
晴晴的媽媽,
那碟不是我比的，我想是攪錯了，我燒錄的那隻應該明天才會交到晴晴及 Rachel 手裏，會寫住名o架，應該唔會攪錯o既，返正兩隻碟個內容都係一樣
作者: looking 時間: 08-11-5 19:38
老師點咁問校長,見到校長好似老鼠見猫.
校務處一點都唔專業,又點會有記錄,
作者: onetiger 時間: 08-11-5 19:59
原帖由 晴晴的媽媽 於 08-11-5 16:58 發表
小樹熊，
有關此事,我都覺得真係要要求學校正視問題！要攪清楚件事，高年班的學生竟然可以禁樣對低年班的學生，點可以呀！校長在開學時都承諾過，在學校一定唔會容許有打人事件發生，在校車上就唔包！點解而家可以當無事發生！
另 ...
晴晴的媽媽
CD 是 Rachel 給晴睛的 , 你上次話要一個copy.
Onetiger
CD
作者: ycdy 時間: 08-11-5 21:04
這件事校長完全處理非常失當，校長已經了解件事，亦對嗰位高年班學生訓了話，她為什麼不打電話給家長將整件事交代清楚，她有冇打電話通知給高年班學生家長講發生了這件事呢？她真係冇理會家長，校長冇叫校務處打比家長，這樣是否太過份呢？
作者: 小樹熊 時間: 08-11-6 07:42
原帖由 onetiger 於 08-11-5 19:59 發表
晴晴的媽媽
CD 是 Rachel 給晴睛的 , 你上次話要一個copy.
Onetiger
CD
onetiger,
是不是啟思那隻CD?? 如果係咁應該係我先O岩~
作者: 小樹熊 時間: 08-11-6 07:44
原帖由 looking 於 08-11-5 19:38 發表
老師點咁問校長,見到校長好似老鼠見猫.
校務處一點都唔專業,又點會有記錄,
就算冇 Black & white record，咁至少都有當時在場o既 staff 係度嘛?!~ 點可能淨係答我係有職員幫我囡囡搽個油就算??
作者: 小樹熊 時間: 08-11-6 07:56
原帖由 ycdy 於 08-11-5 21:04 發表
這件事校長完全處理非常失當，校長已經了解件事，亦對嗰位高年班學生訓了話，她為什麼不打電話給家長將整件事交代清楚，她有冇打電話通知給高年班學生家長講發生了這件事呢？她真係冇理會家長，校長冇叫校務處打比家長，這樣是否太 ...
我都係咁諗，學校除咗要提供良好學習環境，專業師資之外其實行政都好緊要，呢D叫做突發事但係都要有基本處理方案O架?! 我唔係要知最終老師或校長點懲罰個男仔，而係好 confuse 點解發生咗但好似班主任完全唔知呢件事，而且更加冇人通知過我，我囡囡就話返嚟有同我講o者，如果佢因為怕而唔講，咁我咪根本唔知道有人對我囡囡郁過手??
一向班主任應該係與學童係學校最親近果個，我囡以前同幼稚園的老師個個關係好到不得了，我相信如果佢係小學遇到事都會希望班主係係關心佢同幫到佢o既，依家我都想睇吓 Miss Miu 同 Miss Mok 佢地再了解完會點覆我，我都想佢地跟得貼D比到個好DO既答覆我
作者: onetiger 時間: 08-11-6 09:32
原帖由 小樹熊 於 08-11-6 07:42 發表
onetiger,
是不是啟思那隻CD?? 如果係咁應該係我先O岩~
Yes , that is the one. Oh i mixed up Grace and Christy again. Sorry. Let me know if you did not receive the CD. I will make another one.
[ 本帖最後由 onetiger 於 08-11-6 09:35 編輯 ]
作者: onetiger 時間: 08-11-6 09:38
原帖由 小樹熊 於 08-11-6 07:56 發表
我都係咁諗，學校除咗要提供良好學習環境，專業師資之外其實行政都好緊要，呢D叫做突發事但係都要有基本處理方案O架?! 我唔係要知最終老師或校長點懲罰個男仔，而係好 confuse 點解發生咗但好似班主任完全唔知呢件事，而且更 ...
