教育王國

標題: 如何教孩子背英文字 (默書用)? [打印本頁]

作者: macarion 時間: 08-9-24 23:37 標題: 如何教孩子背英文字 (默書用)?

請問如何教孩子背英文字 / 句子 / 文章 (默書用)?
謝謝!

作者: 燊哥仔 時間: 08-9-25 17:28

通常我會叫佢寫生子, 仲要讀串出來, 每字寫5個
例: 每次寫、讀 water ５次
(一路寫一路串字, 然後再讀water)
如果練習默書錯了, 一樣再嚟, 不過 10 次 (等佢知驚)

佢而家升小二....(^O^)

原帖由 macarion 於 08-9-24 23:37 發表
請問如何教孩子背英文字 / 句子 / 文章 (默書用)?
謝謝!

作者: siti 時間: 08-9-27 10:11

我就會教小朋友拆開d生字黎串, 就算比較長d既生字, 都好容易就記到

作者: grace_xian 時間: 08-9-27 10:19

我都會咁樣做, 但佢明顯好抗拒, 因為平時做完功課就到訓覺時間, 有一次讓佢咁樣做, 效果仲差, 第日爭啲起唔到身添~
我都想知道各位媽媽有無乜好建議給我, 因為我囝背完之後過二日又忘記了, 現時我就整咗啲卡片, 讓佢有時出去玩都比佢望一望, 但效果就麻麻

原帖由 燊哥仔 於 08-9-25 17:28 發表
通常我會叫佢寫生子, 仲要讀串出來, 每字寫5個
例: 每次寫、讀 water ５次
(一路寫一路串字, 然後再讀water)
如果練習默書錯了, 一樣再嚟, 不過 10 次 (等佢知驚)
佢而家升小二....(^O^)

...

作者: grace_xian 時間: 08-9-27 10:20

siti:

點樣拆分開, 可否舉例說明? 謝謝~

原帖由 siti 於 08-9-27 10:11 發表
我就會教小朋友拆開d生字黎串, 就算比較長d既生字, 都好容易就記到

作者: jenny2008 時間: 08-9-27 11:51

提示: 作者被禁止或刪除內容自動屏蔽

作者: grace_xian 時間: 08-9-27 12:07

jenny:

phonics有無幫肋? 可否分享下知道拼音後點記憶?
謝謝~

原帖由 jenny2008 於 08-9-27 11:51 發表

如果识英文拼音就容易记啦

作者: yuenwa 時間: 08-9-27 21:18

我覺得phonics好有幫助.  我亞囡學校K2時已教phonics, 但就冇教aeiou為響音, 點樣運用. 咁我就自己教佢.

我亞囡遇到唔識讀的字, 我會叫佢先找出響音.  如cloudy, 先找出ou的發音, 然後就拼埋之前的一個字母, 即lou, 可以發lou這個音後, 又加一個前面的字母, 即clou, 可以發clou後, 就加後面的字母, 即cloud, 再加埋最後cloudy.

小朋友學識以上運用後, 要背串英文字時, 我都會運用以上方法, 教佢先想想英文字的發音, 包含了那些字母或響音.

如今朝我和她串 Today, 我就問她to好似有乜音, 她想到好像T 的ta 音, 她便估到 today的第一個字母是T.  如此類推, 小朋友多練習, 便不覺背串英文字好悶, 亦會大膽嘗試串不懂的字.

作者: 瑩瑩老豆 時間: 08-9-27 22:17

咁樣效果麻麻好正常, 玩緊望一望都唔係專心那會記得.

原帖由 grace_xian 於 08-9-27 10:19 發表
現時我就整咗啲卡片, 讓佢有時出去玩都比佢望一望, 但效果就麻麻

作者: grace_xian 時間: 08-9-29 09:46

yuenwa:

多謝分享, 你講既方法都係要有一定的基礎, 最少佢識發出ou的音~

但當一個小朋友唔懂發呢個音, 咁就會全無興趣, 去揾出另外几個字母的音了

原帖由 yuenwa 於 08-9-27 21:18 發表
我覺得phonics好有幫助. 我亞囡學校K2時已教phonics, 但就冇教aeiou為響音, 點樣運用. 咁我就自己教佢.

