教育王國
標題: 岩岩升左主流小一.....我已經想死!!!!!!! [打印本頁]
作者: 奀豬mami~~ 時間: 08-10-24 20:34 標題: 岩岩升左主流小一.....我已經想死!!!!!!!
豬仔9月升左上主流小一,佢有自閉傾向,做功課一般,有我坐係度陪做好ok,冇我係度,就是但求其做.....
未開學時,已同學校傾過豬仔既需要,不過開學後老師成日話豬仔上堂唔留心,成日發夢,老師同佢講野,就選擇聽定唔聽,話佢好自我...........
默書好多,好深,不過係屋企佢可以默識哂,不過番到學校又唔合格
我都唔想迫佢,覺得佢未適應!
我成日同自己講,教佢一次唔得,咪教10次,又唔識咪教30次囉.....總會成功既,我知佢係得,只係時間上姐....我成日都咁同自己講架啦!!!!
到宜家考試啦,我日日放工已經仆番屋企同佢溫,溫左好耐好耐,佢識架,答哂我架......不過,番到學校一考又出事....出黎既結果得英文得4分,中文19分,數學0分,我灰到盡,down到唔想講野,老師打比我,話豬仔成績好差,係全班最差既一個,話咁樣唔係辦法
我已經好努力架啦........我可以點,我日日都好唔開心,諗到日日同佢做成9樣功課,已經想死....仲要一星期3次默書 豬仔又好辛苦.....
琴日頂唔順,發左癲咁打豬仔...........嚇到工人入左房,豬仔喊到癲,我嬲到要佢係咁計數計到半夜,我自己係度喊....老公係眼仔見到我打豬仔,佢鬧到我死,唔準我再迫豬仔做呢做果.....因為我真係爆啦...我忍埋左好耐.... 打完豬仔,我好心痛,好辛苦,豬仔同我講,佢會努力,會好乖,我仲內疚
但係我真係唔知點教佢.....
上年排左政府check IQ,有d below average,有d normal..係唔係我放錯左佢係主流學校,我可以點做
作者: blip 時間: 08-10-24 22:24
開學至今只有不到兩個月, 學術上小學課程畢竟和幼稚園不同, 小朋友要適應, 大人也要適應. 目前來說, 成績不是最重要, 有接近正常IQ的, 計數和基本中英文始終會學得到的, 最難反而是適應課堂程序, 規則, 明白和跟從老師要求, 以及跟其他同學的相處, 待這些上了軌道後, 只要他對學習有興趣, 成績慢慢總跟得上的.
小兒也是剛升小一, 也於一年前評為自閉症傾向, 開學以來也有不專心的問題, 更多次在課堂上睡著了, 有時對老師的指示也矇查查, 我從旁協助也是盡力而為, 對他的成績沒有奢望, 但總也有一點點期望的, 正如你說, 明明在家溫習好, 為甚麼默書會錯, 又如今天派回的英文評估, 很多地方都交了白卷, 我也忍不住發火大聲責怪他, 但看見他垂頭噤聲, 明白他自己也是不想的, 也就算了, 唯有再努力些和他溫習.
小兒的學校也是地區名校, 以功課多出名, 入學前自己也做好心理準備, 以一年為期試試看, 不成的話便轉到程度較淺的或活動教學的學校, 總之希望他保持對學習有興趣, 不要遇到太多超越他能力的責備和挫敗. 有障礙的孩子要克服的困難太多了, 多一點體諒, 成長少一點眼淚便好.
我曾經也是個責打孩子的媽媽, 情緒失控是會越打越重的, 一次比一次更甚, 但對改善結果是亳無作用的. 試試自己離開現場, 讓工人或丈夫處理, 冷靜了再說.
其實有全職工作的女性, 要照顧孩子是很大壓力的, 曾是過來人, 我明白箇中辛苦, 要在有限的時間內完成對功課, 溫習, 看明白各種通告, 執書包, 家居訓練也幾乎沒有時間, 如果小朋友不合作, 不在狀態, 睡覺時間又到了, 心裏便會焦急萬分, 情緒便來了, 可以的話, 考慮請補習老師分擔跟功課和溫習的工作, 或找一所有責任心和愛心的功課輔導班, 那會減輕一些自己的壓力.
我的大女兒到了五年級才真正曉得自動自覺做功課和溫習, 上學年還要我幫她對功課的, 所以不要過份期望一至三年級可以完全自理.
作者: 奀豬mami~~ 時間: 08-10-24 23:15
blip,
多謝您既回應!
我有諗過搵補習老師幫手,但係我怕一般補習老師攪唔掂豬仔,怕冇耐性教佢....
我又諗過轉佢去特殊學校,但係....又係唔係真係需要呢.....
定係放去國際學校呢.....
我...救助無援
作者: ioi624 時間: 08-10-24 23:21
提示: 作者被禁止或刪除 內容自動屏蔽
作者: blip 時間: 08-10-24 23:39
我認為唔駛咁快灰心及作重大決定住, 可以先搵下補習老師, 我以前都以為好難搵到識教我個仔既老師, 所以之前搵游泳及乒乓球班我都會先同教練講我個仔好難搞, 第一堂之後如果佢地唔肯再教便算了, 誰知他們都願意, 游泳堂已上了兩個暑假, 乒乓球也完成二十堂了, 也見到他有進步, 而且很喜歡上堂, 所以最重要是老師有沒有耐性和愛心.
