教育王國

標題: 亞囡突然唔肯返學呀 [打印本頁]

作者: chanwendy 時間: 08-9-30 10:46 標題: 亞囡突然唔肯返學呀

返咗
接近兩個月學, 亞囡都好開心, 除咗因為小小唔舒服而上堂喊過之外, 都冇咩喊過. 但唔知點解, 尋日朝瞓醒叫佢換校服, 佢就喊喇, 雖然之前佢都試過話要去婆婆度, 但係經我同佢講話放學先去婆婆度, 佢都冇事. 但係尋日朝係喊呀, 仲喊得好慘呀, 話唔著校服, 好辛苦同佢著上身, 佢係咁扯話除咗去. 等校車時又喊, 到校車到時都仲係喊住上車, 之前佢係可以一坐低就識同我 bye bye. 今朝仲勁呀, 喊不得止, 到校車到時佢唔肯揹書包, 係咁捉住我唔比我行去校車度. 但我問保姆, 佢又話尋日一坐低唔一陣就冇喊喇喎. 但係今日佢係唔肯同一齊等車姐姐玩添喎. 到底係咩問題呢, 會唔會係因為搞完生日會唔洗著校服, 所以之後就唔肯著校服? 但係佢又連校車都唔肯上喎. 問佢係咪學校比同學仔蝦, 佢又唔識答我. 咁到底點解呢.

作者: fanny豬豬 時間: 08-9-30 16:10

我個囡8月開始返學, 返左兩個星期左右, 有一晚喊住同足住我c6隻手(真係好慘果個樣)呀囡同爸爸講: 爸爸我唔想返學呀, 真係唔想。果晚, 我同佢傾計, 問佢點解, 佢又唔識答, 咁我問佢係咪老師/校車ee罵你? 係咪有小朋友蝦你? 係咪有小朋友推你? 佢話係, 咁我就教佢點處理。之後佢好開心啦, 無話唔返學。有時可能一少少唔鍾意, 可能佢唔鍾意同等校車的姐姐玩? 可能佢地蝦你囡囡? 又可以攞左玩具返學校, 學校未還返比佢, 佢唔開心? 樣樣都有可能? 你要細心想下啦

作者: chanwendy 時間: 08-9-30 17:44

我打去學校問老師, 老師話佢呢幾日有時返入課室都會眼濕濕, 不過好快就冇事. 但係尋日就喊得勁啲, 老師話反而今日好啲喎, 好快收聲, 老師上堂叫佢做動作, 都跟住做, 完全冇問題. 反而尋日入課室就喊, 老師問佢做咩事, 佢話要搵媽咪, 掛住媽咪, 但老師問佢掛唔掛住老師, 佢又話掛住. 可能佢唔識講, 問佢咩都話係, 係咪比同學仔蝦, 係咪比老師鬧, 佢全部都話係. 老師話會幫我留意多啲, 再同我傾囉. 希望放一日假返去會好啲啦.

作者: carmen412 時間: 08-9-30 17:55

真係啱... 琴日我工人接亞女放學後打比我, 話亞女好似喊過咁, 仲要係喊到對眼紅晒, 於是我打返學校問老師, 佢話上堂無喊過, 只係返入課室果時對眼好似有少少紅, 佢話可能响校車喊... 之後我就打比校車叔叔問, 佢又話我個女無喊過喎... 咁我放工返到屋企, 亞女又好似無乜嘢, 不過今朝唔比我出門口..., 之前已經習慣咗同我say bye.., 唔知點解今日我出門口佢又喊, 話要去market...

原帖由 chanwendy 於 08-9-30 17:44 發表
我打去學校問老師, 老師話佢呢幾日有時返入課室都會眼濕濕, 不過好快就冇事. 但係尋日就喊得勁啲, 老師話反而今日好啲喎, 好快收聲, 老師上堂叫佢做動作, 都跟住做, 完全冇問題. 反而尋日入課室就喊, 老師問佢做咩 ...

