教育王國

標題: 考荃灣浸信會 & 天主教聖母幼稚園interview時會問乜架？ [打印本頁]

作者: edan48 時間: 08-11-4 01:00 標題: 考荃灣浸信會 & 天主教聖母幼稚園interview時會問乜架？

我同我先生都是第一次同小朋友面試, 唔之點好

!可否指點一下,我哋兩個都好徬徨, 驚女女無書讀!

作者: sarali 時間: 08-11-4 09:06

三年前, 我個女又係考呢兩間, 荃浸, 一開始面試時, 仔女坐前面, 媽媽坐後面, 聽老師講故事, 會問小朋友一啲日常問題, 有啲問題識答嘅要舉吓手啦, 跟住分組坐, 自己選擇玩具玩, 老師會過嚟問下你問題, 家常便飯問題, 好輕鬆, 一啲壓力都冇, 其實我本身只係一心入呢間, 另一間係打底咋, 最後收下午班, 已經開心到好似中 Marksix 咁. (因為口碑好好, 又難入, 所以更希望入到)
另一間, 令我好失望, 面試時, 冇一個老師對住我個女, 只有一堆玩具比佢, 問題都冇問, 啲老師只係撩啲男孩, 此舉令我覺得很奇怪, 最尾就帶你參觀間校舍後, 星期六去, 星期一已收到收錄信, 應該係去面試嘅都有收....不去也罷...

原帖由 edan48 於 08-11-4 01:00 發表
我同我先生都是第一次同小朋友面試, 唔之點好 !可否指點一下,我哋兩個都好徬徨, 驚女女無書讀!

作者: sarali 時間: 08-11-4 09:06

另一提議, 綠楊都唔錯o架....

原帖由 sarali 於 08-11-4 09:06 發表
三年前, 我個女又係考呢兩間, 荃浸, 一開始面試時, 仔女坐前面, 媽媽坐後面, 聽老師講故事, 會問小朋友一啲日常問題, 有啲問題識答嘅要舉吓手啦, 跟住分組坐, 自己選擇玩具玩, 老師會過嚟問下你問題, 家常便飯問題, ...

作者: Daisy2006 時間: 08-11-4 23:45

你覺得綠陽有咩可取之處, 可否分享下? thanks!

另外我都有報荃浸, 我個仔最無耐性聽故事, 到時肯定扭住要走. 你女女是否讀繄荃浸? 課程真是偏淺嗎? 英文程度如何?

原帖由 sarali 於 08-11-4 09:06 發表
另一提議, 綠楊都唔錯o架....

作者: edan48 時間: 08-11-5 00:12

唔該sarali, 死la我咁耐都無講故事比個女, 唔知有無耐性聽故事

作者: sarali 時間: 08-11-5 09:00

兩位好, 我囡囡讀緊荃浸 K3 了, 她每天返學都好開心的, 其實呢間幼稚園係著重靈活思考, 課程係淺少少, 不過又未至於差得太遠, 有普通話堂, 又有小寶寶時間比各小朋友介紹一下自己嘅興趣 or 玩具, 我覺得咁樣可增加佢哋嘅自信心, 另外, 今個月, 家長又要忙了, 因為可以選擇性地回學校做協作, 即是家長做老師同啲小朋友玩遊戲, 我個女好鍾意呢個環節的, 因為見到自己我爸爸 or 媽媽比各同學仔圍住, 好開心的, 而且各老師及校長非常好細心, o係荃灣區是不可多得的一間幼稚園, 我個女入到呢間幼稚園, 我個人真係感到無比開心, 希望你哋都入到啦.
最後, 只要你哋抱住平常心, 不要太過緊張就是了, 當時我都係咁.

作者: karilau 時間: 08-11-6 00:57

我都覺得荃浸幾好,我囡囡讀緊k1,啲老師真係好有愛心對啲小朋友,我囡囡一放假就話掛住老師

好難得小朋友話好鍾意返學!!

歡迎光臨教育王國 (/)