教育王國

標題: 荊冕堂士德or綠陽, 你地收到取錄信未呀? [打印本頁]

作者: Lovelymame 時間: 08-10-31 08:16 標題: 荊冕堂士德or綠陽, 你地收到取錄信未呀?

荊冕堂士德or綠陽, 你地收到取錄信未呀?

作者: cwkkbb 時間: 08-10-31 09:12

荊冕堂要31/10才有，我還未收到信!我都是報了這兩間，如比你選，你會選那一間???

課程方面:我相信綠楊較傳統，上小學不太辛苦，但荊冕堂較活動.....

價錢方面 : 我問過綠楊，今年2400沒有學券，而荊冕堂就有學券，

真頭痛如何選擇!不過我等荊冕堂收左先算吧!

作者: xomama 時間: 08-10-31 10:44

我都未收到呀, 今日再收唔到就冇希望啦

作者: oo7kwchoi 時間: 08-10-31 10:55

我只係報左荊冕堂士德,都係仲未收到取錄信呀,有無媽咪已經收到?

作者: prosperityyan 時間: 08-11-1 02:34

提示: 作者被禁止或刪除內容自動屏蔽

作者: ChristieMing 時間: 08-11-1 09:06

原帖由 oo7kwchoi 於 08-10-31 10:55 發表
我只係報左荊冕堂士德,都係仲未收到取錄信呀,有無媽咪已經收到?

我問過學校，取錄信是星期五寄出的，
最遲應該星期一收到。
反而，唔收o個o的..佢地仲處理緊...

作者: prosperityyan 時間: 08-11-1 10:29

提示: 作者被禁止或刪除內容自動屏蔽

作者: oo7kwchoi 時間: 08-11-1 12:17

thank you 各位媽咪報料,我剛剛落街見仲未有信,可能要下星期一吧,但星期一都收吾到,機會應該相應下降囉.我都有報荃浸,但好似仲難過士德,吾知大家應同嗎?

作者: prosperityyan 時間: 08-11-1 12:33

提示: 作者被禁止或刪除內容自動屏蔽

作者: oo7kwchoi 時間: 08-11-1 12:51

我都覺得士德係大d, 同教材配備多d.但最終都係要看二間收吾收,再作考慮.希望大家都有好消息.

作者: JoshuaN 時間: 08-11-1 13:42

剛剛收到信, 收左讀上午班,
不過仍考慮會否交留位費.

作者: oo7kwchoi 時間: 08-11-1 16:32

我都收到啦,但係下午班,不過應該會先交留位費啦.

作者: scchiu2 時間: 08-11-1 18:12

今天收到了,上午校荊冕堂

作者: klwy 時間: 08-11-1 20:00 標題: 回覆 # 的文章

我都收到信, 荊冕堂上午.
請問各位媽咪知唔知有冇教Phonics ?

作者: prosperityyan 時間: 08-11-1 20:22

提示: 作者被禁止或刪除內容自動屏蔽

作者: klwy 時間: 08-11-1 20:59 標題: 回覆 # 的文章

如果士德係夠學術, 如果心儀係ST.C+KV,應該可以應付明年interview. n1 可以近近地, 玩得開心, 又學到學術. 我見朋友話方方讀完k3, 都可以全英文+普通語interview 小一, 只要間學校夠<學術>. 相比荃浸係較淺的, 應該唔夠<學術>
我仔都讀緊方方n1, 返左2個月已經教左約10個中文生字, 當然未識寫, 但係會認到字, 我偏向較深的課程, 明年k1冇學劵, 所以先轉, 希望德士課程夠深.
所以,我都想請問下德士課程係點 ? interview 時冇介紹.
thank you very much.

作者: JoshuaN 時間: 08-11-1 21:15

我考慮會否交留位費的原因, 就是因為士德好似是
活動教學, 我怕銜接傳統小一時會吃力. 至於york
方面, 我巳交留位費. 另外, 星期尾in St.C, KV.

