教育王國

標題: 太多教材需要看電視, 究竟應不應該比BB看電視 [打印本頁]

作者: mama0108 時間: 08-11-3 20:45 標題: 太多教材需要看電視, 究竟應不應該比BB看電視

提示: 作者被禁止或刪除內容自動屏蔽

作者: g心批 時間: 08-11-4 10:48

原帖由 mama0108 於 08-11-3 20:45 發表
太多教材需要看電視, 例如我正在用的狄士尼美語, your baby can read 等, 究竟應不應該比BB看電視 (因聽說看電視多不喜歡閱讀??)

有冇媽媽可分享經驗, 謝謝!! ...

我都用緊your baby can read.....

可能tv係單向,所以對bb發展唔好,
其實我每日比bb睇頂多30mins,
同埋1定同佢1齊睇,
仲要邊睇,邊講,邊玩,希望o甘叫做有d互動......

作者: debbieip 時間: 08-11-4 11:24

我都係一樣, 我每天都會一定同BB一齊睇, 每次只看一集, 都係30分鐘... 一邊睇一邊跟住講/做~
佢亦唔會睇ONLY, 歌佢會同我一起唱, VCD有踢波佢又拿BALL出來一齊踢, 平日生活遇到相似的事情我又會提下VCD都有講過~ SO FAR 我都覺得OKAY!

我覺得VCD教材睇你點運用, 可以有益, 亦可以有害...

原帖由 g心批 於 08-11-4 10:48 發表

我都用緊your baby can read.....

可能tv係單向,所以對bb發展唔好,
其實我每日比bb睇頂多30mins,
同埋1定同佢1齊睇,
仲要邊睇,邊講,邊玩,希望o甘叫做有d互動...... ...

作者: g心批 時間: 08-11-5 12:16

haha.....o甘似o既!!

亞b睇完video問"do u have toy key?"
依家1睇就要攞我條key

係o羅,我都覺得適可而止就得,
太多機械式發音都唔係o甘好......

原帖由 debbieip 於 08-11-4 11:24 發表
我都係一樣, 我每天都會一定同BB一齊睇, 每次只看一集, 都係30分鐘... 一邊睇一邊跟住講/做~
佢亦唔會睇ONLY, 歌佢會同我一起唱, VCD有踢波佢又拿BALL出來一齊踢, 平日生活遇到相似的事情我又會提下VCD都有講過~ SO ...

作者: Radiomama 時間: 08-11-12 10:53

仔仔四歲，從來不鼓勵他看電視!
就算學校派發的一些光碟、Tom Lee的音樂光碟都沒有看過，學習途徑不依賴電視，他就習慣不看電視。
兩三歲的時候曾看barney dvd，但也不是日日看，不要成為習慣! 現在偶然看"動物"dvd，新聞報導及警訊，他不會自己去開or去睇電視。
不看電視的孩子會有大量時間去玩玩具、捉棋、畫畫、聽音樂、閱讀、傾計，何樂而不為!

作者: isak 時間: 08-11-12 18:07

me too...

原帖由 Radiomama 於 08-11-12 10:53 發表
仔仔四歲，從來不鼓勵他看電視!
就算學校派發的一些光碟、Tom Lee的音樂光碟都沒有看過，學習途徑不依賴電視，他就習慣不看電視。
兩三歲的時候曾看barney dvd，但也不是日日看，不要成為習慣! 現在偶然看"動物"dvd，新聞報導及 ...

作者: ssaa 時間: 08-11-26 17:06

原帖由 mama0108 於 08-11-3 20:45 發表
太多教材需要看電視, 例如我正在用的狄士尼美語, your baby can read 等, 究竟應不應該比BB看電視 (因聽說看電視多不喜歡閱讀??)

有冇媽媽可分享經驗, 謝謝!! ...

電視影像，始終都是極之刺激視覺觀能之媒體。

習慣視覺觀能刺激，自然不喜歡閱讀文字；
不喜歡文字，學習就容易有障礙。

不要花錢買一些學習障礙回家！

作者: yee媽媽 時間: 08-11-26 17:57

我冇用過要睇TV o既教材.

原帖由 ssaa 於 08-11-26 17:06 發表

電視影像，始終都是極之刺激視覺觀能之媒體。

習慣視覺觀能刺激，自然不喜歡閱讀文字；
不喜歡文字，學習就容易有障礙。

不要花錢買一些學習障礙回家！ ...

作者: mrsanthony 時間: 08-12-17 13:09

"不要花錢買一些學習障礙回家！ "

作者: 00adafan 時間: 08-12-18 22:11

提示: 作者被禁止或刪除內容自動屏蔽

作者: janice620 時間: 09-1-4 00:19

提示: 作者被禁止或刪除內容自動屏蔽

作者: mamimeowmeow 時間: 09-1-13 12:03

提示: 作者被禁止或刪除內容自動屏蔽

作者: qoo_pooh 時間: 09-1-21 16:58

我覺得除非家長係全職唔駛撈,
而又好有方法同時間教小朋友,
否則睇有教育性的電視無疑是學習的一條short cut,
當然一定要有時間限制

作者: Radiomama 時間: 09-1-27 16:23

不同意, 我有份忙到嘔ge工, 但我仍會堅持不應以電視作為"幼兒"學習的方法!

原帖由 qoo_pooh 於 09-1-21 16:58 發表
我覺得除非家長係全職唔駛撈,
而又好有方法同時間教小朋友,
否則睇有教育性的電視無疑是學習的一條short cut,
當然一定要有時間限制

作者: tungtsz 時間: 09-2-9 15:31

我都無買過要用電視輔助既教材...相反...圖書就買左好多...等亞仔習慣閱讀...多D思考...

