教育王國

標題: 培正小學泊車! [打印本頁]

作者: clarentrendy 時間: 08-9-30 15:37 標題: 培正小學泊車!

有無媽咪知道學校附近邊到可以停到車耐D(10分鐘左右)? 或者一定有位既泊車地方

作者: 彥彥媽咪 時間: 08-10-1 07:16

clarentrendy:

有無媽咪知道學校附近邊到可以停到車耐D(10分鐘左右)? 或者一定有位既泊車地方 ?
==> 99% 想送小朋友番學既家長都會將架車泊響何文田街 (即係百佳個樹), 個條街有咪錶位, 不過, 因為就係人人都係想泊個樹送仔番學, 所以響番放學時間都唔多見有位, 一係就要泊到好入行番出黎 (近何文田山道個樹), 咁就都幾遠了

另就可以考慮去泊響百佳上面曾榕大廈個時租停車場, 曾榕隔離文園都仲有另一個時租停車場, 但就一般規矩, 最低消費 1 小時.

既然泊得曾榕, 又想唔浪費左 1 hr parking fee, 可以考慮去埋個百佳買野返屋企, 因為若響個間百佳消費滿 $100 就可以半價泊曾榕 4 hrs.

再唔係...培正對面既勝利道, 太平道都係有好多咪錶位, 但去培正距離會比何文田街遠d, 亦一樣繁忙, 唔包有位的.

一係就唔理三七廿一響正培幼個建築地盤樹停, 即送即走, 不過就係因為好多家長係咁做, 搞到條 waterloo road 轉彎位好鬼塞車, 巴士都埋唔到站, 又真係幾鬼討厭的, 所以番放學時間差人都黎多左, 但若有人帶仔落車既, 咁真係最方便, 即停即落即走都 OK 既.

想"一定有位" 既, 一係就響窩山租個月租車位啦, 最低 $800 都有交易的, 但當然有冇用就視乎你想唔想咁做了. 再唔係, 你有 friend 住附近既, 佢有車位又唔用既就可以俾你泊啦.

[ 本帖最後由彥彥媽咪於 08-10-1 07:18 編輯 ]

作者: clarentrendy 時間: 08-10-1 20:55

咁何文田街就唔使指意啦, 窩打老道山係唔係咪錶? 窩山同曾榕係唔係一定有位先? 月租又唔多化算, 主要都係返學時間確定泊車位置, 放學就可以慢慢等咪錶個D.

作者: nicki 時間: 08-10-1 21:34

提示: 作者被禁止或刪除內容自動屏蔽

作者: 彥彥媽咪 時間: 08-10-1 22:38

clarentrendy:

咁何文田街就唔使指意啦, 窩打老道山係唔係咪錶?
==>兩樣都有.

窩山同曾榕係唔係一定有位先? 月租又唔多化算, 主要都係返學時間確定泊車位置, 放學就可以慢慢等咪錶個D....
==> 既然你有車, 建議你不如 pay a visit around here and take a look la... 雖然我住響呢頭都好一段日子, 不過我諗你自己親自體驗應會好過我答你既

作者: clarentrendy 時間: 08-10-2 12:19

我個小朋友就係P.1, 平時行路都會PK既, 點放心佢一落即走呀? 所以好頭痛一定要捻掂泊車問題先至得, 如果佢有P.4,P.5 咁大個就易搞好多囉!!!

原帖由 nicki 於 08-10-1 21:34 發表

我見親d揸車d家長都係o係大門口停低5秒鐘, 推個仔女落車, 就要開走...
如果唔係就真係要泊o係百佳度, 再行一條街左右的路程..如果小朋友係p1你就要諗下辦法.... ...

作者: YuYung 時間: 08-10-2 23:12

我試過車一次囝番學, 佢自己跳車入學校, 當時都幾唔放心架, 因為在培正道等小朋友落校車, 我已經問左阿囝, 自己識唔識上去, 佢話識, 立即 ready 好, 等我發號佢就跳車, 仲幫我關上車門, 阿囝真係大個左囉, 上左小一果然唔同左, 要比多d信心佢架

原帖由 clarentrendy 於 08-10-2 12:19 發表
我個小朋友就係P.1, 平時行路都會PK既, 點放心佢一落即走呀? 所以好頭痛一定要捻掂泊車問題先至得, 如果佢有P.4,P.5 咁大個就易搞好多囉!!!mouth:" />

作者: yesok123 時間: 08-12-21 00:18 標題: 不错

提示: 作者被禁止或刪除內容自動屏蔽

歡迎光臨教育王國 (/)