I totally agreed with you.
作者: che21082108 時間: 08-11-6 09:44
照咁睇校長都知嗰位男生有前科嫁啦,咁係咪應該比d"特別照顧"佢呢? 我地以前小學d老師都會叫唔聽話既同學個個小息去校務處罰企or溫書or做功課,總之就唔好攪事.....可能依個年代唔同啦,but至少都要限制佢既活動範圍囉....
會唔會個男仔精神上有d咩野"病"呀...校長又話有心理專家註校既,咁有無搵你囡囡去傾吓計呀?
作者: 晴晴的媽媽 時間: 08-11-6 09:46
原帖由 小樹熊 於 08-11-5 17:49 發表
剛剛同 Miss Miu 傾咗一陣電話，我問返佢跟進成點，佢話佢同 Miss Mok 抎咗 Rachel 同埋 Grace 及 Christy 佢地一齊問過，咁 Rachel 同 Grace 話果日淨係一放小息就去咗圖書館，而再問 Christy 就話佢一時又話係 1 樓、一時 ...
小樹熊，
唔該哂你copy 詩人茶座的video給我！
我昨天晚上都有同grace談過christy被打的事，佢話當時是有一個高年級的男生，好似話是小三、四的學生，佢話佢地當時見到christy走去那男生度，佢地都以為此男生是prefect, 點知說時遲、那時快，那男生就動手打了christy一下(在面上)，我問grace為什麼小三的學生會走去一樓，佢話唔知！而且grace話都唔係好記得此男生的樣貌，因為都係第一次見到。
我想如果christy都話見過校長有對此男生訓話，而班主任又不知情，那麼最好是寫一封信去校長，要求交代事件或約見你向你交代，總比問來問去會有效！
另外，rachel給我的2隻中文cd，我就叫grace明天帶回給christy吧！
晴晴的媽媽
作者: 晴晴的媽媽 時間: 08-11-6 09:49
原帖由 onetiger 於 08-11-6 09:32 發表
Yes , that is the one. Oh i mixed up Grace and Christy again. Sorry. Let me know if you did not receive the CD. I will make another one.
Hi onetiger,
Nevermind! I will ask Grace to give back the 2CD to Christy directly tomorrow.
Ching Ching's mom
作者: 晴晴的媽媽 時間: 08-11-6 09:57
原帖由 che21082108 於 08-11-6 09:44 發表
照咁睇校長都知嗰位男生有前科嫁啦,咁係咪應該比d"特別照顧"佢呢? 我地以前小學d老師都會叫唔聽話既同學個個小息去校務處罰企or溫書or做功課,總之就唔好攪事.....可能依個年代唔同啦,but至少都要限制佢既活動範圍囉. ...
Hi che21082108,
禁又唔駛講到果個男生好似有病禁！其實而家d小朋友都有行為問題，都唔識得點控制自己的情緒，不過最重要是家長同學校配合，發現問題，不要逃避，而是要去解決！
我囡在幼稚園同樣發生了同樣的問題，一而再再而三，園內的幼師、校長、主任都逃避，認為不用處理，就只會問題更加大，對此小孩一點好處都沒有！
晴晴的媽媽
作者: choimum 時間: 08-11-6 12:33
原帖由 che21082108 於 08-11-6 09:44 發表
會唔會個男仔精神上有d咩野"病"呀...校長又話有心理專家註校既,咁有無搵你囡囡去傾吓計呀?
校長前排講座時好hard sell 依個point...所以我都好想知個"心理專家"响李小可以幫or幫過d咩手....
我反而好擔心小女孩既情緒呀...又話家校合作既,咁就等家同校自己去跟進啦..唔好响小女孩面前再提依件事喇,等佢慢慢淡忘吧啦,無謂再擴大佢個"陰影"啦.
