教育王國

標題: 啟基學校, 你地點睇? [打印本頁]

作者: mycarrie 時間: 08-10-8 18:56 標題: 啟基學校, 你地點睇?

請問各位家長覺得啟基好唔好呢? 我覺得在學術及課外活動方面都不是很突出, 但校長經常強調小朋友好仲意返學,
what is your opinion?

作者: Jenny1234 時間: 08-10-9 02:12

yes, can someone give any comments? I also want to know that if their academic is up to standard?
thank!

作者: mycarrie 時間: 08-10-9 08:52

你有無去聽講座? 個禮堂其實都唔係好大..... 仲有課室都係.... 但係我見到康子妮同佢個仔

作者: 200012 時間: 08-10-9 10:19

原帖由 mycarrie 於 08-10-9 08:52 發表
你有無去聽講座? 個禮堂其實都唔係好大..... 仲有課室都係.... 但係我見到康子妮同佢個仔

我有朋友讀緊(不太熟),佢話啟基好好,小朋友好開心,不是死谷,但相對程度就低左少少(與九龍學區學校相比)

作者: mycarrie 時間: 08-10-9 14:58

此校升中派位好嗎?

作者: Igo 時間: 08-10-9 23:21

大家對啟思小學又有何意見呢？

原帖由 mycarrie 於 08-10-9 08:52 發表
你有無去聽講座? 個禮堂其實都唔係好大..... 仲有課室都係.... 但係我見到康子妮同佢個仔

作者: loy211 時間: 08-10-10 11:20

啟思小學,好似行IB,學費貴,就是我的印象.

作者: loy211 時間: 08-10-10 11:21

啟基,我認識的朋友都話開心,好鍾意返學,

作者: babyso 時間: 08-10-10 11:40

我上次去聽簡介會, 很感受到校長的熱誠. 而我個囡到而家都話上次同老師 "玩" 得好開心.(佢一d都唔覺得比人interview 緊) , 成日同我講佢好想讀一間好開心既學校, 好想讀啟基.

之後, 我再問一d 熟悉這間學校的家長時, 他佢地 d 反應都係話 d 小朋友好鍾意返學, 好有自信心, 而校長在簡介會講的 (eg 5心教學) 都可以實行到.

唯一不足是升中問題, 我好怕在6年級時, 又要面對選校... 唉, 而家做家長真係煩

作者: mycarrie 時間: 08-10-11 21:21

啟基14-15號交留位費, 記得ar

作者: wksin 時間: 08-10-12 22:08

啟基學校可以建立到小朋友的自信心, 小朋友又喜歡返學, 喜歡學習, 好有動力, 而且佢地教德育非常之好, 小朋友在品行上可以學好, 至於學術方面, 不要與傳統名校比較, 因它們多是教高一級或半級, 而啟基會按著正常課程, 到高小時才加深追番, 以我所知, 有不少同學都考到不錯的中學, 當然有些比較差, 這些與課程無關, 而係小朋友本身資質既問題,

可以說學校是講得出, 做得到。

作者: ACCC 時間: 08-10-31 15:17

咁請問有冇人是插班入啓基(約三、四年級)而又可被學校的風氣(例：閱讀/品德/自信/主動學習)所感染或改變的呢？因我想幫我的大兒子轉校，但又擔心他未能適應或當他剛適應時便要升中了，他是一個慢熱和害羞(可以話冇自信)的人。如有真實個案，請和我分享，謝謝！

作者: Yonniewong 時間: 08-10-31 16:26

我有少少分享, 我有個朋友是在傳統學校教書, 有時佢都見小朋友谷得很辛苦. 有些甚至谷唔起. 佢都會見議家長去啓基, 結果個家長聽佢議見, 去佐啓基, 後來個家長揾返我朋友話, 佢個小朋友終於鍾意佐返學. 讀得好開心.
我個人認為無話好與唔好. 只要個小朋友讀得開心就很好了. 曾經有個朋友同我分享過一句說話. 我覺得好受用. 就係"係傳統學校每日教十樣野, 但識得五樣, 但有些學校只教五樣野, 但全部識晒."
我覺得培養到對讀書有興趣已是非常重要.