我亞囡遇到唔識讀的字, 我會叫佢先找出響音. 如cloudy, 先找出ou的發音, 然後就拼埋之前的一個字母, 即lou, ...

作者: grace_xian 時間: 08-9-29 09:50

瑩瑩老豆:

呢種方法係唔好, 有無好的方法分享呢?
點解英文老師唔可以一個單字咁解釋一下比小一的小朋友呢, 用句子去讀, 我小朋友會讀, 會背添, 但係你讓佢睇同認, 佢唔識既, 在測驗及考試時, 就會食雞蛋囉, 我真係疑惑不解,

仲有無其他爸爸媽媽可否教下我??thx~

原帖由 瑩瑩老豆 於 08-9-27 22:17 發表
咁樣效果麻麻好正常, 玩緊望一望都唔係專心那會記得.

作者: ~仔仔媽咪~ 時間: 08-9-29 10:02

我本身都識國際音標既,都係細個讀小學時,有年我補習老師迫我學既,學係幾辛苦,但學完真係容易D記生字囉~~~依家我都教緊我仔國際音標,等佢易記D字,不過佢都未係好明...

我仔有學障架,今年我同學校傾好咗,我只集中教佢英文,其他科真係由佢自生自滅,我同學校都唔迫佢其他科囉,依家我教佢學生字,我係會先教咗佢成課先,每日都同佢溫書,基本上每日溫五隻生字或者兩句英文句子,已經足夠.佢日日都係睇嗰堆英文生字,自然會有印象囉.

我都係先教佢D英文生字點讀點解,然後都要求佢做抄寫,要佢一邊讀一邊串,每讀&寫完一個生字都要佢自己講埋個中文解釋(咁我都寫埋落去我為佢預備既worksheet度),每隻字至少抄十五至廿次,下次再抄同一隻字我會減少至每隻字抄五次囉!都係要抄架喇,唔親自落手寫,無好易記到隻字囉.

造字卡呢味野我都試過,答案係唔WORK架!我仔咁怕我嬲都睬我都有味...唔鬼成日拎出黎溫架!

至於溫習時間,你試下唔好將溫默書嗰part安排去做完功課或臨訓前囉!呢D時間最唔啱溫書架!個小朋友都攰啦,仲邊有精神溫書,寧願編排响佢放學後四五點鐘既時候,溫咗先至做功課,再唔係怕溫習時間太長既,你咪分開兩part黎溫囉...做功課前溫半小時至一個鐘,臨訓又要佢溫十五分鐘溫故知新,咁樣我諗小朋友會適應到既...(我仔星期一至五都唔可以睇電視,所以四五點呢D放學時間佢可以溫書囉...我唔俾佢睇卡通片架.)

試下先,我都仲係响試驗階段,聽日我仔都默英文,未知效果如何....不過至少呢幾個月我咁教佢終於學到英文,至少响屋企考佢仲記得咁啦...學校默書時佢會緊張或者遊魂,所以我都唔知會唔會前功盡廢架.

作者: grace_xian 時間: 08-9-29 10:21

仔仔媽咪:

我真係好多謝你呀, 有二樣嘢我同你一樣, 一係我細個時都係讀國際音標, 但年代久遠, 有啲我自己都忘了, 二係我囝週一至週五到唔可以睇電視既, 佢已經習慣咗了, 所以我覺得我同你一定好傾得埋啫

整英文卡片有時我會同佢玩斗快遊戲, 一人分一半卡片, 佢出一張, 我出一張, 看誰認得啲字同讀得快, 卡片就歸誰, 最後誰攞到最多, 誰就勝, 要求對方做一件事, 不得拒絕, 呢樣囝都中意玩既,

見你都要同囝溫單字, 我都會試下, 再次多謝分享~

原帖由 ~仔仔媽咪~ 於 08-9-29 10:02 發表
我本身都識國際音標既,都係細個讀小學時,有年我補習老師迫我學既,學係幾辛苦,但學完真係容易D記生字囉~~~依家我都教緊我仔國際音標,等佢易記D字,不過佢都未係好明...