現在要轉國際學校都不容易, 我會考慮上午或下午校的主流學校, 因為返學時間短, 放學後有多點時間, 小孩子壓力也少些, 這些學校也通常較小班, 曾在家長資源中心聽過家長分享, 有些學校的校長和老師比較包容, 支援不錯.
不過無論讀哪間學校, 不專心的問題也是要解決的, 會否課程太急促, 一天九份功課, 一星期三次默書, 可否要求學校作出調適呢? 也可以試試找學校社工傾談, 說出問題來會有幫助的.
作者: kaifung0106 時間: 08-10-25 01:14
奀豬mami
唔好咁灰啦,我認一媽咪佢的仔仔都是今年升小一,聽佢的分享,佢仔仔初初默書都是很低分,但佢分析咗小朋友最大的問題不是唔識默書內容,而是當他有一字唔記得,佢一定要諗到個字而唔肯寫其他字,那是他的固執行為,但時候是不會停著等他想到才開始默書,而測驗的格式,同平時功課不相同,他又會唔知點去做份卷,因為不是他預知的方式,又把他停下來不知怎處理問題,你不如和老師跟進問題,提早給你一個格式去教小朋友,默書時提示他要唔識要跳過,識的先做.
作者: junglebelle 時間: 08-10-26 00:36
原帖由 奀豬mami~~ 於 08-10-24 20:34 發表 
豬仔9月升左上主流小一,佢有自閉傾向,做功課一般,有我坐係度陪做好ok,冇我係度,就是但求其做.....
未開學時,已同學校傾過豬仔既需要,不過開學後老師成日話豬仔上堂唔留心,成日發夢,老師同佢講野,就選擇聽定唔聽,話佢 ...
mami:
不要灰心！！！一般補習未必幫到你的小朋友，想小朋友學科成績有進步，首先要提升小朋友的基本能力，例如：小肌肉（執筆手勢）、雙手協調、視覺感知、專注力等。我亦有上門為小朋友提供訓練，若想了解多一些，請PM我。
作者: HeiMarie 時間: 08-10-26 02:03
我的仔仔也是自閉症傾向, 今年升主流小一
因應情況(我也是双職mami, 且經常ot), 我選了一所比較包容及不太多功課的小校給仔仔.
現在功課還是ok, 可能因初開学, 課程仍較輕鬆, 但他的專注力同坐5定巳出現問題, 学校又無OT 支援, 所以我都好担心遲d課程深/急 5知點算
mami 你小朋友学校老師有否支援, 9樣功課是否都是花時间做的, 課程深嗎? 努力呀! 如果真係学年尾都5適應, 才考濾轉校吧, 現在要比時间小朋支適應新環景新学習模式. 千萬咪嚇怕佢.
努力, 加油呀!
作者: chanpa 時間: 08-10-26 19:31
Don't give up and be patient.
I use to be a hot temper father but I change a bit. Find some ways to relax you and your son. My son and I attend many classes and groups for assessment and advice. Seeing many professionals only helped a little bit. The most important one is that You teach your son patiently at home.
Don't focus on the school results but his strengths and improvement. The requirement of dictation is high. You have to memorises all the contents and writes down very quickly in the dictation. Your child also has to pay good attention to the time of dictation. Thus, it is very difficult. Sometimes, you may have unseen or creative dictation. If the child has ADHD, he will not have good dictation result. I remember my son just empty some parts of the examination paper questions, just leaving it blank. He is going to the sky/space when he has the examination. He comes back for the rest of the examination. Thus, he misses some of the questions.
I understand that it is difficult to complete all the assignments at home. When I return home in the evening at about 7:00pm, I am in a hurry for all his school assignment and revision within three to four hours. You can imagine how I will be. I lost my temper and blamed my son and myself. Therefore, you can try the private tutor or tutorial centre to do some of the school assignment. You only do the correction after you return home. Just make the right division of labour. The mother son relationship will not be so tense.
I tell you a story. A famous primary school principal has a child with learning difficulty. I am not sure whether he has autistic features or not. She put him in a very famous traditional primary school in Kowloon Tong and then the same famous secondary school. Her son was of course the last and was bullied in the secondary school. She brought her son to see many professionals and she taught her son at home. Her useful weapon is to read books with her son everynight and to praise her son all times. Years pass years. Suddenly, her son makes great improvement sharply. Now, her son studies in a unversity or even is graduated. So you don't know the results or outcome. The 100 marks in dictation is meaningless. What the child learning and how the child reacting in the learning process are more important.
You have done assessment for your child and you can approach the Education Bureau or the school social worker for necessary services.
Once again, never give up. Someone brings the son to your home and we should try our best to grow him up by LOVE.
作者: HeiMarie 時間: 08-10-26 21:04
原帖由 chanpa 於 08-10-26 19:31 發表
Don't give up and be patient.
I use to be a hot temper father but I change a bit. Find some ways to relax you and your son. My son and I attend many classes and groups for assessment and advice. S ...
tks for sharing!!
你說的很對, 但有時身處hk的教育環景, 真的很無奈, 想5理分數, 但談何容易呢? 要輔導的又何只學童, 家長更須要!
說到底就是不要放棄, 父母的愛理應是足夠去支持的.
作者: SandraLo 時間: 08-10-26 21:48
原帖由 chanpa 於 08-10-26 19:31 發表
The 100 marks in dictation is meaningless. What the child learning and how the child reacting in the learning process are more important. ...