原帖由 klwy 於 08-11-1 20:59 發表
如果士德係夠學術, 如果心儀係ST.C+KV,應該可以應付明年interview. n1 可以近近地, 玩得開心, 又學到學術. 我見朋友話方方讀完k3, 都可以全英文+普通語interview 小一, 只要間學校夠. 相比荃浸係較淺的, 應該唔夠
...

作者: klwy 時間: 08-11-1 21:33 標題: 回覆 # 的文章

等我星期一打去學校問下課程問題先, 又有媽咪話課程係深的. 只不過係活動式教法.

作者: yellowfish 時間: 08-11-1 22:44

原帖由 oo7kwchoi 於 08-11-1 16:32 發表
我都收到啦,但係下午班,不過應該會先交留位費啦.

我都收到信啦, 都係下午班. 想問下你o地 in幾點o架?? 我有d奇怪, 阿囡全部都識答, 老師仲讚佢, 明明係申請上午班, 但結果係收下午班. 如果係下午班, 我又未必比阿囡讀, 因時間唔好用.

作者: prosperityyan 時間: 08-11-1 22:57

提示: 作者被禁止或刪除內容自動屏蔽

作者: prosperityyan 時間: 08-11-1 23:00

提示: 作者被禁止或刪除內容自動屏蔽

作者: yellowfish 時間: 08-11-1 23:22

原帖由 prosperityyan 於 08-11-1 22:57 發表
其實有時INTERVIEW, 唔一定識哂就可以讀上午的, 因為可能都有好多小朋友識哂, 咁老師就會係禮貌, 反應, 說話技巧各方面去比分, 應該係分高D 既就可以入上午班先, 我個仔都係入下午班, 不過佢係12月細仔, 入到我已經 ...

我都知, 如果阿囡當日見人(包括老師在內)有say hi and byebye, 玩完玩具都識放返好, 全程有問有答, 連d老師都親口讚佢, 所以收到這個結果, 有點差異. 而你提到的大細仔, 或者有d關係, 但係阿囡已經係7月中喇.

唔知其他收左讀上午班的小朋友又係邊個月出生呢?? 可否告知, 等我參考下好嗎???

作者: ChristieMing 時間: 08-11-1 23:27

原帖由 yellowfish 於 08-11-1 23:22 發表
我都知, 如果阿囡當日見人(包括老師在內)有say hi and byebye, 玩完玩具都識放返好, 全程有問有答, 連d老師都親口讚佢, 所以收到這個結果, 有點差異. 而你提到的大細仔, 或者有d關係, 但係阿囡已經係7月中喇.

...

我個仔係大仔..2月出世的..
都係收o左下午班咋~
佢interview o既表現都唔差o架..
仲要好過崇真好好多...我都有o的意外收下午...
不過,算啦~
我應該唔會交留位費了..

作者: prosperityyan 時間: 08-11-1 23:30

提示: 作者被禁止或刪除內容自動屏蔽

作者: prosperityyan 時間: 08-11-1 23:31

提示: 作者被禁止或刪除內容自動屏蔽

作者: christina 時間: 08-11-1 23:34 標題: 回覆 # 的文章

荊冕堂收左我個仔, 下午班, 但我唔打算交留位費lor.

作者: ChristieMing 時間: 08-11-1 23:36

原帖由 prosperityyan 於 08-11-1 23:30 發表
點解你IN左又唔交呀? 不過如果你有信心其他心儀既幼稚園會收, 就沒問題既. 不過會唔會交左留位費先會保險D 呀?

因為我有另一間幼稚園有把握..
所以唔想交o羅..
而且佢只係收佢下午班...
有o的洩氣...

作者: ChristieMing 時間: 08-11-1 23:37

原帖由 prosperityyan 於 08-11-1 23:31 發表
你地有無人都會去 IN YORK 架? 如果有, 而YORK都收, 咁你地選邊間呀? YORK 就貴過荊冕堂好多, 不過就出名D, 課程都深D. 將來考小學應該都會好D.

如果你講課程..咁一定係YORK 啦~
不過佢冇學券喎~
同埋如果你係打算考直資/私立小學..
當然搵番o的出名o既幼稚園讀會好o的啦~
我就係咁諗..所以先唔打算交留位費..