作者: 陳家大少奶 時間: 09-7-29 22:38

提示: 作者被禁止或刪除內容自動屏蔽

作者: yhmommy 時間: 09-8-1 21:19

陳家大少奶 I totally agree with you.

I already mentioned this once in BK that the American Academy of Pediatrics suggested children under 2 should not watch TV.Children who were given too much TV are prone to have more attentional problems!

原帖由 陳家大少奶 於 09-7-29 22:38 發表
我囡囡歲半啦，專注力好好，其一原因可能係我完全吾比佢睇TV, DVD 之類，全部教佢都係真人教，佢對中英文都能明白得很好，可能因為雙語，佢仲係好少講野，昨天去打歲半針，都 pass，這幾天她也多說了很多字（說英文多d）！

電視傷 ...

作者: NichoB 時間: 09-8-2 00:04 標題: TV = Pictures & knowledges - it's better than nothing to do

see what kinds of TV channel.....Baby songs and happy endings..stories are fine....
The best is outings . Let BB touch the sands, flower, grasses, breath fresh air. Never only stay at home all the time. Kids and babies need more execises at their growth period.
We cant be lazy and we must do more sports with them. Smart or not depands on how many sports can do. Right and left brains both needs to train up.

原帖由 yhmommy 於 09-8-1 21:19 發表
陳家大少奶 I totally agree with you.

I already mentioned this once in BK that the American Academy of Pediatrics suggested children under 2 should not watch TV.Children who were given too much TV are ...

作者: yhmommy 時間: 09-8-3 20:53

For other disadvantages of TV pls go to:

http://forum.edu-kingdom.com/viewthread.php?tid=2143846&extra=page%3D1

原帖由 NichoB 於 09-8-2 00:04 發表
see what kinds of TV channel.....Baby songs and happy endings..stories are fine....
The best is outings . Let BB touch the sands, flower, grasses, breath fresh air. Never only stay at home all the ti ...

作者: jc2009 時間: 09-9-1 12:13

我都是一樣, 借好多書俾囡囡睇, 雖然我女兒未到一歲, 但她已經好鐘意揭書, 看到圖片己有反應。

原帖由 tungtsz 於 09-2-9 15:31 發表
我都無買過要用電視輔助既教材...相反...圖書就買左好多...等亞仔習慣閱讀...多D思考...

作者: elmostoney 時間: 09-9-9 13:45

我唔覺得要睇電視就學到野, 基本上個女都好少睇. 平均一星期睇唔超過兩至三次電視, 每次都係20分鐘, 不過佢而家大d, 我冇限制佢一定要睇學習性嘅電視, 可以睇下我地自己dvd, 不過就一定唔會睇電視台d卡通.

我寧願自己辛苦d, 花多d口水時間同佢講野,教佢, 帶佢出去體會.

作者: JennieE 時間: 09-9-9 13:55

提示: 作者被禁止或刪除內容自動屏蔽

作者: LilMama 時間: 09-9-10 03:40 標題: 轉貼：看電視DVD造成語言發展遲緩？

電視影音似乎成為現代孩子生活的一部份，甚至小小孩拿起搖控器開機都不是難事。但是最近一項研究提出最新警訊，孩子單獨看電視DVD不會更聰明，反而壞處多多！如果爸媽不能關掉電視，就請你滲透孩子的電視世界吧！

一睜開眼睛爬下床，學走路才剛走得穩的小米搖搖晃晃地到電視機前，媽媽在忙早餐，小米拉著阿嬤的衣角，作勢要開電視，阿嬷搖搖頭說中午再看，小米求了幾次變臉了，狂哭著打阿嬷，阿嬤又氣又好笑無可奈何開了電視，百看不厭的DVD片頭樂響起，小米瞬間安靜坐定，淚滴還掛在臉頰上，她凝神看著畫面，時而隨著音樂劇情或跳舞或哼唱，聽到媽媽叫她吃飯叫到不耐煩，才偶爾跑到餐桌旁接幾口飯，再迅速跑回來接著看。就這樣，她可以坐一早上。

這是否就是你家寶寶的生活情境？如果你經常把孩子丟在電視機前，最近美國的一份研究將會驚醒你的電視保母夢。

寶寶每天看DVD　語言判斷能力較差？

美國西雅圖華盛頓大學研究顯示，嬰兒過度觀看電視影音光碟，會減緩幼兒期的語言發展能力。在針對孩子觀看DVD所設計的實驗發現，每天都觀看DVD影音的嬰兒，比完全不看DVD的同齡孩子理解的單字，平均少6～8個；17％看DVD的寶寶比不看的寶寶語言判斷能力差；也沒有證據顯示看DVD對孩子的發展有任何助益。

這是華盛頓大學公共衛生系副教授Frederick Zimmerman與醫學系副教授Dr. Dimitri Christakis、心理系教授Andrew Meltzoff共同發表的研究。這份研究引起美國迪士尼公司的正視，並致公開信給華盛頓大學校長，但校長拒絕撤回這份研究報告。

Frederick Zimmerman與Dr. Dimitri Christakis合著的《客廳裡的大象──讓電視成為孩子發展的助力》（久周文化）書中進一步指出，電視與語言遲緩、甚至與注意力減緩之間的關係。研究學者們推論，現在孩子越來越常見的注意力缺陷過動症可能是因為語言學習上的遲緩或語言缺陷所致，根據這個推論，再對照孩子在做一件事時會利用語言來自我引導的行為，例如當兩歲的孩子在沙灘上堆小石頭時會邊做邊說：「我要把石頭疊在一起！」，也許他會大聲說、也許他會喃喃自語，但這種口頭上的自我引導可以提醒他自己正在做的事，也可以減低分心機率，提升專注力。但是電視卻會延遲或阻礙這種自我引導的口頭語言。