只要你不要捲入分數、成績的漩渦, 保持和小朋友的親密關係, 他仍然可以健康的成長！
作者: mamee 時間: 08-10-26 22:11
原帖由 SandraLo 於 08-10-26 21:48 發表
只要你不要捲入分數、成績的漩渦, 保持和小朋友的親密關係, 他仍然可以健康的成長！
我亦完全認同, 但真真正正要做到這個'化景', 真是不容易. 小朋友分數不好, 自己已經看到. 再收到老師電話, 就算老師是善意也好, 但內心一定很不好受.
我自己小朋友都是今年入讀小一, 亦是自閉傾向. 但好彩是他的智能算是可以, 加上我小朋友間學校是中游學校, 功課默書量不算少亦不算十分多, 而且向來是收開有特別需要小朋友, 所以小兒算是過渡得順利.
既然老師會主動打電話和媽媽傾談的話, 你真的要嘗試和學校認真談談, 有沒有調適可以做. 如果學校沒法做調適之餘, 亦沒法體量的話, 轉去功課默書量教少的學校, 也是不妨. 再給一些時間大家適應, 但現在亦可以打聽一下其他學校.
一同努力啊!
ps 希望你可以忍住不要打豬仔, 我好明白你的苦處. 但打了, 一點幫助也沒有, 只是舒洩了嬲怒情緒, 打完還會後悔心痛(我次次勁鬧完仔都會). 真是氣上心頭時, 你自己行開一下, 叫工人/老公出來看住小朋友先.
[ 本帖最後由 mamee 於 08-10-27 06:56 編輯 ]
作者: HeiMarie 時間: 08-10-26 23:04
原帖由 mamee 於 08-10-26 22:11 發表
我亦完全認同, 但真真正正要做到這個'化景', 真是不容易. 小朋友分數不好, 自己已經看到. 再收到老師電話, 就算老師是善意也好, 但內心一定很不好受.
我自己小朋友都是今年入讀小一, 亦是自閉傾向. 但好彩是他的 ...
hello 靚mamee!
還記得我嗎?
高兴你仔順利過渡!
我也選了中游学校, 亦一早自動投案, 希望亞仔能享受学習生活啦!
作者: mamee 時間: 08-10-27 09:46
原帖由 HeiMarie 於 08-10-26 23:04 發表
hello 靚mamee!
還記得我嗎?
高兴你仔順利過渡!
我也選了中游学校, 亦一早自動投案, 希望亞仔能享受学習生活啦!
HeiMarie
梗記得你, 仲好開心你記得我添
自動投案, 我都一早做了. 和你一樣, 都只是期望阿仔上學能開開心心. 得閒記住再分享近況啊!
mamee
作者: HeiMarie 時間: 08-10-27 10:01
原帖由 mamee 於 08-10-27 09:46 發表
HeiMarie
梗記得你, 仲好開心你記得我添
自動投案, 我都一早做了. 和你一樣, 都只是期望阿仔上學能開開心心. 得閒記住再分享近況啊!
mamee ...
Hi Hi,
My son now same school as Shing Shing ah!
作者: 奀豬mami~~ 時間: 08-10-27 13:03
多謝咁多位既意見!
我會努力,唔會放棄,更加唔會迫豬仔........
我會接受現實......另外會約校長再傾一傾豬仔既事,希望有支援比佢啦!!!!!!!如果學校唔支援既,我唯有轉校罷啦,咁既學校讀唔讀都罷
再一次多謝咁多位....我個諗通左好多啦
作者: HayBMum 時間: 08-10-29 00:44
Hi mamee,
咁你記唔記得我呀?
好高興知道你阿仔順利過渡！ 我仔仔都是今年小一，好彩學校都是傾向愉快學習，功課不多，默書、評估量也算適中，所以仔仔尚適應得不錯。
希望大家的小朋友都能愉快地渡過他們的小學生活。
原帖由 mamee 於 08-10-27 09:46 發表
HeiMarie
梗記得你, 仲好開心你記得我添
自動投案, 我都一早做了. 和你一樣, 都只是期望阿仔上學能開開心心. 得閒記住再分享近況啊!
mamee ...
作者: HeiMarie 時間: 08-10-29 09:07
原帖由 HayBMum 於 08-10-29 00:44 發表
Hi mamee,
咁你記唔記得我呀?
好高興知道你阿仔順利過渡！ 我仔仔都是今年小一，好彩學校都是傾向愉快學習，功課不多，默書、評估量也算適中，所以仔仔尚適應得不錯。
希望大家的小朋友都能愉快地渡過他們的小學生活。
...
HayBMum,
By the way, do I know you?
I am not so sure!
Are you the one our kids join for OT/ST group in TST??
Sorry if I'm wrong!
Marie
作者: chrisfungsy 時間: 08-10-29 11:01
請問你們有無讀 葵青區 & 荃灣區 主流小學, 學校在融合教育做得好嗎?支援足唔足夠?
作者: mamee 時間: 08-10-29 22:25
原帖由 HayBMum 於 08-10-29 00:44 發表
Hi mamee,
咁你記唔記得我呀?
好高興知道你阿仔順利過渡！ 我仔仔都是今年小一，好彩學校都是傾向愉快學習，功課不多，默書、評估量也算適中，所以仔仔尚適應得不錯。
希望大家的小朋友都能愉快地渡過他們的小學生活。
...
HayBMum
當然記得. 回望過去, 好像過得很快.
其實我一直感受到你真的很努力, 試盡各種方法去幫你仔仔. 現在見到你小朋友順利適應小一生活, 都為你很高興.
