教育王國

標題: 唔肯返學, 煩煩煩 [打印本頁]

作者: iwong 時間: 08-10-27 12:53 標題: 唔肯返學, 煩煩煩

我個小朋友今年上小一, 開左學差不多2個月, 由前2個星期開始, 每個早上佢都係度lou計話唔返學, 仲要喊住咁上校車, 今朝仲要係lift lobby度又叫, 又喊...前一排, 上星期家長日, 我問佢個班主任, 佢話佢係學校都ok, 只係食飯就好差, 成日都唔想食學校d野, 佢話學校d野好難食, 個老師同我講話佢只係一到食飯時間, 餐車一到門口, 佢就喊, 就算佢唔喊, 佢都可以食到嘔....(不過佢平日係可以食好多野, 係食到碟頭飯嗰d) 所以我都同亞仔講話下個月開始就叫姐姐帶飯比佢食..諗住起碼呢個已經唔再係返學既excuse la, 點知, 佢又話d老師好惡wor, 好怕比老師鬧, 我問佢, 如果你唔做錯野, 你估d老師會唔會鬧你呢?
佢又識答我話唔會wor...真係攪到我人都din...想問下你地d小朋友有冇咁既問題呢? 又會持續幾耐呢? 我都問過佢, 係唔係唔鐘意呢間學校呢?佢又話唔係, 問佢轉過另一間學校, 佢又話唔好...我都唔知點好....好煩惱.

作者: wksin 時間: 08-10-27 18:55

原帖由 iwong 於 08-10-27 12:53 發表
我個小朋友今年上小一, 開左學差不多2個月, 由前2個星期開始, 每個早上佢都係度lou計話唔返學, 仲要喊住咁上校車, 今朝仲要係lift lobby度又叫, 又喊...前一排, 上星期家長日, 我問佢個班主任, 佢話佢係學校都ok, 只 ...

我有個朋友, 個女返學見到老師好惡咁閙其他同學, 於是個女就好驚, 唔想返學, 怕自己做錯事時, 同樣會比人閙, 你可以問下個仔係學校時的情況, 睇下問唔問到野。

作者: venus-mama 時間: 08-10-27 23:20

我個女都係咁呀... 我都唔知點算好？妳都好呀，有工人帶Lunch比佢。我就冇得簡，因冇人幫到手...所以，個女日日返學都

...我都冇晒乎

作者: venus-mama 時間: 08-10-27 23:24

但我就未諗轉校,　因佢而家都係話食飯問題ＯＮＬＹ...如轉過另一間...我怕都係咁就煩４啦

作者: joefoon 時間: 08-10-28 04:43

原帖由 iwong 於 08-10-27 12:53 發表
我個小朋友今年上小一, 開左學差不多2個月, 由前2個星期開始, 每個早上佢都係度lou計話唔返學, 仲要喊住咁上校車, 今朝仲要係lift lobby度又叫, 又喊...前一排, 上星期家長日, 我問佢個班主任, 佢話佢係學校都ok, 只 ...

iwong
Hi、
一個月前、囡囡都有以上情況、
不過、是很短的日子、
喊過連續三、四天、
和喊住咁上校車、
不捨得媽咪、『因囡囡非常痴我』
其中有一天、回到校內、還嘔了小小奶、
好彩、在校內其中同學的媽咪、
借

給囡囡打

我
我唯有再安慰囡囡

因之前我巳知會其中同學的媽咪、這情況、
help我照顧下囡囡

~~~~~
這幾天、我都有問老師、老師也有問我?
點解會這樣的?
我囡囡不是食飯問題、
~~~~
我和老師都問過囡囡、
但囡囡都說不是老師好惡咁閙其他同學,
自己好驚, 唔想返學、
~~~~~~
後來、我將這事情告

朋友、
由朋友致

囡囡
囡囡對我朋友說、要守秘密才告知朋友、
不准告知媽媽、

真相大白了、囡囡的問題、
除了食飯不是、
1) 【老師好惡咁閙其他同學,自己好驚, 唔想返學、】
2) 【老師問題目、不可以即是講、】
【要舉手叫妳名、才可作答、否則話多咀

】
我囡囡第一天正式上課、也中招了

還有好多規則、不能盡寫、
~~~~~~~~~

囡囡聽完朋友的開解和絕對的信任後、
之後、也沒有喊住話唔返學、

~~~~~~
我唯有當不知道她們的對話、

但我也有做功課、
功課是、每天給一個迪士尼主角陪她上學、
這當然是假的、是早上我和囡囡唱歌仔送給她、陪她上學、
現今天不用了、只有時默書當日、才唱歌仔送給她、
~~~~~~~~
iwong