親子互動媽媽語電視聽不到

此外，語言遲緩的效應在從小接觸電視的孩子身上最為明顯。有些兒童節目如美國著名的「芝麻街」讓3～5歲孩子觀看也許對認知發展有助益，但3歲以下小小孩看節目，除了影響認知發展之外，更會影響語言發展。

Frederick Zimmerman與Dr. Dimitri Christakis認為，這是因為錯誤的取代──因為電視互動與人的互動截然不同！爸媽在與寶寶講話時會用抑揚頓挫變化很大的「媽媽語」，語法和聲調都比正常說話簡單，採用很多疊字「車車」「ㄋㄟㄋㄟ」；但是你很少看到兒童節目或影音光碟會用「媽媽語」呈現吧！

曾經訪台，參加信誼0～3 歲嬰幼兒發展研討會的美國西雅圖華盛頓大學聽語科學研究所共同所長Dr. Kuhl，也特別指出「媽媽語」對孩子語言學習的價值：明顯地把聲音拉長的媽媽語，會把字詞說得更清楚，並加強自己文化中重要的語音線索，像台灣媽媽會特別加強三聲或四聲的頻率差異如「媽、麻、馬、罵」，孩子可以清楚分辨聲調的差異。Dr. Kuhl認為媽媽語是對寶寶最好的語言提示，孩子會更注意父母發出的聲音，這些對大腦的發展和形塑非常重要。

電視DVD＝No learning！

難道孩子對著電視目不轉睛，他們完全沒把語言學進去了嗎？整天播放語音影像，難道不能讓孩子學會更多語言嗎？Dr. Kuhl也明白指出：電視DVD＝No learning！關鍵就在孩子需要的是真人互動。

仔細觀察每個寶寶看電視時，幾乎都會爬到螢幕前，很專心看電視中的影像，但是電視影像與聲音對大腦來說，完全沒有學習或儲藏的作用！「學習語言的另一個前提，是要有『真人』陪他們學習。」Dr. Kuhl認為，有人在身邊，孩子會比較興奮，人的動作與說話，會讓孩子集中注意力在此人身上。

即使半歲大的小寶寶雖沒有辦法理解單一的詞彙，也還不會開口說話，但當他們聆聽周遭對話的同時，大腦其實正忙於將所聽到的語音記錄下來，所以爸媽的話語是寶寶聽到的語音來源，也是孩子大腦成長的重要養分，這是爸媽最重要的任務。……

資料來源：學前教育雜誌

作者: zoechan2005 時間: 10-1-28 23:42

我好同意大家嘅講法!
呢度真係搵到一班志同道合嘅媽媽,我睇咗好多書同文章都係講同一翻說話,但身邊嘅朋友同親友就好多都唔知,仲不斷中d商人嘅奸計,害死個細路都唔知!

作者: fungpolly 時間: 10-1-29 12:22

提示: 作者被禁止或刪除內容自動屏蔽

作者: zoechan2005 時間: 10-1-30 12:17

agree!

原帖由 fungpolly 於 10-1-29 12:22 發表
"不要花錢買一些學習障礙回家！ " totally agree!!

絕對唔buy睇電視, 而且我覺得2歲之前唔睇電視都唔會有咩損失, 反而睇左就有好多害處, 其實只要用心d教, 用岩方法, 一樣可以學好英文, ...

作者: jc2009 時間: 10-2-4 17:06

agree too...

原帖由 fungpolly 於 10-1-29 12:22 發表
"不要花錢買一些學習障礙回家！ " totally agree!!

絕對唔buy睇電視, 而且我覺得2歲之前唔睇電視都唔會有咩損失, 反而睇左就有好多害處, 其實只要用心d教, 用岩方法, 一樣可以學好英文, ...

作者: Parisienne 時間: 10-2-6 09:23

Agree!!
不過，我覺得又唔駛當咗電視係毒藥咁，我相信專家都係唔想小朋友沉迷電視，而父母又無知到以為個仔坐定定睇電視就係'乖'，兼且以為佢學到嘢！
我諗樣樣嘢都要平衡。我地呢代電視汁撈大嘅父母(大部份)亦唔見得智商特別低。
其實小朋友最重要係父母有無時間陪。
我屋企無刻意鎖住個電視，但我個囡(2.5age)一樣超鍾意睇圖書。佢一出世(係，一出世！)我就用個箱仔放好多圖書，大部份都係朋友仔女嘅舊書，佢三個月時我就久唔久同佢講吓睇吓。到佢識爬已經自己爬去玩。而家每晚瞓教前都主動揀書要我同佢睇(成個鐘!呢本完左又個本，有時同一本睇幾次...)，就算婆婆响廳睇電視佢都無乜興趣。我都有買DVD教材，佢自已亦識開電視+放DVD，但又唔見佢要成日睇。久唔久佢會諗起然後自已去開但一定會有大人陪睇囉！老實講，20mins佢已經玩第二樣嘢，你想佢睇佢都唔睇。
如其'避'咗個電視，不如陪佢多D發掘其他興趣。
呢個世界太多嘢要'避"，點避??
幼稚園再高班D已經要用電腦做功課，唔通到時唔做咩。

作者: 維他老師 時間: 10-2-7 16:36

提示: 作者被禁止或刪除內容自動屏蔽

作者: 維他老師 時間: 10-2-7 16:41

提示: 作者被禁止或刪除內容自動屏蔽

作者: 維他老師 時間: 10-2-7 16:47

提示: 作者被禁止或刪除內容自動屏蔽

作者: fungpolly 時間: 10-2-8 14:49

提示: 作者被禁止或刪除內容自動屏蔽

作者: zoechan2005 時間: 10-2-8 19:29

我都非常同意維他老師嘅講法,果然係行內人,我哋接觸多有事嘅細路就能歸出真正嘅原因!
我可以肯定,幼兒睇電視一定係有壞影響!較大兒童有限度看都可以嘅!三歲前完全不看,而由父母教授係最好!
要多俾孩子機會接觸不同嘅事物!

