教育王國

標題: 知否重讀K3會否影响小一派位資格? [打印本頁]

作者: yingying08 時間: 08-10-10 22:48 標題: 知否重讀K3會否影响小一派位資格?

小女於十二月出生, 將會是09/10年度小一生, 請賜教:

1. 如未能為她找到心儀小學, 可否重讀一年幼稚園於10/11年再報考小一?

2. 我已交了自行分配學位表格報09/10小一, 倘若落選, 是否需要放棄一月的統一派位?

3. 如放棄後, 10/11年度是否可以重新參加自行分配和統一派位?

謝

作者: derryhill 時間: 08-10-11 01:32

如果我無記錯，政府派位係唔可以，每人只有一次機會，原因好似係唔想浪費政府資源。直資，私校你可以兩年都考，我當時有打去教育局問，佢哋會好詳細教你，去年9月，我都爭札左好耐﹐最後決定要比仔仔重讀k3，因為我同佢當時都未ready.所以咩學校都無考，咁今年係大仔。你快D打去教育局問。

作者: Unclejt 時間: 08-10-11 03:15

原帖由 derryhill 於 08-10-11 01:32 發表
如果我無記錯，政府派位係唔可以，每人只有一次機會，原因好似係唔想浪費政府資源。直資，私校你可以兩年都考，我當時有打去教育局問，佢哋會好詳細教你，去年9月，我都爭札左好耐﹐最後決定要比仔仔重讀k3，因為我同佢當時都未ready.所 ...

據我理解，如果從未獲派小一學位，便可以參加兩階段的小一派位。不過都係問問呂祺穩陣d。

作者: wpwong 時間: 08-10-11 10:25

我理解都係咁, 總之每人只可參與1次"統一派位", 因參與便一定有學校派俾你, 只欠係唔係心儀吧!!!!

原帖由 derryhill 於 08-10-11 01:32 發表
如果我無記錯，政府派位係唔可以，每人只有一次機會，原因好似係唔想浪費政府資源。直資，私校你可以兩年都考，我當時有打去教育局問，佢哋會好詳細教你，去年9月，我都爭札左好耐﹐最後決定要比仔仔重讀k3，因為我同佢當時都未ready.所 ...

作者: yingying08 時間: 08-10-11 11:04

多謝哂各位!

我都想打電話問教局, 但返工時間不方便, 星期六政府又無人開工.

可否重覆問各位多一次:

我雖已報09/10自行分配, 只要放棄註冊及不參加一月大抽獎, 再重讀K3, 則於10/11年度可重新來過. 是否這樣?

我不想迫女兒上小一, 因她的程度不及同級的幼稚園生, 我令願她打好基礎, 再重新開始過! 不想她上小學才重讀!

Thank you !

作者: tinko_dad 時間: 08-10-11 12:28

我囡囡都係12月出生，所以我都有你既煩惱。
首先，政府既派位機制肯定只可以參加一次，而且佢一定派到學校俾你（好唔好就唔包）。
再者，如果你在“自行分配學位”階段未獲派位，佢會“自動”將你放入第二階段既“大抽獎”，所以無需另外申請，可能都無得撤回！
我見議你可以考慮咁樣：今年盡力同囡囡搵適合既小一（包括官津同直資、私立），無論結果滿意與否，都先等囡囡讀住先。咁一來可以睇下佢讀唔讀得上，二來可以下年再報心儀既私立直資，再視乎情況決定是否轉校重讀小一。

作者: BabyLincoln 時間: 08-10-11 15:53

在“自行分配學位”階段未獲派位，佢會“自動”將你放入第二階段既“大抽獎”，

無得撤回！

原帖由 tinko_dad 於 08-10-11 12:28 發表
我囡囡都係12月出生，所以我都有你既煩惱。
首先，政府既派位機制肯定只可以參加一次，而且佢一定派到學校俾你（好唔好就唔包）。
再者，如果你在“自行分配學位”階段未獲派位，佢會“自動”將你放入第二階段既“大抽獎”，所以無需 ...

作者: baby_yiu 時間: 08-10-11 17:07

（如已入表）有評估或學校寫紙証明小朋友下年度難應付小一課程，可試下向教署申請取消今年度申請。

作者: tiffany_wong23 時間: 08-10-12 02:21

如果小一真係跟唔上先把小一留班仲好！
因為萬一小學1-6年級需要留班的話,
米大人地成兩年？
教育署限定小學只留級一次~

我朋友個女今年小四.
佢小一成績跟唔到,
學校需要佢留班,
跟住個年旣成績頭幾名添！

作者: yingying08 時間: 08-10-14 20:33

多謝您的意見!

原來小學只能夠留一次班.....??!

一年級才留班我怕女兒會自卑, 總之現在好煩!

作者: Sindy 時間: 08-10-15 00:44

原帖由 yingying08 於 08-10-10 22:48 發表
小女於十二月出生, 將會是09/10年度小一生, 請賜教:

1. 如未能為她找到心儀小學, 可否重讀一年幼稚園於10/11年再報考小一?

2. 我已交了自行分配學位表格報09/10小一, 倘若落選, 是否需要放棄一月的統一派位?

...

交左自行表,你出年就唔可以apply架啦(政府&津貼),不過可以當叩門

作者: 200012 時間: 08-10-15 11:29

原帖由 yingying08 於 08-10-10 22:48 發表
小女於十二月出生, 將會是09/10年度小一生, 請賜教:

1. 如未能為她找到心儀小學, 可否重讀一年幼稚園於10/11年再報考小一?

2. 我已交了自行分配學位表格報09/10小一, 倘若落選, 是否需要放棄一月的統一派位?

...

我朋友同你一樣,但佢第一round收左佢問教育局,教育局話如第一round未收仲可以,但要醫生證明小朋友是發展遲緩......等不合升小一此小朋友現己p3,讀書無問題,係做野慢d

歡迎光臨教育王國 (/)