我仔有學障架,今年我同學校傾好咗,我只集中 ...

作者: routingswitch 時間: 08-9-29 15:02

I don't know phonic
But it helps to break a word down e.g.
Today = To + day
or remind my son that
Cloudy = C + loud + y
This way he learns a word loud also
or
Police likes Ice as there is a "ice" in police

Any way that relate the words to something, usually helps, and can connect words together:
Here
There
Where

I also use this:
http://www.merriam-webster.com/dictionary/substitute

Not only it has real people to say the word out but also
Main Entry:1sub·sti·tute
Helps you to break the word down

But the KEY is to use the word and use them everyday, you know them by heart for sure!

Hope this helps.

For short term, I ask my son to remember a word cover it and write one beside it, until he got it 5 times correct in a row, the key is to find a way you kids can learn by themselves.

作者: 媽咪 時間: 08-9-29 15:15

try to attend the lesson www.greenfieldhk.com

致親愛的會員 :

「幫助小學生中英文默書的方法」教育講座

今年五月無線電視星期二檔案播放了「默書起革命」後，本中心得到不少回響：中文默書可以是一件孩子喜歡、妤玩的事，英文默書淺入深出原來是可以的，其效果更可延展至上英中中一的聽默（unseen dictation）時，孩子也可以應付自如。

我們特意在學期初，邀請到「默書起革命」的兩位受訪者—香港大學教育學院副院長謝錫金教授和青田教育基金會教學顧問韋惠英女士，與家長及教師分享透過運用適當的默書策略來幫助兒童克服默書的困難。

講題 : 幫助小學生中英文默書的方法

講者講者 : 謝錫金教授(香港大學教育學院副院長)

韋惠英女士(青田教育基金會教學顧問)

日期 :
10月11日(星期六)

時間 :
3:30pm-5:30pm

地點 : 灣仔駱克道3號小童群益會禮堂

(灣仔港鐵站C駱克道出口左轉步行5 分鐘)

費用: 四十元 (每券一人)

主辦: 青田教育中心

今誠意邀請您蒞臨參與上述講座。請填妥下面表格，連同劃線支票 (抬頭寫「青田教育中心」)及回郵信封，寄九龍長沙灣道910號安泰大廈401室，本中心將門券寄上。如有任何垂詢，請賜電 2304 0355，電話接通後直撥內線103黃小姐。

作者: grace_xian 時間: 08-9-29 15:35

routingswitch:

thank you for sharing~
i will try these for my son, hope he likes to read more and write more untill remember english words~

原帖由 routingswitch 於 08-9-29 15:02 發表
I don't know phonic
But it helps to break a word down e.g.
Today = To + day
or remind my son that
Cloudy = C + loud + y
This way he learns a word loud also
or
Police likes Ice as there is a "ice" in ...

作者: routingswitch 時間: 08-9-29 16:19

No thanks la!

I used this since he was very small and he never seems to have problem with dictation.  Always 1xx marks, with bonus.

But those are short term memory only, if he don't use the words, he forgets, so need to use them with him more often to change the words into his long term memory.

As for unseen dictation, I always ask him not to just listen to what teacher said but understand what the teacher is saying.  That way he won't have problem with things like "Their", "There" or "They're".

Phonics help too, as he learns phonics from K-2 but, you know, not all words follow the rule of phonics anyway.
=.="

作者: routingswitch 時間: 08-9-29 16:20 標題: 回覆 # 的文章

Thanks 媽咪,

Interesting talk!

作者: grace_xian 時間: 08-9-29 16:40

thx so much~
i will go~

原帖由媽咪於 08-9-29 15:15 發表
try to attend the lesson www.greenfieldhk.com

致親愛的會員 :

「幫助小學生中英文默書的方法」教育講座

今年五月無線電視星期二檔案播放了「默書起革命」後，本中心得到不少回響：中文默書可以是一件孩子喜歡 ...