作者: yellowfish 時間: 08-11-1 23:44

原帖由 ChristieMing 於 08-11-1 23:37 發表

如果你講課程..咁一定係YORK 啦~
不過佢冇學券喎~
同埋如果你係打算考直資/私立小學..
當然搵番o的出名o既幼稚園讀會好o的啦~
我就係咁諗..所以先唔打算交留位費.. ...

Agreed. 所以如果只收下午班,不如留番阿囡係宏福讀, 因為佢地有一半的學生考到直資同私校, 而且又近屋企. 誇區報津小, 如果只得15分, 根本就微乎其微.

作者: ChristieMing 時間: 08-11-1 23:50

原帖由 yellowfish 於 08-11-1 23:44 發表

Agreed. 所以如果只收下午班,不如留番阿囡係宏福讀, 因為佢地有一半的學生考到直資同私校, 而且又近屋企. 誇區報津小, 如果只得15分, 根本就微乎其微. ...

宏福o個邊有冇叫你交留位費呀？
我都有朋友個女o係宏福讀緊n1..

作者: woodwood2 時間: 08-11-1 23:52 標題: 回覆 # 的文章

Hello~

我今日都有收到信,又係讀下午班.d時間好似好難就咁

作者: yellowfish 時間: 08-11-1 23:55

原帖由 ChristieMing 於 08-11-1 23:50 發表

宏福o個邊有冇叫你交留位費呀？
我都有朋友個女o係宏福讀緊n1..

星期一前交, 我昨日已開定張chq, 如果士德收上午班, 兩邊都會留, 再研究清楚應該讀邊間. 因為如果只想讀仁立, 可能士德會好d d. 但想資源多d又好d的直資或私校, 相反宏福會好d.

作者: prosperityyan 時間: 08-11-1 23:56

提示: 作者被禁止或刪除內容自動屏蔽

作者: prosperityyan 時間: 08-11-1 23:58

提示: 作者被禁止或刪除內容自動屏蔽

作者: prosperityyan 時間: 08-11-2 00:00

提示: 作者被禁止或刪除內容自動屏蔽

作者: ChristieMing 時間: 08-11-2 00:01

原帖由 yellowfish 於 08-11-1 23:55 發表

星期一前交, 我昨日已開定張chq, 如果士德收上午班, 兩邊都會留, 再研究清楚應該讀邊間. 因為如果只想讀仁立, 可能士德會好d d. 但想資源多d又好d的直資或私校, 相反宏福會好d. ...

你只係報o左荊冕堂咋?

作者: ChristieMing 時間: 08-11-2 00:02

原帖由 prosperityyan 於 08-11-1 23:56 發表
如果我唔打算比我個仔下年REPEAT K1 做大仔, 我都一定入YORK, 始終出名D, 不過我係打算下年再比我個仔去九龍塘再考既, 想佢做大仔, 所以我今年係邊間讀K1, 其實都唔係太大問題, 只不過, 我係驚佢下年再考, ST. CAT ...

你諗住比個仔repeat k1呀?
咁樣好咩?
咁咪有一年冇學券o羅?

作者: prosperityyan 時間: 08-11-2 00:05

提示: 作者被禁止或刪除內容自動屏蔽

作者: yellowfish 時間: 08-11-2 00:07

原帖由 ChristieMing 於 08-11-2 00:01 發表

你只係報o左荊冕堂咋?

仲有學之園, 不過未in, 亦都唔會去In. 去年佢收左阿囡讀下午班, 所以又無去, 今年又要係平日in, 又唔覺得d老師同學生好好, 算了吧. 之後佢宏福讀n1, 都幾好, 又見佢去年的派位又ok喎, 不如考慮留底啦.

作者: prosperityyan 時間: 08-11-2 00:15

提示: 作者被禁止或刪除內容自動屏蔽

作者: prosperityyan 時間: 08-11-2 00:16

提示: 作者被禁止或刪除內容自動屏蔽

作者: ChristieMing 時間: 08-11-2 00:19

原帖由 prosperityyan 於 08-11-2 00:05 發表

我唔係好明你講有一年冇學券, 學卷只係比多3年咋咩? 定係每個小朋友只可CLAIM 3年學券? 可唔可以講清楚?