還有一樣好記得你, 就是...你時常好夜回覆postings, 今次亦是00:44! 太晚了, 早點休息吧!
mamee
[ 本帖最後由 mamee 於 08-10-29 22:52 編輯 ]
作者: mamee 時間: 08-10-29 23:14
原帖由 HeiMarie 於 08-10-27 10:01 發表
Hi Hi,
My son now same school as Shing Shing ah!
你地互相有個照應, 真好
作者: HeiMarie 時間: 08-10-30 10:44
原帖由 mamee 於 08-10-29 23:14 發表
你地互相有個照應, 真好
ha ha, they hv 3 days in a wk doing homework togther at shingma home!
作者: 承承媽媽 時間: 08-10-30 11:36
奀豬媽咪,
看完你的post,我真的十分明白你的感受.
唔好話你,雖然阿仔學校的功課適量,默書適量,但要完全配合小一所有要求,都是一件不容易的事,再加上你是在職母親,就更加有困難.
我不知道你仔仔之前讀的是不是融合位的幼兒園,因為阿仔讀的幼兒園在今年的6-8月已經有小一適應,用近似小學的模式上課,所以我阿仔有了足夠的準備.
另外我亦好像heimarie一樣,很早就跟老師提他的需要,所以老師都很包容及配合.
如果照你所講的情況,你仔仔未必是不懂默書,某程度的可能是,他習慣了單對單的形式,當有一個人坐在他身邊跟他講說話,他的專注力表現會較好,但當他坐在課室大班之中,他就很容易(迷失)了自己.其中一個方法,可以嘗試跟老師商量一下,讓他在默書課/甚至平日上課坐最近老師的位置,看看他有沒有改善一點.
另外你可以到坊間買一些習作回來,選一兩課要他做,但你不要坐在他身邊,並為他計時,要他在30分鐘內完全,讓他多練習一些近似測驗考試的模式,希望對他有幫助.
作者: HeiMarie 時間: 08-10-30 12:25
Shingma>>
On line???!!!
作者: HayBMum 時間: 08-10-31 05:01
Mamee,
時間過得真的很快，記得當年我們一班媽咪飲茶，阿仔還是2歲多，只懂講單字，片都未介。
其實這裡的媽咪都很努力，你們做全職媽咪的更甚，放棄自己本行全天候照顧有特殊需要的孩子，比返工申苦得多。
Heimarie,
我不是OT/ST組的，不過我相信在某些聚會上，大家應見過。
希望大家有機會再出來聚會，下次你們有function，記得叫埋我。
原帖由 mamee 於 08-10-29 22:25 發表
HayBMum
當然記得. 回望過去, 好像過得很快.
其實我一直感受到你真的很努力, 試盡各種方法去幫你仔仔. 現在見到你小朋友順利適應小一生活, 都為你很高興.
還有一樣好記得你, 就是...你時常好夜回覆postings, 今 ...
作者: wongnicky 時間: 08-10-31 09:39
各位媽咪,
你們好!在此知道小朋友能順利融入小學生活, 我都感得好開心.
小兒現在讀k2, 有自閉傾向和言語慢咗1年嘅問題, 而家我已開始留意小學嘅資料, 希望找一間合適嘅小學比囝囝入讀. 但越睇得多, 發覺要考慮嘅問題就越多. 我想當時各位媽咪可能也和我一樣, 所以希望能給我一點意見.
(1)我是否應該比囝囝repeat K2 或 K3? 我考慮這問題是因為囝囝係細仔, 想他大一年的話, 言語發展好一點可以容易一些融入小學嘅社交. 但由於學習方面又沒有問題, 怕repeat令囝囝更遊魂.
(2)我想比囝囝讀啟思小學或國際音小, 請問知唔知呢兩間學校接唔接受自閉傾向嘅小朋友呢?
作者: blip 時間: 08-10-31 09:53
這些直資或私立學校是要面試的, 近年的入學競爭都不少, 家長在報讀時大多不會寫明自己孩子的特殊情況, 以免減低入學機會, 但我有一個朋友的兒子在其中一間就讀, 是曾經嘗試主流學校失敗而轉讀的, 好像還不錯, 我兒子的言語治療師也有幾位clients在這些學校就讀.
有些主流學校在照顧有特殊需要的學生做得不錯, 但始終資源有限, 每班有三十多個孩子, 實在不能奢望有很多支援, 老師及社工樂於與家長溝通, 給予孩子包容, 體諒和調適, 我已心滿意足了, 其餘只有靠自己努力.
家居訓練很有用的, 孩子可以進步得很快, 現在還是K2, 還可以再考慮一下.
原帖由 wongnicky 於 08-10-31 09:39 發表
各位媽咪,
你們好!在此知道小朋友能順利融入小學生活, 我都感得好開心.
小兒現在讀k2, 有自閉傾向和言語慢咗1年嘅問題, 而家我已開始留意小學嘅資料, 希望找一間合適嘅小學比囝囝入讀. 但越睇得多, 發覺要考慮嘅 ...
作者: wongnicky 時間: 08-10-31 22:42
多謝你的回應. 請問你認識的小朋友是否在啟思就讀呢? 我對這間學校有興趣都係因為言語治療師話間學校好接納有差異嘅小朋友.
我都有每日幫囝囝做家居訓練, 佢係有進步, 但語言始終進步得比較慢, 非常影響社交, 所以我至咁擔心!!!
你的小朋友社交方面點呀?