作者: ~仔仔媽咪~ 時間: 08-9-29 17:54

係喎~~~大家D野好多都一樣添~~~nice to meet you~~我都相信我地會好啱傾~~不過我真係好少入黎教育王國呢樹傾架~~始終我仔有特殊問題,有好多野我都係靠自己去度橋諗計仔去教個仔多...英文呢家野我都係啱啱個暑假至教曉我仔點去學同串英文生字咋...暫時都OK既...唔知聽日我仔英默正式上戰場時會唔會失準呢...怕佢緊張過頭會腦一片空白嘛...

原帖由 grace_xian 於 08-9-29 10:21 發表
仔仔媽咪:

我真係好多謝你呀, 有二樣嘢我同你一樣, 一係我細個時都係讀國際音標, 但年代久遠, 有啲我自己都忘了, 二係我囝週一至週五到唔可以睇電視既, 佢已經習慣咗了, 所以我覺得我同你一定好傾得埋啫

...

作者: grace_xian 時間: 08-9-30 11:17

仔仔媽咪:

有你咁用心教佢, 我諗點都有些效果啦,
就算佢上場失准, 都係緊張造成, 迟下多啲訓練佢, 累積經驗, 一定會睇到佢進步架

你仔仔有乜嘢特殊問題? 係咪專注力唔够果啲呀?

原帖由 ~仔仔媽咪~ 於 08-9-29 17:54 發表
係喎~~~大家D野好多都一樣添~~~nice to meet you~~我都相信我地會好啱傾~~不過我真係好少入黎教育王國呢樹傾架~~始終我仔有特殊問題,有好多野我都係靠自己去度橋諗計仔去教個仔多...英文呢家野我都係啱啱個 ...

作者: grace_xian 時間: 08-10-3 09:25

仲有無媽媽教小朋友的默書經驗分享下

作者: yylrso 時間: 08-10-3 10:25

多謝各位媽媽的分享
本人有兩個小朋友放學後就上補習班做功課, 大仔P.4一向都唔鍾意英文, 細女P.1中文同數學都無問題, 只係英文, 佢一默書我就好驚

要花好多時間同佢串字, 而不是一般的串字係要用講故事既形式. 每次默書都10句, 每一個英文字都要講故事佢先記得. 死記都記唔到. 到教試既時候我都唔知點算.

請問各位媽媽有無好方法指教一下.

作者: 阿西 時間: 08-10-3 12:56

原帖由 yuenwa 於 08-9-27 21:18 發表
如今朝我和她串 Today, 我就問她to好似有乜音, 她想到好像T 的ta 音, 她便估到 today的第一個字母是T. 如此類推, 小朋友多練習, 便不覺背串英文字好悶, 亦會大膽嘗試串不懂的字.

c火，可能我家人係拼音白痴，個to字點會associate到個ta音呢﹖我自己聯想唔到，我試過咁樣考個仔，佢一look木咁望住我。字母既phonics sound點讀我地識，但無聯想力呀

作者: pattyw 時間: 08-10-6 11:40

拆字背、一邊寫一邊抄等方法都試過
但效果都係一般，感覺係要小朋友有興趣先得，但大多數溫得個幾個字就心散

重要學校每星期默英、中2科
而ga已講緊今個月23/24號小測
實在太快，剛剛先適應p.1學習、上課既節奏

作者: Fion_Chan 時間: 08-10-6 14:05

我都係用拆字，但就唔係我拆，叫阿仔拆，用唔同顏色筆分開唔同既部份，有D似玩，佢都鍾意的。如果時間許可，可以比佢用唔同顏色字母貼紙添，一定鐘意，但搵字母花時間，要借D意霸佔佢遊戲時間才可以，一定唔可以默書前一晚咁做，個晚一定大家都心急。佢自己做的字卡會比較有感情，肯望下。
至於點拆，多數分音節拆，但就唔一定，有時幫個字形狀分高低(即 h, l, 同 a, e, 同 g, p 有唔同高低)都會。
但最緊要唔好心急，通常默書範圍一星期前就有，我第一天就試默，之後一堆唔識既字，就做字卡，每日溫兩三個，5日都溫到十幾個生字，最後一晚再抽默幾句phrase會輕鬆d。如果呢一晚重係有字唔識，我就唔強求了(細仔就係咁)。

