教育王國

標題: 係學校俾人咬,你會點做? [打印本頁]

作者: Nail 時間: 08-10-27 10:56 標題: 係學校俾人咬,你會點做?

我個女2歲幾,讀緊全日n1,星期五返到屋企發現手臂有個好深的牙印,好明顯就係係學校俾人咬,打返學校問老師又話睇唔到,問我個女佢一時又話係同學a咬,一時又話係同學b咬,要佢自己講返件事真係難,作為家長可以點做???我又唔想學校覺得我麻煩/惡死,但係又唔想就咁算數.因為我真係好心痛,同埋佢唔係第一次係學校受傷,不過未試過咁嚴重,過了3天還是瘀的.

作者: winchoy16888 時間: 08-10-27 13:12

我一定到學校揾班主任傾‧不是我麻煩

而係我有權知道我小朋友係學校發生咩事、

係我小朋友撞人‧爭嘢玩被人咬、及叫我自己小朋友應吓人、今次吾出聲咁下次撞頭流血點算

作者: MdmFung 時間: 08-10-28 01:26

唔好怕麻煩, 一定一定要返學校了解件事, 不論係同學"A" or 同學"B", 都要知道做乜事!!
班主任唔可以一句話睇唔到就得, "咬"睇唔到, 係唔係要"流血"先睇到?
p.s. 你記得教阿女如果再有DD事發生, 第一時間要話俾老師聽.

作者: yanyanbee 時間: 08-10-28 11:27

提示: 作者被禁止或刪除內容自動屏蔽

作者: winchoy16888 時間: 08-10-28 18:13

一定到學校

作者: 綺璇媽咪 時間: 08-10-29 18:25

你一定去學校同班主任傾番!
如果個老師負責任的話，佢一定會解釋同埋搵番件事情始末，而且為免有其他小朋友再被小朋友咬‧

作者: Yonniewong 時間: 08-10-30 23:07

我囝囝都被人咬過. 係我發現佢隻手臂瘀佐. 成個舊5蚊咁大, 好明顯係比人咬過. 我即是睇薄仔 (因為書包有本薄仔, 係比父母與學校溝通), 原來真係比人咬. 我當然好心痛. 仲覺得好過份. 因為好唔合衞生.
我在薄仔回覆了老師. 第二日晨咁早打返學揾老師了解件事. 個結果係佢地排隊唔守規則, 所以個小朋友就咬人, 佢當事有咸, 因為好痛. 所以老師就知道. 老師幫我追問了咬人個小朋友家長. 原來個家長話佢地係屋企玩咬來咬去. 個小朋友唔知係錯.

我心裡面話咁都得. 我再去問下囝囝痛唔痛, 佢話無事啦, 小朋友同我道歉佐, 我原諒佐佢. 我唸一定要了解件事, 先可以再處理.

作者: yellowfish 時間: 08-11-17 12:06

我囡囡都有此經驗, 仲要係咬面面, 有心痛o架

. 但可能老師有第一時間通知, 所以無o禁激氣

. 老師當日中午時間已經打電話比我

, 通知有此事發生, 及幫她用了什麼藥處理傷口, 幸好無流血, 足足一星期才退哂.
小朋友在家就好像皇帝公主一樣

, 回到學校樣樣都要share同分享

, 難免有爭吵的發生. 不過, 怎樣也好, 老師至少要通知家長一聲, 了解事情, 好讓家長可在家教導自己的小朋友. 家長亦不應教小朋友玩咬人的遊戲 (因對方家長在家亦有和小朋友咬來咬去), 因小朋友不知道這種做法是不對的. 小朋友像一張白紙, 你做什麼, 他們就做什麼, 不知什麼是對是錯, 家長們應小心自己在家的行為呀.

歡迎光臨教育王國 (/)