作者: blip 時間: 08-11-1 13:05
語言表達是社交重要的一環, 不過, 自閉症傾向的小孩子更弱的地方是不懂得其他人想法及理解社交規則, 在中小學階段的挫折通常來自朋輩的不接納,甚至欺凌, 我的兒子很喜愛小一的生活,但他每個星期總有大大小小的不當行為, 需要調教, 所以語言只是第一步. 慢慢來, 我們是要預備長期作戰的.
私小雖有教署心理學家跟進, 但未必有很多特殊需要的支援, 我兒現有學校安排的言語及社交訓練(暫時來說二人一組), 社工也有與家長和主科老師跟進, 並安排大家會面, 比我想像中好.
另外私小學費貴, 個人意見認為讀津小可省下金錢讓孩子繼續參加私人的社交,言語和興趣訓練(如游泳, 球類及音樂等), 因為很多時他們都由於行為問題, 無法參加收費較相宜的小組, 而需一對一的私人教授. 以小兒為例, 每節的訓練數以百元計, 每星期幾節的話,費用已經很可觀了.
作者: wongnicky 時間: 08-11-1 17:27
我都有諗過學費貴嘅問題, 如果再加上各樣訓練, 真係頂唔住! 可唔可以話比我知你小朋友讀邊間學校呀? 因為我覺得幾好, 又有言語, 又有社交訓練. 或者可唔可以介紹一些學校呢?
囝囝嘅言語治療師話間間學校方向唔同, 即使因為我個仔入讀而有政府資助, 但未必用係合適囝囝訓練上, 所以到頭來都係好似無幫助, 都係要靠係私人機構買服務, 所以選學校好緊要.
其實我都預咗長期嘅私人訓練, 但係如果再加上學校方面未能幫忙令囝囝融入小學生活, 咁就更麻煩嘞! 雖然囝囝現在才k2, 但我已經開始留意小學嘅資料. 有時我都有覺得自己過份緊張.
作者: 奀豬mami~~ 時間: 08-11-3 00:10
承承媽媽,
我豬仔之前只係讀普通幼稚園,不過就好淺,所以一上到小學就出事啦....原來係可以咁深,我有買街外exercise比豬仔做...不過我已經覺得佢好辛苦,唔會太迫佢,我宜家好想同豬仔轉校,但係我好想知道,間間既學校係唔係課程差唔多呢(唔計名校)!!!!
我本身想比亞仔讀某間私校的,點知今年好多人報....爭唔到,唯有放棄....宜家個人都幾煩,都唔知比佢繼續讀呢間定係搵第2間.....同學校一早講左豬仔既需要,但係學校都冇支援,都唔知可以點做!!!!!!!
原帖由 承承媽媽 於 08-10-30 11:36 發表
奀豬媽咪,
看完你的post,我真的十分明白你的感受.
唔好話你,雖然阿仔學校的功課適量,默書適量,但要完全配合小一所有要求,都是一件不容易的事,再加上你是在職母親,就更加有困難.
我不知道你仔仔之前讀的是不是融合 ...
作者: 奀豬mami~~ 時間: 08-11-3 00:13
wongnicky,
我個仔都係細仔,但係我冇比佢係幼稚園repeat,反而我諗,要repeat都等小一先,因為小一又要適應,課程又深好多,如果幼稚園已經repeat,咁小一咪迫得仲辛苦?
原帖由 wongnicky 於 08-10-31 09:39 發表
各位媽咪,
你們好!在此知道小朋友能順利融入小學生活, 我都感得好開心.
小兒現在讀k2, 有自閉傾向和言語慢咗1年嘅問題, 而家我已開始留意小學嘅資料, 希望找一間合適嘅小學比囝囝入讀. 但越睇得多, 發覺要考慮嘅 ...
作者: 奀豬mami~~ 時間: 08-11-3 00:16
blip,
你囝囝係邊一區讀書呀?或者有冇d意見可以介紹比我呀?
我真係搵到頭都暈啦 原帖由 blip 於 08-10-31 09:53 發表
這些直資或私立學校是要面試的, 近年的入學競爭都不少, 家長在報讀時大多不會寫明自己孩子的特殊情況, 以免減低入學機會, 但我有一個朋友的兒子在其中一間就讀, 是曾經嘗試主流學校失敗而轉讀的, 好像還不錯, 我兒子 ...
作者: rookiemom 時間: 08-11-3 10:10
How about 嶺南大學香港同學會直資小學, think it's a very loving school.
原帖由 奀豬mami~~ 於 08-11-3 00:16 發表
blip,
你囝囝係邊一區讀書呀?或者有冇d意見可以介紹比我呀?
我真係搵到頭都暈啦
作者: 承承媽媽 時間: 08-11-3 12:49
其實我一年前預備阿仔升小一選校，都問過好多朋友的意見，其中我有幾個在小學任教的朋友，都叫我幫個仔選擇津貼學校，因為資源雖少，點都好過無，但怎樣才能選到一間適合的學校，當然又是另一番藝術。
至於社交方面，我比阿仔其他任何訓練都用心，早在阿仔Ｎ１放暑假前，我已經開始約阿仔Ｄ同學仔一齊出嚟玩，咁樣玩吓玩吓就過了三年，這三年裡看著他最初期人地有人地玩，佢有佢自己玩，到現在他跟小朋友一起玩，是需要時間來經驗的，亦要他經驗到有朋友一齊玩是很開心的事，他才會渴望跟朋友／他人建立關係。
作者: Money媽 時間: 08-11-3 15:34 標題: 回覆 # 的文章
Hello rookiemom
請問嶺南大學香港同學會直資小學有無小4 ? Thank you
作者: blip 時間: 08-11-3 17:55
小兒跟家姐讀同一所學校(位於沙田), 所以必入, 但由於競爭很大, 一般小朋友相信要很高分才有機會. 之前曾考慮過就近居所的大埔小學, 有興趣的話可pm給你.