作者: 香香 時間: 08-10-6 18:09

提示: 作者被禁止或刪除內容自動屏蔽

作者: grace_xian 時間: 08-10-6 20:11

fion-chan:

唔同顏色字母貼紙係哪裡買, 普通文具鋪有賣嗎?
呢個方法我諗小朋友唔會覺得悶, 咁就真的解決了他唔肯串字的問題
謝謝你~

原帖由 Fion_Chan 於 08-10-6 14:05 發表
我都係用拆字，但就唔係我拆，叫阿仔拆，用唔同顏色筆分開唔同既部份，有D似玩，佢都鍾意的。如果時間許可，可以比佢用唔同顏色字母貼紙添，一定鐘意，但搵字母花時間，要借D意霸佔佢遊戲時間才可以，一定唔可以默書前一晚咁做，個晚一定大 ...

作者: ~仔仔媽咪~ 時間: 08-10-7 12:39

我仔啱啱派番默書簿番黎,

終於有分睇喇!唔再係零蛋,都有三十分~!!!雖則都係唔合格,但至少我仔都終於行出第一步!有分仲要唔係個位數字已經算係咁!

我仔本身有自閉傾向+過度活躍專注力不足+學習障礙+動作協調障礙.依家好D喇,食住葯咁番學至少都定D,今年D老師都讚佢讚多咗,都話佢進步咗,至少有時上堂都唔駛幫佢,佢自己都會自動自覺咁拎書出黎,而唔係全程發夢.

原帖由 grace_xian 於 08-9-30 11:17 發表
仔仔媽咪:

有你咁用心教佢, 我諗點都有些效果啦,
就算佢上場失准, 都係緊張造成, 迟下多啲訓練佢, 累積經驗, 一定會睇到佢進步架

你仔仔有乜嘢特殊問題? 係咪專注力唔够果啲呀?
...

作者: joey仔媽媽 時間: 08-10-7 16:25

我曾經比仔跟外國人學拼音，除了可以學到拼音之餘，又可以聽多d英文，不過到一年班時，英文比較多又深，所以經常忘記，於是我又幫他報明愛的記憶專注力班，唔知是否適應了小學的課程一或真的有些幫助，因為到了下學期他的串字和記憶都明顯有進步

作者: irenec 時間: 08-10-7 17:05

我認為小朋友由細開始比佢認識併音, 對上左小學默書的而且確有好大幫助

作者: olkan 時間: 08-10-7 17:38

我之前聽過一個記憶講座, 講師教了一記憶法, 但我覺得只可給P1或P2的小朋友暫記.

方法是把字串幻化成故事, 有禁特別攪到禁古怪. 通常幼稚園時, 老師已教a for apple, b for boy......等

如: snack - 就會變成有1條蛇(s)個鼻哥(n)塞住個蘋果(a)見倒一隻(c)咬住條匙(k)

作者: grace_xian 時間: 08-10-7 18:03

仔仔媽咪:

恭喜你, 都算係邁出了第一步, 加油哇~
辛苦了, 重陽登高望遠可以輕鬆下自己同仔仔的情緒,
relax la !

原帖由 ~仔仔媽咪~ 於 08-10-7 12:39 發表
我仔啱啱派番默書簿番黎, 終於有分睇喇!唔再係零蛋,都有三十分~!!!雖則都係唔合格,但至少我仔都終於行出第一步!有分仲要唔係個位數字已經算係咁!

我仔本身有自閉傾向+過度活躍專注力不足+學習障礙+動作協 ...

作者: grace_xian 時間: 08-10-7 18:05

olkan:

呢個記憶課程比我覺得好似仲要記多啲嘢,
anyway, 小朋友一定要知道nose係鼻的第一個字母, 唉,
希望坊間會有好的既記憶課程比我哋父母參考下啦

原帖由 olkan 於 08-10-7 17:38 發表
我之前聽過一個記憶講座, 講師教了一記憶法, 但我覺得只可給P1或P2的小朋友暫記.