另外, 我其實心目中係想比我個仔讀九龍塘個D 既, 而且佢12月先出世既係細細仔, 我驚佢讀上去會辛苦, 我問左 ...

1個小朋友只可以claim 3年學券..
即係如果有一年係重讀..o個年就冇得用學券了...

既然係咁....點解你唔下年先考k1呢?
讀一年n班唔好嗎？

作者: ChristieMing 時間: 08-11-2 00:21

原帖由 yellowfish 於 08-11-2 00:07 發表

仲有學之園, 不過未in, 亦都唔會去In. 去年佢收左阿囡讀下午班, 所以又無去, 今年又要係平日in, 又唔覺得d老師同學生好好, 算了吧. 之後佢宏福讀n1, 都幾好, 又見佢去年的派位又ok喎, 不如考慮留底啦. ...

o..ic..
咁仲好啦...唔洗煩...

作者: prosperityyan 時間: 08-11-2 00:38

提示: 作者被禁止或刪除內容自動屏蔽

作者: ChristieMing 時間: 08-11-2 01:10

原帖由 prosperityyan 於 08-11-2 00:38 發表
　我諗住 N1, K1 都係咁讀, 咁不如讀K1 啦, 多D 野學, 而且, 迦南都收左佢讀N1, 下個月2歲就可以返學了. 咁無理由到下年9月叫佢地比我個仔讀多D N1 架, 好自然會升K1 LAW, 如果下年先報, 咁我個仔日日係屋企又學唔到 ...

我個仔都係大仔...
佢2月出世..
我都冇o係佢2歲時插班讀n班..
我都等到9月先入學..(即2歲半)..
其實你可以同佢返o下playgroup呀...
好過佢repeat k1....

作者: oo7kwchoi 時間: 08-11-2 10:03

原帖由 yellowfish 於 08-11-1 22:44 發表

我都收到信啦, 都係下午班. 想問下你o地 in幾點o架?? 我有d奇怪, 阿囡全部都識答, 老師仲讚佢, 明明係申請上午班, 但結果係收下午班. 如果係下午班, 我又未必比阿囡讀, 因時間唔好用. ...

我in12:15ga,你呢?

作者: stephanielum 時間: 08-11-3 14:17

我in12:45am, 收咗讀下午班, 其實想問吓學校分配學生讀上下午班, 係咪好似荃浸咁, 將取錄學生再分開男女生既比例, 再抽籤決定呢? 因為如果用in時既表現, 我囡囡都做到老師要求既野, 而且老師都讚賞佢叻女, 但點解結果就編咗讀下午呢?????

作者: prosperityyan 時間: 08-11-3 15:37

提示: 作者被禁止或刪除內容自動屏蔽

作者: klwy 時間: 08-11-3 16:30 標題: 回覆 # 的文章

我意思係方方冇學劵所以要轉學校.
我今朝打左去學校問詳情, K3會有各半小時教英文及普通話, 英文都會教phonics, 都會寫下生字/作下句子咁. 課程都Ok.

我仔係3月出世, 上午班收左. 我仔當日都答全部問題, 反而過程佢停一停先答, 我仲諗佢衰緊冇機會. 反應咁慢.
我都覺得呢d都要講小小彩數.
我都係聽其他媽咪講係抽籤.

作者: yellowfish 時間: 08-11-3 17:23

原帖由 stephanielum 於 08-11-3 14:17 發表
我in12:45am, 收咗讀下午班, 其實想問吓學校分配學生讀上下午班, 係咪好似荃浸咁, 將取錄學生再分開男女生既比例, 再抽籤決定呢? 因為如果用in時既表現, 我囡囡都做到老師要求既野, 而且老師都讚賞佢叻女, 但點解 ...

我in 10:15am, 同你一樣, 老師都有讚阿囡叻同有禮貌, 但結果係收下午班. 如果關男女數目事, 即是女多過男報名啦. 會唔會呀, 幼稚園又唔須要分開男女上課? 有什麼好處呀?