原帖由 chengwaiking 於 08-10-31 15:17 發表
咁請問有冇人是插班入啓基(約三、四年級)而又可被學校的風氣(例：閱讀/品德/自信/主動學習)所感染或改變的呢？因我想幫我的大兒子轉校，但又擔心他未能適應或當他剛適應時便要升中了，他是一個慢熱和害羞(可以話冇自信)的人 ...

作者: 小軒爸 時間: 08-10-31 17:56

啟基我都聽人講過話程度相對其他傳統名校係比教淺，但係我响都簡介會都見有部份學生升到一間band1學校，我都問過我個仔幼稚園老師，佢哋都話啟基係一間好學校，老師同校長對小朋友都有愛心，同埋啟基學校啲英文都幾好，而我個仔見完校長之後都話要响啟基讀書。

作者: wksin 時間: 08-10-31 19:31

原帖由 chengwaiking 於 08-10-31 15:17 發表
咁請問有冇人是插班入啓基(約三、四年級)而又可被學校的風氣(例：閱讀/品德/自信/主動學習)所感染或改變的呢？因我想幫我的大兒子轉校，但又擔心他未能適應或當他剛適應時便要升中了，他是一個慢熱和害羞(可以話冇自信)的人 ...

我個大仔就係一個例子, 佢小一, 二係培正到讀, 讀得好辛苦, 雖然佢都升到班, 但係佢讀到好無自信心, 亦都唔積極, 佢本身係一個慢熱, 比較難接受轉變既人, 但因為佢實在為左讀書而放棄左心愛的課外活動, 佢鍾意睇書卻係無時間睇, 因為有太多功課做, 佢又做得慢, 漸漸我覺得長久下去, 其實小朋友損失了1.讀書興趣 2.自信心3. 睇課外書時間, 4. 其他興趣的培養, 於是因著細仔入小一時去啟基讀, 所以我幫大仔試下考小三插班, 當時 INTERVIEW 完要考2小時的paper, 後來校長話好滿意佢既成績, 就入左啦。

依家佢已升上小四, 佢讀左啟基之後, 變左好多, 呢個係我教會的朋友講的, 佢話大仔變得開朗, 健談, 有自信, 最重要係, 有一日我問佢係啟基佢最鍾意邊一科, 佢數數, 佢話: 媽媽, 原來我科科都鍾意, 佢成日話老師上堂好攪笑, 佢好鍾意上堂, 其實係老師用比較活動, 可以吸引到學生興趣去教佢地, 所以小朋友好鍾意。而且佢話個個老師都好好, 呢樣都好難得, 我覺得莫校長真係可以將佢既五心教育信念傳遞比每一個老師, 大家一齊做。

最近我大仔同我講: 媽咪, 點解你唔一早比我讀啟基呀, 細佬就好啦, 可以由小一就開始讀, 我只有同佢講, 個陣時, 我唔知有啟基。依家無論做功課或溫書, 佢都好主動, 因為學校的讚賞文化令佢有動力做好d, 希望可以取高d分。

所以我同老公都好滿意仔仔轉校之後的改變, 其實呢間學校係好適合任何小朋友讀的。

[ 本帖最後由 wksin 於 08-10-31 19:40 編輯 ]

作者: ACCC 時間: 08-10-31 23:37

yonniewong,
謝謝你的分享！

作者: ACCC 時間: 08-10-31 23:53

Dear wksin,
謝謝你詳細的分享,看完後我覺我的情况和你很相似,我的小女剛(09/10)被啓基取錄,所以我也想幫大仔轉校,但不同的是他本身不是太想轉校,只是我見他不積極學習(因他只會完成老師要求的功課e.g.作文要作80字,他就不多不少,數夠便停止,不會多作.)和沒自信,我很想他能被學校的風氣感染,但若他轉了後不適應,便可能會埋怨我了,是否很矛盾呢？不知點算好？可否給一些意見呢？謝謝！