上星期六參加主流家長會, 有兩位家長分享說黃大仙嘉勒撒小學不錯, 不過沒有詳細研究.
原帖由 奀豬mami~~ 於 08-11-3 00:16 發表
blip,
你囝囝係邊一區讀書呀?或者有冇d意見可以介紹比我呀?
我真係搵到頭都暈啦
作者: blip 時間: 08-11-3 18:06
各位家長,
你們有興趣參加以下活動嗎?
活動: 家長小組 (有亞氏保加症子女就讀幼稚園及小學)
主辦單位: 小童群益會賽馬會大圍青少年綜合服務中心
內容: 透過分享孩子日常生活實例, 增加家長們對孩子的情緒認識, 從了解他們的獨特性及困難, 尋找有效的處理方, 培育孩子情緒的管理, 如固執行為處理, 子女德育培育, 社交能力訓練等.
日期: 11月12日至12月17日逢星期三上午10:15-11:45
地點 大圍美林村美楊樓
費用: $100 (共六節)
報名: 26949322 廖姑娘
作者: mickeyma 時間: 08-11-4 13:33 標題: 回覆 # 的文章
Hi, Mamee, HayBMum, Shingma,
Nice to see you all here again. There has been long time not chating together as before.
As HayBMum said, when we met each other, our kids were 2 to 3 years old.
My son is doing so far so good in his P1 life. Though from time to time, teacher would call to "advise" some bad performace, mainly in discipline and so on.. others are fine. The most worry is still his social life in school. I have invited some kids to home to play with him from time to time, but the girl told me she was so angry that my son was not playing with her in shcool, ignoring her, basically.
Shingma, any advise here?
Again, really great to see old friends back to this column.
Mickeyma
作者: 承承媽媽 時間: 08-11-5 09:46
MickeyMa,
我都好開心見到大家!其實呢幾年我自己做全職阿媽,真係無咁多時間上嚟,尤其阿仔越大,學的東西越多,要跟進o既o野就更加多,所以越來越少時間上來!
你講話阿仔的女同學咁樣同你講,我記得之前有次阿仔另一個a仔同學都有咁o既情形,我記得當時我係同正常的同學仔咁講:阿x同學,mickey仔唔係專登唔同你玩,佢係唔識,亦都唔知道可以同你玩啫.不如你在學校的時間幫一幫mickey仔呀!咁呢個細路,就會帶住呢個'使命'去返學o架啦!
同埋你又要明白呢個age的正常細路,有時佢地同你講,你阿仔做得唔係幾好o既o野,背後另一個表達係:你阿仔做得唔好o既,佢就做得好好咁解.所以阿女同學的說話可以理解為--我好乖呀~~我有搵佢一齊玩o架,佢唔理我咋~~咁囉!既然係咁,就一於將阿仔嚮學校生活o既指導員使命托付俾佢啦!
作者: mickeyma 時間: 08-11-5 22:59
Hi, Shingma,
Thank you for your advise! It is very helpful!
After examination this week, I will invite his friends to our home to play with him. Then I will give this great job to the girl. She is a big fans of my son.. hehe..
How is Shingshing doing in his school?
Yu was reported by classmate to me that he would stand up from time to time from his chair during class.. 
But somehow his teachers are very tolerate.. not too many complaint.
Some boys are quite rude in the class.. so I have to teach him to protect himself sometimes as he is quite naive... He often reports to me who is not good today in the classroom, but always he is that best boy in the class.. Unfortunately, his classmates always told me something different..:)
[ 本帖最後由 mickeyma 於 08-11-5 23:03 編輯 ]
作者: mamee 時間: 08-11-6 09:30
原帖由 mickeyma 於 08-11-4 13:33 發表
Hi, Mamee, HayBMum, Shingma,
Nice to see you all here again. There has been long time not chating together as before.
As HayBMum said, when we met each other, our kids were 2 to 3 years old.
My so ...
mickeyma
我都好高興係呢道見番大家.
我仔仔呢幾日是測驗週, 希望順利.
至於社交, 我見(我每日午膳都返學校做義工)仔仔是有固定同學一齊玩, 男同女都有. 不過全部都是'較小朋友'的小朋友, 開開心心一齊走來走去, 行樓梯層層睇下
不過我都好欣慰.
mamee
[ 本帖最後由 mamee 於 08-11-6 09:33 編輯 ]
作者: 承承媽媽 時間: 08-11-6 10:55
Mickeyma, mamee,
我都好高興可以在bk再見到大家.
阿承在學校非常之適應,因為我同marie都係入學前已經同學校通晒水,而且一年前選校時,阿仔幼兒園的校長都提示我,最好選擇一間有阿仔同學仔一齊去的學校,他的適應上會比較好.話雖如此,阿仔有2個以前幼兒園的同學,還有marie個仔跟他去同一所小學,但承承是跟最活躍的同學同班,marie個仔就跟承承另一個比較定d的同學同班,最初當我知道分班安排是這樣時,我都十分擔心,因為佢都係o個d,開唔好個頭,就會一年都作反的細路,班主任老師很好,她一開始安排承承坐在老師的正前方,雖然阿仔開學的頭一個月都有被老師投訴,亦有去試老師的底線,但十月中時老師就已經告訴我,她覺得承承進步了很多,而且因為他認字能力好,有時可以幫老師做小老師,亦令到那個很活躍的同學要學他哩!