作者: stephanielum 時間: 08-11-3 17:39

要平均分配男女比例, 如果唔分配好, 有機會上午班男生多過女生, 我想係要平衡番個比例, 因為荃浸個校長都說會這樣編排男女生既級別.

原帖由 yellowfish 於 08-11-3 17:23 發表

我in 10:15am, 同你一樣, 老師都有讚阿囡叻同有禮貌, 但結果係收下午班. 如果關男女數目事, 即是女多過男報名啦. 會唔會呀, 幼稚園又唔須要分開男女上課? 有什麼好處呀? ...

作者: ChristieMing 時間: 08-11-3 20:52

原帖由 prosperityyan 於 08-11-3 15:37 發表
你2歲半入k1, 係叫細仔先啱喎..... 我諗playground學d 野點都唔及幼稚園呀麻. 而且playground得1.5鐘, k1有3個鐘.

你誤會了..
係我個仔2歲半先入N班呀~唔係K1..
佢下年先讀K1...

作者: joechen 時間: 08-11-3 22:11

我收到荊冕上午,但考慮交唔交留位，因怕荊冕太多搜集功課，不知其學術水平,英文ok,但中文如何?
等星期五阿仔in完荃浸再決定，因怕他突然失準(荃浸很好,透明度很高，較淺)。

另又試下九龍堂宣道,真頭痛

。

作者: prosperityyan 時間: 08-11-4 01:24

提示: 作者被禁止或刪除內容自動屏蔽

作者: joechen 時間: 08-11-4 10:00

想找間有活動及程度ok深的幼稚園,
荃浸淺左d, 九龍塘宣道好多人報(較遠),
唔知點揀好

作者: prosperityyan 時間: 08-11-4 10:36

提示: 作者被禁止或刪除內容自動屏蔽

作者: freesiang 時間: 08-11-4 11:57

我有朋友既小朋友讀過九龍塘宣道，但唔係好深，我自己認為係較淺。

原帖由 joechen 於 08-11-4 10:00 發表
想找間有活動及程度ok深的幼稚園,
荃浸淺左d, 九龍塘宣道好多人報(較遠),
唔知點揀好

作者: fc1668 時間: 08-11-4 14:05

我個仔仔肥左佬喇, 學校唔收喇, 果日佢好忝好叻答晒所有問題, 簡直係100分呀,但係都唔收!!!!封信話原來係抽籤架, 唔怪我唔收啦.

不過唔緊要,我目標係九龍塘,呢間學校校舍細左啲,所以果日iN宛都決定唔考慮住.

係有啲唔明白點解IN我咁辛苦原來係抽籤囉

作者: AlienaKKK 時間: 08-11-4 14:15

提示: 作者被禁止或刪除內容自動屏蔽

作者: prosperityyan 時間: 08-11-4 16:26

提示: 作者被禁止或刪除內容自動屏蔽

作者: purplehouse 時間: 08-11-4 20:58

原帖由 fc1668 於 08-11-4 14:05 發表
我個仔仔肥左佬喇, 學校唔收喇, 果日佢好忝好叻答晒所有問題, 簡直係100分呀,但係都唔收!!!!封信話原來係抽籤架, 唔怪我唔收啦.

不過唔緊要,我目標係九龍塘,呢間學校校舍細左啲,所以果日iN宛都決定唔考慮住.

係有 ...

我個女都一樣答晒所有問題, 但唔收, 我覺得話抽籤係好聽D姐!!

作者: Daisy2006 時間: 08-11-4 23:30

我今日打去綠陽問過, 他們明天下午寄出取錄信, 最快星期四下午收到, 如星期五都未收到就可以打去學校問. 各位mami, 如收到信, 記得上來報料!!

另外, 各位可否分享下對綠陽的意見(包括長及短處), 例如課程, 師資, 學生品行等等....及你們報讀的原因. thanks!

