教育王國

標題: 可否比D意見 [打印本頁]

作者: LingLongMami 時間: 08-9-15 00:53 標題: 可否比D意見

囡囡出年升小一, 哥哥間學校普通,妹妹為人比較好動,讀書比較主動, 同哥哥唔同, 哥哥比較被動. 如果揀哥哥間小學一定在自行分配已入同一間小學, 但好想比囡囡試下第二間,又怕失手去唔返哥哥間學校. 好煩, 好想囡囡可以好d. 如果你係我得0分會唔會博下, 在第自行分配揀心儀學校, 係熱門學校, 再在統一時揀兩間心儀學校排1 &2, 第三才揀哥哥間學校. 可否d意見我, 過來人既家長可否d意見我,我怕我做錯決定,害左囡囡.

作者: SALLY媽媽 時間: 08-9-17 12:37

LingLongMami

自行是計分，所以在第一輪可以說是倍跑。
在統一時再揀兩間心儀學校，都可博下，
就算博唔到，如果妹妹比較主動，成績又ok，可以再博第三輪，因你第一&第二輪都揀佢，會有d誠意分。
當然啦，要博就有機會得到一些意想不到的結果……唔知派咗去邊。

當年，我同你有過同一樣的問題，不過最終我都無博其他學校，因為我覺得”普通”的學校都可以有出色的學生，最重要是小朋友能否愉快學習&適應。

原帖由 LingLongMami 於 08-9-15 00:53 發表
囡囡出年升小一, 哥哥間學校普通,妹妹為人比較好動,讀書比較主動, 同哥哥唔同, 哥哥比較被動. 如果揀哥哥間小學一定在自行分配已入同一間小學, 但好想比囡囡試下第二間,又怕失手去唔返哥哥間學校. 好煩, 好想囡囡可 ...

作者: rohoy2k 時間: 08-9-17 18:48

公平d 研究下若果阿妹係阿哥學校係咪適合先? 阿哥讀得好唔好唔一定關學校事,有時換咗個老師都可以差好遠.....

如果是學校整體係較差, 有時都無得可惜,少d分都要試吓. 但如果其實都係差唔多就真係要諗諗, 因為大人細路都要適應, 仲要顧及阿哥嘅感受.....

歡迎光臨教育王國 (/)