教育王國

標題: 未夠1個月就要面試la, 亞仔乜都唔識, 點算好 [打印本頁]

作者: 常歡笑 時間: 08-10-5 14:38 標題: 未夠1個月就要面試la, 亞仔乜都唔識, 點算好

唔肯講自己叫乜名/ 唔識顏色/幾多歲, 叫佢砌lego就拋來拋去, 發晒脾氣, 叫佢東佢就去西, 坐唔定, 周圍跳, 我真擔心佢考幼稚園, 間問都唔收. 真的好擔心, 攪到我好心煩兼失眠.

作者: Peninsula 時間: 08-10-5 14:55

你仔仔幾大?我個仔係9月頭出世,啱啱兩歲...我都有擔心佢K1面試,因為佢比較慢熱同怕醜...唔知到時會點...

作者: 常歡笑 時間: 08-10-5 15:02 標題: 回覆 # 的文章

28個月

作者: Sindy 時間: 08-10-6 03:14

原帖由 常歡笑 於 08-10-5 14:38 發表

唔肯講自己叫乜名/ 唔識顏色/幾多歲, 叫佢砌lego就拋來拋去, 發晒脾氣, 叫佢東佢就去西, 坐唔定, 周圍跳, 我真擔心佢考幼稚園, 間問都唔收. 真的好擔心, 攪到我好心煩兼失眠. ...

駛乜擔心.......我阿仔當年咪又係唔答野........一樣spk收左佢,阿媽撘夠啦

作者: Radiomama 時間: 08-10-6 11:37

您小朋友28個月大，情緒不太穩定，您擔心的不應只是報幼稚園問題，專注力、與人應對、表達自己是孩子要學習的，多些關注這幾方面的全面發展比入學面試重要。
有參與playgroup嗎? 可與協康會、基督教家庭服務中心等聯絡。

原帖由 常歡笑 於 08-10-5 14:38 發表

唔肯講自己叫乜名/ 唔識顏色/幾多歲, 叫佢砌lego就拋來拋去, 發晒脾氣, 叫佢東佢就去西, 坐唔定, 周圍跳, 我真擔心佢考幼稚園, 間問都唔收. 真的好擔心, 攪到我好心煩兼失眠. ...

作者: Piglet小豬 時間: 08-10-6 17:30 標題: 未夠1個月就要面試la, 亞仔乜都唔識, 點算好

唔駛咁擔心,小朋友相差1-2個月的發展真係好大分別架,好似我個女咁,兩歲仲未識點講野又怕羞,但而家兩歲三個月,已識得用句子對答,怕羞的情況已經好左好多,比多D信心你個小朋友,佢會感受得到你的支持架!

作者: 常歡笑 時間: 08-10-6 22:01 標題: 回覆 # 的文章

Radiomama :一來我驚沒有幼稚園收佢, 二來都是你所提及, 專注力、與人應對、表達自己, 我真擔心佢是學習媛慢及過度活躍症咋.

我已經有報協康會個babyland比佢. 但佢周圍走, 唔驚老師添.

歡迎光臨教育王國 (/)