作者: HayBMum 時間: 08-11-7 05:01
Hello micheyma,
我都有你的煩惱，阿仔的社交能力弱，雖然喜歡跟同學仔玩，但除非玩佢好鍾意的遊戲，否則好多時玩玩下就會諗起自己喜歡的野，然後就似各有各玩。有時我問阿仔為什麼不和某某玩，他會說：我唔知點同佢講，我覺得好難。又或者：我好細膽，我驚佢唔肯同我玩.....等。其實阿仔講出了他面對的難題，小朋友對他來說難以掌握，他亦怕別人笑，或受拒絕，老師知道他的難處，有時會幫忙讓某同學帶他一起玩，這樣他就會容易融入得多，沒有老師幫忙的話，他就有困難自己起這個頭。
作者: llcathy2004 時間: 08-11-8 01:41
想請問各位過來人,自閉傾向孩子是否較難適應活動教學(規範無咁清淅)?但傳統學校又多數好多功課,應該點簡?你們的孩子是讀傳統學校嗎?可比啲意見嘛?(葵涌附近)原帖由 HayBMum 於 08-11-7 05:01 發表
Hello micheyma,
我都有你的煩惱，阿仔的社交能力弱，雖然喜歡跟同學仔玩，但除非玩佢好鍾意的遊戲，否則好多時玩玩下就會諗起自己喜歡的野，然後就似各有各玩。有時我問阿仔為什麼不和某某玩，他會說：我唔知點同佢講，我覺得好難。 ...
[ 本帖最後由 llcathy2004 於 08-11-8 18:26 編輯 ]
作者: mickeyma 時間: 08-11-8 17:44 標題: 回覆 # 的文章
mame,
仔仔考完試沒？成績如何？仔仔學校有四次考試全部計分。星期四考完。可以放松下。
真羡慕你仔仔社交能力這麼好。在學校可以跟小朋友融入。
Haybma,
是啊！我儿子答得更干脆:我喜歡自己玩。吹漲！但小朋友到家跟他玩，他還是很開心。但問題和你仔仔一樣，不能持久有主動性地邀请人家玩游戲。只能玩些打打鬧鬧追追逐逐的游戲。和我們就可以玩大富翁，圍棋及Bloker...
作者: 承承媽媽 時間: 08-11-10 10:18
原帖由 mickeyma 於 08-11-8 17:44 發表
mame,
仔仔考完試沒？成績如何？仔仔學校有四次考試全部計分。星期四考完。可以放松下。
真羡慕你仔仔社交能力這麼好。在學校可以跟小朋友融入。
Haybma,
是啊！我儿子答得更干脆:我喜歡自己玩。吹漲！但小朋友到家跟他玩 ...
mickeyma,
咁佢地係男仔嚟o架喎,玩d打打鬧鬧你追我逐o既遊戲係好正常喎~~!而且佢地都只係得o個6-7歲,唔通你要佢同d同學仔一齊坐低好認真咁玩煮飯仔?
正所謂男女有別,肯咁定定咁坐嚮樹玩o既男仔......十個都無一個呀~~!
當然,跟大人玩又另計.因為佢當咗係半training半遊戲咁玩~~
[ 本帖最後由 承承媽媽 於 08-11-10 10:21 編輯 ]
作者: 承承媽媽 時間: 08-11-10 10:25
原帖由 llcathy2004 於 08-11-8 01:41 發表
想請問各位過來人,自閉傾向孩子是否較難適應活動教學(規範無咁清淅)?但傳統學校又多數好多功課,應該點簡?你們的孩子是讀傳統學校嗎?可比啲意見嘛?(葵涌附近) ...
最主要唔一定係規範無咁清淅,另一個很主要的原因,是活動教學--固名思意--從活動中教與學,我地d仔,白紙黑字寫咗俾佢,佢就會記得好d,如果淨係活動,活動完講幾句就收科,佢地就可以完全唔係好知自己學過d乜......
作者: mamee 時間: 08-11-10 17:28
原帖由 mickeyma 於 08-11-8 17:44 發表
mame,
仔仔考完試沒？成績如何？仔仔學校有四次考試全部計分。星期四考完。可以放松下。
真羡慕你仔仔社交能力這麼好。在學校可以跟小朋友融入。
mickeyma
(我仔仔) "跟小朋友融入" ..算可以.
"社交能力這麼好".. 其實只是一般. 只因為我仔仔是個與世無爭+ 樣樣say yes 的人 = xxx 不如一齊去操場跑 >好, 不如上7樓行下>好, 不如去2樓圖書館>好. 所以人叫佢去佢就一齊去, 都係要人地lead多.