妳小朋友最信任和like那個親友、

妳試下我的方法、
好讓妳小朋友講下心裏話、
~~~~~
望能help到妳、
如問題解決了、
上來報喜吧

也可PM我、

作者: kitbebe 時間: 08-10-28 09:45

可唔可以早上烹定, 比佢帶返學食呢?? 為左個女, 辛苦d都要架啦.

原帖由 venus-mama 於 08-10-27 23:20 發表
我個女都係咁呀... 我都唔知點算好？妳都好呀，有工人帶Lunch比佢。我就冇得簡，因冇人幫到手...所以，個女日日返學都 ...我都冇晒乎mouth:" />

作者: Giant 時間: 08-10-28 12:22

我個仔都差唔多, 仲咋病添

作者: iwong 時間: 08-10-29 11:55

多謝joefoo既意見, 我都有叫我老公幫我同佢傾下, 睇下佢肯唔肯講, 佢都係耍我老公, 老是回避問題, 呢2日冇喊la, 不過就係咁搵籍口唔返學, 好似呢2日exam, 我已經一早同佢講話唔使佢lor 100分, 只係做晒就得la (因為學校小測佢既成績都唔錯). 跟住, 尋日又話怕自己lor唔到100分, 我拆完呢條題目之後, 佢今日又諗話: 老師話天氣有轉變就唔使返學, 你話係唔係激到彈起, 我問佢, 係唔係擔心exam, 佢又話係, 我話唔水你lor 100分, 你擔心d乜野ar...跟住又好無奈咁返學, 返到學校佢又冇事wor, 我都唔知佢想點, 家下我仲有2個月第二個就出世la, 都唔知點, 壓力大到不得了....

作者: ytpeople 時間: 08-10-31 01:18

可能你個小朋友想博取你多些注意喎！其實佢都會好大壓力ga，佢可能驚你同爸爸會只顧細佬/妹而忽略佢啊！
仲有佢剛剛升上小一，或者仲需要時間適應下。

原帖由 iwong 於 08-10-29 11:55 發表
多謝joefoo既意見, 我都有叫我老公幫我同佢傾下, 睇下佢肯唔肯講, 佢都係耍我老公, 老是回避問題, 呢2日冇喊la, 不過就係咁搵籍口唔返學, 好似呢2日exam, 我已經一早同佢講話唔使佢lor 100分, 只係做晒就得la (因為 ...

[ 本帖最後由 ytpeople 於 08-10-31 01:21 編輯 ]

作者: 123WING 時間: 08-11-3 15:17

我的兒子都同樣情況出現. 與各位媽咪分享一下.

我子在頭一個月返學非常習慣.

在第二個月發生一件時. 因當日他很累, 在堂上打喊睡, 給老師話幾句. 從此之後, 每天上學前, 喊住不上學. 當老師只是叫他的名字或老師說那兒做錯, 就哭了. 老師都不知何解.  真令我非常頭痛. 我嘗試找他的班主任傾談過多次, 希望找出問題所在.

他說老師好惡, 有些同學仔的古怪行為令他不知如何對付.  當他將近學校時, 就哭住不上學了.

老師知道他的情況後, 都比較留意多些, 多些讚賞.  同時教他當遇這問題, 又如何做.

另一面, 我都用一種輕鬆對話, 教他如何回應特別同學 - 他一定要立即告訴老師.  當天上學不哭的, 我就用貼紙當鼓勵 (平時我都用貼紙作獎勵. 集斉指定數量就得到玩具的其中一部份, 餘下部份再用新貼紙換) - 當然他同意下進行.

我都思量過轉校, 但這行不通的. 因在其他學校都有一樣要面對的問題.  不如與老師傾談找解決方法. 另外家長不要責罵小朋友. 多些和他們傾談(語氣溫和)和鼓勵.

在相管斉下. 我小兒在大半月後, 又開心上學了.

我相信家校合作是非常重要的.

希望你們的子女很快適應小一生活.

作者: Johnnylaisma 時間: 08-11-4 10:46

總結各位孩子的情況, 明顯由幼稚園轉小一的生活往往令部分孩子不適應而產生焦慮感, 沒當過父母的,真是沒法體會。
我自已囝囝就沒有不肯上學的情況, 反而很enjoy小學的生活, 可能是先前的幼稚園一早給他們做好了心理準備, 首先在高班8月份畢業後, 幼稚園開了一個月的小一預備班, 全以小一的模式上課, 有中, 英, 數,常和視藝課, 每天學抄手冊, 有小息,有班長,行長, 阿仔仲話老師告訴他們,小學的老師很嚴厲,上堂不可談話, 說話前先舉手等等.....我仔上堂都是很乖的, 只怕被坐不定的同學騷擾, 所以我都會提醒他,若有同學撩他說話,請告訴他小息時先講啦!

其實阿仔小學的老師都很惡, 他說最討厭上普通話和英文, 不是科目的問題, 是老師的態度, 所以他好中意上英閱堂, 因西人老師很nice, 以上2科的老師就成人鬧人, 我問有冇鬧他, 他說沒有,但覺得老師成人鬧人,感覺堂上氣氛好緊張, 總之以上老師的堂他一定打醒十二分精神, 努力做到不被老師鬧就已經好開心, 只有數學堂, 體育堂,常識堂,英閱堂,那些較為nice的老師的課,他才可以輕鬆地做回自己, 真係:學校果然是社會的縮影!唉~

不過在午飯方面, 阿仔餐餐都話好好味, 反而在學校仲食得多過屋企, 因老師一定要他們最少要吃掉半盒飯.......
不過到目前為止, 問他喜歡幼稚園的生活, 還是小學, 他都說是小學, 我都可以暫時安心d, 可能他的適應能力較強吧!

作者: connie2005 時間: 08-11-4 12:51

iwong,

你仔仔會唔會唔夠訓,我仔仔試過十點幾訓,
朝早唔肯起身返學,到起左身,出門口又喊,後來我早的俾佢訓,情況好好多,不防試下.

歡迎光臨教育王國 (/)