作者: ACCC 時間: 08-11-1 00:03

Dear wksin,
還有一樣不同,便是他今年巳四年級,在校成績亦不差,但如果轉校,我會讓他重讀(即想今年下學期插入三年級),這是否更難適應呢？(重讀原因是希望他能在啓基時間長些)

作者: HayBMum 時間: 08-11-1 00:24

去年仔仔在啟基面試時，我們聽完校長講話後，被帶到課室，和當時有子女就讀的家長見面，恰巧和我分享的是位三年班插班的家長。這位家長坦言原本仔仔在某名校就讀，但成績追不上，加上其他原因，令仔仔自信心盡失，結果只好轉校到啟基去，在校長和老師的幫助下，孩子變得喜愛上學，學業成績亦漸漸追上。不過這家長和大部份的想法一樣，也有升中的顧慮。

原帖由 chengwaiking 於 08-10-31 15:17 發表
咁請問有冇人是插班入啓基(約三、四年級)而又可被學校的風氣(例：閱讀/品德/自信/主動學習)所感染或改變的呢？因我想幫我的大兒子轉校，但又擔心他未能適應或當他剛適應時便要升中了，他是一個慢熱和害羞(可以話冇自信)的人 ...

作者: ICU 時間: 08-11-1 02:27

very expencise

作者: wksin 時間: 08-11-1 10:44

原帖由 chengwaiking 於 08-10-31 23:53 發表
Dear wksin,
謝謝你詳細的分享,看完後我覺我的情况和你很相似,我的小女剛(09/10)被啓基取錄,所以我也想幫大仔轉校,但不同的是他本身不是太想轉校,只是我見他不積極學習(因他只會完成老師要求的功課e.g.作文要作 ...

其實當初安排大仔轉校, 只係一個TRY, 回想當時, 大仔都係話唔想轉, 佢想再試多一年, 呢個反應係大部份小朋友都有的, 佢地雖然讀得辛苦, 但對學校及同學係有情的, 特別我個大仔係比較被動, 難適應新環境, 所以他有這想法, 是亳不出奇的, 但是從他之前的學習情況, 我知長始下去, 對佢係無好處, 我先生係教中學的, 佢眼見D學生係中學階段是最需要自發動力, 有學習興趣同自信心才可以成功, 所以我們因著細仔入學呢次機會, 同大仔試下, 反正插班係要考入學試, 唔係一定收, 我知道有D人想插入都入唔到, 所以試左先算。至於轉校既適應, 仔仔用左2個月時間, 其間我們都多作關心, 之後很好了, 如果唔係佢都唔會咁鍾意返學啦, 我相信要適應啟基係容易既, 因為佢地既制度同埋老師, 都係SUPPORT 小朋友的, 這點不須擔心。

至於讀邊一級的問題, 我想最好可以同校長相量, 佢會比到好好的意見, 反正係要考插班試, 可能學校覺得你個小朋友入讀小四都OK呢, 所以, 你應該 apply 左先, 見步行步。

作者: ACCC 時間: 08-11-1 15:05

Dear wksin,
多謝你的回覆,這讓我更有動力幫他嘗試,好像你所說,未必一定得.但我想問,除了填表外,是否要加埋一封信給校長,還是面試完唔ok才交「求情信」的呢？你當年的做法如何？

作者: loy211 時間: 08-11-1 18:31

我仔仔星期一面試,我識的朋友都說上學開心,我認同上學要愉快學習,我個仔學野都算專心,但超級慢熱,無自信,由細至大都係咁,係性格,他絕對不是一個socail的人,(其實我也不是)所以如果學校造就一個環境,讓孩子建立自信,我會buy呢套,至於中學,6年之後的事,天曉得,你看人人都說sars 出生率低,我也胸有成竹,誰知一個小班教學,間間學校都減學額,不也是殺我們一個措手不及嗎?
唯一要令我考慮的是學費太貴,未計他學其他野,我不是公務員,這是一筆沉重開支.