[ 本帖最後由 zoechan2005 於 10-2-8 19:31 編輯 ]

作者: yokolee 時間: 10-2-9 14:55

Dear 維他老師 & zoechan2005,

除了睇電視，還有那些要避免的呢? ”真正嘅原因”是什麼意思呢? d有特別需要的小朋友係點慘呀? 好想了解多d，如果有blog可看的話，請指示。謝。

另外，我又想知用學行車是否會導致d小朋友用腳尖行呢? 都係果句，以前人人都用的。

謝謝!

原帖由 zoechan2005 於 10-2-8 19:29 發表
我都非常同意維他老師嘅講法,果然係行內人,我哋接觸多有事嘅細路就能歸出真正嘅原因!
我可以肯定,幼兒睇電視一定係有壞影響!較大兒童有限度看都可以嘅!三歲前完全不看,而由父母教授係最好!
要多俾孩子機會接觸不同嘅 ...

[ 本帖最後由 yokolee 於 10-2-9 14:58 編輯 ]

作者: zoechan2005 時間: 10-2-9 21:09

打電子遊戲機又係另一禍害,要講真係好多理論,但係真架,但宜家唔係太得閒多談,因為每一點都有好多研究支持!

用學行車一定係有問題,因為小係強化小腿,唔係學行嘅工具,反而後遺症好多,行路好怪!
加拿大同歐美一些國家係禁止入口架,但香港係自由市場,明知有害都無得禁止!

最佳方法只有一個,就係從出世後就爬,早期爬行有好多好處,係強化整個人的BODY,唔係只幫助早學行,係影響整體嘅運動智能,個小孩子靈活好多,所以我個女六個幾月扶邊行,九個月離手行!梗有人話:"早行有咩好,我哋細個又係好遲行"其實宜家好多專家都出咗好多書講述有關嘅事,大量爬行係好好,又早學識講說話,因為爬行能幫助用一個較高級嘅腦,呢個腦又幫助說話,可以看杜曼嘅"如何使寶寶身強體健"就明!其實仲有越來越多書講呢D!

原帖由 yokolee 於 10-2-9 14:55 發表
Dear 維他老師 & zoechan2005,

除了睇電視，還有那些要避免的呢? ”真正嘅原因”是什麼意思呢? d有特別需要的小朋友係點慘呀? 好想了解多d，如果有blog可看的話，請指示。謝。

另外，我又想知用學行車是否會導致d小朋友用 ...

[ 本帖最後由 zoechan2005 於 10-2-9 21:13 編輯 ]

作者: yokolee 時間: 10-2-10 11:31

謝謝回覆。

我小朋友係行路一時正經行，一時左搖右擺，一時又用腳尖行，我認為與學行車有關‧那應該如何改善?

原帖由 zoechan2005 於 10-2-9 21:09 發表
打電子遊戲機又係另一禍害,要講真係好多理論,但係真架,但宜家唔係太得閒多談,因為每一點都有好多研究支持!

用學行車一定係有問題,因為小係強化小腿,唔係學行嘅工具,反而後遺症好多,行路好怪!
加拿大同歐美一些國家 ...

作者: zoechan2005 時間: 10-2-10 19:14

你個小朋友幾大先,太大都定咗型,比較難攪!

原帖由 yokolee 於 10-2-10 11:31 發表
謝謝回覆。

我小朋友係行路一時正經行，一時左搖右擺，一時又用腳尖行，我認為與學行車有關‧那應該如何改善?

作者: yokolee 時間: 10-2-10 22:25

2歲10個月

原帖由 zoechan2005 於 10-2-10 19:14 發表
你個小朋友幾大先,太大都定咗型,比較難攪!

作者: zoechan2005 時間: 10-2-11 08:47

你用各種方法,使佢有多d爬嘅機會,例如多到遊樂場玩,或多玩爬隧道,可以到玩具反斗城買,趁住仲細,train吓佢嘅運動智能都係好,過咗六歲好難改變!
佢細個係咪好少爬?

原帖由 yokolee 於 10-2-10 22:25 發表
2歲10個月

作者: yokolee 時間: 10-2-11 11:34

吾係..佢細個係勁爬的。由5.5個月-9個月在學行車，之後識爬後就冇坐，冇網床，成日周圍爬。歲半後這一年都日日去公園遊樂場玩(落雨除外)，及在區內行超市，都係佢自己行，冇坐士的車。行路都會hold our hands，一時時用腳尖。但這個月就開始左搖右擺，吾知係咪開心，一路行，一邊唱歌，又左搖右擺，有時又彈吓彈吓咁樣.....

其實我最想係改變佢用腳尖行的壞習慣。仲有，好奇怪，都差不多3歲，都仲未識雙腳跳起 !!!!

原帖由 zoechan2005 於 10-2-11 08:47 發表
你用各種方法,使佢有多d爬嘅機會,例如多到遊樂場玩,或多玩爬隧道,可以到玩具反斗城買,趁住仲細,train吓佢嘅運動智能都係好,過咗六歲好難改變!
佢細個係咪好少爬?

...

作者: zoechan2005 時間: 10-2-12 18:05

哦!佢個情況應該唔係好差,佢係咪有時可以用放平腳行得好好?只係玩吓!