作者: chanwendy 時間: 08-10-1 15:39

原帖由 carmen412 於 08-9-30 17:55 發表
真係啱... 琴日我工人接亞女放學後打比我, 話亞女好似喊過咁, 仲要係喊到對眼紅晒, 於是我打返學校問老師, 佢話上堂無喊過, 只係返入課室果時對眼好似有少少紅, 佢話可能响校車喊... 之後我就打比校車叔叔問, 佢又 ...

我尋日朝送上車時問保姆佢星期一返到學校後喊完未, 佢又氹我話上車一陣都收聲喇. 點知尋日問 miss lim, 佢話亞囡星期一返到學校入課室都仲係喊緊架, 反而尋日好啲, 只係眼濕濕啫. 我諗聽日返學佢都會喊架喇, 所以真係好難搞, 都諗唔明點解會咁, 老師又話佢上堂好正常, 不過一知道保姆嚟, 就即刻推 chair 拎書包, 好想快啲走囉. 老師又話冇同學蝦佢. 我係擔心有同學仔同佢爭玩具, 佢雖然係比人玩, 但係心裡唔開心又冇即時表逹出嚟, 谷喺個心度咋. 尋日婆婆話佢全日都係諗諗吓又喊, 諗諗吓又喊, 全日都冇心機玩添呀, 一日喊咗六七次呀. 我怕佢谷壞咋.

作者: carmen412 時間: 08-10-2 09:27

吓..., 佢咁喊就要注意下喇... 要揾出原因... 但係如果只係果兩日, 咁可能係心情唔好, 小朋友間中都會有, 唔駛太擔心... 我個女都會...

原帖由 chanwendy 於 08-10-1 15:39 發表

我尋日朝送上車時問保姆佢星期一返到學校後喊完未, 佢又氹我話上車一陣都收聲喇. 點知尋日問 miss lim, 佢話亞囡星期一返到學校入課室都仲係喊緊架, 反而尋日好啲, 只係眼濕濕啫. 我諗聽日返學佢都會喊架喇, 所以 ...

作者: chanwendy 時間: 08-10-2 11:16

原帖由 carmen412 於 08-10-2 09:27 發表
吓..., 佢咁喊就要注意下喇... 要揾出原因... 但係如果只係果兩日, 咁可能係心情唔好, 小朋友間中都會有, 唔駛太擔心... 我個女都會...

婆婆尋日朝用啲好迷信的辺法, 摘咗啲唔知咩植物, 開水同佢洗面洗水洗腳. 又好似好啲, 至少尋晚同佢講今日要返學, 佢都好似冇咁抗拒, 佢仲自己玩夾玩脹筋, 仲自己揀咗一條話今朝紮辮返學. 到今朝佢都係話要去婆婆度, 又唔係好肯著校服, 但都氹到佢, 一直到出門口都冇喊呀. 係到樓下見到另外兩個姐姐, 可能佢又即刻諗到係要返學啦, 就開始扁咀, 之後校車到到開始有幾滴眼淚, 不過都仲肯揹書包, 我見佢一坐低都冇喊, 只係眼濕濕, 明顯比前幾日好好多呀. 婆婆話擔心佢生日會唔知食咗啲咩, 或者掂到啲咩 (都係啲迷信嘢).

作者: carmen412 時間: 08-10-2 11:44

有時真係唔到你唔信架... 最緊要安心啫... 無事就好lu...^^

原帖由 chanwendy 於 08-10-2 11:16 發表

婆婆尋日朝用啲好迷信的辺法, 摘咗啲唔知咩植物, 開水同佢洗面洗水洗腳. 又好似好啲, 至少尋晚同佢講今日要返學, 佢都好似冇咁抗拒, 佢仲自己玩夾玩脹筋, 仲自己揀咗一條話今朝紮辮返學. 到今朝佢都係話要去婆婆 ...

作者: LHK820 時間: 09-5-4 11:37

你地d小朋友讀幾年班呀?

歡迎光臨教育王國 (/)