作者: joechen 時間: 08-11-5 09:22

原帖由 Daisy2006 於 08-11-4 23:30 發表
我今日打去綠陽問過, 他們明天下午寄出取錄信, 最快星期四下午收到, 如星期五都未收到就可以打去學校問. 各位mami, 如收到信, 記得上來報料!!

另外, 各位可否分享下對綠陽的意見(包括長及短處), 例如課程, 師資, 學 ...

我個仔讀緊n1,教師很有愛心，經常與家長溝通，課程幾深，n1已教少許phonics, 有5個外籍教師，普通話程度都很好，但地方較細，師生比例k1-k3是1:15,n1=1:5-6,
無學卷

作者: prosperityyan 時間: 08-11-5 11:36

提示: 作者被禁止或刪除內容自動屏蔽

作者: Daisy2006 時間: 08-11-5 13:23

Thanks for your info. 常以為這些私校很商業化, 老師會無愛心添!

你會留在綠陽讀k1嗎? n1學生是否不用interview可直升k1呢? 但綠陽無學卷, 可能未必全部n1學生都留低, 是嗎?

請問k1收幾多班, 每班多少人?

原帖由 joechen 於 08-11-5 09:22 發表

我個仔讀緊n1,教師很有愛心，經常與家長溝通，課程幾深，n1已教少許phonics, 有5個外籍教師，普通話程度都很好，但地方較細，師生比例k1-k3是1:15,n1=1:5-6,
無學卷 ...

作者: joechen 時間: 08-11-5 21:56

原帖由 Daisy2006 於 08-11-5 13:23 發表
Thanks for your info. 常以為這些私校很商業化, 老師會無愛心添!

你會留在綠陽讀k1嗎? n1學生是否不用interview可直升k1呢? 但綠陽無學卷, 可能未必全部n1學生都留低, 是嗎?

請問k1收幾多班, 每班多少人?

...

k1好像有2班,每班約30人
我應該唔會繼續讀綠楊,因想阿仔讀基督教幼稚園

作者: chedorali 時間: 08-11-6 18:42

原帖由 AlienaKKK 於 08-11-4 14:15 發表

我個女都係下午班, 如果第二度收佢我都唔讀呢間啦!

我聽我隔離屋講, 佢個仔讀左兩年, 今年第三年, 英文真係麻麻, 每日20分鐘, 佢話年年都轉英文老師, 今年嚟左兩個都新, 有時問佢個仔老師教d咩, 佢成日都話唔知, ...

很多東西不能靠單一兩件例子便作定論, 我的女兒就讀荊冕堂士德畢業, 今年係小一生, 唔覺得有問題, 測驗及考試都95分以上, 很多生字都係荊冕堂學過, 但無可否認家長和小朋友都要努力之外, 但小朋友資質都有小小影响. 全部歸咎學校就有點不公平. 以我個人來講, 我只想小朋友開心上學就可以, 太過小而迫小朋友寫字背讀就不太好, 這全是我的個人意見!

作者: prosperityyan 時間: 08-11-6 23:45

提示: 作者被禁止或刪除內容自動屏蔽

作者: bb-bu-bu 時間: 08-11-7 09:37

原帖由 chedorali 於 08-11-6 18:42 發表

很多東西不能靠單一兩件例子便作定論, 我的女兒就讀荊冕堂士德畢業, 今年係小一生, 唔覺得有問題, 測驗及考試都95分以上, 很多生字都係荊冕堂學過, 但無可否認家長和小朋友都要努力之外, 但小朋友資質都有小小影响 ...

請問你個女派到邊間小學? 多唔多功課? 係唔係全日班? 係唔係個個星期都要默書? 唔好意思好多問題!

因為我個仔今年k3, 好驚佢出年唔習慣, 有個教小學嘅朋友都有提過我, 佢話一年班d學生真係有分別, 活動教學嘅學生真係要兩個月左右先習慣, 因為又要佢地坐定定又要好集中就要一排適應, 我以前選學校前唸左好耐, 聽左好多人意見, 要方便帶佢上學, 又要學校好, 有人提過幼稚園比佢開開心心咁過, 第三年先同佢串吓字默吓書, 等佢早d識應, 我而家都盡量做, 希望幫到佢啦!