原帖由 yokolee 於 10-2-11 11:34 發表
吾係..佢細個係勁爬的。由5.5個月-9個月在學行車，之後識爬後就冇坐，冇網床，成日周圍爬。歲半後這一年都日日去公園遊樂場玩(落雨除外)，及在區內行超市，都係佢自己行，冇坐士的車。行路都會hold our hands，一時時用腳尖。但這 ...

作者: yokolee 時間: 10-2-13 13:55

都係果句....除了腳尖行之外，其他的不是大問題。腳尖行是從小開始的習慣，驚好難改。拖佢行快d，可能佢要平衡好d，就多數ok，一行得慢又黎。

原帖由 zoechan2005 於 10-2-12 18:05 發表
哦!佢個情況應該唔係好差,佢係咪有時可以用放平腳行得好好?只係玩吓!

作者: 維他老師 時間: 10-2-21 22:02

提示: 作者被禁止或刪除內容自動屏蔽

作者: yokolee 時間: 10-2-24 12:29

Thanks for your reply. I will try to search the 凹凸小腳踏 in Toys "R"Us.

These days, we try to let him walk by himself, didn't hold his hands. I can see him walk with both feet on the floor more often. However, it leads to another problem.... he walks too quick & too far... he looks back, laughs with me... seems want me to trace him... very dangerous....

Anyway, thanks for your kindness.

One more surprise, i saw him jump this Monday & Tuesday when he was playing & singing !

原帖由 維他老師 於 10-2-21 22:02 發表

Sorry... miss左你呢個post原來好耐冇入黎!!

聽你咁講, 佢又會用成隻腳行, 又會用腳尖行, 有可能係貪玩, 亦有可能係習慣, 要真係見過bb先夠膽講.

可以的話, 去玩具反斗城, 有一種小腳踏 (個名好似叫咩凹凸小腳踏 ...

[ 本帖最後由 yokolee 於 10-2-24 12:30 編輯 ]

作者: 維他老師 時間: 10-2-24 22:35

提示: 作者被禁止或刪除內容自動屏蔽

作者: 小牧人 時間: 10-2-25 00:56 標題: 太多教材需要看電視, 究竟應不應該比BB看電視

提示: 作者被禁止或刪除內容自動屏蔽

作者: nokia6300 時間: 10-2-26 19:30 標題: 回覆 47# 維他老師的文章

我又想問下....

其實之前唔知,都比左d for baby 既 dvd 仔仔睇,之後 cut 左,只系我睇 news 時開一陣,呢排又因要做家務時又比左佢睇一陣,發現仔仔同之前細個時既反應唔同左

首先阿仔開始學講野,我教咩動物,佢都跟住講,有時又話比我知d動物係度"跳","游水水",最 surprise 今日話我知"車車"上面有"動物",因系有好多種唔同既動物,佢識用"動物"呢個terms來表達instead of 叫 dog dog,duck duck

不過,還是只看了20 mins

這是互動嗎?同埋又從中發現仔仔既觀察力有進步wor

作者: 維他老師 時間: 10-2-26 21:29

提示: 作者被禁止或刪除內容自動屏蔽

作者: nokia6300 時間: 10-2-26 22:02 標題: 回覆 49# 維他老師的文章

我仔仔22個月大

我都聽過澳洲個 announcement,不過系香港呢d生活,要cut曬 tv又真系幾難....

好在我仲 control 到,還是不要再看

咁其實,唔系 under 2-yr ,應該儘量都唔好比會更好吧!

btw,你又點睇 flash card 呢?呢個本身系 for d 有 brain problem 既小朋友,但個個都 buy 小朋友快d讀書既心態,其實真系要小朋友學認字系幾歲呢?而家人人都未夠2-yr識曬 1-10 , a-z,我地呢d special kids 真系好似咩都比人慢九拍呢!

作者: 維他老師 時間: 10-2-27 09:02

提示: 作者被禁止或刪除內容自動屏蔽

作者: nokia6300 時間: 10-2-28 23:31 標題: 回覆 50# 維他老師的文章

多謝你的意見

我都系慣左唔開tv了,除左6:30新聞啦,真系憤左,呢段時間多數阿仔食飯,唱下國歌,講下be bu車,阿sir sir咁又睇完,之後都熄ka la,同你老婆一樣,都系等仔仔訓晏覺or晚上訓左先追ka!

作者: cmfckyccl 時間: 10-3-1 13:22

我與老公都要返工,平時由老人家湊,我都知睇電視無益,但無辦法,老人家同你湊仔咁辛苦,唔通仲咁專制話不准開電視咩?我只有得閑提吓奶奶唔好比個孫睇咁多電視,同埋到我湊時盡量唔睇,大家有冇同樣情況分享吓?

作者: 維他老師 時間: 10-3-1 16:20

提示: 作者被禁止或刪除內容自動屏蔽

作者: cmfckyccl 時間: 10-3-1 16:54

我亦曾給過一些文章我奶奶及我媽看,都是有關看電視的壞處,但他們的回應是「誇張、極端、片面、係香港生活邊有可能唔睇電視」之餘此類既說話,老人家很難令他們明白,因為我都是電視湊大的,他們會覺得不大有問題,有時仲會話「電視開住你個仔都唔睇,佢淨係睇廣告之嘛」,所以好似我呢種家庭係好難唔開電視,除非我辭工全職湊,但這個絕對無可能。

作者: 維他老師 時間: 10-3-1 17:40

提示: 作者被禁止或刪除內容自動屏蔽

作者: 維他老師 時間: 10-3-1 17:42

提示: 作者被禁止或刪除內容自動屏蔽

作者: nokia6300 時間: 10-3-1 23:41 標題: 回覆 52# cmfckyccl 的文章

其實真系冇咩計....