作者: wksin 時間: 08-11-1 23:27

原帖由 chengwaiking 於 08-11-1 15:05 發表
Dear wksin,
多謝你的回覆,這讓我更有動力幫他嘗試,好像你所說,未必一定得.但我想問,除了填表外,是否要加埋一封信給校長,還是面試完唔ok才交「求情信」的呢？你當年的做法如何？ ...

我當時係同細仔interview 時, 同校長傾得好投契, 因為我太知道催谷文化下, 小朋友學習的唔好處, 所以個陣時同莫校長講左好多關於香港教育的問題, 我想我同佢係有同一理念的, 後來佢問起我大仔的情況, 咁我就同佢講不太理想, 我話其實大仔應該好需要係啟基呢種學校讀, 於是我問佢收唔收插班生, 佢想左一陣, 就叫我地試下申請, 因為仲要考試 interview 等, 於是我地就填申請表及要交學校成績單及面試考試等, 就這樣入左啦。(我地無寫信比校長的)

我想你可以先申請插班小四下學期先, 唔得的話, 就見校長, 睇下下年再重讀小四, 希望可以留到位比你, 因為越高年級就越難入, 位唔多, 小朋友已讀定左, 唔會走, 除非有其他原因至有位。

[ 本帖最後由 wksin 於 08-11-1 23:29 編輯 ]

作者: wksin 時間: 08-11-1 23:31

原帖由 loy211 於 08-11-1 18:31 發表
我仔仔星期一面試,我識的朋友都說上學開心,我認同上學要愉快學習,我個仔學野都算專心,但超級慢熱,無自信,由細至大都係咁,係性格,他絕對不是一個socail的人,(其實我也不是)所以如果學校造就一個環境,讓孩子建立自信, ...

負擔能力都係一個問題, 其實有d直資小學如真道, 好似係$2xxx, 可以一試。

作者: loy211 時間: 08-11-2 16:00

坦白說,我已報了7間中價學費的私校,啟基算是最貴的一間,我明天面試,(阿仔),之前已經有2間reject左,另外的私小有幼稚園生升上,學額甚少,機會渺茫,所以我都會報啟基,萬一大抽獎好差都有後著,最多在其他開支減些,我只有一個小朋友,勉強都可以負擔.

作者: bblaw 時間: 08-11-2 20:10

loy211.
Congu u! Chan's creative school is very very good

作者: loy211 時間: 08-11-2 21:42

Thank you

作者: ACCC 時間: 08-11-2 22:45

bblaw,
請問你又怎樣看啓基呢？你指「very very good」是那方面？可否分享些？在入讀前收集多些意見&資料,總好過入了後才發現不適合。

作者: ACCC 時間: 08-11-3 12:31

loy211,
你仔仔今天面試如何呀？是見校長還是見老師呢？多唔多人呀？希望你仔仔能被取錄啦！幾時知結果呢？

作者: bblaw 時間: 08-11-3 16:44

Chengwailing,
My friend is a teacher in there. She say the p6 allocation is good. The principle is nice and heart. Children love school very much and learn happily. Children are full of confidence. If she had a kid, she say she must let it study in there.

作者: ACCC 時間: 08-11-3 23:26

bblaw,
請問你可否幫忙問下你的朋友,啓基的升中派位如何呢？(e.g.？%入英中)如果四年級才轉到啓基,是否有足夠時間訓練他的自信心呢？(小朋友本身是害羞和怕困難的)如果你能幫忙,真是萬分感謝！

作者: loy211 時間: 08-11-4 09:42

我昨晚去小學聽講座,莫校長的演講令我很感動,我很矛盾,教育是人的工作,是人影響人的工作,要令小朋友有自信,愉快學習,我認同此點.
不過另一方面,我們活在香港,受一個畸形的教育制度牽引,要玩這個殘酷的遊戲.我的小朋友仍要在香港升中,我當然希望他入英中,那啟基在英文,普通話兩方面又如何培訓?升英中比例如何?昨晚老師說頭三志願是超過九成,但意義不大,現在入中學多按意願派發(因很多學生都會量力而為),我想較準確的是入英中的比例.
仔仔昨晚說面試很開心,有得玩有野食,又有VCD看.