作者: yellowfish 時間: 08-11-7 09:41

原帖由 chedorali 於 08-11-6 18:42 發表

很多東西不能靠單一兩件例子便作定論, 我的女兒就讀荊冕堂士德畢業, 今年係小一生, 唔覺得有問題, 測驗及考試都95分以上, 很多生字都係荊冕堂學過, 但無可否認家長和小朋友都要努力之外, 但小朋友資質都有小小影响 ...

Hi Chedorali,

你女兒今年小一, 就你所知, 剛剛過去的一年, 士德小一派位的情況怎樣? 你女兒又派到那一間小學呢??

作者: chedorali 時間: 08-11-7 13:27

原帖由 bb-bu-bu 於 08-11-7 09:37 發表

請問你個女派到邊間小學? 多唔多功課? 係唔係全日班? 係唔係個個星期都要默書? 唔好意思好多問題!

因為我個仔今年k3, 好驚佢出年唔習慣, 有個教小學嘅朋友都有提過我, 佢話一年班d學生真係有分別, 活動教學嘅學生 ...

亞女讀緊一間聖公會小學, 但是自己叩門入的, 功課量不多, 每天大約用45分鐘完成, 全日班, 每星期都有中文及英文默書. 我亦有曾擔心你所擔心的問題, 但係, 亞女表現非常好, 沒有不適應相反十分喜歡返學.

我唔覺得係活動敎學的小朋友就一定唔適應, 我有個朋友個女都係畢業於傳統幼園, 返學一個月就咋肚痛想唔返學. 其實這些都係因人而異, 做父母都唯有見招拆招啦!

好似我, 預早在k2下學期就開始敎佢串字, 敎佢寫同認d 中文字, 又不能迫得太緊, 容易有反效果, k3 開始就同佢解釋關於小學的生活, 等佢一早有哂心理準備. 而加見佢咁喜歡返學, 我自己都好開心! 加油吧!

作者: chedorali 時間: 08-11-7 13:33

原帖由 yellowfish 於 08-11-7 09:41 發表

Hi Chedorali,

你女兒今年小一, 就你所知, 剛剛過去的一年, 士德小一派位的情況怎樣? 你女兒又派到那一間小學呢??

不好意思, 我不太清楚! 我只知道亞女很多同學係敎徒, round 1 己經入左, 又有d家長派到第二志願都唔满意, 自己就真係好差, 派到十幾所以要叩門.

作者: Daisy2006 時間: 08-11-7 13:52

今日中午收到信, 綠陽收左阿仔讀k1上午, 15號交留位費, 其他mami, 你地收到未?

另外, 今日in左荃浸, 但阿仔表現只是一般, 前段5個小朋友一組, 扮開生日會, 要唱歌及跳舞, 阿仔坐係度郁都唔郁, 無晿歌無跳舞, 後段逐個問問題, 佢就全部答哂, 如果真係好似其他mami講有800幾人in, 只收10x個, 咁我諗chance不大了.

Anyway, 就算好彩荃浸收埋, 我都未決定到take邊間, 真係好頭痛!

作者: bb-bu-bu 時間: 08-11-7 14:07

原帖由 chedorali 於 08-11-7 13:27 發表

亞女讀緊一間聖公會小學, 但是自己叩門入的, 功課量不多, 每天大約用45分鐘完成, 全日班, 每星期都有中文及英文默書. 我亦有曾擔心你所擔心的問題, 但係, 亞女表現非常好, 沒有不適應相反十分喜歡返學.

我唔 ...

多謝你覆我, 你亞女好快適應真係好, 我都想佢入一間聖公會學校, 得果十五分, 唔知入唔入到!

我個仔而家都好喜歡串字同寫字, 一做得好我就會讚佢, 佢亦好滿足, 剛剛又去書局買左d補充, 撞到個舊同事, 佢話佢個女小一, 上到去就自自然然適應, 叫我唔駛咁緊張, 你話而家做家長點會唔緊張!!