好似我呢d 70後,根本系對住 tvb 大,而家我 mami 幫我細佬湊個仔,2歲幾啦,仍是日日開住 tvb,一系mami 睇大戲dvd,較為益智就系開d disney,barney個d

我姪仔,咩都叻,未足1歲識行,未足2歲完全溝通冇問題,同佢mami 英文對話,從dvd學識好多野....

你再話佢知開tv有影響,就系好似我仔咁,影響左佢學咩都慢~~

作者: cmfckyccl 時間: 10-3-2 10:08

我家姐個仔2歲前比我姨湊,經常比佢睇tv,但而家小一不但入到傳統名校,係第一學期考試仲考到全班第一,全級第三;但我有個同事個仔由小到大都被禁止睇tv,同我家姐個仔係同一間名校讀,但就考包尾,仲被學校評估他有專主力不足及語言障礙,仲要長期食葯,我屋企人就常以此做有力證據,證明睇tv係無問題的。不過又真係唔知點解釋好!!

作者: Capricorn2521 時間: 10-3-2 12:19

唉...我身邊又係有呢d case.. 真係好無奈。

原帖由 nokia6300 於 10-3-1 23:41 發表
其實真系冇咩計....

好似我呢d 70後,根本系對住 tvb 大,而家我 mami 幫我細佬湊個仔,2歲幾啦,仍是日日開住 tvb,一系mami 睇大戲dvd,較為益智就系開d disney,barney個d

我姪仔,咩都叻,未足1歲識行,未足2歲完全溝通 ...

作者: 維他老師 時間: 10-3-2 14:03

提示: 作者被禁止或刪除內容自動屏蔽

作者: Parisienne 時間: 10-3-6 01:10

我絕對唔係電視迷，但我覺得與其嚴禁小朋友看電視，倒不如幫佢發掘其它興趣。我相信如果父母有時間陪小朋友玩其它嘢，電視吸引力其實無想像中咁可怕。

斬脚指避沙蟲係唔係最好方法? 如果要避，咁恐佈不如dum 咗架電視全家唔睇。

我明白電視無益，亦相信好大可能會損害智商，(如長時間長期睇，最差嗰種係無大人陪，等電視陪佢成長嗰種，然後個阿媽仲沾沾自喜話個仔乖，自已睇電視學英文！)

不過，需唔需要當佢係毒藥一般看待？
小朋友其實會唔會覺得呢架黑蚊蚊、阿爸平時唔比開、但又放响屋企中間、每當夜闌人靜時才偷偷睇嘅「電視機」反效果地產生强烈興趣呢？

可能我誇張放大咗個假設.....

我屋企唔係電視迷，什麼宮心計大結局無追無睇，但我無嚴禁開電視，平時只係少睇。我個女亦知道呢部黑蚊蚊嘅嘢係電視機，佢有影又有聲，放响客廳要按搖控先會著。

我絕對無鼓勵睇電視，只係思考對於電視嘅存在需唔需要咁極端地擔心??

原帖由 維他老師 於 10-3-2 14:03 發表

一個大型的research, 係講數據, 人地做左幾千個小朋友的比對. 請問你有幾多個類似的case?? 仲有, 其他conditions 係一樣的嗎? 即例如, 有睇電視的, 父母每月仲成幾萬蚊比佢去學好多野, 冇睇的咩都冇學, 又唔同講法 ...

作者: zoechan2005 時間: 10-3-6 08:20

我好贊成唔睇電視,但要教小朋友各方面嘅嘢,同埋多D同佢講嘢,千祈唔好打機!

睇電視同唔睇電視背後有好多嘅可能性
例如:屋企開電視,但有人同個細路講嘢,仲要頻率高!
屋企無開電視,但毫無環境刺激.....
我同意話:一個大型的research, 係講數據, 人地做左幾千個小朋友的比對。
因為我都响學校做,我可以証明維他老師講嘅係正確,不過如果d人硬要用個別例子黎講,無謂講禁多,在我朋友同自己嘅例子,我可以肯定睇電視係有小小好處,但係有極極極極多壞處,好危險!我成日訪問d 學生同家長,因為我都睇咗好多書,好想証明書講嘅嘢係啱定唔啱....

我自己嘅小朋友就兩三歲前極極少睇,但到我媽或老爺家,我就唔會要求關電視,但會吸引佢哋做其他嘢,唔想俾人覺得好極端反感!
但宜家大少少,一星期睇一兩次15-20分鐘vcd學習。每個家庭都有唔到背景,但個concept要攪清楚,否則後果真係可以好嚴重。

我仲有好多例子從言語治療師度得知真相,但宜家唔得閒。

原帖由 維他老師 於 10-3-2 14:03 發表

. 請問你有幾多個類似的case?? 仲有, 其他conditions 係一樣的嗎? 即例如, 有睇電視的, 父母每月仲成幾萬蚊比佢去學好多野, 冇睇的咩都冇學, 又唔同講法 ...

[ 本帖最後由 zoechan2005 於 10-3-6 08:30 編輯 ]

作者: 維他老師 時間: 10-3-6 19:00

提示: 作者被禁止或刪除內容自動屏蔽

作者: Parisienne 時間: 10-3-6 23:15

Thanks for sharing !!!:loveliness:
我鍾意〝辣椒〞比喻，好清楚令我明白你嘅意思。

可能我個女唔多被個電視吸引，加上我又唔多開，反而個女鍾意聽我講故事多啲，所以親自經驗令我覺得無必要刻意收埋碟「辣椒」，就算放响枱佢都唔會揀嚟食(因為有其它比辣椒更好食嘅嘢 )。

但既然辣椒無益又傷身，萬一有日佢愛上就後悔莫及。你都講得啱，小心為上。相反，收埋碟辣椒就一定無事。

不過，對住十個月嘅BB當然容易收埋，但對住小朋友就難啲，例如我個女間Nursery 參加衛生署嘅陽光笑容計劃，裏面就有隻VCD要播，用卡通短片宣傳刷牙重要同唔好食零食。佢未睇之前唔會主動刷牙，唔太鍾意飲水；但睇咗之後就好主動刷牙，仲話要飲多啲〝清水〞先有益架( 卡通裏面話)。當然，睇時都有大人陪，好似睇教育電視咁。

所以全禁真係好難(個人認為)，適當如唔超過20分鐘我自已會接受(我講小朋友，唔係兩歲之前)。
其實有時我會諗，如果自已細個成長無叮噹同藍精靈(小時最愛

)陪伴會唔會的確小〝咁〞啲嘢.....