至於考試, 我仔果間是2測2考, 4次都計分. 仲未計埋咩小測, 又話計10% = 佢話點計就點計, 我都唔考究. 今日英文派左, 成績好滿意架喇.
mamee
[ 本帖最後由 mamee 於 08-11-10 22:05 編輯 ]
作者: HayBMum 時間: 08-11-12 00:32
llcathy2004,
我覺得視乎孩子的學習模式，有些小朋友需要以活動和實踐去學習，有些就要有清晰明確的指示和模式，而就自己認識的特殊小朋友當中，後者居多，但亦並不代表他們不適合活動教學，反而很多是其他因素影響，譬如課室秩序，老師處理小朋友的能力等。傳統學校亦非一定多功課，最重要是學校和老師的接納程度，有沒有經驗等。
mamee & mickeyma,
似乎暫時我比你們輕鬆，因為學校決定小一小二不用考試，讓學生多些時間閱讀，雖然差不多每星期都有評估，但每次考的範圍唔算多，不過可能到小三時才一頭煙也未定。
原帖由 llcathy2004 於 08-11-8 01:41 發表
想請問各位過來人,自閉傾向孩子是否較難適應活動教學(規範無咁清淅)?但傳統學校又多數好多功課,應該點簡?你們的孩子是讀傳統學校嗎?可比啲意見嘛?(葵涌附近) ...
作者: llcathy2004 時間: 08-11-12 02:36
thanks haybmum & 承承媽媽，
我就係未攪得清楚，阿仔似係後者，唔係好守規則;但好多時比佢實踐過嘅佢又記得好啲，有興趣嘅更好，同埋我估活動教學會啟發到佢思考多啲．(係咪架?)原帖由 HayBMum 於 08-11-12 00:32 發表
llcathy2004,
我覺得視乎孩子的學習模式，有些小朋友需要以活動和實踐去學習，有些就要有清晰明確的指示和模式，而就自己認識的特殊小朋友當中，後者居多，但亦並不代表他們不適合活動教學，反而很多是其他因素影響，譬如課室秩序 ...
作者: YRaymond 時間: 08-11-12 08:59
I agree to 比佢實踐.
I have told my son 'Don't worry how to draw, play, ...', you can do it by learning and repeating.
For my personal opinion, if they cannot learn it by observation as normal kids, we can help them to repeat the process or procedure 1,2,... many times until they get the technique.
For example, my son didn't know using his hands to support or protect his body at falling down. I play a game at the bed and push him at different direction. It not only can strengthen his 腰力 not to be fallen down easily, but also get a rapid reaction by using his hands to protect himself.
原帖由 llcathy2004 於 08-11-12 02:36 發表
thanks haybmum & 承承媽媽，
我就係未攪得清楚，阿仔似係後者，唔係好守規則;但好多時比佢實踐過嘅佢又記得好啲，有興趣嘅更好，同埋我估活動教學會啟發到佢思考多啲．(係咪架?) ...
作者: tin_tin 時間: 08-11-15 23:54
llcathy2004,
我仔仔幼稚園和小學都係活動教學模式學校讀, 頭果幾年老師的評語麻麻, 因為佢在討論/分析的環節唔明白老師的提問, 有時會答到離晒題, 係度講自己喜歡ge topic. 所以在選小學時都15 16, 唔g俾唔俾佢讀活動教學模式學校. 但我仔比較活潑, 亦很好奇. 我地唸過, 其實仔仔呢方面弱, 係咪更加要下一點功夫呢? 所以最後也選了活動教學模式的. 現在仔仔在思考分析上雖然跟同學比是差了一點, 但真的有明顯進步, 上課亦學到嘢. 
每個小朋友都唔同, 你仔仔是那一類呢?
作者: llcathy2004 時間: 08-11-16 01:07
tintin,都有啲似你仔仔,好活躍,有興趣嘅就會好專注.而家學校嘅專題研習,佢參與度唔高(可能係你講嘅唔明老師問咩/唔叻表達),成日會講自己鍾意嘅野.有張椅比佢會坐得定,但到活動啲嘅時間就會走開唔跟大隊.早幾日去參觀啲展覽館,佢就唔跟住老師排隊聽講解,自己行開睇第二啲野,咁點學唔到野.原帖由 tin_tin 於 08-11-15 23:54 發表
llcathy2004,
我仔仔幼稚園和小學都係活動教學模式學校讀, 頭果幾年老師的評語麻麻, 因為佢在討論/分析的環節唔明白老師的提問, 有時會答到離晒題, 係度講自己喜歡ge topic. 所以在選小學時都15 16, 唔g俾唔俾佢讀 ...
作者: llcathy2004 時間: 08-11-16 01:09
訓覺了....閃!!!
作者: carolyschan 時間: 08-11-30 19:00 標題: 回覆 # 的文章
你嘅情况同我一樣，真係好有共鳴，不過我個仔已經小五了，日復日年復年咁同功課及成績搏鬥，嗰種辛苦真係好難形容...
我個仔讀嗰間都算係名校，我老公有提過不如轉校，等個仔唔駛咁辛苦。但我覺得根本係我個仔有問題，去到邊佢成績都係下游，就算有人墊佢底，都只不過係假像，唔等於佢進步咗。
佢升小學時我同自己講，旦求亞仔讀得開心就算，唔好比壓力佢同我自己。結果亞仔真係讀得開心，雖然佢有自閉傾向，但出奇地同Ｄ同學相處得唔錯，有Ｄ仲好照顧佢，當仔咁凑。但我真係放唔低，成績差成咁唔係辦法，同佢做功課同温書真係攪到人都顛，我平時好斯文好好脾氣的，但一同佢温書我就好似鬼上身咁:evil:
向好方面諗：最起碼亞仔四肢健全身體健康，繼續努力!!雖然真係好倦，我都有發晦氣話想放棄，但冷靜下來後，為咗亞仔，再辛苦都要堅持!!!
| 歡迎光臨 教育王國 (/) |
Powered by Discuz! X1.5 |