[ 本帖最後由 choimum 於 08-11-6 12:36 編輯 ]
作者: onetiger 時間: 08-11-6 17:17
Rachel 話今天Miss Mui, Miss Mok,Miss Wu 在早會同Christy 相談件事 , 好似件事又有新版本。
作者: 小樹熊 時間: 08-11-6 20:33
原帖由 onetiger 於 08-11-6 17:17 發表
Rachel 話今天Miss Mui, Miss Mok,Miss Wu 在早會同Christy 相談件事 , 好似件事又有新版本。
我相信呢個新版本對我嚟講係震驚o既新版本......
頭先3:45pm準時接我囡放學，係校門一見成叔佢就話：妳個囡一早出咗嚟o架喇，轉頭跟老師返咗入去"
就係咁等多 10 分鐘終於見到我個囡行返出嚟，只係幾步呢頭接過個書包，就連 lunch bag 都未拎定我囡囡就話有野同我講：" 媽咪~ 其實我冇比人打o架，係我講大話咋~"
我聽到佢咁講叫佢慢慢嚟上咗車先至慢慢講，但一上車佢D眼淚就湧出嚟然後猛咁講：" 媽咪~ 係我貪玩講大話，係我講大話呃人......"
我車都冇開停係度抱住佢等佢喊夠先至問究竟乜野事，佢只係得一句重覆又重覆咁講：係我講大話咋....
當時我同佢講："之前妳講果D妳依家話係講大話，咁究竟我依家信唔信妳係講真話好呢??"
佢答我："Miss Miu 會打比妳同妳講o架喇~"
因為我車內仲有病假o既細囝，我都要返幼稚園拎功課，所以車就直駕去幼稚園，去到時都只係四點十幾分未夠放學時間，我係出面等時再同我囡囡傾，但係佢我反應係喊，同埋重覆又重覆講係自己講大話......
我自己重來未試過個囡講大話呃我，莫話今次佢重要咁多 details 位，我只係諗一個六歲o既小朋友如果事件冇發生過o既，點可能係呢幾日我同埋 hubby 問佢o既時候講法差不多一樣??? 果D細節仲係星期五一返嚟O既時候已經講咗出嚟，並唔係後尾再問時加上去的，就在我想入幼稚園時 (約 4:30pm) 我 hubby 打比我話 Miss Miu 打咗比佢同佢講成件事係我囡囡講大話引起o既，我 hubby 同佢講要了解咗先至再抎 Miss.
我最後決定帶 Christy 入去幼稚園抎教咗佢三年最信任o既老師，但係入去前 Christy 扯住我隻手話："求吓妳! 媽咪，唔好再講喇，唔好傳開去喇，我唔想再比人問我呀..."
但我叫佢點都要面對o架，入到去我同佢以前老話講咗發生乜野事之後，老師都覺得好奇怪，跟住願意同 Christy 傾，佢地入咗去以前個班房傾咗好耐，到出返嚟之後老師的睇法係，依家根本冇可能係佢身上再問到任何野，Christy 只係一直話係自己講大話，而且依家見佢喊得咁厲害都好都係等佢心情平穩返先，過一排問佢會比較好......。
對我嚟講老師同 Christy 今日o既講法對我造成困擾，我完全唔明如果係我個囡編一個咁詳細o既故事，仲要呃咁多人，而且仲係要牽涉咁多第三者、第四者o既動機係乜?? 就係如佢依家講因為佢貪玩???
暫時我都係抱住觀察情況發展o既心態，依家似乎 "真相" 係乜都唔重要，點解?? 由我頭先接咗個囡之後除咗同佢傾過呢件事之後，佢返到嚟都冇同我講多幾句野，呢個肯定唔係平日開朗囡囡o既表現，依家我要處理咗o既係佢情緒去到幾壞，呢件事肯定對佢都造成很大困擾......
作者: onetiger 時間: 08-11-6 21:40
我聽完後都覺得很奇怪。但學校應該有深入地去查過件事。這種事情不能夠馬虎了事。希望這事能夠就此平息。孩子們可以斷續開開心心上學去。
作者: helloeveryone 時間: 08-11-6 23:12
原帖由 小樹熊 於 08-11-6 20:33 發表
我相信呢個新版本對我嚟講係震驚o既新版本......