方法是把字串幻化成故事, 有禁特別攪到禁古怪. 通常幼稚園時, 老師已教a for apple, b for boy......等

如: snack - 就會變成有1條 ...

作者: grace_xian 時間: 08-10-7 18:07

joey仔媽媽:
可否講多啲呢個記憶專注力班係學啲乜呢?

多謝分享~

原帖由 joey仔媽媽 於 08-10-7 16:25 發表
我曾經比仔跟外國人學拼音，除了可以學到拼音之餘，又可以聽多d英文，不過到一年班時，英文比較多又深，所以經常忘記，於是我又幫他報明愛的記憶專注力班，唔知是否適應了小學的課程一或真的有些幫助，因為到了下學期他的串字和記憶 ...

作者: echan767 時間: 08-10-7 18:11

我覺得你可以用d有趣d嘅方法教孩子背英文字。

作者: ~仔仔媽咪~ 時間: 08-10-7 18:29

都係既~~至少見到我仔有進步,已經好開心~~~

原帖由 grace_xian 於 08-10-7 18:03 發表
仔仔媽咪:

恭喜你, 都算係邁出了第一步, 加油哇~
辛苦了, 重陽登高望遠可以輕鬆下自己同仔仔的情緒,
relax la !

作者: joeyjoeycc 時間: 08-10-8 00:36

我個仔串英文等於叫我去死 (唔係佢),
因為佢係星期二 dict,但我仔仔已經係小三9歲,但串20個英文都要串左5小時先識晒,但仲要係一定要睇住佢,因為有時我去左廁所 or 煮飯,佢就會開電視,響個廳到跳 (都唔知佢跳咩),又攞d玩具出黎玩,個心都唔知去左邊,叫佢幫手拎野,又話手痛,好累,我都懷疑佢好似(仔仔媽咪)個小朋友甘,我都想同佢去 check吓

作者: 香香 時間: 08-10-8 10:02

提示: 作者被禁止或刪除內容自動屏蔽

作者: Giant 時間: 08-10-8 13:41

阿仔小一, 講到默英文, 我就係

, 溫咗足足2日, 只得4個生字ok, 其餘4個要提吓佢至串到; 句子就更加唔駛講...
最慘係叫佢抄、讀了50次, 放下筆叫佢試吓默... 都係唔識;
試過利(有), 都冇符;
從日常生活中覺得佢記憶是冇問題的, 問題係佢根本唔肯去記, 都想搵d有趣味性的方法希望引起佢興趣。
已報了phonic班, 但因只上了第2堂, 唔知有冇幫助, 各位媽咪, 有方法可提供給我一試嗎？

[ 本帖最後由 Giant 於 08-10-8 15:05 編輯 ]

作者: 香香 時間: 08-10-8 15:24

提示: 作者被禁止或刪除內容自動屏蔽

作者: yylrso 時間: 08-10-8 17:45

係啦

,我都想知道如何可以好好地教他們(功課, 成績) 自己本身都唔係讀得書多又唔識d字. 點算好.

作者: 山SANDRA渣 時間: 08-10-9 10:56

原帖由 olkan 於 08-10-7 17:38 發表
我之前聽過一個記憶講座, 講師教了一記憶法, 但我覺得只可給P1或P2的小朋友暫記.

方法是把字串幻化成故事, 有禁特別攪到禁古怪. 通常幼稚園時, 老師已教a for apple, b for boy......等

如: snack - 就會變成有1條 ...

原則上,我都覺得呢個方法好有趣,同埋係某程度上會令到小朋友讀起默書上嚟會開心d.
不過如果將每個字都幻化成故事,其實真係會諗到技窮,可能下下要想幾分鐘先想到一個vocab.嘅故事

作者: easybring 時間: 08-10-10 11:03

故事方法唔長久...but 幾有趣.

原帖由 山SANDRA渣 於 08-10-9 10:56 發表

原則上,我都覺得呢個方法好有趣,同埋係某程度上會令到小朋友讀起默書上嚟會開心d.
不過如果將每個字都幻化成故事,其實真係會諗到技窮,可能下下要想幾分鐘先想到一個vocab.嘅故事 ...