作者: ACCC 時間: 08-11-4 22:15

loy211,
很同意你的說法,真是不知如何選擇！

作者: loy211 時間: 08-11-4 22:25

chengwaiking:
昨晚聽完講座,感受到校長與一班同工的同心,我去時踫巧學生放學,個個滿面笑容,據我了解,在啟基讀書的小朋友會很開心.
要愉快學習,那上中學又如何呢?他可以跟得上嗎?能否入讀較好的中學?我思前想後,內心充滿矛盾.最慘的是我老公一句:現在開心6年,將來點算?他自小在Band One1 中小學就讀,覺得谷成績是順理成章.我又有些矛盾,萬一大抽獎失敗,叩門失敗,而啟基又收仔仔的話,我應該點做?????
我知我想得太多......

作者: wksin 時間: 08-11-4 22:35

loy211,

你有這些顧慮, 是很正常的, 比我如果心大心細, 而你個小朋友又考到一些BAND 1 小學的話, 那麼你可以試下讀先, 比個機會小朋友, 可能佢可以受到谷呢, 之後讀唔黎至轉, 起碼叫做試過先啦。其實係幼稚園階段, 我地都未必知道佢地既能力, 上到小學先可以睇清楚。

[ 本帖最後由 wksin 於 08-11-4 22:37 編輯 ]

作者: ACCC 時間: 08-11-4 23:16

loy211,
我都覺得如果你的小朋友是入到Band1,就不妨試試,不過要及早觀察他是否適合,因為太高年級轉校便困難多了,好像我的兒子現在小四才覺得他不太適合傳统教學,想為他轉校便很多方面要考慮了。如果你的小朋友萬一派得唔好,叩門失敗,啓基又收的話,咪叠埋心水讀啓基囉,始終這間都是一間好學校,能着重品德、自信的學校,也不易找,對嗎？不要太憂慮了,做父母的只可做咁多,結果便交給上天吧！(如果是基督徒,便交給主耶穌啦！)

作者: ACCC 時間: 08-11-6 23:36

bblaw,
請問你可否幫忙問下你的朋友,啓基的升中派位如何呢？(e.g.？%入英中)如果四年級才轉到啓基,是否有足夠時間訓練他的自信心呢？(小朋友本身是害羞和怕困難的)如果你能幫忙,真是萬分感謝！

作者: loy211 時間: 08-11-7 09:15

崇小已收我的仔仔,我的感覺是崇小的課程是"谷"成績,是否愉快學習就不得而知,反而啟基是愉快學習,但又擔心升中,心情很是矛盾.我明白針沒有兩頭利.不過如果啟基與崇小,各位媽咪/爸爸可否給我一些意見,你會點揀?

作者: NewSnoopy 時間: 08-11-7 15:18

想問問大家，啟基是否必收啟思幼稚園的學生呢?

作者: loy211 時間: 08-11-7 16:22

應該說它會優先考慮啟思小學的學生.