作者: chedorali 時間: 08-11-7 23:38

原帖由 bb-bu-bu 於 08-11-7 14:07 發表

多謝你覆我, 你亞女好快適應真係好, 我都想佢入一間聖公會學校, 得果十五分, 唔知入唔入到!

我個仔而家都好喜歡串字同寫字, 一做得好我就會讚佢, 佢亦好滿足, 剛剛又去書局買左d補充, 撞到個舊同事, 佢話佢個女小 ...

十五分就真係比較微,不過唔緊要, 只要有恆心一定可以入讀心儀學校, 你要好好做好心埋及資料的準備啊! 我當時都係得15分咋! 你的朋友說得對, 真得不需要擔心得太多, 相信你的仔仔!

作者: klwy 時間: 08-11-8 21:47 標題: 回覆 # 的文章

我都收到綠楊幼稚園取錄信啦, 上午班, 但我應該唔留位lu. 因為已經有一間有學劵的幼稚園收左.

作者: monkeymonkey04 時間: 09-4-27 00:17 標題: 回覆 # 的文章

以下是幼稚園講的一套，做的另一套就有目共睹 - 傷盡家長的心，剝奪學動讀上午班的權利。跟本就是背道而馳。

宗旨

本園教育宗旨以發展全人格為目的，並以西方的知、情、意、行及中國的德、智、體、群、美五育均衡發展為基礎。

教學方針

本園的教育方向以快樂、明朗的心去教育孩子，使孩子在身心各方面都能夠有健全的發展。

1. 保持孩子與生俱來的個性，引導他的生活更圓滿、豐富、努力去達成自主性的發展。

2. 本園用心於設施的改良與進步，關心幼兒生活，讓孩子充滿幸福和希望。

3. 不強迫孩子做艱深的功課，使他們在極自然、輕鬆的環境中健康地成長，充分發揮幼兒資質，天性和能力。

4. 本園幫助孩子充分發揮自我，形成圓滿的個性及健康的體魄，有充分的自信，並幫助孩子融於群體生活。

5. 在遊戲中，引導孩子有自主判斷的能力，培養他們適應這個社會。

6. 教師的工作不只是「教書」，而且是「思想的啟蒙」與「眼光的開拓」。人類的人格在幼兒期開始形成，我們要使孩子在學前階段體會到多姿多采的生活。

教學目標

人格教育的基礎有四個因素：

1. 情緒發展與安定

　是透過全部發展及人一生最重要的人格層面和基礎。

2. 自主性的發展

　建立情緒安定，儘管自我發展，但情緒不穩定，就會對自己的行為有選擇及偏差，會出現危險、暴力或衝突的行為。

3. 社會適應的發展

　一定要透過自主性的發展來支配，在家庭中要遵守規範，在園中要有常規配合，假如不能養成，便形成「自我中心」，不能和周圍的人協調，如果自我中心被阻止，就會逃避，也會自我否定。

4. 智能的發展

　以上三種層面，智能發展的能力和人格有緊密的關係，假如自主性發展不被支持，就只有知識，而沒有適應社會的能力，智能就會有偏差，而用於不當之處。

教學方法

1. 因材施教，配合幼兒智能差異，並重視其興趣，使每個幼兒在快樂中獲得適於其本身條件的教育效益。

2. 培養幼兒自主、自立、自學、思考、表達的能力；並培養他們有恒心、有耐力、積極而不怕失敗的良好性格。

3. 幫助幼兒發展自我照顧的能力，在幼稚園階段結束前並幫助他們適應小學的生活。

4. 採用歐、美、日的「異年齡教育」。由年長的學生帶領年幼學生學習。訓練他們互助互愛的精神

作者: 熊媽 時間: 09-5-1 19:37

我只想講,我對綠楊幼稚園好失望.

原帖由 monkeymonkey04 於 09-4-27 00:17 發表
以下是幼稚園講的一套，做的另一套就有目共睹 - 傷盡家長的心，剝奪學動讀上午班的權利。跟本就是背道而馳。

宗旨

本園教育宗旨以發展全人格為目的，並以西方的知、情、意、行及中國的德、智、體、群、美五育均衡發展為 ...

歡迎光臨教育王國 (/)