頭先3:45pm準時接我囡放學，係校門一見成叔佢就話：妳個囡一早出咗嚟o架喇，轉頭跟老師返咗入去"
就係咁等多 10 分鐘終於見到我個囡行返出嚟，只係幾步呢頭接過個書包，就 ...
作者: wawaliluk 時間: 08-11-7 10:10
看小樹熊最新的回應, 我只能說好震驚, 心情好沉重。
大家作為小朋友的家長, 相信對自己的孩子有一定的了解和認識, 小孩細說自己發生過事情, (尤其是發生如christy 所受遭遇) 我相信家長亦能即時判斷事情真偽。
我不明白為何事件演變成羅生門, 這件事情結果, 最受傷害係christy, 假若christy是說謊的話, 學校即日已可查清楚, 不用拖拖拉拉, 幾日後才覆。
現希望christy早日平復心情, 再現歡顏。
作者: budbud1 時間: 08-11-7 11:01
原帖由 wawaliluk 於 08-11-7 10:10 發表
看小樹熊最新的回應, 我只能說好震驚, 心情好沉重。
大家作為小朋友的家長, 相信對自己的孩子有一定的了解和認識, 小孩細說自己發生過事情, (尤其是發生如christy 所受遭遇) 我相信家長亦能即時判斷事情真偽。
我 ...
我 也 看 完 小 樹 熊 的 回 應 ﹐ 都都 覺 得 很 不 開 心。
看 過 之 前 的 發 表 ﹐ 有麼 多 人 見 到 事 情 的 發 生 ﹐ 怎 可 能 是 小 朋 友 講 大 話 呢 ??? 這 根 本 就 不 合 情 理 !!!!
我 覺 得 事 態 很 嚴 重 ﹐ 小 樹 熊 不 要 再 等 了 ﹐ 應 該 立 刻 約 見 學 校 的 有 關 人。 當 然 不 要再樣 女 兒 知 道。 自 己 和 妳 hubby處 理 好 了。 亦 要 學 校 不 要 講 給 妳 女 兒 知 道 。
在 這 希 望 Christy 快 快 忘 了 這 件 事 ﹐ 不 會 留 下 陰 影 。
作者: choimum 時間: 08-11-7 12:05
...咪巳經有同學仔見到件事既發生囉...咁細個囡又點會講同作得出d咁既大話呀... 
如果係我就一定會即時約哂d老師校長傾,依家係傷人喎....唔係一般投訴個案......
陰謀論黎睇,覺得係校方"兇"個小朋友再提議改劇本為"講大話",再話比個小朋友知只有咁樣先至會happy ending....
even真係真係"講大話",now攪到咁大件事...校方都一定會向家長"投訴"架....
作者: 晴晴的媽媽 時間: 08-11-7 12:48
原帖由 小樹熊 於 08-11-6 20:33 發表
我相信呢個新版本對我嚟講係震驚o既新版本......
頭先3:45pm準時接我囡放學，係校門一見成叔佢就話：妳個囡一早出咗嚟o架喇，轉頭跟老師返咗入去"
就係咁等多 10 分鐘終於見到我個囡行返出嚟，只係幾步呢頭接過個書包，就 ...
小樹熊，
聽見你所講的真係驚訝！
點解會係christy自己編個故仔呀?
grace 話昨天早會，見到三位老師同christy傾計，之後就聽到中文老師好大聲話christy講大話！
不過，無論事件係點，而家最重要是安慰番christy，等佢唔好禁唔開心，唔好影響佢上學的心情為先！
晴晴的媽媽
作者: ycdy 時間: 08-11-7 12:51
小樹熊：
這件事真係令我擔心Christy嘅情緒，在學校要面對嗰三位老師，幼稚園畢業了嚟到小學，兩個月到，會否真係講一個影響到自己咁大嘅謊言，一個小女孩要比人逼講大話，真係很悲哀，為人師表不是去查出真相，而是去教導自己學生講大話，簡直過份
，在此希望Christy快些回復常掛笑容開朗快樂的女孩子.