作者: TinHay 時間: 08-10-12 17:13

Phonic is a good learning experiences and help alot with spelling. But at P1, there are not just English dictation but also Chinese dictation. I found it hard to learn the two languauges as they are so different to teach & learn.

作者: olkan 時間: 08-10-12 22:11

這種方法我是在公司舉辦一個講座聽回來的, 講者有四出到學校開talk show. 在講座上, 講者要同事們在兩三分鐘內記20個中文詞語的次序. 大家記到8個左右的位置. 但講者教大家聯想方法後.大家一分鐘後, 都能記倒所有的詞語及位置. 本來我都想給囝囝學, 但我負擔唔起學費. 所以放棄了.

原帖由 山SANDRA渣 於 08-10-9 10:56 發表

原則上,我都覺得呢個方法好有趣,同埋係某程度上會令到小朋友讀起默書上嚟會開心d.
不過如果將每個字都幻化成故事,其實真係會諗到技窮,可能下下要想幾分鐘先想到一個vocab.嘅故事 ...

作者: pangpuiyee 時間: 08-10-13 00:09

不如我們一齊將d英文字幻化成故事,每人做一d, 大家互用, 唔洗一個人諗晒禁多.

e.g. teacher.....老師教到好(支力), 飲1杯茶 (tea), 老師姓陳 (ch), d學生係BB, 佢地 ee rr 地叫.

我作左e個故事, 我個女就識串.
通常我地係一齊諗的, 當玩玩下.

我女的phonic係我買vcd返屋企我陪佢一齊睇一齊學, 因為出面的課程教得實在太慢, 每堂只教1-2個音. 我問過要學到多音多組合併要學2年以上. 佢而家k3, 如學2年已小2了, 小1點算

多謝大家聽我的分享.

作者: stccmc 時間: 08-10-13 01:37

提示: 作者被禁止或刪除內容自動屏蔽

作者: 香香 時間: 08-10-13 10:05

提示: 作者被禁止或刪除內容自動屏蔽

作者: grace_xian 時間: 08-10-13 10:12

最近聽了一個關於默書的講座

講了, 如果要炒字來增加記憶, 只炒六次好了, 炒太多對他來說係無用架

作者: sasami_i 時間: 08-10-13 15:31

我囡而家P.2，每馮默書(中and英)我都係同佢一齊溫，一齊記，我同佢默一次，佢同我默一次，佢會當左自己系老師，會比分數，所以佢會當我哋系一齊玩，唔會得佢一個去死記，佢幫我改默書時其實都係幫佢溫緊，我緊係當有D唔識啦，
佢知道個字係借，佢會寫番個正確嘅字出嚟，咁佢咪記得囉！

作者: grace_xian 時間: 08-10-13 19:56

原帖由 sasami_i 於 08-10-13 15:31 發表
我囡而家P.2，每馮默書(中and英)我都係同佢一齊溫，一齊記，我同佢默一次，佢同我默一次，佢會當左自己系老師，會比分數，所以佢會當我哋系一齊玩，唔會得佢一個去死記，佢幫我改默書時其實都係幫佢溫緊，我緊係當有D唔識啦，
佢知道個字係 ...

作者: pangpuiyee 時間: 08-10-13 23:51

首先, 我係全職媽媽, 我亦唔知市面有默書班這回事. 即使有人比錢我,我都唔會教人地的仔女默書.

我只係想大家提出一d方法, 等所有媽媽(包括我自己)可以受惠.

這個故事方法唔'arm'你用, 你可以唔用. 我都有比我女學phonic, 只不過我地唔係在市面的 phonic centre 學, 而係買vcd回家學. 我估你又會話我係賣vcd廣告, but sorry, 我無vcd賣比你, 不如你賣比我.

用作故事方法, 個故事當然不會完美的. 個小朋友覺得得意, 佢記得就得啦. 而且故事創作過程, 這能增進小朋友的思考力和創作力.