作者: ACCC 時間: 08-11-12 18:04

bblaw,
請問你可否幫忙問下你的朋友,啓基的升中派位如何呢？(e.g.？%入英中)如果四年級才轉到啓基,是否有足夠時間訓練他的自信心呢？(小朋友本身是害羞和怕困難的)如果你能幫忙,真是萬分感謝！

作者: BBTWIN 時間: 08-11-13 15:43

我有少少資料，有次我地屋企gathering．我同大嫂講開啟基，我話啟基學費好貴．跟住我大嫂就話亞仔某個幼稚園同學(啟思幼稚園),　佢小學o係啟基讀．而家同個仔同校（英華書院）．佢同學仔成績好勁．佢話估唔到啟基出黎o既小朋友成績o甘勁．如果唔係學費貴，佢當年都會比個仔去啟基讀．

作者: BBTWIN 時間: 08-11-13 15:46

講漏o左．我侄仔同佢個啟基同學仔都係考入去英華書院，而家都係讀中二．

作者: ACCC 時間: 08-11-13 20:30

ＢＢＴＷＩＮ,
多謝你的資料！

作者: loy211 時間: 08-11-13 23:22

作者: BBTWIN 時間: 08-11-14 11:58

原帖由 chengwaiking 於 08-11-13 20:30 發表
ＢＢＴＷＩＮ,
多謝你的資料！

唔駛客氣，我都係講返我知o既資料o者.　呢個係搜集資料o既平台，互相幫忙o者．

作者: loy211 時間: 08-11-14 13:38

我都好喜歡啟基,不過學費是一個考慮

作者: ACCC 時間: 08-11-14 14:56

loy211,
如果單單不考慮學費,你是否便會選啓基呢？(但仍有其他因素包括在內,例：升中派位)

作者: BOBO1229 時間: 08-11-14 15:07

My son had interview on 03Nov08 and wait the result now!!!!!

作者: ACCC 時間: 08-11-14 16:00

BOBO1229,
有冇話幾時知result呀？你喜歡這學校嗎？為甚麽？

作者: BOBO1229 時間: 08-11-14 16:04

I like 愉快學習 !

作者: loy211 時間: 08-11-14 18:24

我都會考慮升中,不過我知愉快學習.

作者: ACCC 時間: 08-11-19 21:16

wksin,
我終於交了form替我大囝轉去啓基了。但她說暫時未有位,要等通知。唔知你那時要等幾耐呢？

作者: NewSnoopy 時間: 08-11-20 12:25

啟基競爭激烈嗎? 每年大約有多少人報名，最後錄取多少呢? 請指教。

作者: loy211 時間: 08-11-20 19:36

不知道有多少人競爭,學校整體給我的印象很好,每次致電查詢也很有禮貌,那天面試見小朋友/學生亦精神奕奕,老師和校長一條心,辦好教育,而小朋友亦會開心,這是我的小小印象.

作者: vickichan 時間: 08-11-20 23:31

基啟家長,

想問下呢間學校係咪用英普教學呢?

作者: loy211 時間: 08-11-21 09:31

不,這所學校用中文教學,至於英文課則用全英語,校長講明要訓練思維,最適宜用中文,即我們的母語,另外它不是用普通話教中文(反其道而行),不過我認同此點,學好普通話不一定要用普通話教中文,況且大學研究此教學方法都用了足足10年時間,成效仍是疑問,我不明白為什麼間間小學都轉用普通話.

作者: wksin 時間: 08-11-21 23:42

原帖由 chengwaiking 於 08-11-19 21:16 發表
wksin,
我終於交了form替我大囝轉去啓基了。但她說暫時未有位,要等通知。唔知你那時要等幾耐呢？

我大仔係即考即入的, 因個陣時已經學期尾, 大概暑假, 我同佢試下考, 9月就入讀了。

作者: vickichan 時間: 08-11-22 10:00

我想問下大家意見

如果陳瑞祺(喇沙)小學收左, 佢有band1英中backup, 咁你會讀陳瑞祺定啟基學校

作者: ACCC 時間: 08-11-22 11:04

wksin,
唔該晒！

作者: minghei_mama 時間: 08-11-22 11:59

i prefer 陳瑞祺(喇沙)小學 law.....

原帖由 vickichan 於 08-11-22 10:00 發表
我想問下大家意見

如果陳瑞祺(喇沙)小學收左, 佢有band1英中backup, 咁你會讀陳瑞祺定啟基學校

歡迎光臨教育王國 (/)