作者: webjen 時間: 08-11-7 13:05
原帖由 onetiger 於 08-11-4 22:43 發表
今日聽倒Rachel講Christy比一個高年班學生打左一巴 , 希望沒有什麼大外 , 這種校園暴力一定要制止。
呢位同學 Rachel 都講得出件事,點會係大話呀!
我對呢間學校又要重新估計
Chirsty mami,你一定要支持囡囡,一定要相信自己囡囡!
一開學就發生呢 d 事真係好影響佢!唉!
[ 本帖最後由 webjen 於 08-11-7 13:06 編輯 ]
作者: wawali_C6 時間: 08-11-7 13:30
原帖由 小樹熊 於 08-11-5 14:33 發表
各位家長,
其實上個星期五果日放學時 Christy 已經即刻講咗比我知道喇，佢所講o既情況係堂時小息佢同Rachel同埋Grace一齊，係佢前面見到個大哥哥，Christy 以為係風紀，咁就埋去同佢傾計，誰不知 Christy 只講完一句說話，那個 ...
Read all post, do Grace MaMi ask for Grace what that day happen. If Grace give the same Rachel description. I think Christy MaMi should see "Princpal" to clarify the story and complaint the school.
我本人一向是相信小朋友的,(當然亦相信他們有能力作估仔,但同時三小朋友說一大話機率很少)
[ 本帖最後由 wawali_C6 於 08-11-7 20:38 編輯 ]
作者: amychoi 時間: 08-11-7 13:51
小樹熊
發生這事很難過, 妳要多多保重身體, 知妳很忙碌, 又粗身大細, 又要照顧一對寶貝, 但都一定要好好開解囡囡, 我怕這事對她有影響, 我都希望妳能深入了解這件事, 我覺得作為當事人家長是有權知道的, 才可以知道用咩方法來安撫囡囡的, 希望妳能盡快解決這問題.
[ 本帖最後由 amychoi 於 08-11-7 13:56 編輯 ]
作者: wawaliluk 時間: 08-11-7 13:51
原帖由 晴晴的媽媽 於 08-11-7 12:48 發表
小樹熊，
聽見你所講的真係驚訝！
點解會係christy自己編個故仔呀?
grace 話昨天早會，見到三位老師同christy傾計，之後就聽到中文老師好大聲話christy講大話！
不過，無論事件係點，而家最重要是安慰番christy，等佢 ...
點解三位老師同christy傾計的安排, 沒有christy的家長一同在場? 一個小朋友面對多位老師質詢時, 實會感到很驚慌和無助, 學校至少應安排社工在場, 是次的"傾計", 已覺得學校安排失當, 對小孩不公平。
作者: onetiger 時間: 08-11-7 15:00
原帖由 webjen 於 08-11-7 13:05 發表
呢位同學 Rachel 都講得出件事,點會係大話呀!
我對呢間學校又要重新估計
Chirsty mami,你一定要支持囡囡,一定要相信自己囡囡!
一開學就發生呢 d 事真係好影響佢!唉! ...
Rachel是沒有親眼目到事發經過。是Miss Mui 在放學後問Rachel & Grace 有沒見到什麼 , Rachel 先知道這事。
[ 本帖最後由 onetiger 於 08-11-7 15:05 編輯 ]
作者: waiwai108 時間: 08-11-8 11:24
從整個事件看來，疑點太多：
1. 1.Christy只有6歲，是否可以這麼詳細說出整件事情及所有人嘅對話呢？
2. 2.原來Rachel是沒有親眼目到事發經過，但之前Christy媽媽卻言之鑿鑿，
3. 3.Grace是否親眼目到事呢？抑或是以訛傳訛呢？
4. 4.校園暴力是嚴重罪行，Christy媽媽為何不直接找校長問淸楚事情，只是在網上指控呢？
我們家長是否需要思考一吓
作者: hkangel89 時間: 08-11-8 12:10
我同意直接向長查詢，得個明白。
作者: 全職媽咪 時間: 08-11-8 12:53 標題: 回覆 # 的文章
agree
作者: 小樹熊 時間: 08-11-8 15:00
原帖由 waiwai108 於 08-11-8 11:24 發表
從整個事件看來，疑點太多：
1. 1.Christy只有6歲，是否可以這麼詳細說出整件事情及所有人嘅對話呢？
2. 2.原來Rachel是沒有親眼目到事發經過，但之前Christy媽媽卻言之鑿鑿，
3. 3.Grace是否親眼目到事呢？抑或是 ...