或者理論同實踐如果要做到一百分，可能《電視》呢個TOPIC只係其中冰山一角。

但我相信，電視會上癮。家長一定要小心處理。如果太無信心可以控制自已小朋友，真係不如唔好要個電視，即係全家都唔好食辣椒( 我有個朋友個仔三歲，搬屋時真係決定為咗個仔唔要個電視!! 佢話反正上網乜都有得睇。)

而家做父母好難，遲吓面對上網做功課揾資料又將會係另一個疑難

原帖由 維他老師 於 10-3-6 19:00 發表

當然, 要培養其他興趣, 即係話, 如果屋企係冇開電視, 但係大人亦唔為孩子提供任何刺激 / 學習機會, 佢地一樣會有障礙.

我舉個例子, 例如嬰兒唔可以食辣椒, 你會比一個十個月的小朋友食辣椒嗎? 唔會, 因為佢身體會 ...

作者: 維他老師 時間: 10-3-8 09:14

提示: 作者被禁止或刪除內容自動屏蔽

作者: cmfckyccl 時間: 10-3-8 15:21

我唔會完全禁止開電視,但會有節制,我間中會開芝麻街比個仔睇,每次我拎隻DVD出黎,佢都會笑得好可愛,仲會一路睇,一路跟住D歌黎唱,我覺得OK喎!此外,我個仔都鍾意睇書,成日捉住我隻手,然後要我指住D字讀比佢聽,又鍾意聽我講故事,當我講到大灰狼捉三隻小豬時,佢會拍拍心口示意小豬驚驚。我個仔快兩歲,雖然間中有開電視,但佢唔會扭要開,有時係婆婆屋企開著電視,佢似乎都無興趣,自己玩其他野又或者睇書,其實我覺得,有時候一家大細坐係屋企睇電視,有傾有講,都好開心呀,我都幾嚮往以前細個呢D日子,但現在時代唔同,既然有研究指出睇電視的壞處,惟有開少D!仲有,我發現而家D卡通很差劣,已經無晒以前藍精靈、小忌廉等那麼單純、那麼童真,所以反而我唔會比個仔睇電視卡通片。

作者: 維他老師 時間: 10-3-11 19:18

提示: 作者被禁止或刪除內容自動屏蔽

作者: phoebeylbbshop 時間: 10-3-15 15:55

我放咗工,我會坐低休息同睇電視劇, 囝囝雖然超鐘意睇TV, 但佢只會睇廣告, 其餘時間佢會玩益智玩具, 同埋就算佢有幾專心睇TV, 我一走開,佢即刻跟了, 所以睇你點教啫

作者: phoebeylbbshop 時間: 10-3-15 15:57

係囉, 都要睇父母點教 , 如果睇TV, 同時間又會教佢其它事物, 取得平衡就可以啦

唔好話細路一定鐘意睇卡通, 我個細路就無乜興趣LU

原帖由 cmfckyccl 於 10-3-8 15:21 發表
我唔會完全禁止開電視,但會有節制,我間中會開芝麻街比個仔睇,每次我拎隻DVD出黎,佢都會笑得好可愛,仲會一路睇,一路跟住D歌黎唱,我覺得OK喎!此外,我個仔都鍾意睇書,成日捉住我隻手,然後要我指住D字讀比佢聽,又鍾意聽 ...

作者: cmfckyccl 時間: 10-3-15 16:22

我唔會認為tv係萬惡不赦的東西,做每樣事都太過極端反而會有反效果,只要做到中庸之道,即是不放縱孩子睇tv,又能引導他們培養其他興趣,我覺得ok喎!

作者: phoebeylbbshop 時間: 10-3-15 17:12

無錯, YES~~

作者: 維他老師 時間: 10-3-15 22:43

提示: 作者被禁止或刪除內容自動屏蔽

作者: bobbob 時間: 10-3-16 11:03

好同意樓上講法，我個仔歲半前間唔時會開電視，雖然1日唔超過半個鐘，但我地發覺佢既專注力差同脾氣好大，食飯時要脅要睇電視，上playgroup時四圍走無時停。。。後來開始interview n1就知衰，完全唔可以坐定定又扭計

後來我地索性收埋條電視電線，連大人都無得睇，攪攪下佢都無話要睇電視，而家返playgroup起碼大部份時間唔再四圍走（雖然玩得耐都會唔耐煩），係屋企識坐定定睇書，仲學識好多野。。岩岩2歲再去interview N1，雖然人好多學校安排幾混亂，佢居然無扭計四圍走，可以坐定定答問題。。。所以我覺得先前做既決定都係無錯既 :)

作者: cmfckyccl 時間: 10-3-16 13:57

我唔係話睇電視絕對無問題,但以你囝囝既case,會唔會除咗因為無睇tv外,仲有其他原因,例如囝囝大了,自然會定性咗,無咁坐唔定?我個仔歲半前玩playgroup或是出街食野時都係坐唔定,成日要四圍走,但歲半後慢慢見佢有轉變,而家佢玩playgroup時可以專心聽人指示,出街食野可以同大人一齊坐足全程,但我是沒有特別刻意做些什麼的

作者: zoechan2005 時間: 10-3-16 16:58

睇電視對我哋呢一輩真係有好多好嘅回憶,一家人食飯睇電視,呢個都係一個普通家庭接受咗嘅生活一部份。
但如果可以對小朋友更好,我都會選擇較好嘅,不過有時係大人覺得好大犠牲多d。如果佢哋無電視睇,但有大人同佢哋玩,佢哋都好接受,但人大真係好辛苦!
自從小朋友出世後,我都無咩睇電視,但宜家見到佢哋嘅學習成果,真係覺得值得!
可能响學校真係見到太多case,所以我都一定唔會搏!