原帖由 stccmc 於 08-10-13 01:37 發表
//
如: snack - 就會變成有1條蛇(s)個鼻哥(n)塞住個蘋果(a)見倒一隻(c)咬住條匙(k)
//

//
e.g. teacher.....老師教到好(支力), 飲1杯茶 (tea), 老師姓陳 (ch), d學生係BB, 佢地 ee rr 地叫.
//

我覺得呢D方法好傻, ...

[ 本帖最後由 pangpuiyee 於 08-10-14 00:00 編輯 ]

作者: yylrso 時間: 08-10-14 11:50

原帖由 pangpuiyee 於 08-10-13 23:51 發表
首先, 我係全職媽媽, 我亦唔知市面有默書班這回事. 即使有人比錢我,我都唔會教人地的仔女默書.

我只係想大家提出一d方法, 等所有媽媽(包括我自己)可以受惠.

這個故事方法唔'arm'你用, 你可以唔用. 我都有比我女學p ...

同意, 無一個小朋友的吸收都唔同, 正如我一樣我有2個小朋友囝囝不用其他方法只要給他自己串字就會記得, 囡囡就不一樣了, 如果用哥哥的方法3天也不會一句句子. 但用了故事形式之後她不用30分鍾就學會了. 當她真正學會了就不用再記著那個故事都懂得了.
正如不是用一套的方式就可以行得通, 如果唔係芳間都唔會有咁多記憶班, 默書班, 講座等等啦!

作者: connieqwah 時間: 08-10-14 17:01

我都想同囡囡報phonics, any recommend centre near Tseung Kwan O

作者: 香香 時間: 08-10-14 18:14

提示: 作者被禁止或刪除內容自動屏蔽

作者: olkan 時間: 08-10-14 21:26

我唔係SALES, 我在公司(某政府部門)舉辦的講座聽返黎的, 我都知間記憶班公司開SHOW後, 希望有人報COURSE, 我都只係聽了他們介紹這方法好似 work才在這裡說說給大家聽. 我自己都覺得貴唔參加.

原帖由香香於 08-10-13 10:05 發表
係呀!! 小心做羊古!!

我早排見到有人post都係話聽完個course話報．幫個小朋友報．　可能當時報一個五六千．　跟住上完到一半又話仲有兩三個．　最後報埋．　但都唔多得．　

又叫家長做好都報埋．　因為可以教番小朋友．　所以唔知 ...

作者: stccmc 時間: 08-10-15 00:22

提示: 作者被禁止或刪除內容自動屏蔽

作者: 香香 時間: 08-10-15 11:54

提示: 作者被禁止或刪除內容自動屏蔽

作者: berryivyee 時間: 08-10-15 13:12

用故事雖然有趣，但唔及phonics或疑似phonics咁易記！
我又試下示範點串"little".
it前面加la,就是lit, litre, litter都係咁發音架！但l + ip,就係lip(做口形誇張舌頭的動作),
little個tle，好似to字，都係te te t, 例如bottle, cattle, kettle都係tle尾。
持之以恆，串長字尤其有幫助，如composition, 係come唔要e, po-sit-ion(有d phonics底，就知po點讀，sit多數都已識, ion同television個ion一樣)但提佢有d字係tion，有d是 sion，到時見字再記la.
日久，小朋友自己會運用phonics去串字、讀字，學少少phonics, 有左phonics的sense就得，唔洗學晒全套,我仔學到blend sound開頭乍，then我自己跟下眼，大致OK.

原帖由香香於 08-10-14 18:14 發表
好同意!!小朋友用故事可以創作！！

我先前一個人諗個故事好似覺得好有難度．　我昨晚即興就用左little呢個字作故仔．　

係同佢一齊諗！！　

(l)有隻獅子係度（i)食緊雪糕（tt)佢好得意帶住兩條tie（l)佢仲要食埋波板糖（e)同埋雞蛋添． ...

[ 本帖最後由 berryivyee 於 08-10-15 13:16 編輯 ]

作者: 香香 時間: 08-10-16 09:48

提示: 作者被禁止或刪除內容自動屏蔽

歡迎光臨教育王國 (/)