首先多謝各位家長對小囡呢件事o既關注，而我琴日 (星期五) 亦已經約好老師及校長係星期四會面，希望係大家可以坐低落嚟討論一吓當中究竟發生個什麼事，係邊部份出過問題，而導致依家呢個局面。
但我有以下幾點要澄清一吓：
1) 此標題並不是本人所開的；而事件發生後亦都沒有向任何其他爸媽私下透路過，直至 5/11 進入 BK 時才發現已有其他家長在討論所以才進來將小囡告知的在此交待一下；
2) 前文所說 " Christy 媽媽卻言之鑿鑿 " ，我本人並不認同，首先我已提過事發後隨了在 3/11 (星期一) 晚上約 6、7點時接到 Miss Miu 電話與她簡述過事件後，根本本人並沒有向其他有小朋友在李宗德就讀的家長提及過小囡有關的任何事，而由我囡囡口中得知事發時她是與 Grace 及 Rachel 一起的，本人只是將小囡陳述的在此提及過，我將小囡經歷的轉述出來，也不是什麼言之鑿鑿罷，我覺得各位有心人有時用字小心一點可以對當事人造成的困擾及傷害可以減到最少吧!
3) 我並不希望拖其他小朋友落水，自己及女兒所飽的的困擾也不希望其他小朋友及家長受牽連，所以一直以來我從沒開口叫人來做証或幫忙什麼，我抱著的熊度是尊重班老師，首先也是聯絡班老師希望由她去了解及回答本人，我不選擇首先去校務處直接找校長，因為我不希望 by pass 咗班老師的角色，本人認為咁做比較洽當，難道不問因由、不由分說就走去校內大吵大吵嗎?? 我還希望小囡可以留在李宗德讀書，那選用一個比較溫和的方法有錯嗎??
其他家長對小囡關心的問候，本人萬二分感激，本人一直都是抱著將小囡及本人與老師對話內容陳述出來，而且我還處於困擾及了解階段，我想這件事除了要保障校譽、校長及老師外，我小囡也應該得到保障吧?? 是嗎??
我不想最後攪到騎虎難下，要小囡受著其他人注視下學習還是要她繼續被呢件事纏擾下去??
我還是那一句自己是一個講道理的人，在不影響小囡學習的情況下願與學校相談，而我一直採取的方法也是與班老師尋求協助幫助了解事件。
網絡世界咁大，我因李宗德而與各位相遇、亦因為咁小囡得到各位的關心，在此謝過，但暫時希望大家比小小空間及時間本人及小囡，希望與校長及老師直接會面後可以消除本人心中疑慮，本人亦希望此事盡快平息所以就在 #22 留言後都不回，真的不希望再沒完完了的說下去，如果是這樣下去我深信最終的受害者仍是小囡 Christy。
作者: helloeveryone 時間: 08-11-10 15:16
原帖由 小樹熊 於 08-11-8 15:00 發表
首先多謝各位家長對小囡呢件事o既關注，而我琴日 (星期五) 亦已經約好老師及校長係星期四會面，希望係大家可以坐低落嚟討論一吓當中究竟發生個什麼事，係邊部份出過問題，而導致依家呢個局面。
但我有以下幾點要澄清一吓：
...
作者: lnlnmum 時間: 08-11-10 16:30
為免對當事人有更大影響及破壞李小形象, 可否請BK delete此標題?
亦請各家長們先行了解事情真相,不要亂示所有不實/虛實之行為.
| 歡迎光臨 教育王國 (/) |
Powered by Discuz! X1.5 |