作者: 維他老師 時間: 10-3-16 23:49

提示: 作者被禁止或刪除內容自動屏蔽

作者: 維他老師 時間: 10-3-16 23:51

提示: 作者被禁止或刪除內容自動屏蔽

作者: cmfckyccl 時間: 10-3-17 09:41

我好欣賞你地真係好偉大,為子女犧牲自己既娛樂,我個人都可以,如果係我湊個仔,例如放假之類,我都可以完全唔睇tv,但平日老人家湊,加上晚飯係大家庭一齊食飯,所以就根本不能做到,不過算啦,我自己惟有盡力而為

作者: bobbob 時間: 10-3-17 10:00

我個仔由細到大（雖然都唔係好大）都好頑皮，以前上親playgroup會係個班房四圍走追都追唔到，走走下仲會開門走人，講真playgroup裏面都係同齡既小朋友，我咁驚係因為無一個細路好似佢咁（係走都無佢咁快），大部份都識坐定定聽導師講野

後來除左戒電視，我地都專登幫佢報個學習社交專注力小組，係呢段時間亦有上普通playgroup，好慶幸無耐佢已經唔係班上最頑劣個個，個pat pat識黐住張凳:)
有人可能話係大左識多左野所以行為有改進，但如果睇電視無乜特別益處，又何必比個仔睇？我無後悔唔比個仔睇電視，但如果我繼續比佢睇，我怕我將來會好後悔

作者: zoechan2005 時間: 10-3-17 17:24

你盡力而為都好好,你可以再了解多d,到你認為真係要視之嚴重嘅時候,你自然會重視多d!
但我見太多小一生,個個都有唔同背景,我了解多咗,我都係選擇唔睇,但有時到我媽屋企,都無刻意要求關電視,但宜家我媽見到我哋d小朋友幾好,佢都好支持,我哋返去,佢都會關電視,就係因為我立場清楚,但當然要有技巧,唔係太高姿態令佢反感!
努力!

原帖由 cmfckyccl 於 10-3-17 09:41 發表
我好欣賞你地真係好偉大,為子女犧牲自己既娛樂,我個人都可以,如果係我湊個仔,例如放假之類,我都可以完全唔睇tv,但平日老人家湊,加上晚飯係大家庭一齊食飯,所以就根本不能做到,不過算啦,我自己惟有盡力而為 ...

作者: Imagist 時間: 10-4-21 05:16

我都是在亞囡兩歲前不大開電視, 只會在亞囡瞓時睇! 所以朋友講既熱門劇集我都唔知係咩野! 不過亞囡真係專注力都幾好! 仲鍾意睇書添! 依家兩歲啦, 就會比佢睇BARNEY, 唱歌....VCD 大約20分鐘, 通常係我整緊野食比佢時睇, 到我整完叫佢食啦! 佢就會主動話關電視! SO我覺得暫時比佢睇少少都OK!

作者: [精明媽媽] 時間: 10-7-21 00:14 標題: 如何加強與小寶貝的互動

提示: 作者被禁止或刪除內容自動屏蔽

作者: timkoye2010 時間: 10-8-25 00:03

agree! --我唔會認為tv係萬惡不赦的東西,做每樣事都太過極端反而會有反效果,只要做到中庸之道,即是不放縱孩子睇tv,又能引導他們培養其他興趣,我覺得ok喎!

作者: slammama 時間: 10-8-26 12:16

我是週末才讓孩子看電視. 雖然周边的朋友都有意見, 怎麽益智卡通學英文好, 小時多看電視大了不會沈迷, 看電視才令孩子朋友間有話提等等. 不過孩子在家不看電視/ 不玩遊戲机有个好處是孩子變得充滿ideas. 佢會主動制作玩意, 家中有甚麽拿起就用. 例如上星期遊水河有uncle釣魚, 他回家便用玩具棒+姐姐的褲繩+廚房掛勾做了一个魚杆. 自得其樂咁玩了好耐. 我明白孩子喜歡看卡通是很正常, 我自己也喜歡一齐看. 不過真係要有節制. 我孩子一星期看3至4个鐘電視. 他還小不用做功課. 平日在家就是玩玩具或看故事書. 最重要是大人不要一時一样, 有明確的規舉, 養成習慣便ok了.

作者: slammama 時間: 10-8-26 12:19

by the way, 我的孩子已上幼稚園. 佢3歲前都不看電視的.BB 真的不應看電視.

作者: sogor 時間: 10-8-26 21:05 標題: 回覆 1# slammama 的文章

i agree. They should not view TV programme but should view educational videos.

作者: slammama 時間: 10-8-27 11:02

我不認為educational videos 係 educational. 小朋友用五官學習, 特別是BB 需要大量觸覺感. 坐電視机前面是passive learning, 同flashcard 冇分別, 像催眠. 孩子剛出世時,有朋友送了些baby einstein video 給我, 記憶中冇用過.

歡迎光臨教育王國 (/)